News @ M-Media

Tag: yemen

  • ယီမင်ပြည်သူထက်ဝက်ခန့် အငတ်ဘေးဆိုက်မည့်အန္တရာယ် ရှိနေ

    ယီမင်ပြည်သူထက်ဝက်ခန့် အငတ်ဘေးဆိုက်မည့်အန္တရာယ် ရှိနေ

    ဒီဇင်ဘာ ၅၊ ၂၀၁၅
    M-Media

    yemen

    – ပဋိပက္ခများ ဖြစ်ပွားနေသည့် ယီမင်နိုင်ငံအတွင်း စားနပ်ရိက္ခာထောက်ပံ့မှုမှာ အလျင်အမြန် ဆိုးရွားလာနေပြီး အငတ်ဘေးဆိုက်မည့် အန္တရာယ်မျိုး ရှိနေသည်ဟု ကုလသမဂ္ဂ စားနိပ်ရိက္ခာအစီအစဉ် WFP က သတိပေးလိုက်သည်။

    နိုင်ငံ၏ ဒေသ ၂၂ ခုတွင် ၁၀ ခုမှာ စားနပ်ရိက္ခာ မလုံလောက်မှုနှင့် ရင်ဆိုင်နေရသော “အရေးပေါ်” ဒေသများအဖြစ် သတ်မှတ်ခံထားရပြီး၊ အငတ်ဘေးဆိုက်ရောက်ရန် တစ်ဆင့်သာလိုသည့် အခြေအနေမျိုးဖြစ်သည်ဟု ယမန်နေ့တွင် ပြောကြားခဲ့သည်။

    “ရှင်းရှင်းပြောရရင် ယီမင်နိုင်ငံဟာ လုံခြုံရေးအရ စိုးရိမ်ရမှုတွေ ကြီးကြီးမားမားရှိနေပြီး နိုင်ငံတစ်ဝှမ်း တိုက်ခိုက်မှုတွေ အကြမ်းဖက်မှုတွေမြင့်တက်နေတဲ့အတွက် ကမ္ဘာပေါ်မှာ အလုပ်လုပ်ရအခက်ဆုံး တိုင်းပြည်တစ်ခု ဖြစ်နေပါတယ်” ဟု WFP ၏ နိုင်ငံလုံးဆိုင်ရာ လက်ထောက်ဒါရိုက်တာဖြစ်သူ မက်သယူး ဟိုလင်ဝေ့ါသ်က ပြောကြားခဲ့သည်။

    “ကျွန်တော်တို့ ကောင်းကောင်းဆောင်ရွက်နေပါတယ်။ အစားအသောက် ဖြန့်ဝေမှုမှာလည်း တိုးတက်အောင် ဆောင်ရွက်နေပါတယ်။ လတိုင်း လူတွေဆီ ပိုမိုရောက်ရှိဖို့ပါ။ ဒါပေမယ့် တိုင်းပြည်က လူတစ်ဝက်လောက်က အငတ်ဘေးနဲ့ ရင်ဖိုင်ဆို့ ခြေတစ်လှမ်းလောက်ပဲ လိုတော့တယ်ဆိုတာ ရှင်းရှင်းလင်းလင်း မြင်နေရပါတယ်။ နိုင်ငံတကာ အသိုင်းအ၀ိုင်းအနေနဲ့ ကျွန်တော်တို့နောက်မှာရပ်တည်ပြီး ကူညီထောက်ပံ့ပေးဖို့ လိုအပ်နေပါတယ်။ အထူးသဖြင့် နောက်ထပ် လအနည်းငယ်အတွင်းမှာပါ”

    နိုဝင်ဘာလက ထုတ်ပြန်ခဲ့သည့် ကုလ၏ ၂၀၁၆ လူသားချင်း စာနာထောက်ထားမှုဆိုင်ရာ လိုအပ်မှု သုံးသပ်ချက်တွင် ယီမင်နိုင်ငံ၏ ၂၃ သန်းသော လူဦးရေမှ ၁၄.၄ သန်းမှာ အစားအစာ မလုံလောက်မှုနှင့် ကြုံတွေ့နေရပြီး ကျန်းမာသောဘ၀အတွက် လုံလောက်သော အစားအစာကို ရရှိရန် ရုန်းကန်နေရသည်ဟု ဖော်ပြထားသည်။

    ထိုအထဲမှ ၇.၆ သန်း၏ အစားသောက်လိုအပ်ချက်မှာ အလွန်အမင်း ဆိုးရွားနေသည်ဟု ဆိုသည်။

    “(ယီမင်ဟာ) နောက်ထပ် ဘယ်လိုတုန်လှုပ်စရာမျိုးမှ ဖြစ်လို့မရတဲ့ တိုင်းပြည်ပါ။ တော်တော်လေး အခြေအနေဆိုးရွားနေပါတယ်” ဟု WFP ၏ အရှေ့အလယ်ပိုင်းဆိုင်ရာ ပြောရေးဆိုခွင့်ရှိသူ အဘီရန် အီတီဖာက ပြောကြားခဲ့သည်။

    Ref: Aljazeera

  • ယီမင်နိုင်ငံသားတစ်ဦးကို လူမှားဖမ်းဆီး၍ အမေရိကန်က ဂွာတာနာမိုတွင် ၁၃ နှစ်ကျော် ထိန်းသိမ်းခဲ့

    ယီမင်နိုင်ငံသားတစ်ဦးကို လူမှားဖမ်းဆီး၍ အမေရိကန်က ဂွာတာနာမိုတွင် ၁၃ နှစ်ကျော် ထိန်းသိမ်းခဲ့

    ဒီဇင်ဘာ ၃၊ ၂၀၁၅
    M-Media

    guatanamo

    – အကြမ်းဖက်မှုအတွက် အထူးအလိုရှိနေသော သံသယရှိသူတစ်ဦး၏ အမည်နှင့် ဆင်တူနေသောကြောင့် လူတစ်ဦးအား ဖမ်းဆီးကာ ဂွာတာနာမိုပင်လယ်ကွေ့အကျဉ်းစခန်းတွင် ၃ နှစ်ကြာအောင် ထိန်းသိမ်းမိခဲ့ကြောင်း အမေရိကန်တာဝန်ရှိသူများက ပြောကြားခဲ့သည်။

    မှားယွင်းထောင်ချခံရသူမှာ ယီမင်နိုင်ငံသား မွတ်စ်တာဖာ အလ်-အဇီဇ် အလ်-ရှာမီရီဖြစ်ပြီး ယခုအခါတွင် လူအဖွဲ့အစည်းအတွင်းတွင် ပြန်လည်နေထိုင်ရန် အဆင့်သင့်ဖြစ်နေပြီဖြစ်သည်။ အလ်ရှာမီရီကို လွှတ်ပေးရန်အတွက် တရားရုံးကြားနာမှုတစ်ခုတွင် ယခုကဲ့သို့ အမှန်တရားပေါ်ထွက်လာခဲ့ခြင်းဖြစ်ကြောင်း ဂါးဒီးယန်း သတင်းစာက ဖော်ပြထားသည်။

    အသက် ၃၇ နှစ်အရွယ် အလ်ရှာမီရီသည် အလ်ကိုင်ဒါအဖွဲ့၏ ထိပ်တန်း ဆက်သားတစ်ဦး၊ သင်တန်းပေးသူတစ်ဦးအဖြစ် ယခင်က စွပ်စွဲထားခံရခြင်းဖြစ်သည်။ အမှန်တကယ်မှာ ၎င်းသည် စွပ်စွဲထားသလိုမဟုတ်ဘဲ ရာထူးနိမ့် ခြေလျင်တပ်သားတစ်ဦးသာဖြစ်သည်ဟု ကာကွယ်ရေးဝန်ကြီးဌာနက ဆိုသည်။

    ၎င်း၏ မှတ်တမ်းတွင် အလ်ရှာမီရီကို ၁၉၉၅တွင် ဘော့စနီးယားတိုက်ခိုက်မှုနှင့် ၁၉၉၆ ယီမင်ပြည်တွင်းစစ်တွင် ပါဝင်သည်ဟု လည်းကောင်း၊ ၂၀၀၀-၂၀၀၁ တွင် အာဖဂန်ရှိ တာလီဘန်တို့နှင့် ပတ်သက်သည်ဟုလည်းကောင်း စွပ်စွဲထားချက်များစွာ ပါရှိသည်။

    ၎င်းကို အာဖဂန်မြောက်ပိုင်း မဇာရေရှရီးဖ်တွင် ဖမ်းမိပြီးနောက်ပိုင်း ဂွာတာနာမိုအကျဉ်းစခန်းတွင် ထိန်းသိမ်းခဲ့ခြင်းဖြစ်သည်။ အလ်-ရှာရီမီအား နှစ်ကြာရှည်စွာ ထိန်းသိမ်းခဲ့ခြင်းအတွက် အကြောင်းပြချက်မှာ လွှတ်ပေးရန်အတွက် အလွန်အန္တရာယ်ရှိသောကြောင့် ဖြစ်သည် ဟု ဆိုသည်။

    သို့သော် ဤအကြောင်းပြချက်မှာ အမှုအတွက် လုံလောက်သော သက်သေအထောက်အထားမဟုတ်ပေ။

    Ref: RT

  • ယီမင်ရှိ MSF ဆေးရုံ ဆော်ဒီ၏ ဗုံးကြဲမှုအတွင်း ထိခိုက်ခဲ့

    ယီမင်ရှိ MSF ဆေးရုံ ဆော်ဒီ၏ ဗုံးကြဲမှုအတွင်း ထိခိုက်ခဲ့

    အောက်တိုဘာ ၂၇၊ ၂၀၁၅
    M-Media

    yemen

    – နယ်စည်းမခြား ဆရာဝန်များအဖွဲ့ MSF မှ ကုသမှုများ ပေးနေသော ယီမင်နိုင်ငံ မြောက်ပိုင်း ဆာအာဒါပြည်နယ်ရှိ ဆေးရုံတစ်ရုံမှာ ဆော်ဒီဦးဆောင်သည့် မဟာမိတ်များ၏ ဗုံးကြဲမှုအတွင်း ထိခိုက်ခဲ့သည်ဟု သိရသည်။

    ယမန်နေ့က ဖြစ်ပွားခဲ့သော ထိုအဖြစ်အပျက်အတွင်း တစ်ဦးဒဏ်ရာရရှိခဲ့ပြီး အခြေအနေမှာ စိုးရိမ်ရခြင်းမရှိဟု MSF ၏ ပြောရေးဆိုခွင့်ရှိသူ ဟာဆန် ဘူစီနိုင်းက ယနေ့တွင် ပြောကြားခဲ့သည်။ ထို့ပြင် ဆအာဒါရှိ မိမိတို့ဆေးရုံမှာ လွန်ခဲ့သည့် နှစ်ပတ်ကတည်းက ဆော်ဒီဦးဆောင်သည့် မဟာမိတ်တပ်များနှင့် ပူးပေါင်းဆောင်ရွက်ခဲ့ပြီး ယခုအဖြစ်အပျက်မှာ တမင်တကာ တိုက်ခိုက်မှုကြောင့် ဖြစ်ပွားခဲ့ခြင်း ဖြစ်နိုင်သည်ဟု ပြောကြားခဲ့သည်။

    ယခုလအစောပိုင်းကလည်း အာဖဂန်ရှိ ကန်ဒက်ဇ်မြို့မှ MSF ၏ ဆေးရုံတစ်ရုံကို အမေရိကန် မှားယွင်းဗုံးကြဲမိခဲ့ပြီး အနည်းဆုံး လူ ၃၀ သေဆုံးခဲ့သည်။ ဆော်ဒီဦးဆောင်သည့် မဟာမိတ်များမှာ ယီမင်ရှိ ဟူသီသူပုန်များကို ပစ်မှတ်ထားကာ လေကြောင်းတိုက်ခိုက်မှုများကို မတ်လနှောင်းပိုင်းကတည်းက ပြုလုပ်နေခြင်းဖြစ်သည်။

    Ref: Aljazeera

  • အဟာရချို့တဲ့မှုကြောင့် ယီမင်ကလေးငယ် သန်းဝက်ကျော် အသက်အန္တရာယ်ရှိနေ

    အဟာရချို့တဲ့မှုကြောင့် ယီမင်ကလေးငယ် သန်းဝက်ကျော် အသက်အန္တရာယ်ရှိနေ

    အောက်တိုဘာ ၁၈၊ ၂၀၁၅
    M-Media

    yemen

    – အစာရေစာ မလောက်ငှမှုကြောင့် ယီမင်ရှိ ကလေးငယ်သန်းဝက်ကျော်မှာ အသက်န္တရာယ်ရှိသည့် အဟာရချို့တဲ့မှုနှင့် ရင်ဆိုင်နေရသည်ဟု ယူနီဆက်ဖ်က ပြောကြားလိုက်သည်။

    မတ်လက တိုက်ခိုက်မှုများ စတင်ကတည်းက ထိုအရေအတွက်မှာ ၃ ဆ မြင့်တက်လာခြင်းဖြစ်ပြီး စားသောက်ကုန် ပြတ်လတ်မှုနှင့် ကျန်းမာရေးစနစ် ယိုယွင်းမှုတို့ကြောင့် ကလေးငယ်များအား အစားအသောက် ကျွေးမွေးရန်နှင့် ကာကွယ်ဆေးထိုးရန် ဆောင်ရွက်နိုင်ခြင်းမရှိဟု ယူနီဆက်ဖ် အရေးပေါ်ဒါရိုက်တာ အက်ရှန်ခန်းက ပြောကြားခဲ့သည်။

    လက်ရှိအချိန်တွင် ရိက္ခာပြတ်လတ်မှု မည်မျှရှိနေသည်ကို အထောက်အထားများ မပြည့်စုံသောကြောင့် မကြေငြာနိုင်သေးပဲ စစ်တမ်းကောက်ယူမှုများ ပြုလုပ်နေပြီး ယခုလအကုန်တွင် သိရှိနိုင်မည်ဟု ၎င်းက ထည့်သွင်းပြောကြားခဲ့သည်။

    နောက်ဆုံးရှိသော အချက်အလက်များအရ အသက် ၅ နှစ်အောက် ကလေးငယ် ၅၃၇၀၀၀ မှာ အလွန်အမင်း အဟာရချို့တဲ့မှုနှင့် ရင်ဆိုင်နေရကာ အသက်ဆုံးရှုံးရမည့်အခြေအနေ ရှိနေသည်။ ကလေးငယ် ၁.၃ သန်း၏ အဟာရချို့တဲ့မှုမှာ အလယ်အလတ်အဆင့် ရှိနေသည်။

    ယီမင်နိုင်ငံတစ်ဝှမ်းရှိ အစားအသောက်နှင့် ကျန်းမာရေးစင်တာများမှာ ၅ ခုတွင် တစ်ခုသာ ၀န်ဆောင်မှု အပြည့်အ၀ ပေးနိုင်သည်ဟု ခန်းက ထည့်သွင်းပြောကြားခဲ့သည်။ ယူနီဆက်ဖ်မှာ ကလေးငယ်များ၏ အဟာရချို့တဲ့မှုကို ဆန်းစစ်ရန် ရွေးလျားအဖွဲ့ ၃၄ ဖွဲ့ကို စီစဉ်ပေးထားသော်လည်း နိုင်ငံအရှေ့ပိုင်း ဒေသများကဲ့သို့ အလ်ကိုင်ဒါးများ သိမ်းပိုက်ထားရာ နေရာများ၌မူ ၀င်ရောက်ခွင့် မရှိပေ။

    မတ်လမှ စတင်ခဲ့သည့် တိုက်ခိုက်မှုများအတွင်း သေဆုံးသူမှာ အနည်းဆုံး ၅၄၀၀ ရှိနေပြီး လူဦးရေ ၂၃ သန်း၏ ခန့်မှန်းခြေ ၁၀ ရာခိုင်နှုန်းမှာလည်း နိုင်ငံအတွင်း၌ အိုးအိမ်စွန့်ခွာ ထွက်ပြေးနေရသည်။ သေဆုံးသူများတွင် ၅၀၂ ဦးမှာ ကလေးငယ်များဖြစ်သည်ဟု ယူနီဆက်ဖ်က ပြောကြားခဲ့သည်။

    Ref: Alarabiya

  • ယီမင်စစ်ပွဲ၌ သေဆုံးသူ ကလေးငယ် ၅၀၀ ကျော်ပြီ

    ယီမင်စစ်ပွဲ၌ သေဆုံးသူ ကလေးငယ် ၅၀၀ ကျော်ပြီ

    အောက်တိုဘာ ၃၊ ၂၀၁၅
    M-Media

    yemen

    – ပြီးခဲ့သည့်မတ်လမှ စတင်ခဲ့သည့် ယီမင်စစ်ပွဲအတွင်း သေဆုံးသူ ကလေးငယ်အရေအတွက်မှာ ၅၀၀ ကျော်သွားခဲ့ပြီဟု ယူနီဆက်ဖ်မှ ပြောရေးဆိုခွင့်ရှိသူ ခရစ္စတိုဖီ ဘူလီရက်စ်က ယမန်နေ့တွင် ပြောကြားခဲ့သည်။

    အီရန်ကျောထောက်နောက်ခံပြုထားသည့် ဟူသီသူပုန်များကို ပြည်ပြေးသမ္မတ အလ်ဒ် ရဘ်ဘူ မန်ဆူးရ်ဟာဒီအား ထောက်ခံသော ဆော်ဒီဦးဆောင်သည့်အဖွဲ့က ၆ လကြာ လေကြောင်းမှ တိုက်ခိုက်မှုအတွင်း ကလေးငယ်ပေါင်း အနည်းဆုံး ၅၀၅ ဦး သေဆုံးခဲ့ကာ ဒဏ်ရာရရှိသူများမှာ ၇၀၂ ဦး ရှိနေသည်။

    “ဒီပမာဏဟာ တကယ့်လက်တွေ့ပမာဏထက် နည်းပါတယ်။ ယီမင်က ကလေးတွေရဲ့ အခြေအနေဟာ နေ့စဉ်နေတိုင်း ဆိုးရွားလာပါတယ်။ ဒါဟာ ကြောက်စရာပါပဲ” ဟု ဘူလီရက်စ်က ပြောကြားခဲ့ပြီး တိုက်ခိုက်မှုများ ချက်ခြင်း အဆုံးသတ်ရန်လည်း စစ်ပွဲတွင် ပါဝင်သူအားလုံးကို တိုက်တွန်းခဲ့သည်။

    စစ်ပွဲကြောင့် လူငယ် ၁.၇ သန်းမှာ အဟာရချို့တဲ့မှုအန္တရာယ် ရှိနေသည်ဟု ယူနီဆက်ဖ်က ထည့်သွင်းပြောကြားခဲ့သည်။ တိုက်ခိုက်မှုများ စတင်ပြီးကတည်းက ယီမင်တွင်သေဆုံးသူ အရပ်သားအရေအတွက်မှာ ၂၃၀၀၀ ကျော် ရှိနေပြီဟု ကုလက ခန့်မှန်းတွက်ချက်ထားသည်။

    လူ့အခွင့်အရေးစောင့်ကြည့်အဖွဲ့ Human Rights Watch ကမူ ယီမင်တွင် လူ့အခွင့်အရေးချိုးဖောက်မှုများအား စုံစမ်းစစ်ဆေးရေး အဖွဲ့တစ်ခုဖွဲ့ရန် ဆော်ဒီအာရေဗျက တင်ပြသည့် ဆုံးဖြတ်ချက်ကို ပယ်ချခဲ့မှုအတွက် ကုလသမဂ္ဂကို ပြစ်တင်ခဲ့သည်။

    စစ်ပွဲတွင် ပါဝင်သူ နှစ်ဖက်စလုံးမှာ လူနေဧရိယာများကို ရည်ရွယ်ချက်ရှိရှိ တိုက်ခိုက်မှုများ ပြုလုပ်ခဲ့သည်ဟုလည်း လူ့အခွင့်အရေးအဖွဲ့များက စွပ်စွဲပြောဆိုထားသည်။ ဆော်ဒီဦးဆောင်သည့် မဟာမိတ်အဖွဲ့ကမူ ထိုစွပ်စွဲချက်များအား ငြင်းဆိုထားပြီး အမှားလုပ်မိပါက မိမိတို့က ၀န်ခံသွားမည်ဟု ပြောကြားခဲ့သည်။

    Ref: Aljazeera