ဇန်န၀ါရီ ၅၊ ၂၀၁၈
M-Media
– နိုင်ငံတကာကမှ နည်းပညာဂုရုများကို ဆွဲဆောင်နိုင်ရန်အတွက် နိုင်ငံခြား ကျွမ်းကျင်လုပ်သားများကို သက်တမ်းရှည် ဗီဇာပေးရန် တရုတ်နိုင်ငံက စီစဉ်နေသည်ဟု သိရသည်။
၅ နှစ်မှ ၁၀ နှစ်အထိ ကြာမြင့်မည့် အဆိုပါ ဗီဇာသက်တမ်းကို နည်းပညာကျွမ်းကျင်သူများ၊ စွန့်ဦးတီထွင်သူများနှင့် သိပ္ပံပညာရှင်များ လျှောက်ထားနိုင်မည်ဟု တရုတ်နိုင်ငံပိုင် သတင်းဌာနက ဖော်ပြခဲ့သည်။ လက်ရှိ သက်တမ်းရှည် ဗီဇာအတွက် အနည်းဆုံး နိုင်ငံခြားသား ၅ သောင်း အကျိုးဖြစ်ထွန်းမည်ဟု ဆိုသည်။
တရုတ်နိုင်ငံမှာ စီးပွားရေးနှင့် လှုမှုရေးဆိုင်ရာ ဖွံ့ဖြိုးတိုးတက်ရန် စီမံကိန်းများကို ချမှတ်ထားပြီး အဆိုပါ ရည်မှန်းချက်များ အောင်မြင်ရန်အတွက် နိုင်ငံရပ်ခြားမှ ကျွမ်းကျင်သူများကို ဆွဲဆောင်ရန် ကြိုးပမ်းနေသည်။
တရုတ်အစိုးရက အဆိုပါ သက်တမ်းရှည် ဗီဇာများကို အွန်လိုင်းမှ အခမဲ့ လျင်မြန်စွာ လျှောက်ထားနိုင်ကြောင်း၊ တစ်ကြိမ်လျှင် တိုင်းပြည်အတွင်း ရက်ပေါင်း ၁၈၀ အထိ နေထိုင်နိုင်မည်ဖြစ်ကာ အိမ်ထောင်ဖက်များ၊ ကလေးငယ်များကိုလည်း ခေါ်ယူနိုင်မည်ဖြစ်ကြောင်း ထုတ်ပြန်ထားသည်။
တရုတ်မှာ နိုင်ငံရပ်ခြားမှ ကျွမ်းကျင်မှုနည်းပါးသည့် အလုပ်သမားများကို လျော့ကာ ကျွမ်းကျင်မှု မြင့်မားသည့် အလုပ်သမားများကို အဓိကထား ခေါ်ယူရန် ၂၀၁၆ ခုနှစ်တွင် နိုင်ငံခြားအလုပ်သမားများအတွက် အဆင့်သတ်မှတ်ချက်ကို စတင်ခဲ့သည်။ လက်ရှိ သက်တမ်းရှည် ဗီဇာအစီအစဉ်တွင် နိုဘယ်ဆုရှင်များ၊ အောင်မြင်သော အိုလံပစ်အားကစားသမားများလည်း ၀င်ရောက်လျှောက်ထားနိုင်မည်ဖြစ်သည်။
Ref :BBC
