Blog

သြဂုတ် ၉၊ ၂၀၁၇
M-Media

– အမေရိကန်၏ ပစိဖိတ်ပိုင်နက်ဖြစ်သော ဂူအမ်ကျွန်းကို ဒုံးကျည်များဖြင့် တိုက်ခိုက်ရန်အတွက် မိမိတို့က စီစဉ်နေသည်ဟု မြောက်ကိုရီးယားက ယနေ့တွင် သတိပေးလိုက်ပြီး အမေရိကန်သမ္မတ ဒေါ်နယ်ထရမ့်၏ ပြင်းထန်သည့် ခြိမ်းခြောက်မှု ပေါ်ထွက်လာပြီးနောက် နာရီပိုင်းအကြာတွင် ယခုကဲ့သို့ တုန့်ပြန်ခဲ့ခြင်းဖြစ်သည်။

မြောက်ကိုရီးယား နိုင်ငံပိုင်သတင်းဌာန KCNA မှ ထုတ်ပြန်သော စစ်တပ်၏ ကြေငြာချက်တွင် ပြောရေးဆိုခွင့်ရှိသူတစ်ဦးက မိမိတို့အနေဖြင့် ခေါင်းဆောင် ကင်ဂျုံအန် ဆုံးဖြတ်ချက်ချမှတ်ပါက မည်သည့်အချိန်တွင်မဆို အဆတ်မပြတ် တိုက်ခိုက်သွားမည်ဟု ပြောကြားခဲ့သည်။

မြောက်ကိုရီးယားစစ်တပ်မှ အခြားပြောရေးဆိုခွင့် ရှိသူများကလည်း အမေရိကန်ဘက်မှ ကျူးကျော်ရန်စလိုမှု လက္ခဏာကို မြင်ရပါက ကြိုတင်လက်ဦးမှု ရယူတိုက်ခိုက်သွားမည်ဟု ဆိုသည်။

အမေရိကန်ကို နျူလက်နက်ဖြင့် တိုက်ခိုက်နိုင်ရန်အတွက် မြောက်ကိုရီးယားက ဆောင်ရွက်နေသည်ဆိုသည့်သတင်း ထွက်ပေါ်လာပြီးနောက် အမေရိကန်သမ္မတ ဒေါ်နယ်ထရမ့်က မိမိတို့အနေဖြင့် ကမ္ဘာကြီးက မမြင်ခဲ့ဘူးသော ဆိုးဆိုးရွားရွား လက်တုန့်ပြန်မှုကို ပြုလုပ်သွားမည်ဟု ယမန်နေ့တွင် ခြိမ်းခြောက်ခဲ့သည်။

ဝါရှင်တန်ပို့စ်သတင်းဌာနက မြောက်ကိုရီးယားမှာ လက်ရှိတွင် နျူထိပ်ဖူး ၆၀ အထိ ပိုင်ဆိုင်ထားသည်ဟု ဂျပန်နှင့် အမေရိကန် ထောက်လှမ်းရေးတာဝန်ရှိသူများ၏ ပြောကြားမှုကို ကိုးကား၍ ပြီးခဲ့သည့်ရက်ပိုင်းက ဖော်ပြခဲ့ပြီး ထိုပမာဏမှာ အများစုက ထင်မြင်သည်ထက် ၂ ဆကျော် များပြားနေသည်။

မြောက်ကိုရီးယားနှင့် ကီလိုမီတာ ၃၄၀၀ ကျော်ဝေးသော ဂူအမ်ကျွန်းမှာ ပစိဖိတ်၌ အမေရိကန်၏ မဟာဗျူဟာကျသည့် စစ်အခြေစိုက်စခန်းဖြစ်ပြီး အမေရိကန် ရေတပ်နှင့် လေတပ်တို့ ရှိနေသည်။ ကျွန်းလူဦးရေမှာ ၁၆၀၀၀၀ ၀န်းကျင်သာရှိနေပြီး အမေရိကန်စစ်သည်ပေါင်း ၆၀၀၀ ခန့် ရှိသည်။

Ref: Aljazeera

သြဂုတ် ၈၊ ၂၀၁၇
M-Media

– မိမိတို့နိုင်ငံအား စစ်ရေးဖြင့် အရေးယူမှု ပြုလုပ်ပါက အမေရိကန်ကို ‘နောင်ကျဉ်သည့် သင်ခန်းစာမျိုး’ ပေးသွားရန် အဆင်သင့်ရှိနေပြီး မိမိတို့၏ နျူအစီအစဉ်နှင့် ဒုံးကျည်အစီအစဉ်အတွက် စားပွဲဝိုင်းသို့ မည်သည့်အခါမှ လာရောက်မည်မဟုတ်ဟု မြောက်ကိုရီးယား နိုင်ငံခြားရေးဝန်ကြီးက ပြောကြားလိုက်သည်။

အရှေ့တောင်အာရှနိုင်ငံများအသင်း (ASEAN) အဖွဲ့ဝင်နိုင်ငံများ၏ ဖိလစ်ပိုင်နိုင်ငံ မနီလာမြို့တွင် ကျင်းပပြုလုပ်နေသော အစည်းအဝေးသို့ တက်ရောက်လာသည့် ၀န်ကြီး ရီယွန်ဟူက ယမန်နေ့တွင် ထိုကဲ့သို့ ပြောဆိုခဲ့ခြင်းဖြစ်သည်။

“မြောက်ကိုရီးယားအပေါ် အမေရိကန်ရဲ့ ရန်လိုတဲ့ပေါ်လစီနဲ့ နျူကလီးယား ခြိမ်းခြောက်မှုတွေကို အခြေခံကျကျ မဖယ်ရှားသမျှ ကာလပတ်လုံး ကျွန်တော်တို့ကိုယ်တိုင်ဖောက်ထားတဲ့ နျူကလီးယားစွမ်းအင်မြှင့်တင်ရေး လမ်းကြောင်းကနေ တစ်လက်မမှ သွေဖည်သွားမှာ မဟုတ်ပါဘူး”

ထို့ပြင် အမေရိကန်၏ စိတ်ထင်တိုင်း လုပ်ရပ်များမှာ ပိုမိုပြင်းထန်လာသောကြောင့် ကိုရီးယားကျွန်းဆွယ် အခြေအနေမှာ ပိုမို ဆိုရွားလာခဲ့သည်ဟုလည်း ရီယွန်ဟူက ပြောကြားခဲ့သည်။

ယခုကဲ့သို့ သတိပေးမှုမှာ ကုလ လုံခြုံရေးကောင်စီက မြောက်ကိုရီးယားအပေါ် အရေးယူမှုအသစ်များ ပြုလုပ်ပြီးနောက်ပိုင်း ၂ ရက်အကြာတွင် ပေါ်ထွက်လာခြင်းဖြစ်သည်။ အဆိုပါ အရေးယူမှု အသစ်မှာ ပြီးခဲ့သည့်လက ပြုလုပ်ခဲ့သည့် တိုက်ချင်းပစ်ဒုံးကျည် စမ်းသပ်မှုကြောင့် ဖြစ်ပြီး ကန်ဒေါ်လာ ၁ ဘီလီယံဖိုးရှိ ကျောက်မီးသွေး တင်ပို့မှုအပါအ၀င် အခြားသော တင်ပို့မှုများကို ပိတ်ပင်ခဲ့သည်။

“မြောက်ကိုရီးယားကို ဆန့်ကျင်ပြီး ပူးပေါင်းစစ်ရေးဆောင်ရွက်နေတဲ့ အမေရိကန်ကလွဲလို့ တစ်ခြားတိုင်းပြည်တွေအတွက် နျူလက်နက်သုံးဖို့၊ ဒီလက်နက်နဲ့ခြိမ်းခြောက်ဖို့ ကျွန်တော်တို့မှာ ရည်ရွယ်ချက် မရှိပါဘူး” ဟု မြောက်ကိုရီးယား နိုင်ငံခြားရေးဝန်ကြီးက ထည့်သွင်းပြောဆိုခဲ့သည်။

Ref: Aljazeera