ဇွန် ၉၊ ၂၀၁၇
M-Media
– ၂၀၁၆ ရွေးကောက်ပွဲအတွင်း ရုရှားက ပါဝင်ပတ်သက်ခဲ့လား၊ ထရမ့် မဲဆွယ်ရေးအဖွဲ့နဲ့ ဆက်နွယ်မှု ရှိလားဆိုတဲ့ ကိစ္စတွေကို စုံစမ်းစစ်ဆေးမှုကို ပျက်ဆီးစေဖို့အတွက် သမ္မတထရမ့်က မိမိကို ရာထူးက ထုတ်ပယ်လိုက်တာဖြစ်တယ်လို့ အမေရိကန်ရဲ့ ထိပ်တန်း ထောက်လှမ်းရေးအေဂျင်စီ FBI အကြီးအကဲဟောင်း ဂျိမ်းစ် ကိုမေးက ယမန်နေ့မှာ စွပ်စွဲ ပြောကြားလိုက်ပါတယ်။
“ရုရှားကိစ္စ စုံစမ်းစစ်ဆေးမှုကြောင့် ကျွန်တော် အထုတ်ခံလိုက်ရတယ်လို့ ဒီလိုပဲ သုံးသပ်ပါတယ်” လို့ ကိုမေးက အထက်လွှတ်တော် ထောက်လှမ်းရေးကော်မတီရှေ့မှောက်မှာ မနေ့က ထွက်ဆိုလိုက်တာပါ။
ကိုမေးအနေနဲ့ ကျမ်းသစ္စာကြိမ်ကာ ထွက်ဆိုရတဲ့ အဲဒီကြားနာမှုကို ကမ္ဘာတစ်ဝှမ်းက စိတ်ဝင်တစား စောင့်ကြည့်ခဲ့ကြပြီး “ရုရှားကိစ္စနဲ့ပတ်သက်တဲ့ စုံစမ်းစစ်ဆေးမှုနည်းလမ်းကို ပြောင်းလဲဖို့၊ ဒါမှမဟုတ် ပြောင်လဲရေး ကြိုးစားဖို့” သူ့ကို ထုတ်ပယ်လိုက်တယ်လို့ ယုံကြည်ကြောင်းလည်း ကိုမေးက ထည့်သွင်းပြောကြားခဲ့ပါတယ်။
နောက်ပြီး FBI ဟာ ကိုမေးရဲ့လက်အောက်မှာ စွမ်းဆောင်ရည်ကျဆင်းသွားတယ်ဆိုတဲ့ စွဲချက်နဲ့ သူ့ကို ထုတ်ပယ်ခဲ့ပြီးတဲ့နောက် ထရမ့်အစိုးရဟာ သူနဲ့ပတ်သက်လို့ “လိမ်အညာ ဇာတ်လမ်းဆင်မှုတွေ” ဖြန့်ခဲ့တယ်လို့လည်း စွပ်စွဲခဲ့ပါတယ်။
ဒါပေမယ့် ၂ နာရီကျော်ကြာမြင့်တဲ့ ဒီထွက်ဆိုမှုအတွင်းမှာ ကိုမေးက သမ္မတထရမ့်အနေနဲ့ တရားရေးကို ၀င်ရောက်နှောက်ယှက်မှု ရှိလားဆိုတာနဲ့ပတ်သက်ပြီး သူ့ရဲ့ အမြင်ကို မပြောခဲ့ပါဘူး။
ထရမ့်ရဲ့ ရှေ့နေဖြစ်တဲ့ မာ့ခ် ကာဆိုဝစ်ဇ်က ကိုမေးရဲ့ ထွက်ဆိုချက်ဟာ သမ္မတအနေနဲ့ စုံစမ်းစစ်ဆေးမှု မခံရဘူးဆိုတာကို ‘လူသိရှင်ကြား ၀န်ခံလိုက်တာ’ ဖြစ်တယ်လို့ ပြောကြားခဲ့ပါတယ်။
အမျိုးသားလုံခြုံရေးအကြံပေးဟောင်း မိုက်ကယ် ဖလင်း ရုရှားနဲ့ ဆက်သွယ်မှုရှိလားဆိုတာနဲ့ ပတ်သက်လို့ FBI က စုံစမ်းစစ်ဆေးမှုအတွက် သစ္စာရှိဖို့ ဒါမှမဟုတ် ဒီစုံစမ်းစစ်ဆေးမှုကို ရပ်တန့်ဖို့ ကိုမေးကို ထရမ့်က တောင်းဆိုခဲ့တယ်ဆိုတဲ့ ကိစ္စကိုလည်း ကာဆိုဝစ်ဇ်က ငြင်းခဲ့ပါတယ်။
အံ့အားသင့်စရာ
ကိုမေးကတော့ သူတို့ထုတ်ပယ်တာနဲ့ပတ်သက်ပြီး ထရမ့်ရဲ့ ရှေ့နောက်မညီတဲ့ ပြောဆိုမှုတွေအတွက် “စိတ်ရှုပ်ရကာ စိုးရိမ်မှုတွေလည်း မြင့်တက်လာကြောင်း”၊ ထရမ့်က သူနဲ့တွေ့တိုင်း “တော်တယ်” လို့ အကြိမ်ကြိမ်ပြောကြားခဲ့ကြောင်း ထွက်ဆိုခဲ့ပါတယ်။
သမ္မတရဲ့လုပ်ရပ်တွေက တရားရေးကို အနှောက်အယှက်ဖြစ်စေလားဆိုတာကို ဆုံးဖြတ်ရမှာက သူ့ကိစ္စမဟုတ်ဘူးလို့လည်း ကိုမေးက ထည့်သွင်းပြောဆိုခဲ့ပါတယ်။
သမ္မတတစ်ယောက်က တရားရေးမှာ ၀င်ရောက်စွက်ဖက် နှောက်ယှက်တာဟာ ဆိုးရွားတဲ့ ရာဇ၀တ်မှုတစ်ခုဖြစ်ပြီး ဖြုတ်ချခံရနိုင်တဲ့အထိ ဖြစ်နိုင်ပါတယ်။ သမ္မတထရမ့်ရဲ့ ဖိအားတွေဟာ “အလွန် အနှောက်အယှက်ဖြစ်ပြီး၊ စိုးရိမ်စရာလည်းဖြစ်တယ်” လို့ ကိုမေးက ပြောပါတယ်။
မိုက်ကယ်ဖလင်းကိစ္စ စုံစမ်းစစ်ဆေးမှုကို ရပ်တန့်ဖို့အတွက် အိမ်ဖြူတော်မှာ ထရမ့်က ကိုမေးကို တောင်းဆိုမှုနဲ့ ပတ်သက်ပြီး ကယ်လီဖိုးနီးယားပြည်နယ် ဒီမိုကရက် အထက်လွှတ်တော်အမတ် ဒီယန်နီ ဖိုင်စတိန်းက “ခင်ဗျားက ဘာ့ကြောင့် ‘သမ္မတကြီး ဒီလိုပြောတာ မှားတယ်နော်’ လို့ ပြောပြီး မတားခဲ့တာလဲ” လို့ မေးတဲ့အခါ ..
ကိုမေးက “အင်မတန်ကောင်းတဲ့မေးခွန်းပါ။ ကျွန်တော့်အနေနဲ့ ပြောနိုင်တဲ့အင်အားရှိခဲ့ရင် ကျွန်တော် ပြောကောင်းပြောမှာပါ။ ဒီစကားကို ကြားလိုက်ခြင်းပဲ ကျွန်တော် တုန်လှုပ်သွားတာပါ” လို့ ပြန်လည်ဖြေကြားခဲ့ပါတယ်။
နောက်ပြီး ထရမ့်ဟာ ညစာစားပွဲတစ်ခုမှာ သူ့ကို အလုပ်မှာ ဆက်နေချင်လားလို့ မေးခဲ့ပြီး ထရမ့်ဟာ သူ့ကို “အပိုင်မွေးဖို့” ကြိုးစားတယ်လို့ စိုးရိမ်မိကြောင်းလည်း ကိုမေးက ပြောဆိုခဲ့ပါတယ်။
ထရမ့်ဟာ ဖလင်းနဲ့ပတ်သက်တဲ့ကိစ္စ စုံစမ်းစစ်ဆေးမှုကို ရပ်တန့်ဖို့ ပြောကြားတာနဲ့ပတ်သက်ပြီး မှတ်စုစာအုပ်မှာ ရေးခဲ့တာကို သူငယ်ချင်းတစ်ယောက်ထံ ပေးတဲ့အကြောင်းကိုလည်း ၀န်ခံခဲ့ပြီး သတင်းသမားတွေဆီရောက်သွားကာ အထူးစုံစမ်းစစ်ဆေးရေး ကိုယ်စားလှယ်တစ်ဦး ပေါ်ပေါက်လာဖို့ မျှော်လင့်တယ်လို့လည်း ဆိုပါတယ်။
ကိုမေးက ထရမ့်နဲ့တွေ့ဆုံမှုအားလုံးကို ရေးသားမှတ်တမ်းတင်ထားရမယ်လို့ ဆုံးဖြတ်ခဲ့ပြီး ဒါဟာ “ထရမ့်အနေနဲ့ သူနဲ့တွေ့ဆုံမှု အကြောင်းအရာကို လိမ်လည်ပြောဆိုနိုင်တယ်လို့ ရိုးရိုးသားသား စိုးရိမ်တဲ့အတွက်” လုပ်ခဲ့တာလို့လည်း ပြောကြားခဲ့ပါတယ်။
ထရမ့်ရှေ့နေ ကာဆိုဝစ်ဇ်က ကိုမေးဟာ သမ္မတနဲ့ သီးသန့်တွေ့ဆုံဆွေးနွေးမှုတွေကို ထုတ်ပြန်ပိုင်ခွင့်မရှိဘူးလို့ တုန့်ပြန်ခဲ့ပါတယ်။
အိမ်ဖြူတော် ပြောရေးဆိုခွင့်ရှိသူ ဆာရာ ဟူကာဘီ ဆန်းဒါကလည်း ကိုမေးကို ဝေဖန်ခဲ့ပြီး “သမ္မတဟာ လူလိမ်မဟုတ်ဘူးဆိုတာ ကျွန်မ အသေအချာ ပြောရဲပါတယ်” လို့ သတင်းထောက်တွေကို ပြောကြားခဲ့ပါတယ်။
ထရမ့်က ကိုမေးနဲ့ စကားပြောထားတာကို အသံဖမ်းထားကောင်း ဖမ်းထားနိုင်တယ်လို့ ပြောကြားခဲ့ပြီးတဲ့နောက်ပိုင်း မိမိအနေနဲ့ ရေးထားတဲ့ မှတ်ချက်ကို ဖြန့်ခဲ့တာလို့ ကိုမေးက ပြောကြားခဲ့ပါတယ်။ ဒါပေမယ့် ထရမ့်နဲ့သူ စကားပြောထားတာကို အသံဖမ်းထားလားဆိုတာ မသိဘဲ ရှိမယ်ဆိုရင် အများပြည်သူသိအောင် ထုတ်ပြန်သင့်တယ်လို့လည်း ဆိုပါတယ်။
၂၀၁၆ ခုနှစ် သမ္မတရွေးကောက်ပွဲမှာ ရုရှားက ၀င်စွက်ခဲ့တယ်ဆိုတဲ့ ထောက်လှမ်းရေးအသိုင်းအ၀ိုင်းရဲ့ ကောက်ချက်ကို ကိုမေးက ထည့်သွင်းပြောကြားခဲ့ပါတယ်။
“သိပ်ရှင်းပါတယ်။ ရုရှားက ၀င်ရောက်စွက်ဖက်ခဲ့တယ်။ ဒါမျိုး ဖြစ်ခဲ့ပါတယ်။ ဒါဟာ ခင်ဗျားတို့ လက်လှမ်းမမီနိုင်တဲ့ တကယ့်အဖြစ်အပျက်ပါပဲ”
ရုရှားကတော့ ဒီလို စွက်ဖက်မှုမရှိဘူးလို့ ပြောကြားခဲ့ပြီး အိမ်ဖြူတော်ကလည်း သူတို့အနေနဲ့ ပူးပေါင်းဆောင်ရွက်မှု မရှိခဲ့ဘူးလို့ ပြောကြားထားပါတယ်။
ကိုမေးရဲ့ ဆီးနိတ်မှာ ထွက်ဆိုချက်နဲ့ပတ်သက်လို့ ထရမ့်က အခုအချိန်အထိ ဘာမှ တုန့်ပြန်တာမျိုး မရှိသေးပါဘူး။
Ref: Aljazeera
