ဒီဇင်ဘာ ၁၈၊ ၂၀၁၇
M-Media
– ဘင်္ဂလားဒေ့ရ်ှနဲ့ ဒုက္ခသည် ပြန်လည်လက်ခံရေး သဘောတူညီချက် ရရှိပြီး ရက်အနည်းငယ်အတွင်းမှာပဲ မြန်မာစစ်တပ်ဟာ ရခိုင်ပြည်နယ်မြောက်ပိုင်းက ရိုဟင်ဂျာတွေ နေထိုင်တဲ့ ရွာတွေကို မီးရှို့ဖျက်ဆီးခဲ့တယ်လို့ ဂြိုဟ်တုဓာတ်ပုံတွေကို ကိုးကားပြီး လူ့အခွင့်အရေး စောင့်ကြည့်အဖွဲ့ (HRW) က ဒီကနေ့မှာ ပြောကြားလိုက်ပါတယ်။
“ဘင်္ဂလားဒေ့ရ်ှနဲ့ ဒုက္ခသည်နေရပ်ပြန်ရေး သဘောတူညီချက် လက်မှတ်ရေးထိုးပြီး ရက်ပိုင်းအတွင်းမှာ မြန်မာစစ်တပ်က ရိုဟင်ဂျာရွာတွေကို ဖျက်ဆီးမှုကို ကြည့်ရင် ဒုက္ခသည်တွေ အန္တရာယ်ကင်းစွာ နေရပ်ပြန်လာရေး ကတိက၀တ်ဟာ လူကြားကောင်းအောင်ပြောတာမျိုး ဖြစ်တယ်တယ်ဆိုတာ ပြသနေပါတယ်” လို့ HRW ရဲ့ အာရှဆိုင်ရာ ဒါရိုက်တာ ဘရဒ် အဒမ်က ပြောကြားခဲ့ပါတယ်။
အောက်တိုဘာကစလို့ စစ်တပ်က မီးရှို့ဖျက်ဆီးခဲ့တဲ့ ရွာအရေအတွက်ဟာ ၄၀ လောက်ရှိနေပြီး သြဂုတ်လနှောင်းပိုင်း ရိုဟင်ဂျာတွေကို ပစ်မှတ်ထားတဲ့ စစ်ဆင်ရေး စတင်ကတည်းကတွက်ရင် ၃၅၄ ရွာ ဖျက်ဆီးခံခဲ့ရတယ် လို့လည်း HRW က ဆိုပါတယ်။
မြန်မာနဲ့ ဘင်္ဂလားဒေ့ရ်ှတို့ဟာ ဒုက္ခသည်ပြန်လည်လက်ခံရေး သဘောတူညီချက်ကို နိုဝင်ဘာ နှောင်းပိုင်းမှာ လက်မှတ်ရေးထိုးခဲ့တာဖြစ်ပြီး မောင်တောမှာ လတ်တလော ရွာတွေ မီးရှို့ဖျက်ဆီးခံရမှုဟာ နိုဝင်ဘာ ၂၅ ရက်နေ့ကနေ ဒီဇင်ဘာ ၂ ရက်ကြားမှာ ဖြစ်ပွားခဲ့တယ်လို့ ဂြိုဟ်တုဓာတ်ပုံတွေကို ကိုးကားပြီး HRW က ပြောကြားခဲ့ပါတယ်။
သြဂုတ်လနှောင်းပိုင်း ရခိုင်ပြည်နယ်မြောက်ပိုင်က ရဲကင်းစခန်းတွေကို ရိုဟင်ဂျာလက်နက်ကိုင်အဖွဲ့ ARSA က တိုက်ခိုက်ခဲ့ပြီးတဲ့နောက်ပိုင်း စစ်တပ်က ပြုလုပ်တဲ့ နယ်မြေရှင်းလင်းရေးမှာ အရပ်သားတွေကို ပစ်မှတ်ထားတာ၊ အမျိုးသမီးတွေကို အဓမ္မကျင့်တာ၊ နေအိမ်မီးရှို့တာတွေ ရှိတယ်လို့ ဘင်္ဂလားဒေ့ရ်ှဖက်ကို ထွက်ပြေးသွားရတဲ့ ရိုဟင်ဂျာတွေက ပြောကြားခဲ့ပါတယ်။
မြန်မာအစိုးရနဲ့ စစ်တပ်တို့ကတော့ ဒီစွဲချက်တွေကို ငြင်းဆိုထားပါတယ်။
Ref: Aljazeera
