အောက်တိုဘာ ၃၊ ၂၀၁၇
M-Media
– ဖိလစ်ပိုင်သမ္မတ ဒူတာတေး၏ မူးယစ်ဆေးတိုက်ဖျက်ရေးတွင် တရားလက်လွတ် သတ်ဖြတ်မှုနှင့် အစုလိုက်အပြုံလိုက် သတ်ဖြတ်မှုများကို ထုတ်ဖော်ပြောဆိုရန် ဆန္ဒရှိသည့် ရဲတပ်ဖွဲ့ဝင်များကို ကာကွယ်မှုနှင့် တရားဥပဒေဆိုင်ရာ အကူအညီများ ပေးသွားမည်ဟု ဖိလစ်ပိုင် ကက်သလစ်အသင်းတော်က ကြေငြာလိုက်သည်။
ပြီးခဲ့သည့်နှစ် ဒူတာတေး အာဏာရပြီးကတည်းက ဆောင်ရွက်ခဲ့သည့် အဆိုပါ မူးယစ်နှိမ်နှင်းမှုအတွင်း လူထောင်ချီ သေဆုံးခဲ့ပြီး လူ့အခွင့်အရေးအဖွဲ့များက ဖိလစ်ပိုင်လုံခြုံရေးတပ်ဖွဲ့များမှာ ကျူးလွန်မှုများရှိသည်ဟု စွပ်စွဲခဲ့ကြသည်။
ဖိလစ်ပိုင်ပြည်သူ ၈၀ ရာခိုင်နှုန်းခန့် ယုံကြည်ကြသည့် ကက်သလစ်အသင်းတော်မှာ ဒူတာတေး၏ အဆိုပါစစ်ဆင်ရေးကို ပြင်းပြင်းထန်ထန် ကန့်ကွက်သူများထဲတွင် ထိပ်တန်းမှ ပါဝင်ခဲ့ပြီး၊ တရားလက်လွတ်သတ်ဖြတ်မှုများကို ရပ်တန့်ရန် နောက်ထပ်ကြိုပမ်းမှုအဖြစ် ယမန်နေ့တွင် ထိုကဲ့သို့ ကမ်းလှမ်းခဲ့ခြင်းဖြစ်သည်။
အမည်မဖော်လိုသည့် တစ်ချို့သော ရဲအရာရှိများမှာ စစ်ဆင်ရေးအတွင်း ၎င်းတို့ ကျူးလွန်ခဲ့မှုများအတွက် လွတ်မြောက်မှုရရင် ကက်သလစ်အသင်းတော်ထံ ချဉ်းကပ်မှုများ ရှိခဲ့သည်ဟု ဂိုဏ်းအုပ်ဘုန်းတော်ကြီး ဆိုခရေးတီးစ် ဗီလီဂက်စ်က ပြောကြားခဲ့သည်။
ဖိလစ်ပိုင်ရဲတပ်ဖွဲ့ကမူ ထိုကိစ္စနှင့်ပတ်သက်၍ မည်သည့်မှတ်ချက်မှ မပေးခဲ့ပေ။
ဒူတာတေးအစိုးရက မူးယစ်နှိမ်နှင်းရေး အစီအစဉ်နှင့် ပတ်သက်၍ စွပ်စွဲမှုများအားလုံးကို ငြင်းဆိုထားသည်။
Ref : CNA
