ဒီဖလားဟာ ငယ်ငယ်ကလေးကတည်းက အိပ်မက်မက်ခဲ့ရတဲ့ ဖလားပါ။ နိုင်ငံခြားကစားသမားတွေကတော့ ဒီခံစားချက်ကို သိချင်မှသိလိမ့်မယ်။ ဒီပြိုင်ပွဲမှာ ကစားရတဲ့ဖီလင်၊ ဖိုင်နယ်မှာ ကစားရတဲ့ ဖီလင်ကို အင်္ဂလိပ်ကစားသမားတွေကတော့ ကောင်းကောင်းသိပါတယ်။ အက်စတွန်ဗီလာမှာတုန်းက FA ဖလားဖိုင်နယ်မှာ ကျွန်တော်ရှုံးဖူးတယ်။ ဒီတစ်ကြိမ်တော့ ကျွန်တော် တော်တော်ကို နိုင်ချင်ခဲ့ပါတယ်။
ဂျက် ဂရစ်လစ်ရှ် – မန်စတီးတောင်ပံကစားသမား
ဇွန် ၃၊ ၂၀၂၃
M-Media
-ဆော်ဒီအာရေဗျနဲ့ အီရန် နိုင်ငံခြားရေး၀န်ကြီးတို့ ဦးဆောင်တဲ့ ကိုယ်စားလှယ်အဖွဲ့တွေဟာ မနေ့က တွေ့ဆုံကာ ပူးပေါင်းဆောင်ရွက်ရေးကိစ္စ ဆွေးနွေးခဲ့ကြပါတယ်။
နှစ်ဖွဲ့စလုံးဟာ တောင်အာဖရိကမှာ ကျင်းပပြုလုပ်နေတဲ့ BRICS အစည်းအ၀ေးကို တက်ရောက်နေကြတာ ဖြစ်ပြီး ကိပ်တောင်းမြို့မှာပဲ တွေ့ဆုံခဲ့ကြတာပါ။
အစည်းအ၀ေးမှာ နှစ်နိုင်ငံ နယ်ပယ်စုံ ပူးပေါင်းဆောင်ရွက်ရေး တိုးမြှင့်ဖို့၊ တရုတ်က ကြား၀င်ပေးမှုနဲ့ ရရှိခဲ့တဲ့ နှစ်နိုင်ငံ ဆက်ဆံရေး ပြန်လည်တည်ဆောက်မှု သဘောတူညီချက်ပါ အချက်အလက်တွေကို အကောင်အထည်ဖော်ဖို့၊ နိုင်ငံတကာ ငြိမ်းချမ်းရေးနဲ့ လုံခြုံရေးမှာ ပူးပေါင်းဆောင်ရွက်မှု တိုးမြှင့်ဖို့ ကိစ္စတွေကို ဆွေးနွေးခဲ့ကြပါတယ်။
အရှေ့အလယ်ပိုင်းက အင်အားကြီးနှစ်နိုင်ငံဖြစ်တဲ့ အီရန်နဲ့ ဆော်ဒီတိုဟာ အရင်က ရန်ဖက်တွေဖြစ်ခဲ့ကြတာပါ။ ဒါပေမယ့် ပြီးခဲ့တဲ့ နှစ်အနည်းငယ်အတွင်း ဆက်ဆံရေးကောင်းအောင် နှစ်နိုင်ငံစလုံးက ကြိုးစားလာကြပြီး အခုနှစ်အစောပိုင်းမှာတော့ သံတမန်ဆက်ဆံရေး ပြန်လည်တည်ဆောက်ဖို့ သဘောတူညီချက် ရရှိခဲ့ပါတယ်။
Ref: Arab News
ဇွန် ၃၊ ၂၀၂၃
M-Media
-မြန်မာနိုင်ငံမှာ မိုခါမုန်တိုင်းကြောင့် ထိခိုက်ခံစားရမှုဟာ အလွန်အမင်း ကြီးမားတာကြောင့် အကူအညီတွေ ပိုလိုအပ်နေတယ်လို့ ကုလသမဂ္ဂ ဖွံ့ဖြိုးတိုးတက်ရေးအစီအစဥ် (UNDP) တာ၀န်ရှိသူက ပြောကြားလိုက်ပါတယ်။
မေလ ၁၄ ရက်နေ့က တိုက်ခတ်ခဲ့တဲ့ အဲဒီမုန်တိုင်းကို ရခိုင်ပြည်နယ်က အဓိက ခံစားခဲ့ရတာပါ။ မုန်တိုင်းကြောင့် မြန်မာနိုင်ငံတစ်၀ှမ်း နေအိမ်ပေါင်း ၇ သိန်းလောက် ပျက်ဆီးခဲ့တဲ့လို့ UNDP ရဲ့ မြန်မာနိုင်ငံဆိုင်ရာ ဌာနေကိုယ်စားလှယ် တီတွန် မီထရာက မနေ့က ပြုလုပ်တဲ့ ကုလအစည်းအ၀ေးမှာ ပြောကြားခဲ့ပါတယ်။
စစ်တွေမြို့က အဆောက်အဦးတွေရဲ့ ၈၀ ကနေ ၉၀ ရာခိုင်နှုန်းလောက် ပျက်ဆီးသွားပါတယ်။
ပျက်ဆီးဆုံးရှုံးမှုနဲ့ နှိုင်းယှဥ်ရင် အကူအညီပေးအပ်မှုတွေဟာ မလုံလောက်သေးဘဲ လူပေါင်း ၁.၆ သန်းလောက် အကူအညီတွေ လိုအပ်မယ်လို့လည်း မီထရာက ထည့်သွင်းပြောဆိုခဲ့ပါတယ်။
မုန်တိုင်းကြောင့် မြန်မာနိုင်ငံမြောက်ပိုင်းက စစ်ဘေးရှာင်တွေရဲ့ ယာယီတဲတွေ ပျက်ဆီးသွားကြောင်း၊ မိုးတွင်းကာလ ရောက်တော့မှာ ဖြစ်တာကြောင့် ရေကြီး မြေပြိုမယ့် အန္တရာယ်တွေလည်း ရှိနေကြောင်း ဌာနေကိုယ်စားလှယ်က ထည့်သွင်း သတိပေးခဲ့ပါတယ်။
Ref: UN News
သမိုင်းရေးဖို့ဆိုတာ မလွယ်တဲ့ကိစ္စပါ။
ဒီလိုလုပ်နိုင်ဖို့ ကျွန်တော့်ကို အသင်းက ခေါ်ယူထားတယ်ဆိုတာ ဖုံးကွယ်ထားစရာ မလိုပါဘူး။ ဒီအောင်ပွဲဟာ အားလုံးအတွက် အဓိပ္ပါယ်ရှိလိမ့်မယ်။ ဒီလိုဖြစ်လာဖို့လည်း ကျွန်တော်တတ်နိုင်သလောက် အစွမ်းကုန် ပေးဆပ်သွားမှာပါ။
အသင်းကောင်းနှစ်သင်းနဲ့ ဖိုင်နယ်နှစ်ပွဲ ကစားရမယ့်အတွက် လွယ်တော့ မလွယ်ပါဘူး။ သူတို့ကလည်း ကျွန်တော်တို့ကို ချေမှုန်းဖို့ နည်းလမ်းမျိုးစုံနဲ့ ကြိုးစားကြလိမ့်မယ်။
သူတို့အတွက် ဒါက တွန်းအားဖြစ်လိမ့်မယ်။ ပြင်လည်း ပြင်ဆင်ထားကြလိမ့်မယ်။ ကျွန်တော်တို့ဖက်ကတော့ အကောင်းဆုံးပုံစံနဲ့ကစားရင် ဒီအောင်ပွဲ မရနိုင်စရာ မရှိပါဘူး။
(အာလင် ဟာလန်း – မန်စီးတီးတိုက်စစ်မှူး)
ဇွန် ၃၊ ၂၀၂၃
M-Media
အိန္ဒိယနိုင်ငံအရှေ့ပိုင်း အိုဒီရှာပြည်နယ်မှာ မနေ့က ရထားချင်း တိုက်မိမှု ဖြစ်ပွားခဲ့ပြီး အနည်းဆုံး ၂၃၃ ဦး သေဆုံးခဲ့ပါတယ်။
ခရီးသည်တင် ရထားတစ်စင်း လမ်းချော်တိမ်းမှောက်ရာကနေ နောက်ရထားတွေက ထပ်ဆင့် တိုက်မိကြတာ ဖြစ်ပါတယ်။ ဒဏ်ရာရသူ အရေအတွက်က ၉၀၀ လောက် ရှိပါတယ်။
ရှာဖွေကယ်ဆယ်ရေးတွေ ဆက်လက်လုပ်ဆောင်နေဆဲဖြစ်ပြီး သေဆုံးဒဏ်ရာရသူအရေအတွက် မြင့်တက်လာနိုင်တယ်လို့ ပြည်နယ်တာ၀န်ရှိသူတွေက ပြောပါတယ်။
အိန္ဒိယဟာ ကမ္ဘာပေါ်မှာ အကြီးဆုံး ရထားလိုင်းကွန်ယက်ရှိတဲ့ နိုင်ငံတွေထဲက တစ်ခုဖြစ်ပါတယ်။ အစိုးရက ဒေါ်လာသန်းချီ ရင်းနှီးမြှုပ်နှံထားပေးမယ့်လည်း ရထားစနစ်ဟာ အားနည်းနေသေးပြီး မတော်တဆမှုတွေ မကြာခဏ ဖြစ်ပွားလေ့ရှိပါတယ်။
သမိုင်းတစ်လျှောက် အဆိုးရွားဆုံး မတော်တဆမှုဟာ ၁၉၈၁ ခုနှစ်မှာ ဖြစ်ပွားခဲ့ပါတယ်။ ဘီဟာပြည်နယ်က ခရီးသည်တင်ရထားတစ်စီးဟာ မုန်တိုင်းအတွင်း ခုတ်မောင်းနေစဥ် ရထားလမ်းကျိုးကာ မြစ်ထဲကျသွားခဲ့ပြီး အနည်းဆုံး လူ ၈၀၀ လောက် သေဆုံးခဲ့ပါတယ်။
Ref: BBC