ဒီဇင်ဘာ ၁၆၊ ၂၀၁၇
M-Media
၁။ ပဲရစ်ဂျာမေဗလီ (ပြင်သစ်)
၁၉၂၆ ခုနှစ်မှာ ဆောက်လုပ်ခဲ့တဲ့ ပဲရစ် ဂျာမေဗလီဝတ်ကျောင်းတော်ကြီးဟာ ပဲရစ်မြို့ရဲ့ ၅ ရပ်ကွက်မှာရှိပါတယ်။ မူးရ်လူမျိုးတွေရဲ့ ဗိသုကာလက်ရာ ထင်ဟပ်တဲ့ ဒီဗလီဝတ်ကျောင်းတော်မှာ စပိန်နဲ့ မြောက်အာဖရိက ရိုးရာ ဗိသုကာတွေကိုလည်း တွေ့မြင်နိုင်ပါတယ်။
၂။ ရှိုခ် လော့တ်ဖိုလာဗလီ (အီရန်)
၁၆၁၉ ခုနှစ်လောက်မှာ ဆောက်လုပ်ပြီးစီးခဲ့ပြီး အစပိုင်းတုန်းက တော်ဝင်အသိုင်းအ၀ိုင်း သီးသန့်ဝတ်ပြုဖို့ ရည်ရွယ်တာပါ။ အမိုးခုံးတစ်ခုသာ ပါဝင်ပြီး ဗလီဝတ်ကျောင်းတော် အတွင်းပိုင်းနဲ့ အပြင်ပိုင်းက မျက်နှာကျက် အလှဆင်ထားမှုဟာ အတော့်ကို လက်ရာမြောက်ပါတယ်။
၃။ အလ်အက်ဆွာဗလီ (ဂျေရုစလင်)
အလ်အက်ဆွာဗလီကို ၇ ရာစုနှောင်းပိုင်းမှာ တည်ဆောက်ခဲ့တာဖြစ်ပြီး ကမ္ဘာပေါ်က အရေးပါဆုံး ဗလီဝတ်ကျောင်းတော်တွေထဲမှာ ပါဝင်ကာ အစ္စလာမ်မှာ တတိယ အမြင့်မြတ်ဆုံး ၀တ်ပြုရာနေရာအဖြစ် သတ်မှတ်ပါတယ်။ တမန်တော်မိုဟာမက်သခင် ကောင်းကင်ခရီးစတင်ခဲ့တဲ့လို့ ယုံကြည်တဲ့ နေရာမှာ တည်ဆောက်ထားတာဖြစ်ပြီး ဗလီရဲ့ အတွင်း၊ အပြင်မှာ အပြောက်အမွှမ်းလက်ရာတွေ၊ ကျောက်ထွင်းလက်ရာတွေကိုလည်း တွေ့မြင်နိုင်ပါတယ်။ အတွင်းက အမိုးခုံးမှာတော့ ပေပေါင်း ၇၈၀ လောက်ရှည်တဲ့ ကူဖစ် အာရဘီစာပန်းချီလက်ရာတွေကို စက်ဝိုင်းပတ် ရေးသားထားပါတယ်။
၎။ ကွာရာဝီယင်ဗလီ (မော်ရိုကို)
အစပိုင်းက သေးသေးလေးသာဖြစ်တဲ့ ဒီဗလီဝတ်ကျောင်းတော်ကို နှစ်ပေါင်း တစ်ထောင်လောက်အတွင်းမှာ မွမ်းမံချဲ့ထွင်တာတွေ လုပ်ခဲ့ပြီး ဗလီပရ၀ုဏ်အလယ်ပိုင်းမှာ ထားရှိထားတဲ့ ခြေသေ့င်္ ၁၂ ကောင် ရေပန်းကို ၁၄ ရာစု ဒုတိယပိုင်းမှာ ထည့်သွင်းခဲ့တာ ဖြစ်ပါတယ်။
၅။ မတ်စ်ဂျစ်ဒီ နာဆီရ် အလ်-မွတ်လ်ဗလီ (အီရန်)
နှင်းဆီအရောင်အသွေးကို ပေါပေါများများ အသုံးပြုထားတဲ့အတွက် ပန်းရောင်ဗလီလို့ ချစ်စနိုးအမည် ရထားပါတယ်။ ၁၉ ရာစုအတွင်းမှာ တည်ဆောက်ထားပေမယ့် လက်ရာက အဲဒီခေတ်ကာလရဲ့ မြင်နေကျလ ဗိသုကာတွေနဲ့ ကျော်လွန်ကောင်းမွန်အောင် ဖန်တီးနိုင်ခဲ့ပါတယ်။ မျက်နှာကျက်တွေဟာ ကာလာစုံ မှန်စီရွှေချဖြစ်ြ
ပီး၊ မင်နာရတ် မျှော်စင်တွေကလည်း ဥရောပက ဘုရားကျောင်းတွေမှာ ရှိတဲ့ ခေါင်းလောင်းထားရာ မျှော်စင်တွေပုံစံ ဖြစ်ပါတယ်။
၆။ အဟ်မဒ် ကေဒီရော့ဗ်ဗလီ (ရုရှား)
ချေချင်းညာဒေသမှာရှိတဲ့ ဒီဗလီဝတ်ကျောင်းတော်ကို ချေချင်းညာဒေသရဲ့ အသည်းနှလုံးလို့ တင်စားခံရပြီး အခြေခံ ဘာသာရေးသင်တန်းကျောင်း၊ စာကြည့်တိုက်နဲ့ အိပ်ဆောင်တွေအပြင် ပန်းခြံတွေ၊ ကမ်းနားလျှောက်လမ်းတွေနဲ့ အင်မတန် ကျယ်ဝန်းပြီး သာယာလှပပါတယ်။ ပင်မအမိုးခုံးကို မင်နာရတ်မျှော်စင် ၄ ခုနဲ့ ၀န်းရံထားပြီး အတွင်းပိုင်းက အနီရောင် ကျောက်ထွင်းနံရံကြီးဟာ ကော်ဒိုဘာက ဂျာမေဗလီကို အတုခိုး ဆောက်လုပ်ထားတာ ဖြစ်ပါတယ်။
၇။ ရှိခ် ဇာယဒ် ဘင် ဆူလ်တန် အလ် နဟ်ယန် ဗလီ (အဘူဒါဘီ)
၂၀၀၇ ခုနှစ်မှာ ဆောက်လုပ်ခဲ့ပြီး အာရပ်စော်ဘွားများပြည်ထောင်စုက အဘူဒါဘီစော်ဘွားဟောင်းရဲ့ အမည်ကို မှည့်ခေါ်ထားတာပါ။ ကမ္ဘာ့ အဌမမြောက် အကြီးဆုံးဗလီအဖြစ် သတ်မှတ်ခံထားရပြီး လူပေါင်း ၄ သောင်းလောက် တစ်ကြိမ်တည်း ၀တ်ပြုနိုင်ပါတယ်။
ဗလီဝတ်ကျောင်းတော်တဲ့ ဗိသုကာပညာရှင်က ဆီးရီးယားသား ယူဆက်ဖ် အဘ်ဒဲလ်ကီဆိုသူ ဖြစ်ပြီး လခြမ်းပုံစံကို အခြေပြုကာ ဒီဇိုင်းဆွဲထားတာပါ။
၈။ တီလာကာရီဗလီ (ဥဇဘက်ကစ္စတန်)
ဆမာရ်ကန်မြို့လယ်ကောင်အနီးက ဒီဗလီဝတ်ကျောင်းတော်တော်ဟာ အစိမ်းရောင်တောက်နေတဲ့ အမိုးခုံးကြောင့် ကျော်ကြားပြီး ယူနက်စက်ကိုရဲ့ ကမ္ဘာ့အမွေအနှစ်စာရင်းဝင် ဖြစ်ပါတယ်။ ဗလီကို ၁၆၄၆ နဲ့ ၁၆၆၀ ကြားမှာ ဆောက်လုပ်ထားပြီး အတွင်းပိုင်း အမိုးတွေကို ရွှေပိန်းချထားပါတယ်။
၉။ ဘီဘီဟေဘတ်ဗလီ (အဇာဘိုင်ဂျန်)
၁၂၈၂ ခုနှစ်မှာ ဆောက်လုပ်ထားတဲ့ ဒီဗလီဝတ်ကျောင်းတော်ကို ၁၉၉၇ ခုနှစ်ကနေ ၂၀၀၅ ခုနှစ်အတွင်းမှာ ပြန်လည်မွမ်းမံကာ ချဲ့ထွင်ခဲ့ပါတယ်။ ဗလီကို တမန်တော်မုဟမ္မဒ်သခင်ကနေ ဆင်းသက်လာတဲ့ ဆွေတော်မျိုးတော်တစ်ဦးဖြစ်တဲ့ အူကေမာ ခါနွန်ရဲ့ အုတ်ဂူပေါ်မှာ ငုံပြီး တည်ဆောက်ထားတာပါ။ အတွင်းပိုင်းကို ဒေသထွက် ထုံးကျောက်နဲ့ တည်ဆောက်ထားပြီး အရောင်စုံ မျက်နှာကျက်တွေ၊ ရွှေပိန်းချ စာပန်းချီတွေနဲ့ ချယ်မှုန်းထားပါတယ်။
Ref: Architectural Digest.com
