Blog

အိန္ဒိယရေတပ်က မြန်မာရေတပ်ကို ကူညီထောက်ပံ့မှုများ ပြုလုပ်မည်

မတ် ၂၊ ၂၀၁၇
M-Media

– အိန္ဒိယရေတပ်မှာ မြန်မာရေတပ်အတွက် ရာသီဥတုဆိုင်ရာ စက်ကိရိယာများ အပါအ၀င် အခြားသော အထောက်အကူပြုပစ္စည်းများ ထောက်ပံ့သွားရန် ရှိနေသည်ဟု သိရသည်။

နယူးဒေလီသို့ ရောက်ရှိနေသည့် မြန်မာရေတပ် ကိုယ်စားလှယ်အဖွဲ့၏ မေတ္တာရပ်ခံမှုကြောင့် ယခုကဲ့သို့ ထောက်ပံ့မှုများ ပြုလုပ်ရန် အိန္ဒိယရေတပ်က ဆုံးဖြတ်ခဲ့ခြင်းဖြစ်ပြီး ရာသီဥတုဆိုင်ရာ စက်ကိရိယာများ အသုံးပြုနိုင်ရေး အိန္ဒိယက လေ့ကျင့်သင်ကြားပေးမှုများလည်း ပြုလုပ်မည်ဖြစ်သည်။

မြန်မာရေတပ်မှ ကိုယ်စားလှယ်အဖွဲ့မှာ ကာကွယ်ရေးဆိုင်ရာ ပူးပေါင်းဆောင်ရွက်မှု အခွင့်အလမ်းများကိုလည်း ရှာဖွေနေပြီး ကိုချီမြို့ရှိ ရေတပ်လေ့ကျင့်ရေးစခန်း အပါအ၀င် အခြားသော လေ့ကျင့်ရေးစခန်းများကိုလည်း သွားရောက် ကြည့်ရှု လေ့လာခဲ့သည်။

တရုတ်နိုင်ငံ၏ သြဇာလွှမ်းမိုးမှုကို တန်ပြန်ရန်အတွက် အိန္ဒိယရေတပ်မှာ မြန်မာရေတပ်နှင့် ပူးပေါင်းဆောင်ရွက်မှုကို အရှိန်မြှင့် လုပ်ဆောင်လာခဲ့ပြီး ပြီးခဲ့သည့်နှစ်က ဂိုအာ သင်္ဘောကျင်းမှ တည်ဆောက်သည့် ရေယာဉ် ပျက်ဆီးမှု ပြုပြင်ရေး လေ့ကျင့်စက် Damage Control Simulator ကို မြန်မာရေတပ်သို့ ပေးပိုခဲ့သည်။

မြန်မာရေတပ်ကလည်း ပြည်တွင်းဖြစ် အောင်ဇေယျ ကိုယ်ပျောက် ဖရီးဂိတ်ရေယာဉ်တွင် အိန္ဒိယဆင်ဆာများကို တပ်ဆင်ခဲ့ပြီး၊ ကျန်စစ်သား ကိုယ်ပျောက်ဖရီးဂိတ် ရေယာဉ်တွင်လည်း အိန္ဒိယမှ ဆိုနာဆင်ဆာ တပ်ဆင်ထားသည်။

Ref: Sputnik News

March 2, 2017
ဒုက္ခသည်များ မ၀င်စေချင်လျှင် အကြမ်းဖက်များအား မပံ့ပိုးရန် ထရမ့်ကို အမတ်တစ်ဦး တိုက်တွန်း

မတ် ၂၊ ၂၀၁၇
M-Media

ဒီမိုကရက်တစ်ပါတီမှ လွှတ်တော်အမတ် တူလ်ဆီ ဂဘ်ဘာ့ဒ်

– အမေရိကန်နိုင်ငံသို့ ဒုက္ခသည်များ ၀င်ရောက်မှုကို မနှစ်မြို့ပါက အလ်ကိုင်းဒါးနှင့် IS တို့ကဲ့သို့ အစွန်းရောက်များကို လက်နက်ထောက်ပံ့နေခြင်းအား ရပ်တန့်ရန် ဒီမိုကရက်တစ်ပါတီမှ အမတ်တစ်ဦးဖြစ်သူ တူလ်ဆီ ဂဘ်ဘာ့ဒ်က ထရမ့်အစိုးရကို တိုက်တွန်းလိုက်သည်။

အင်္ဂါနေ့တွင် သမ္မတထရမ့်က အောက်လွှတ်တော်၌ မိန့်ခွန်းပြောကြားပြီးနောက်ပိုင်း ဗုဒ္ဓဟူးနေ့က လွှတ်တော်အဆောက်အဦးတွင် ပြုလုပ်သည့် သတင်းစာရှင်းလင်းပွဲတွင် ဂဘ်ဘာ့ဒ်က ယခုကဲ့သို့ ပြောကြားလိုက်ခြင်းဖြစ်သည်။

သမ္မထရမ့်၏ မိန့်ခွန်းပြောကြားမှုကို နားထောင်ရန် ဧည့်သည်တော်များအဖြစ် ဒီမိုကရက်တစ်အမတ်များမှာ ပြောင်းရွှေ့အခြေချသူများကို အင်္ဂါနေ့က အောက်လွှတ်တော်သို့ ဖိတ်ကြားခဲ့ပြီး ဂဘ်ဘာ့ဒ်မှာ ၂၀၁၅ ခုနှစ် စက်တင်ဘာလတွင် ရေနစ်သေဆုံးကာ တူရကီကမ်းခြေ၌ လာရောက်သောင်တင်ခဲ့သည့် ဆီးရီးယားမှ ၃ နှစ်အရွယ် ကလေးငယ် အလန်ကာဒီ၏ အဒေါ်ဖြစ်သူ တီမာ ကာဒီကို ဖိတ်ကြားခဲ့သည်။

သတင်းစာရှင်းလင်းပွဲတွင် တီမာ ကာဒီက ဆီးရီးယားတွင် အစိုးရပြောင်းလဲရန် ကြိုးစားမှုဟာ ရပ်တန့်ရန် ထရမ့်ကို တိုက်တွန်းခဲ့သည်။

ဂဘ်ဘာ့ဒ်ကလည်း “အရေးအကြီးဆုံးမေးခွန်းက လူတွေ ဒီလို အိုးအိမ်စွန်ခွာ ထွက်ပြေးရတဲ့ အကြောင်းအရင်းကို ကျွန်မတို့ ဘယ်လိုဖြေရှင်းမလဲဆိုတာပါ။ အလ်ကိုင်းဒါးနဲ့ IS တို့လို အုပ်စုတွေနဲ့ ပေါ်တင်ဆက်သွယ်နေတဲ့ ဒါမှမဟုတ် သူတို့ရဲ့ အမိန့်အောက်မှာ ရှိနေတဲ့ စစ်သွေးကြွအုပ်စုတွေကို ကျွန်မတို့အစိုးရဟာ တိုက်ရိုက်တစ်မျိုး၊ သွယ်ဝိုက်၍တစ်ဖုံ နှစ်များစွာ ထောက်ပံ့ပေးနေခဲ့ပါတယ်။ သူတို့အားလုံးဟာ ဆီးရီးယားအစိုးရကို ဖြုတ်ချဖို့ ကြိုစားတိုက်ခိုက်နေကြတာပါ” ဟု ပြောကြားခဲ့သည်။

ဂဘ်ဘာ့ဒ်မှာ အချက်အလက်ရှာဖွေရေးတာဝန်ဖြင့် ဇန်န၀ါရီလက ဆီးရီးယားသို့ သွားရောက်ခဲ့ပြီး ဆီးရီးယားသမ္မတ ဘာရှာ အလ်-အာဆတ်နှင့် တွေ့ဆုံခဲ့သည်။ ထို့ပြင် သူပုန်များသိမ်းပိုက်ထားပြီး ဒီဇင်ဘာလက အာဆတ်အစိုးမှ ပြန်သိမ်းနိုင်ခဲ့သည့် အဲလစ်ပိုမြို့ကိုလည်း သွားရောက်ခဲ့သည်။

အမေရိကန်မှာ ဆီးရီးယားအစိုးရနှင့် IS အဖွဲ့အား တိုက်ခိုက်နေသည့် သူပုန်များအား လက်နက်တပ်ဆင်ပေးရန်နှင့် လေ့ကျင်ပေးရန် ဒေါ်လာ သန်း ၅၀၀ အသုံးပြုခဲ့ပြီး အဆိုပါတိုက်ခိုက်ရေးသမားများမှာ အမေရိကန်က ထောက်ပံ့ပေးထားသည့် လက်နက်များဖြင့် စစ်သွေးကြွအုပ်စုများနှင့် ပူးပေါင်းသွားသည်ဟု သတင်းများ ထွက်ပေါ်ခဲ့သည်။

Ref: RT

March 2, 2017
မြောက်ကိုရီးယားအတွက် ဗီဇာကင်းလွတ်ခွင့်ကို မလေးရှား ရုပ်သိမ်း

မတ် ၂၊ ၂၀၁၇
M-Media

– မြောက်ကိုရီးယားနိုင်ငံသားများအား ဗီဇာကင်းလွတ်ခွင့်ပေးထားမှုကို မလေးရှားက မတ်လ ၆ ရက်နေ့မှ စတင်ကာ ဖျက်သိမ်းသွားမည်ဟု ဒုတိယ၀န်ကြီးချုပ် အဟ်မဒ် ဇာဟစ် ဟာမီဒီ၏ ပြောကြားမှုကို ကိုးကား၍ မလေးရှားသတင်းဌာန Bernama က ယနေ့တွင် ဖော်ပြခဲ့သည်။

အမျိုးသားလုံခြုံရေးကြောင့် ယခုကဲ့သို့ ဖျက်သိမ်းရခြင်းဖြစ်ပြီး မြောက်ကိုရီးယားနိုင်ငံသားများမှာ မလေးရှားနိုင်ငံကို မ၀င်ရောက်မီ ဗီဇာ ကြိုတင်လျှောက်ထားရမည်ဟုလည်း ၀န်ကြီးချုပ်က ဆိုသည်။

မြောက်ကိုရီးယားခေါင်းဆောင် ကင်ဂျံအန်၏ အဖေတူအမေကွဲအစ်ကို ကင်ဂျံနမ် ကွာလာလမ်ပူလေဆိပ်တွင် ပြီးခဲ့သည့်လက လုပ်ကြံခံခဲ့ရပြီးနောက်ပိုင်း ကွာလာလမ်ပူရှိ သံတမန်တစ်ဦးအပါအ၀င် မြောက်ကိုရီးယားနိုင်ငံသားများကို သံသယရှိသူများအဖြစ် မလေးရှားက ကြေငြာခဲ့သောကြောင့် မလေးရှားနှင့် မြောက်ကိုရီးယားတို့အကြား တင်းမာမှု မြင့်တက်ခဲ့သည်။

တောင်ကိုရီးယား ထောက်လှမ်းရေးကမူ ကင်ဂျုံနမ်မှာ မြောက်ကိုရီးယားသူလျှိုများ၏ လုပ်ကြံမှုကို ခံခဲ့ရသည်ဟု ပြောကြားထားပြီး၊ အလောင်းအားစစ်ဆေးမှုအရ စစ်ပွဲတွင် အသုံးပြုသည့် ဓာတ်တုအဆိပ်ဖြင့် အသတ်ခံခဲ့သည်ဟု မလေးရှားက ထုတ်ပြန်ခဲ့သည်။

Ref: CNA

March 2, 2017
သြဇီမွတ်စလင်များ ဗလီဆောက်နိုင်ရေး ခရစ်ယာန်ချာ့ခ်ျတစ်ခုက မြေရောင်းပေးမည်

မတ် ၂၊ ၂၀၁၇
M-Media

မွတ်စလင်များအား ၀တ်ပြုရာနေရာပေးခဲ့ပြီး ဗလီဆောက်ရန်အတွက်ပါ မြေရောင်းပေးမည့် စိန့်ပေါလ် ဘုရားကျောင်း

– သြစတေးလျနိုင်ငံ ပါ့သ်မြို့ရှိ အန်ဂလီကန် ခရစ်ယာန်ဘုရားကျောင်းတစ်ခုက ဒေသတွင်းမွတ်စလင်များ ဗလီဝတ်ကျောင်းတော် ဆောက်လုပ်ဝတ်ပြုနိုင်ရေး ဘုရားကျောင်းမှ ပိုင်ဆိုင်သည့် မြေတစ်ချို့ကို ရောင်းချသွားမည်ဟု သိရသည်။

မြို့တောင်ဘက်အစွန်ရှိ ဘေကွန်ဖီးလ်ရက်ကွက်မှ စိန့်ပေါလ် ခရစ်ယာန်ဘုရားကျောင်းဖြစ်ပြီး သိက္ခာတော်ရ ဆရာတော် ပီတာ ဟမ့်ဖရိုင်းက မိမိတို့ ဘုရားကျောင်းကို မွတ်စလင်များ ၀တ်ပြုရာနေရာအဖြစ် အသုံးပြုခွင့်ပေးပြီးနောက် ယခုအစီအစဉ်မှာ နောက်တစ်ဆင့် ဖြစ်သည်ဟု ဆိုသည်။

ထိုဒေသရှိ မွတ်စလင်များ နေ့စဉ်ငါးကြိမ်ဝတ်ပြုမှုနှင့် သောကြာနေ့ဝတ်ပြုနိုင်ရန်အတွက် လွန်ခဲ့သည့် ၅ နှစ်ကတည်းက စိန့်ပေါလ်ဘုရားကျောင်းမှာ ၎င်းတို့၏ ဘုရားကျောင်းဆောင်တစ်ခုကို အသုံးပြုခွင့်ပေးခဲ့သည်။

“သူ (အီမာမ် ဖိုင်ဇယ် ချိုသီယာ) က ဒေသတွင်းမွတ်စလင်တွေ ၀တ်ပြုဆုတောင်းမှု လုပ်နိုင်မယ့် နေရာကို ရှာဖွေနေပါတယ် ကျွန်တော်က ‘ဒီမှာရတယ်’ လို့ပြောခဲ့ပါတယ်။ အဲဒီလို ၀တ်ပြုဆုတောင်းမှုကို ကျွန်တော်တို့လည်း ဒီနေရာမှာပြုလုပ်တယ်လို့ ဆိုလိုတာပါ။ ဒီနေရာဟာ ၀တ်ပြုဆုတောင်းရာနေရာ သက်သက်ပါပဲ” ဟု ဆရာတော် ဟမ့်ဖရိုင်းက ပြောကြားခဲ့သည်။

လက်ရှိတွင် အီမာမ် ဖိုင်ဇယ်မှာ ဘုရားကျောင်းပိုင်မြေကွက်ကို ၀ယ်ယူရန် ရန်ပုံငွေများ ကောက်ခံနေပြီး၊ မိမိတို့လူ့အဖွဲ့အစည်းအတွက် ၀တ်ပြုရာနေရာအဖြစ်သာမက ခရစ်ယာန်အသိုင်းအ၀ိုင်းနှင့် ရင်းရင်းနှီးနှီး ဆက်ဆံကာ မျှဝေအသုံးပြုနိုင်မည့် နေရာတစ်ခု ဖြစ်စေချင်သည်ဟု ပြောကြားခဲ့သည်။

“ဒီနေရာကို ယဉ်ကျေးမှု၊ အနုပညာဆိုင်ရာ နေရာတစ်ခု၊၊ မွတ်လစင်တွေ ၀တ်ပြုဆုတောင်းရာနေရာတစ်ခု ကျွန်တော်တို့ ဖြစ်စေချင်ပါတယ်။ သမိုင်းတစ်လျှောက်လုံးမှာ မွတ်စလင်တွေနဲ့ ခရစ်ယာန်တွေဟာ အတူတကွ နေထိုင်ရှင်သန်ခဲ့ကြတာပါ။ ကျွန်တော်တို့ လုပ်ချင်တာက စစ်ပွဲတွေ၊ ဘုရင်တွေကို ပိုပြီးအာရုံစိုက်ခဲ့ကြတာကြောင့် မေ့လျော့ခဲ့ကြတဲ့ ဒီ သမိုင်းအမွေအနှစ်ကို ပြန်လည်အတုယူ ဖော်ဆောင်ဖို့ ဖြစ်ပါတယ်” ဟု အီမာမ်ကြီးက ပြောကြားခဲ့သည်။

Ref: ABC

March 2, 2017
ရခိုင်အရေး ကုလ၏ စွပ်စွဲချက်များမှာ ဘက်လိုက်ပြီး မျှတမှုမရှိဟု ဦးဝင်းထိန်ပြော

မတ် ၁၊ ၂၀၁၇
M-Media

ရဲတပ်ဖွဲ့က ရိုဟင်ဂျာအရပ်သားများကို ထိုးနှက်ကန်ကျောက်နေသည့် ဗီဒီယိုမှ မြင်ကွင်းတစ်ခု။ မြန်မာအစိုးရ ထိုကဲ့သို့ ကျူးလွန်သည့်ရဲများကို အရေးယူထားသည်ဟု ပြောကြားထားသည်။

– ရခိုင်ပြည်နယ်မြောက်ပိုင်းတွင် ဖြစ်ပွားနေသည့်ကိစ္စနှင့်ပတ်သက်၍ နိုင်ငံတကာ၏ ဖိအားများ မြင့်တက်လာမှုကို NLD အကြီးတန်းအဖွဲ့ဝင် ဦးဝင်းထိန်က ပယ်ချလိုက်ပြီး ရိုဟင်ဂျာမွတ်စလင်များ ညှင်းပမ်းနှိပ်စက်ခံရမှုများ ရှိနေသည်ဆိုသည့် စွပ်စွဲချက်များမှာ ‘ဘက်လိုက်ပြီး တရားမျှတမှုမရှိ’ ဟု ပြောကြားလိုက်သည်။

နယ်ခြားစောင့်စခန်းများ တိုက်ခိုက်ခံခဲ့ရပြီးနောက် အစိုးရစစ်တပ်နှင့် ရဲတပ်ဖွဲ့၏ ရခိုင်ပြည်နယ်မြောက်ပိုင်းတွင် ၄ လတာကြာမြင့်နေသည့် စစ်ဆင်ရေးအတွင်း လူသားထုအပေါ် ကျူးလွန်သည့် ရာဇ၀တ်မှုများ ရှိနိုင်သည်ဟု ကုသမဂ္ဂက ပြောကြားထားသည်။

မြန်မာနိုင်ငံ၏ လူ့အခွင့်အရေးဆိုင်ရာ ကုလအထူးကိုယ်စားလှယ် ယန်ဟီးလီမှာ ရခိုင်မြောက်ပိုင်း မတည်ငြိမ်မှုများကြောင့် ဘင်္ဂလားဒေ့ရ်ှသို့ ထွက်ပြေးခဲ့ရသည့် ရိုဟင်ဂျာ ၇၀၀၀၀ ကျော်ကို ပြီးခဲ့သည့် ရက်ပိုင်းအတွင်း သွားရောက်ကြည့်ရှုခဲ့ပြီး ၎င်းတို့ ညှမ်းပမ်းနှိပ်စက်မှုများအတွက် တရားဝင် စုံစမ်းစစ်ဆေးရေးကော်မရှင် ဖွဲ့စည်းရန် လာမည့်တစ်ပတ်တွင် တိုက်တွန်းဖွယ် ရှိနေသည်။

“ယန်ဟီးလီလုပ်နေတာတွေက မမျှတပါဘူး။ ဘက်လိုက်မှုရှိပါတယ်။ ဒီလို မမျှတတဲ့ အစီရင်ခံစာအတွက် ကျွန်တော်တို့ ဂရုမစိုက်ပါဘူး။ ဂရုမစိုက်သလို၊ စိတ်လည်းမပူပါဘူး” ဟု ဦးဝင်းထိန်က ယနေ့တွင် AFP သတင်းဌာနသို့ ပြောကြားခဲ့သည်။

မြန်မာအစိုးရက ကုလသမဂ္ဂအပါအ၀င် နိုင်ငံတကာမှ စွပ်စွဲထားသကဲ့သို့ ရခိုင်ပြည်နယ်မြောက်ပိုင်းတွင် လုံခြုံရေးတပ်ဖွဲ့များ ကျူးလွန်မှု မရှိဟု ပြောဆိုထားပြီး၊ ယမန်နေ့က ပြုလုပ်ခဲ့သည့် စစ်တပ်၏ သတင်းစာရှင်းလင်းပွဲတွင် မိမိတို့ တပ်ဖွဲ့ဝင်များမှာ ဥပဒေအတိုင်း ဆောင်ရွက်ခြင်းဖြစ်သည်ဟု ထည့်သွင်းပြောဆိုခဲ့သည်။

ဒုတိယသမ္မတ ဦးမြင့်ဆွေဦးဆောင်သည့် စုံစမ်းစစ်ဆေးရေး ကော်မရှင်တစ်ခုကို မြန်မာအစိုးရက ဖွဲ့စည်းထားပြီး လူ့အခွင့်အရေးအဖွဲ့များနှင့် ကုလကမူ ထိုအဖွဲ့မှ မည်သည့်လုပ်ဆောင်နိုင်စွမ်းမှ မရှိဟု ပြောကြားထားသည်။

အမည်မဖော်လိုသည့် ကော်မရှင်၏ အဖွဲ့ဝင်တစ်ဦးက ၎င်းတု့အဖွဲ့မှာ စေ့စေ့စပ်စပ် စုံစမ်းစစ်ဆေးမှုများ ပြုလုပ်နေပြီး ကုလက လူသားထုအပေါ်ကျူးလွန်သည့် ရာဇ၀တ်မှုများ ရှိသည်ဆိုသည့် စွပ်စွဲချက်မှာ ‘တစ်ဖက်သက်စွပ်စွဲချက်’ ဖြစ်သည်ဟု ဆိုကာ ပယ်ချခဲ့သည်။

စစ်တပ်နှင့်ရဲတပ်ဖွဲ့တို့ကလည်း ထိုကိစ္စရပ်များအတွက် သီးခြား စုံစမ်းစစ်ဆေးရေးအဖွဲ့များ ဖွဲ့စည်းကာ စုံစမ်းနေသည်။

Ref: Yahoo

March 1, 2017