ဒီဇင်ဘာ ၂၆၊ ၂၀၁၇
M-Media
– ကက်ရ်ှမီးယားဒေသတွင် အိန္ဒိယစစ်တပ်က နယ်စပ်ဖြတ်ကျော် ပစ်ခတ်မှုကြောင့် မိမိတို့စစ်သား ၃ ဦး သေဆုံးခဲ့သည်ဟု ပါကစ္စတန်စစ်တပ်က ပြောကြားလိုက်သည်။
ပါကစ္စတန်က ထိန်းချုပ်ထားသည့် ကက်ရ်ှမီးယားရှိ ရက်ခ်ချီကရီဒေသတွင် ယမန်နေ့က ဖြစ်ပွားခဲ့ခြင်းဖြစ်ပြီး အခြားစစ်သားတစ်ဦးလည်း ဒဏ်ရာရရှိခဲ့သည်ဟု ဆိုသည်။
မိမိတို့ထိန်းချုပ်ထားသော ကက်ရ်ှမီးယားဒေသ၏ ရာဂျူရီဒေသတွင် ပါကစ္စတန်က ပစ်ခတ်မှုကြောင့် စစ်သား ၄ ဦး စနေနေ့က သေဆုံးခဲ့သည်ဟု အိန္ဒိယက ပြောကြားခဲ့ပြီးနောက် ယခုအဖြစ်အပျက် ပေါ်ထွက်လာခြင်းဖြစ်သည်။
ပိုင်ဆိုင်မှုအငြင်းပွားနေသည့် ကက်ရ်ှမီးယားဒေသကြောင့် ပါကစ္စတန်နှင့် အိန္ဒိယတို့မှာ စစ်ပွဲ ၃ ကြိမ် ဖြစ်ပွားခဲ့ဖူးပြီး ၂၀၀၃ ခုနှစ်က အပစ်ရပ်ရေးစာချုပ် ချုပ်ဆိုထားသော်လည်း ထိန်းချုပ်နယ်မြေ ဟိုဘက်ဒီဘက်ကို ကျော်၍ ပစ်ခတ်မှုများ မကြာခဏ ဖြစ်ပွားလေ့ရှိသည်။
၂၀၁၇ ခုနှစ်အတွင်း အိန္ဒိယက မိမိတို့ထိန်းချုပ်နယ်မြေကိုကျော်ကာ အကြိမ်ပေါင်း ၁၃၀၀ ကျော် ပစ်ခတ်မှုများ ပြုလုပ်ခဲ့ပြီး အနည်းဆုံး အရပ်သား ၅၄ ဦး သေဆုံးခဲ့သည်ဟု ပါကစ္စတန်နိုင်ငံခြားရေးဝန်ကြီးဌာနက ထုတ်ပြန်ထားသည်။
အိန္ဒိယကလည်း ယခုနှစ်အတွင်း ပါကစ္စတန်မှာ အပစ်ရပ်ရေးကို ၇၂၄ ကြိမ် ချိုးဖောက်ခဲ့ပြီး အရပ်သား ၁၂ ဦးနှင့် လုံခြုံရေးတပ်ဖွဲ့ဝင် ၁၇ ဦး သေဆုံးခဲ့သည်ဟု ထုတ်ပြန်ခဲ့သည်။
၎င်းတို့နှစ်နိုင်ငံမှာ ယခင်ကလည်း ထိုကဲ့သို့ အပြန်အလှန် စွပ်စွဲမှုများ ရှိခဲ့သည်။
Ref: Aljazeera
