ဧပြီ ၂၃၊ ၂၀၁၇
M-Media
– ဆီးရီးယားအစိုးရတပ်ဖွဲ့အား အမေရိကန်က ဒုံးကျည်များဖြင့် ပစ်ခတ်တိုက်ခိုက်ခဲ့ပြီးနောက်ပိုင်း ပြုလုပ်သည့် စစ်တမ်းကောက်ယူမှုတွင် အမေရိကန်နိုင်ငံသား အများစုက ဆီးရီးယားဒုက္ခသည်များကို နိုင်ငံအတွင်းသို့ ပိုမိုဝင်ရောက်ခွင့်ပေးရန် လိုလားနေကြသည်ဟု သိရသည်။
Quinnipiac တက္ကသိုလ်မှ ပြုလုပ်သည့် အဆိုပါစစ်တမ်း၏ ရလဒ်မှာ လွန်ခဲ့သည့် တစ်နှစ်က ရလဒ်နှင့် သိသိသာသာ ပြောင်းပြန်ဖြစ်နေသည်။
စစ်တမ်းအရ အမေရိကန်နိုင်ငံသားအားလုံးမှာ ဆီးရီးယားဒုက္ခသည်များအပေါ် ထားရှိသည့် သဘောထားများ တစ်ထပ်တည်း ကျမနေဘဲ၊ ပထ၀ီဒေသအလိုက် ကွဲပြားမှုများ ရှိနေသည်။
ဒီမိုကရက်များက ဆီးရီးယားဒုက္ခသည်များ နိုင်ငံအတွင်းသို့ ပိုမိုဝင်ရောက်မှုကို ထောက်ခံပြီး၊ ရီပက်ဘလစ်ကန်များက ဆန့်ကျင်ကြသည်။ လွတ်လပ်သော အခြား ပြည်သူများကမူ ဒုက္ခသည်များကို ပိုမိုလက်ခံလိုသည့်ဘက်က ရှိနေသည်။
လူဖြူများတွင် ဒုက္ခသည်များကို လက်ခံချင်သူများမှာ နည်းပါးပြီး၊ ပညာတတ်လူဖြူများက၊ တက္ကသိုလ်မပြီးသည့် လူဖြူများထက် ပို၍ ဒုက္ခသည်များအား စာနာသည်ကို စစ်တမ်း၌ တွေ့ရှိခဲ့ကြသည်။
အမေရိကန်မှာ ၂၀၁၂ ခုနှစ်တွင် ဆီးရီးယားဒုက္ခသည် ၁၄၃၃ ဦးကို လက်ခံခဲ့ပြီး၊ ကနေဒါနိုင်ငံကမူ ၂၀၁၅ ခုနှစ်ကတည်းက ၄ သောင်းကို လက်ခံခဲ့ပြီးဖြစ်သည်။
ပြည်တွင်းစစ် စဖြစ်ခဲ့သည့် ၂၀၁၁ ခုနှစ်ကတည်းက ဆီးရီးယား ဒုက္ခသည်အရေအတွက်မှာ လက်ရှိတွင် ၅ သန်းနီးပါး ရှိလာပြီဖြစ်ပြီး နိုင်ငံအတွင်း ရွှေ့ပြောင်းနေထိုင်ရသူများမှာ ၆ သန်းအထိ ရှိနေသည်။ သေဆုံးသူအရေအတွက်မှာမူ ၅ သိန်းနီးပါး ရှိလာပြီဖြစ်သည်။
Ref: Globalcitizen
