News @ M-Media

Tag: yemen

  • ယီမင်စစ်ပွဲ ဆော်ဒီကို ပံ့ပိုးပေးမှု အမေရိကန် ရပ်ဆိုင်းမည်

    ယီမင်စစ်ပွဲ ဆော်ဒီကို ပံ့ပိုးပေးမှု အမေရိကန် ရပ်ဆိုင်းမည်

    ဖေဖော်ဝါရီ ၅၊ ၂၀၂၁
    M-Media

    -ယီမင်ပြည်တွင်းစစ်မှာ ပါဝင်နေတဲ့ ဆော်ဒီဦးဆောင်တဲ့အဖွဲ့ကို ထောက်ပံ့မှု ရပ်ဆိုင်းတော့မယ်လို့ အမေရိကန်သမ္မတ ဂျိုးဘိုင်ဒန်က ကြေငြာလိုက်ပြီး စစ်ပွဲအဆုံးသတ်ရေး ပိုပြီးထဲထဲဝင်ဝင် ပါဝင်သွားမယ်လို့ ဆိုပါတယ်။

    အီရန်ကျောထောက်နောက်ခံပြု ဟူသီအဖွဲ့က ယီမင်အစိုးရကို ဖြုတ်ချခဲ့တဲ့ ၂၀၁၄ ခုနှစ်မှာ ပြည်တွင်းစစ်စတင်ခဲ့တာဖြစ်ပြီး ၂၀၁၅ ခုနှစ်ရောက်တဲ့အခါ ဆော်ဒီဦးဆောင်တဲ့ မဟာမိတ်အဖွဲ့က ဖြုတ်ချခံရတဲ့ အစိုးရဘက်ကနေ ဝင်တိုက်ပေးခဲ့ပါတယ်။ စစ်ပွဲကြောင့် လူသောင်းချီသေဆုံးခဲ့ရသလို၊ စားနပ်ရိက္ခာပြဿနာ၊ ကျန်းမာရေးပြဿနာတွေလည်း ယီမင်မှာ အကြီးအကျယ် ဖြစ်ပွားခဲ့ပါတယ်။

    ဘိုင်ဒန်က လက်နက်ရောင်းချမှုအပါအ၀င် ယီမင်စစ်ပွဲမှာ ပံ့ပိုးပေးနေမှု ပုံစံအားလုံးကို ရပ်ဆိုင်းသွားမယ်လို့ မနေ့က နိုင်ငံခြားရေးဆိုင်ရာ အခြေပြမိန့်ခွန်းမှာ ပြောကြားခဲ့ပါတယ်။ ဆော်ဒီရဲ့ အချုပ်အခြာအာဏာကို ကာကွယ်ပေးသွားမယ်လို့လည်း သူက ဆိုပါတယ်။

    “တစ်ချိန်တည်းမှာပဲ နိုင်ငံပေါင်းစုံမှာ အီရန်ကျောထောက်နောက်ခံပြုထားတဲ့ အဖွဲ့တွေရဲ့ ဒုံးကျည်နဲ့တိုက်ခိုက်မှုတွေ၊ ဒရုန်းနဲ့တိုက်ခိုက်မှုတွေကို ဆော်ဒီက ခံနေရတယ်။ ဆော်ဒီရဲ့အချုပ်အခြာအာဏာ၊ ပိုင်နက်နယ်မြေနဲ့ ပြည်သူတွေကို ကျွန်တော်တို့က ဆက်လက် ကာကွယ်ပေးသွားမှာဖြစ်ပါတယ်”

    ဆော်ဒီအာရေဗျ နိုင်ငံခြားရေးဝန်ကြီး ဖိုက်ဆဲလ် ဘင် ဖာရ်ဟန် အလ်-ဆာအွဒ်က ဒေသတွင်းပြဿနာတွေဖြေရှင်းရေး ပူးပေါင်းဆောင်ရွက်မယ်ဆိုတဲ့ ဘိုင်ဒန်ရဲ့ပြောကြားချက်ကို ကြိုဆိုခဲ့ပြီး ယီမင်စစ်ပွဲမှာ ဆော်ဒီကို မကူညီတော့ဘူးဆိုတဲ့ကိစ္စအတွက် ဘာမှတ်ချက်မှ မပေးခဲ့ပါဘူး။

    ယီမင်မှာ ဆော်ဒီဦးဆောင်တဲ့အဖွဲ့ရဲ့ တိုက်ခိုက်မှုတွေကို အမေရိကန်က ကူညီမပေးတော့ပေမယ့် ယီမင်မှာအခြေစိုက်တဲ့ အာရေဗျကျွန်းဆွယ်ဆိုင်ရာ အလ်-ကိုင်းဒါးအဖွဲ့ကို တိုက်ဖျက်ရာမှာ ဒေသတွင်းနိုင်ငံတွေနဲ့ ပူးပေါင်းဆောင်ရွက်သွားမယ်လို့ ဘိုင်ဒန်ရဲ့ နိုင်ငံတော်လုံခြုံရေးအကြံပေး ဂျိတ်ဆူလီဗန်က ပြောကြားခဲ့ပါတယ်။

    Ref: Aljazeera

  • ဆော်ဒီနှင့် ယူအေအီးတို့က ယီမင်စစ်ပွဲတွင် တစ်ဖတ်သက် အပစ်ရပ်

    ဆော်ဒီနှင့် ယူအေအီးတို့က ယီမင်စစ်ပွဲတွင် တစ်ဖတ်သက် အပစ်ရပ်

    ဧပြီ ၉၊ ၂၀၂၀
    M-Media

    -​ ယီမင်​ပြည်တွင်းစစ်မှာ ပါဝင်တိုက်ခိုက်နေမှုကို ၂ ပတ်တာ ရပ်ဆိုင်းလိုက်တယ်လို့ ဆော်ဒီ-ယူအေအီး မဟာမိတ်အဖွဲ့က မနေ့မှာ ကြေငြာလိုက်ပါတယ်။

    ကိုရိုနာဗိုင်းရပ်စ် ကပ်ရောဂါ ပြန့်နှံ့နေတဲ့အချိန် တိုက်ခိုက်မှုတွေ ရပ်တန့်ကြဖို့ ကုလသမဂ္ဂက တိုက်တွန်း ဆော်ဩပြီး ရက်ပိုင်းအကြာမှာ ဆော်ဒီနဲ့ ယူအေအီးတို့ရဲ့ ဒီလို တစ်ဖက်သတ် အပစ်ရပ်ကြေငြာချက် ထွက်ပေါ်လာခဲ့တာပါ။ ဟူသီ သူပုန်တွေကတော့ ဒီကိစ္စနဲ့ပတ်သက်ပြီး ထုတ်ပြန်တာ မရှိသေးပါဘူး။

    အပစ်ရပ်မှုဟာ ယီမင်စံတော်ချိန် ကြာသာပတေးနေ့ နေ့လည် ၁၂ နာရီက စတင် သက်ရောက်မှာဖြစ်ပြီး ကိုရိုနာဗိုင်းရပ်စ် ပြန့်နှံ့မှုကို တားဆီးဖို့ဖြစ်တယ်လို့ မဟာမိတ်အဖွဲ့ ပြောရေးဆိုခွင့်ရှိသူ ဗိုလ်မှူးကြီး တာရ်ကီ အလ်-မာလ်ကီရဲ့ ပြောကြားမှုကို ကိုးကားပြီး ဆော်ဒီသတင်းဌာန SPA က ဖော်ပြခဲ့ပါတယ်။

    အစိုးရကို ဟူသီ သူပုန်တွေက ဖြုတ်ချခဲ့တဲ့ ၂၀၁၄ ခုနှစ် နှစ်ကုန်ပိုင်းလောက်ကစလို့ ယီမင်မှာ ပြည်တွင်းစစ် စဖြစ်လာတာဖြစ်ပြီး ၂၀၁၅ ခုနှစ်မှာတော့ ဆော်ဒီဦးဆောင်တဲ့ အာရပ်မဟာမိတ်အဖွဲ့က ယီမင်အစိုးရဖက်ကနေ ဝင်တိုက်ပေးခဲ့ပါတယ်။

    စစ်ပွဲကြောင့် လူ ၁ သိန်းကျော် သေဆုံးခဲ့ပြီး သန်းနဲ့ချီ အိုးအိမ်စွန့်ခွာ ထွက်ပြေးခဲ့ရကာ လူသားချင်း စာနာထောက်ထားမှုဆိုင်ရာ ကြီးမားတဲ့ အကြပ်အတည်းတွေလည်း ဖြစ်ပေါ်လာခဲ့ပါတယ်။

    Ref: Aljazeera

  • စစ်ပွဲကြောင့် ကလေးများထိခိုက်မှု ၁၀ နှစ်အတွင်း ၃ ဆမြင့်တက်

    စစ်ပွဲကြောင့် ကလေးများထိခိုက်မှု ၁၀ နှစ်အတွင်း ၃ ဆမြင့်တက်

    ဒီဇင်ဘာ ၃၀၊ ၂၀၁၉
    M-Media

    ဆီးရီးယားမှ စစ်ဘေးသင့် ကလေးငယ်များ

    -ပဋိပက္ခတွေဖြစ်ပွားရာဒေသတွေမှာ ပြီးခဲ့တဲ့ ၁၀ နှစ်အတွင်း ကလေးငယ်တွေအပေါ် ပစ်မှတ်ထားတိုက်ခိုက်မှုဟာ ၃ ဆအထိ မြင့်တက်လာတယ်လို့ ကုလသမဂ္ဂက ထုတ်ပြန်တဲ့ အစီရင်ခံစာသစ်မှာ ဖော်ပြထားပါတယ်။

    စစ်ပွဲအတွင်း ကလေးငယ်တွေအပေါ် အခွင့်အရေး ချိုးဖောက်မှုတွေထဲမှာ သတ်ဖြတ်တာ၊ ကိုယ်လက်အင်္ဂါ ထိခိုက်စေတာ လိင်ပိုင်းဆိုင်ရာ အကြမ်းဖက်တာ၊ ပြန်ပေးဆွဲတာ၊ လူသားချင်း စာနာထောက်ထားမှုဆိုင်ရာ အကူအညီတွေကို ငြင်းပယ်တာ၊ တိုက်ပွဲတွေမှာ ပါဝင်ဖို့ လူသစ်စုဆောင်းတာ၊ စာသင်ကျောင်းတွေ၊ ဆေးရုံတွေကို တိုက်ခိုက်တာတွေ ပါဝင်ပါတယ်။

    ၂၀၁၀ ခုနှစ်နောက်ပိုင်း ကမ္ဘာတစ်ဝှမ်း ကလေးငယ်တွေအပေါ် ချိုးဖောက်မှုအရေအတွက်ဟာ ၁၇၀၀၀၀ ကျော် ရှိလာပြီး တစ်နေ့ကို ချိုးဖောက်မှုပေါင်း ၄၅ ခုကျော် ဖြစ်ပွားနေတာဖြစ်ပါတယ်။

    UNICEF အမှုဆောင်ဒါရိုက်တာ ဟင်နရီယက်တာ ဖိုရီက ကမ္ဘာတစ်ဝှမ်း ပဋိပက္ခတွေဟာ ပိုမိုရှည်ကြာကာ၊ သွေးထွက်သံယိုမှုတွေ ပိုများလာပြီး၊ ကလေးငယ်တွေလည်း ပိုမိုသေကြေလာကြတယ်လို့ ပြောကြားခဲ့ပါတယ်။

    “စစ်ပွဲမှာ ပါဝင်နေကြတဲ့သူတွေဟာ ‘ကလေးငယ်တွေကို ကာကွယ်ပေးရေး’ ဆိုတဲ့ စစ်ပွဲရဲ့ အခြေခံအကျဆုံး စည်းမျဉ်းကို မလိုက်နာကြတာကြောင့် ကလေးငယ်တွေအပေါ် တိုက်ခိုက်မှုတွေဟာ မြင့်တက်လာပါတယ်”

    ကလေးငယ်တွေအပေါ် အကြမ်းဖက်မှု တော်တော်များများကို သတင်းမရဘူးလို့လည်း UNICEF က ဆိုပါတယ်။

    ၂၀၁၈ ခုနှစ်အတွင်း ပဋိပက္ခဖြစ်ရာ ဒေသတွေမှာ ကလေးငယ်တွေ တိုက်ခိုက်ခံရမှု အရေအတွက်ဟာ ၂၄၀၀၀ ကျော် ရှိခဲ့ပြီး ၂၀၁၀ ခုနှစ်ကထက် ၃ ဆ မြင့်တက်လာတာ ဖြစ်ပါတယ်။ တိုက်ခိုက်မှု ထက်ဝက်လောက်မှာ သေဆုံးတာ၊ ကိုယ်လက်အင်္ဂါချို့တဲ့တာတွေ ဖြစ်ပွားခဲ့ပါတယ်။

    စစ်ပွဲကြောင့် ထိခိုက်ပျက်ဆီးမှုဖြစ်ပွားတဲ့ နိုင်ငံအရေအတွက်ဟာ နှစ်ပေါင်း ၃၀ အတွင်း အမြင့်ဆုံးကို ရောက်လာတယ်လို့လည်း UNICEF ရဲ့ ထုတ်ပြန်ချက်မှာ ဖော်ပြထားပါတယ်။ ၂၀၁၉ ခုနှစ်အတွင်း ဆီးရီးယား၊ ယီမင်နဲ့ အာဖဂန်နစ္စတန်တို့က ကလေးငယ်တွေဟာ အလွန်အမင်း အန္တရာယ်ရှိတဲ့ အနေအထားကို ကြုံတွေ့ခဲ့ရပါတယ်။

    UNICEF ကတော့ စစ်ပွဲတွေမှာ ပါဝင်တဲ့သူတွေ အနေနဲ့ ကလေးငယ်တွေအပေါ် ကျူးလွန်မှုတွေကို ရပ်တန့်ဖို့၊ အရပ်သားတွေရဲ့ အဆောက်အဦးတွေကို ရှောင်ကျဉ်တိုက်ခိုက်ကြဖို့ တိုက်တွန်းခဲ့ပါတယ်။

    Ref: Aljazeera

  • ယီမင်အစိုးရနှင့် တောင်ပိုင်းခွဲထွက်ရေးသမားများအကြား ငြိမ်းချမ်းရေးသဘောတူညီချက်ရ

    ယီမင်အစိုးရနှင့် တောင်ပိုင်းခွဲထွက်ရေးသမားများအကြား ငြိမ်းချမ်းရေးသဘောတူညီချက်ရ

    နိုဝင်ဘာ ၆၊ ၂၀၁၉
    M-Media

    -ယီမင်က နိုင်ငံတကာအသိအမှတ်ပြုအစိုးရနဲ့ တောင်ပိုင်း ခွဲထွကရေးသူပုန်တွေအကြား ငြိမ်းချမ်းရေးနဲ့ အာဏာခွဲဝေရေးသဘောတူညီချက်တစ်ခု ရရှိခဲ့တယ်လို့ ဆော်ဒီက မနေ့မှာ ကြေငြာလိုက်ပါတယ်။

    ‘ရီယာ့ဒ်သဘောတူညီချက်’ လို့ အမည်ပေးထားတဲ့ အဲဒီငြိမ်းချမ်းရေး လက်မှတ်ထိုးမှုဟာ ၄ နှစ်တာ ကြာမြင့်နေပြီဖြစ်တဲ့ ယီမင်စစ်ပွဲကို အဆုံးသတ်ရေး နိုင်ငံရေးသဘောတူညီချက်ရဖို့ အရေးပါတဲ့ ခြေလှမ်းတစ်ခုဖြစ်တယ်လို့ ဆော်ဒီအိမ်ရှေ့မင်းသား မိုဟာမက် ဘင် ဆလ်မန်က ပြောကြားခဲ့ပါတယ်။

    “ဒီသဘောတူညီချက်ဟာ ယီမင်နိုင်ငံမှာ တည်ငြိမ်အေးချမ်းရေး ခေတ်သစ်တစ်ခုကို စတင်လိုက်တာဖြစ်ပါတယ်။ ဆော်ဒီဘုရင့်နိုင်ငံဟာ ခင်ဗျားတို့နဲ့အတူ ရပ်တည်နေပါတယ်။ နှစ်ဖက်စလုံး မျက်နှာစုံညီရှိကြတဲ့ ဆော်ဒီကဒီနေ့ဟာ ပျော်ရွှင်ဖွယ်ရာနေ့တစ်နေ့ဖြစ်ပါတယ်”

    သဘောတူညီချက်အရ ယီမင်အစိုးရမှာ ပြုပြင်ပြောင်းလဲမှု ပြုလုပ်မှာဖြစ်ပြီး ခွဲထွက်ရေးအဖွဲ့ဘက်က ကိုယ်စားလှယ်တွေကိုလည်း သာတူညီမျှ ထည့်သွင်းမှာဖြစ်ပါတယ်။ စစ်တပ်ကိုတော့ အစိုးရရဲ့ ထိန်းချုပ်မှုအောက်မှာ ထားရှိကာ လုံခြုံရေးတပ်ဖွဲ့ဝင်တွေအားလုံးဟာ ကာကွယ်ရေး၊ ပြည်ထဲရေး ဝန်ကြီးဌာနတွေနဲ့ ပူးပေါင်းဆောင်ရွက်ရမှာ ဖြစ်ပါတယ်။

    နိုင်ငံတကာက အသိအမှတ်ပြုထားတဲ့ ဟာဒီအစိုးရနဲ့ တောင်ပိုင်းခွဲထွက်ရေးသမားတွေ အခုလို သဘောတူညီချက် ရရှိခဲ့တာကြောင့် နှစ်ဖက်တိုက်ခိုက်မှုကို လျော့ကျစေမှာဖြစ်သလို ဟူသီသူပုန်တွေနဲ့ အစိုးရအကြား အနာဂတ်ဆွေးနွေးမှုတွေကို ပိုမိုအားကောင်းစေမှာ ဖြစ်ပါတယ်။

    Ref: Aljazeera

  • ေဆာ္ဒီ တပ္မဟာ ၃ ခုကို တိုက္ခိုက္ကာ စစ္သားေထာင္ခ်ီ ဖမ္းဆီးထားဟု ဟူသီသူပုန္အဖြဲ႕ ထုတ္ျပန္

    ေဆာ္ဒီ တပ္မဟာ ၃ ခုကို တိုက္ခိုက္ကာ စစ္သားေထာင္ခ်ီ ဖမ္းဆီးထားဟု ဟူသီသူပုန္အဖြဲ႕ ထုတ္ျပန္

    စက္တင္ဘာ ၂၉၊ ၂၀၁၉
    M-Media

    ေဆာ္ဒီစစ္သားမ်ားကို ဖမ္းဆီးႏိုင္ခဲ့ေၾကာင္း ဟူသီသူပုန္အဖြဲ႕မွ ထုတ္ျပန္ေနစဥ္

    -ေဆာ္ဒီအာေရဗ်ႏိုင္ငံ အေနာက္ေတာင္ပိုင္းနဲ႔ ထိစပ္ေနတဲ့ နယ္စပ္အနီး တိုက္ခိုက္မႈေတြျပဳလုပ္ခဲ့ရာမွာ အရာရွိေတြအပါအ၀င္ ေဆာ္ဒီစစ္သား ေထာင္နဲ႔ခ်ီ ဖမ္းဆီးရမိခဲ့တယ္လို႔ ယီမင္သူပုန္အဖြဲ႕က ထုတ္ျပန္ခဲ့ၿပီး ေဆာ္ဒီကေတာ့ ဒီသတင္းကို အတည္ျပဳျခင္း မရွိေသးပါဘူး။

    မေန႔ကထုတ္ျပန္တဲ့ ေၾကျငာခ်က္မွာ ဟူသီအဖြဲ႕ရဲ႕ ေျပာေရးဆိုခြင့္ရွိသူတစ္ဦးက လြန္ခဲ့တဲ့ ၃ ရက္အတြင္း ေဆာ္ဒီအာေရဗ်ရဲ႕ နဂ်္ရန္ျပည္နယ္တစ္ဝိုက္ ရန္သူေတြရဲ႕ တပ္မဟာ ၃ ခုကို တိုက္ခိုက္ခဲ့ၿပီး အဲဒီတိုက္ခိုက္မႈအတြင္း ဒ႐ုန္းေလယာဥ္ေတြ၊ ဒံုးက်ည္ေတြနဲ႔ ေလေၾကာင္းရန္ ကာကြယ္ေရးစနစ္ေတြကို အသံုးျပဳခဲ့တယ္လို႔ ေျပာၾကားခဲ့ပါတယ္။

    ဟူသီေတြထုတ္လႊင့္တဲ့ Almasirah TV ႐ုပ္သံကလည္း ေဆာ္ဒီစစ္တပ္က အရာရွိ၊ စစ္သား ေထာင္ခ်ီနဲ႔ စစ္သံုးယာဥ္ေတြ သိမ္းဆည္းရမိခဲ့တယ္လို႔ ေဖာ္ျပခဲ့ပါတယ္။

    ယီမင္ႏိုင္ငံရဲ႕ ေျမာက္ပိုင္းကို ထိန္းခ်ဳပ္ထားတဲ့ ဟူသီေတြဟာ ၿပီးခဲ့တဲ့လေတြအတြင္း ေဆာ္ဒီအာေရဗ်အေပၚ တိုက္ခိုက္မႈေတြ တိုးျမႇင့္ျပဳလုပ္လာခဲ့ပါတယ္။ အဲဒီအထဲမွာ ေဆာ္ဒီအတြက္ အထိအနာဆံုး တိုက္ခိုက္မႈကေတာ့ စက္တင္ဘာ ၁၄ ရက္ေန႔က ႏိုင္ငံပိုင္ ေရနံလုပ္ငန္း Aramco ရဲ႕ ေရနံထုတ္လုပ္ရာေနရာေတြကို ဒ႐ုန္းနဲ႔ တိုက္ခိုက္မႈျဖစ္ပါတယ္။ ဒီတိုက္ခိုက္မႈေၾကာင့္ ကမ႓ၻာ့ေရနံထုတ္လုပ္မႈရဲ႕ ၅ ရာခိုင္ႏႈန္းေလာက္ ေလ်ာ့က်သြားခဲ့ပါတယ္။

    ယီမင္အစိုးရကို ဟူသီသူပုန္ေတြက ျဖဳတ္ခ်ခဲ့တဲ့ ၂၀၁၄ ခုႏွစ္ကစလို႔ ယီမင္မွာ ျပည္တြင္းစစ္ စတင္ခဲ့တာပါ။ အေနာက္ႏိုင္ငံေတြ ေက်ာေထာက္ေနာက္ခံ ျပဳထားၿပီး ေဆာ္ဒီဦးေဆာင္တဲ့ မဟာမိတ္အဖြဲ႕က ၂၀၁၅ ခုႏွစ္ မတ္လကေန စတင္ကာ ယီမင္အစိုးရဖက္ကေနု ဟူသီေတြကို တိုက္ခိုက္ခဲ့ပါတယ္။

    ေဆာ္ဒီဦးေဆာင္တဲ့အဖြဲ႕က ယီမင္မွာ တိုက္ခိုက္မႈေတြကို ရပ္ရင္ သူတို႔ကလည္း ဒံုးက်ည္ေတြ၊ ဒ႐ုန္းေတြနဲ႔ ေဆာ္ဒီကို တိုက္ခိုက္မႈကို ရပ္ဆိုင္းမယ္လို႔ ဟူသီသူပုန္ေတြက စက္တင္ဘာ ၂၀ ရက္ေန႔မွာ ေၾကျငာခဲ့ပါတယ္။

    ေဆာ္ဒီစစ္သားေထာင္ခ်ီ ဖမ္းဆီးထားတယ္ဆိုတဲ့ ဟူသီေတြရဲ႕ ထုတ္ျပန္မႈအတြက္ ေဆာ္ဒီက ျပန္လည္တုန္႔ျပန္ေျပာၾကားတာမ်ိဳး မရွိေသးပါဘူး။

    Ref: Aljazeera