အောက်တိုဘာ ၂၆၊ ၂၀၁၇
M-Media
– ပါရာဂွေးက စင်ကာပူနိုင်ငံသားများအား ဗီဇာကင်းလွတ်ခွင့် ပေးလိုက်သောကြောင့် စင်ကာပူနိုင်ငံကူးလက်မှတ်မှာ ကမ္ဘာပေါ်တွင် ဗီဇာကင်းလွတ်ခွင့်အများဆုံးရသည့် နိုင်ငံကူးလက်မှတ် ဖြစ်လာခဲ့သည်။
ကမ္ဘာ့ဘဏ္ဍာရေးအကြံပေးလုပ်ငန်း Arton Capital မှ ထုတ်ပြန်သည့် နိုင်ငံကူလက်မှတ် အဆင့်သတ်မှတ်ချက်တွင် စင်ကာပူမှာ ဂျာမနီကို ကျော်တက်ကာ ထိပ်ဆုံးတွင် ရပ်တည်နိုင်ခဲ့သည်။
ကမ္ဘာ့တန်းအ၀င်ဆုံး နိုင်ငံကူးလက်မှတ်စာရင်း၏ ထိပ်ဆုံး ၁၀ နေရာတွင် အများစုမှာ ဥရောပနိုင်ငံများဖြစ်ပြီး ဂျာမနီက ပြီးခဲ့သည့် ၂ နှစ်ဆက်တိုက် ဦးဆောင်ခဲ့သည်။
၂၀၁၇ ခုနှစ်အစပိုင်းမှစ၍ စင်ကာပူသည် ဂျာမနီနှင့် နံပါတ် ၁ နေရာကို ပူးတွဲရရှိခဲ့သည်။ အောက်တိုဘာ ၂၅ ရက်နေ့က နောက်ဆုံးပြန်မှုတွင် စင်ကာပူသည် ဗီဇာကင်းလွတ်ခွင့် အမှတ် ၁၅၉ မှတ် ရရှိခဲ့ပြီး ဂျာမနီက ၁၅၈ မှတ် ရရှိခဲ့သည်။
“စင်ကာပူဟာ ကမ္ဘာ့တန်းအ၀င်ဆုံး နိုင်ငံကူးလတ်မှတ်အဖြစ် ပထမဆုံး သတ်မှတ်ခံရတဲ့ အာရှနိုင်ငံတစ်ခု ဖြစ်ပါတယ်။ ဒါဟာ စင်ကာပူနိုင်ငံရဲ့ သံတမန်ဆက်သွယ်ရေး၊ နိုင်ငံခြားရေးမူဝါဒ အားကောင်းမှုရဲ့ သက်သေတစ်ခုပါပဲ” ဟု စင်ကာပူရှိ Arton Capital ရုံးမှ မန်နေးဂျင်းဒါရိုက်တာ မစ္စတာ ဖိလစ်မေက ပြောကြားခဲ့သည်။
ကမ္ဘာ့တန်းအ၀င်ဆုံး နိုင်ငံကူးလက်မှတ်စာရင်း ထိပ်ဆုံး နိုင်ငံ ၂၀ တွင် အာရှမှ တောင်ကိုရီးယား၊ ဂျပန်နှင့် မလေးရှားတို့ ပါဝင်ခဲ့သည်။
အမေရိကန်နိုင်ငံကူးလက်မှတ်မှာ ဒေါ်နယ်ထရမ့်တက်လာပြီးနောက်ပိုင်း အဆင့်ကျင်ဆင်းခဲ့ပြီး လက်ရှိ ၁၅၄ မှတ်သာ ရရှိကာ မလေးရှား၊ အိုင်ယာလန်၊ ကနေဒါတို့နှင့် အမှတ်တူနေသည်။
အဆိုပါရမှတ်များကို နယ်စပ်ဖြတ်ကျော်နိုင်ခွင့်၊ ဗီဇာကင်းလွတ်ခွင့်၊ ဆိုက်ရောက်ဗီဇာရရှိခွင့် စသည့် အချက်များအပေါ် မူတည်၍ သတ်မှတ်ခြင်းဖြစ်သည်။
Ref : CNA
