မတ် ၃၁၊ ၂၀၁၈
M-Media
– အိန္ဒိယနိုင်ငံအရှေ့ပိုင်း အနောက်ဘန်ဂေါပြည်နယ်မှာ ဟိန္ဒိူဘာသာရေးပွဲတော် စီတန်းလှည့်လည်မှုအတွင်း ဟိန္ဒူအစွန်းရောက်တွေရဲ့ တိုက်ခိုက်မှုကြောင့် အနည်းဆုံး လူ ၄ ဦး သေဆုံးခဲ့တယ်လို့ သိရပါတယ်။
ရာမ နတ်ဘုရားကို ပူဇော်တဲ့ အဲဒီပွဲတော်မှာ ထောင်နဲ့ချီတဲ့လူတွေဟာ ဓားတွေ၊ တုတ်တွေကိုင်ဆောင်ကာ မွတ်စလင်အများစုရှိရာ ရပ်ကွက်တွေနားကနေ ချီတက်ခဲ့ကြပြီး မွတ်စလင်ဆန့်ကျင်ရေး ကျွေးကြော်သံတွေနဲ့ ဟစ်အော် ရန်စခဲ့ကြပါတယ်။
ပြီးခဲ့တဲ့ တနင်္ဂနွေနေ့ ဒီစီတန်းလှည့်လည်မှု စတဲ့အချိန် ပူရူလီယာမြို့မှာ လူတစ်ယောက် အသတ်ခံခဲ့ရပြီး တနင်္လာနေ့က ပြည်နယ်မြို့တော် ကိုလ်ကတားအနီး ကန်ကီနာရာမြို့မှာ နှစ်ဖက် အပြန်အလှန် တိုက်ခိုက်မှုအတွင်း သေနတ်နဲ့ ပစ်ခံရမှုကြောင့် လူတစ်ဦး ထပ်မံသေဆုံးခဲ့ပါတယ်။
အင်္ဂါနေ့မှာလည်း ရာနီဂန်းဂ်ျမြို့မှာ လူတစ်ဦး အသတ်ခံခဲ့ရပြီး အဆာနူလ်မြို့မှာ အသက် ၁၆ နှစ်အရွယ် လူငယ်တစ်ဦးလည်း အဲဒီနေ့မှာပဲ ပျောက်ဆုံးသွားခဲ့ပါတယ်။ သူ့ရဲ့အလောင်းကို ဗုဒ္ဓဟူးနေ့မှာ ပြန်တွေ့ခဲ့ပါတယ်။
အဲဒီလူငယ်ရဲ့ ဖခင်ဖြစ်သူ ရှေ့ဆောင်အီမာမ် ဆစ်ဘ်တူလာ ရာရှီဒီက တည်တည်ငြိမ်ငြိမ်နေကြဖို့ မွတ်စလင်လူ့အဖွဲ့အစည်းကို တိုက်တွန်းခဲ့ပြီး သူ့ရဲ့သား အသတ်ခံရမှုအတွက် မွတ်စလင်တွေက လက်တုန့်ပြန်မယ်ဆိုရင် မြို့ကနေ သူထွက်သွားမယ်လို့လည်း ပြောကြားခဲ့ပါတယ်။
“ငြိမ်းချမ်းမှုကိုပဲ ကျွန်တော် လိုလားပါတယ်။ ကျွန်တော့်သားလေး သေသွားပြီ။ ချစ်ခင်ရသူတွေကို ဆုံးရှုံးတာမျိုး တစ်ခြားမိသားစုတွေမှာ ကျွန်တော် မဖြစ်စေချင်ပါဘူး’ လို့ ရာရှီဒီက နယူးဒေလီအခြေစိုက် သတင်းစာတစ်စောင်ကို ပြောကြားခဲ့ပါတယ်။
ဘုရားပွဲစီတန်းလှည့်လည်မှုအတွင်း လက်နက်တွေ မကိုင်ဆောင်ဖို့ ရဲတပ်ဖွဲ့ရဲ့သတိပေးမှုကို အာဏာရ BJP ပါတီကို ထောက်ခံသူတွေ၊ ဟိန္ဒူအစွန်းရောက်တွေက ဂရုမစိုက်ခဲ့ပါဘူး။ စီတန်းလှည့်လည်ဖို့ စီစဉ်သူတွေထဲမှာ ဟိန္ဒူအမျိုးရေးအဖွဲ့ Hindutva နဲ့ BJP ပါတီက တာဝန်ရှိသူတွေ ပါဝင်ပါတယ်။
တီလန်ဂါနာနဲ့ ဘီဟာရ်ပြည်နယ်တွေမှာလည်း တိုက်ခိုက်မှုတွေ ဖြစ်ပွားခဲ့ပြီး ဘုရားပွဲလှည့်သူတွေဟာ ဗလီတွေကို မီးရှို့တာ၊ လိမ္မော်ရောင်အလံတွေကို လွှင့်ထူတာတွေ လုပ်ခဲ့ပါတယ်။
ရဲတပ်ဖွဲ့ဝင်တွေကတော့ အဲဒီပြည်နယ် ၃ ခုမှာ အကြမ်းဖက်မှုတွေအတွက် စုံစမ်းစစ်ဆေးမှု လုပ်နေပြီး BJP နဲ့ နွယ်နေတဲ့ ထင်ရှားတဲ့ နိုင်ငံရေးသမား ၃ ဦးကိုလည်း စစ်ဆေးမေးမြန်းနေတယ်လို့ ဆိုပါတယ်။
ဟိန္ဒူအမျိုးသားရေးဝါဒကို အခြေခံတဲ့ BJP ပါတီဟာ နိုင်ငံတစ်ဝှမ်း ၂၉ ပြည်နယ် ရှိတဲ့အနက် ၂၁ ပြည်နယ်မှာ အာဏာရထားပြီး အနောက်ဘန်ဂေါလ်မှာတော့ အာဏာရဖို့ ရုန်းကန်နေရပါတယ်။
ဝန်ကြီးချုပ် မိုဒီ ဦးဆောင်တဲ့ အစိုးရလက်အောက်မှာ နိုင်ငံရဲ့ ဘာသာရေးမစွက်တဲ့ အမှတ်သညာ ပျက်ဆီးလာတယ်လို့ ဝေဖန်မှုတွေ ရှိနေပါတယ်။
ဟိန္ဒူဘာသာက အထွဋ်အမြတ်ထားတဲ့ နွားသတ္တ၀ါကိစ္စနဲ့ပတ်သက်လို့ မွတ်စလင်တွေ၊ ဟိန္ဒူဇာတ်နိမ့်တွေအပေါ် ဟိန္ဒူအစွန်းရောက်တွေရဲ့ တိုက်ခိုက်မှုတွေကလည်း မြင့်တက်လာခဲ့ပြီး BJP ပါတီတာဝန်ရှိသူတွေက နိုင်ငံအတွင်း လူနည်းစုတွေကို စော်ကားပြောဆိုမှုတွေလည်း ရှိလာပါတယ်။
Ref: Aljazeera
