ဇူလိုင် ၇၊ ၂၀၂၃
M-Media
– တိုက်တန်းနစ် သင်္ဘောပျက်ကို သွားကြည့်ရာမှာ အဖြစ်ဆိုးနဲ့ ကြုံခဲ့ရတဲ့ OceanGate ကုမ္ပဏီက မိမိတို့ရဲ့ စူးစမ်းလေ့လာမှု လုပ်ငန်းအားလုံးကို ရပ်ဆိုင်းလိုက်ပြီလို့ ကြေငြာပါတယ်။
OceanGate ရဲ့ Titan ဆိုတဲ့ ရေငုပ်သင်္ဘောငယ်ဟာ ဇွန်လ ၁၈ ရက်နေ့က လူ ၅ ဦးတင်ဆောင်ပြီး တိုက်တန်းနစ် သင်္ဘောပျက်ကို ကြည့်ရှုဖို့အတွက် အတ္တလန်တိတ်သမုဒ္ဒရာထဲကို ဆင်းသွားခဲ့တာပါ။
ဒါပေမယ့် ပြန်တက်လာနိုင်ခြင်း မရှိတော့ပါဘူး။ အမေရိကန်စစ်တပ်က ရှာဖွေမှုတွေ ပြုလုပ်ရာမှာ ရေငုပ်သင်္ဘော အပျက်အစီးနဲ့ သေဆုံးသူတွေရဲ့ ရုပ်အလောင်းတွေကို ရှာဖွေတွေ့ရှိခဲ့ပါတယ်။
ဒီအဖြစ်အပျက်အတွင်း OceanGate ရဲ့ စီအီးအို စတော့က်တန် ရက်ရှ်ပါ သေဆုံးခဲ့ပါတယ်။
မနေ့က OceanGate ရဲ့ ၀ဘ်ဆိုက်မှာ သူတို့ရဲ့ စူးစမ်းရှာဖွေရေးနဲ့ စီးပွားရေးဆိုင်ရာ လုပ်ငန်းအားလုံးကို ရပ်ဆိုင်းလိုက်တယ်လို့ ရေးသားထားပါတယ်။ အသေးစိတ်အချက်အလက်ကို ထုတ်ပြန်ခြင်း မရှိသေးပါဘူး။
Titan ရေငုပ်သင်္ဘော ဘာ့ကြောင့် ပျက်ဆီးသွားရလဲဆိုတဲ့ အကြောင်းအရင်းကို အမေရိကန်နဲ့ ကနေဒါ အာဏာပိုင်တွေက စုံစမ်းမှုတွေ ဆက်လက်လုပ်ဆောင်နေပါတယ်။
Ref: BBC