ဖေဖော်ဝါရီ ၂၃၊ ၂၀၁၇
M-Media
– တောင်ဆူဒန်၊ နိုက်ဂျီးရီးယား၊ ဆိုမာလီယာနှင့် ယီမင်နိုင်ငံများတွင် ငတ်မွတ်ခေါင်းပါးမှုနှင့် အငတ်ဘေးဆိုက်မှု ဘေးဆိုးကြီးကို တားဆီးရန်အတွက် လာမည့်လအကုန်တွင် ကန်ဒေါ်လာ ၄.၄ ဘီလီယံ လိုအပ်မည်ဟု ကုလသမဂ္ဂက ပြောကြားလိုက်သည်။
အဆိုပါ နိုင်ငံ ၄ နိုင်ငံတွင် လူပေါင်း သန်း ၂၀ ကျော်မှာ ငတ်မွတ်ခေါင်းပါးမှုနှင့် ရင်ဆိုင်နေရပြီး လူသားချင်း စာနာထောက်ထားမှုဆိုင်ရာ ဖြစ်ရပ်ဆိုးကို ရှောင်လွှဲရန်အတွက် ချက်ချင်းဆောင်ရွက်ရန်လိုအပ်သည်ဟု ယမန်နေ့က ကုလဌာနချုပ်တွင် ပြုလုပ်ခဲ့သည့် သတင်းစာရှင်းလင်းပွဲတွင် ကုလသမဂ္ဂ အထွေထွေအတွင်းရေးမှူး ဂူတာရက်စ်က ပြောကြားခဲ့သည်။
လက်ရှိတွင် ကုလမှာ ကန်ဒေါ်လာ သန်း ၉၀ သာ ရန်ပုံငွေ ရရှိထားသည်။
တောင်ဆူဒန်က တနင်္လာနေ့တွင် နိုင်ငံမြောက်ပိုင်း ယူနတီပြည်နယ်ကို အငတ်ဘေးဆိုက်ရောက်ရာဒေသအဖြစ် ကြေငြာခဲ့ပြီး၊ အငတ်ဘေးဆိုက်မှု သတိပေးရေးစနစ်ဖြစ်သော Fews Net ကလည်း နိုက်ဂျီးရီးယားနိုင်ငံ အရှေ့မြောက်ပိုင်းရှိ ဝေးလံခေါင်သီသော ဒေသများတွင် ငတ်မွတ်ခေါင်းပါးမှုကို ပြီးခဲ့သည့်နှစ်ကတည်းက ခံစားနေရသည်ဟု ပြောကြားခဲ့သည်။
ပြီးခဲ့သည့် ၁၀ စုနှစ်များအတွင်း ငတ်မွတ်ခေါင်းပါးမှု သတိပေးချက် ၄ ကြိမ်အထိရှိခဲ့ပြီး ၂၀၀၀ ခုနှစ်တွင် ဆိုမာလီယာနိုင်ငံကသာလျှင် အငတ်ဘေးဆိုက်မှုနှင့် အမှတ်တကယ် ကြုံတွေ့ခဲ့ရကာ လူပေါင်း ၂၆၀၀၀၀ သေဆုံးခဲ့သည်။ ထိုအရေအတွက်တွင် ထက်ဝက်မှာ အသက် ၅ နှစ်အောက် ကလေးငယ်များ ဖြစ်ကြသည်။
ယူနီဆက်ဖ်ကမူ နိုက်ဂျီးရီးယား၊ ဆိုမာလီယာ၊ တောင်ဆူဒန်နှင့် ယီမင်နိုင်ငံတို့တွင် ကလေးငယ် ၁.၄ သန်းမှာ အဟာရချို့တဲ့မှုဒဏ်ကို ခံစားနေရပြီး လာမည့်လများတွင် ငတ်မွတ်ခေါင်းပါးမှုကြောင့် သေဆုံးမည့်အန္တရာယ်ရှိနေသည်ဟု ယခုသီတင်းပတ်တွင် ပြောကြားခဲ့သည်။
အဆိုပါ ၄ နိုင်ငံတွင် ဆိုမာလီယာ တစ်နိုင်ငံတည်းသာ မိုးခေါင်ရေရှားမှုကြောင့် ငတ်မွတ်ခေါင်းပါးမှုကို ကြုံတွေ့နေရပြီး ကျန်သည့် ၃ နိုင်ငံမှာ ပဋိပက္ခများကြောင့် ထိုပြဿနာကို ကြုံတွေ့နေရခြင်းဖြစ်သည်။
Ref: Aljazeera
