ဟာရီကိန်းဟာ ရပ်တန့်လို့မရတဲ့ တိုက်စစ်မှူးပါ။ ပုံစံမျိုးစုံနဲ့ ဂိုးသွင်းနိုင်တယ်။ အခု ဂိုးသွင်းနှုန်းကို ထိန်းထားနိုင်မယ်ဆိုရင်၊ နိုင်ငံပွဲတွေမှာ စုစုပေါင်း ဂိုး ၈၀ လောက် သွင်းနိုင်မှာပါ။ အင်္ဂလန်အတွက် အနည်းဆုံး တစ်နှစ် ၆ ဂိုးလောက်တော့ သူသွင်းနိုင်ပါတယ်။ အသင်းငယ်တွေနဲ့တွေ့ရင် တစ်ပွဲ ၃၊ ၄ ဂိုးလောက် သွင်းဖို့လိုတယ်။ ဒါဆိုရင် (ရွန်းနီရဲ့) စံချိန်ကို ကောင်းကောင်းချိုးနိုင်ပါတယ်။
(ဟက်စကီး – အင်္ဂလန်တိုက်စစ်မှူးဟောင်း)
“(အရှုံးအတွက်) ဆင်ခြေပေးလို့ မရပါဘူး။ အသင်းသားတိုင်းအတွက် ထိုးနှက်မှုကြီးပါ။ အဖွင့်ပွဲမှာ ဒီလိုကြုံရလိမ့်မယ်လို့ မထင်ထားပါဘူး။ ပိုပြီး စည်းစည်းလုံးလုံးနဲ့ ကျွန်တော်တို့သွားမယ်။ အသင်းက တောင့်တင်းတယ်ဆိုတာ လူတိုင်းသိပါတယ်။ အခုအရှုံးက ရေရှည်သယ်သွားလို့ကောင်းတဲ့အရာမဟုတ်ဘူး။ အုပ်စုမှာ ကျွန်တော်တို့ဟာ ကျားလား၊ နွားလားဆိုတာ ပြရမယ့်အချိန်ပါ”
(မက်ဆီ – အာဂျင်တီးနား တိုက်စစ်မှူး)
နို၀င်ဘာ ၂၄၊ ၂၀၂၂
M-Media
-အတိုက်အခံခေါင်းဆောင် အန်၀ါရ် အီဗရာဟင်ဟာ တိုင်းပြည်ရဲ့ ၁၀ ယောက်မြောက် ၀န်ကြီးချုပ်သစ် ဖြစ်လာမယ်လို့ မလေးရှား ဘုရင့်နန်းတော်က ဒီကနေ့မနက်ပိုင်းမှာ သတင်းထုတ်ပြန်ပါတယ်။
အန်၀ါရ်ရဲ့ PH ပါတီဟာ ပြီးခဲ့တဲ့တစ်ပတ် ရွေးကောက်ပွဲမှာ အမတ်နေရာအများဆုံး အနိုင်ရခဲ့ပါတယ်။ ဒါပေမယ့် တစ်ပါတီတည်း အစိုးရဖွဲ့နိုင်ရေး လိုအပ်တဲ့ အမတ်နေရာမရပါဘူး။
ညွန့်ပေါင်းအစိုးရဖွဲ့နိုင်ရေး အနိုင်ရပါတီတွေအကြား ညှိနှိုင်းမှု အဆင်မပြေတဲ့အတွက် ဘုရင်က ကြား၀င်စေ့စပ်ပေးခဲ့ရပြီး ဒီကနေ့မှာ နောက်ဆုံး ဆုံးဖြတ်ချက်ကို ထုတ်ပြန်ခဲ့တာ ဖြစ်ပါတယ်။
အန်၀ါရ် အီဘရာဟင်ဟာ အတိုက်အခံခေါင်းဆောင် ဘ၀နဲ့ နှစ်ပေါင်း ၃၀ လောက် မလေးရှားနိုင်ငံရေးမှာ ကျင်လည်ခဲ့ပြီးတဲ့နောက် ၀န်ကြီးချုပ် ဖြစ်လာတာဖြစ်ပါတယ်။
မလေးရှား ဘုရင့်နန်းတော်ရဲ့ ထုတ်ပြန်ချက်မှာ ပြည်သူတွေအနေနဲ့ တည်တည်ငြိမ်ငြိမ်နဲ့ အစိုးရသစ်ကို ကြိုဆိုဖို့ တိုက်တွန်းထားပါတယ်။
Ref: CNA
နို၀င်ဘာ ၂၄၊ ၂၀၂၂
M-Media
-၂၀၀၇ ခုနှစ် အာဖဂန်မှာ နယ်သာလန်တပ်ဖွဲ့တွေ ဗုံးကြဲမှုဟာ ဥပဒေချိုးဖောက် ဆောင်ရွက်မှုဖြစ်တယ်လို့ နယ်သာလန်တရားရုံးက ဆုံးဖြတ်ခဲ့ပါတယ်။
ဒီတိုက်ခိုက်မှုအတွင်း သေဆုံးခဲ့တဲ့ အာဖဂန်ပြည်သူတွေကို နယ်သာလန်အစိုးရက နစ်နာကြေးပေးဖို့လည်း တရားရုံးရဲ့ မနေ့က ဆုံးဖြတ်ချက်မှာ ပါ၀င်ပါတယ်။
၂၀၀၇ ခုနှစ် ဇွန် ၁၇ ရက်နေ့ ညဖက်မှာ အာဖဂန်နိုင်ငံအရှေ့ပိုင်း အူရူဇ်ဂန်ပြည်နယ်က လူနေတိုက်ခန်းတစ်ခုကို နယ်သာလန်စစ်တပ်က F-16 လေယာဥ်တွေက ဒုံးကျည်တွေနဲ့ တိုက်ခိုက်ခဲ့ပါတယ်။
ဒီတိုက်ခိုက်မှုကြောင့် အရပ်သား ၂၀ သေဆုံးခဲ့ပြီး အများအပြား ဒဏ်ရာရခဲ့ပါတယ်။
တိုက်ခိုက်မှုဟာ နိုင်ငံတကာဥပဒေကို ချိုးဖောက်ဆောင်ရွက်မှု ဖြစ်တယ်လို့ အသက်ရှင်ကျန်ရစ်သူ မိသားစုတစ်ခုက နယ်သာလန် သယ်ဟေ့ဂ်မြို့က တရားရုံးမှာ ၂၀၂၀ ခုနှစ်အတွင်း စတင် တရားစွဲဆိုခဲ့တာပါ။
နယ်သာလန်စစ်တပ်ကတော့ အဆောက်အဦးထဲမှာ တာလီဘန်တိုက်ခိုက်ရေးသမားတွေ ရှိနေတဲ့အတွက် တိုက်ခိုက်ခဲ့တာလို့ လျှောက်လှဲချက် ပေးပါတယ်။
တရားရုံးက စစ်တပ်ဟာ ဒီအဆောက်အဦးကို သေချာလေ့လာခြင်းမပြုခဲ့ဘဲ၊ တာလီဘန်တိုက်ခိုက်ရေးသမားတွေ ရှိတယ်ဆိုတဲ့ ပြောချက်ဟာ မခိုင်လုံတဲ့ အတွက် ဥပဒေချိုးဖောက် တိုက်ခိုက်မှု ဖြစ်တယ်လို့ ဆုံးဖြတ်ခဲ့ပါတယ်။
တိုက်ခိုက်မှုအတွင်း သေဆုံးဒဏ်ရာရသူတွေအတွက် နစ်နာကြေးပေးဖို့ တရားရုံးရဲ့ ဆုံးဖြတ်ချက်မှာ ပါ၀င်ပြီး ငွေပမာဏကိုတော့ နောက်ပိုင်းမှာ ဆုံးဖြတ်မှာ ဖြစ်ပါတယ်။
Ref: Aljazeera
ဘရာဇီးလ်ဂျာစီကို ချစ်မြတ်နိုးမှု၊ ၀တ်ဆင်ရတဲ့အပေါ် ဂုဏ်ယူမှုတွေအတွက် ပြောစရာစကားလုံးတောင် မရှိပါဘူး။ မွေးလာမယ့် တိုင်းပြည်တစ်ခုခုကို ဘုရားသခင်က ရွေးချယ်ခိုင်းမယ်ဆိုရင် ဘရာဇီးလ်ကိုပဲ ကျွန်တော် ရွေးဖြစ်မှာပါ။ ကျွန်တော့်ဘ၀မှာ ဘယ်အရာမှ လွယ်လွယ်ကူကူ ရခဲ့တယ်ဆိုတာ မရှိဘူး။ ရည်မှန်းချက်၊ အိပ်မက်တွေအတွက် အမြဲတမ်း အပတ်တကုတ်ကြိုးစားခဲ့ရတာပါ။ ဘယ်သူကတော့ဖြင့် ဒုက္ခရောက်ပါစေဆိုတာမျိုး စိတ်ထဲမှာတောင် မဖြစ်ဖူးဘူး။ ကျွန်တော်ကသာ လိုအပ်တဲ့သူတွေကို ကူညီဖေးခဲ့တာပါ။ အခုဖြစ်ရပ်က ကျွန်တော့် ကစားသမားဘ၀ တစ်လျှောက်မှာ အခက်ခဲဆုံး အခြေအနေတွေထဲက တစ်ခုပါပဲ။ ကမ္ဘာ့ဖလားမှာ ဒဏ်ရာထပ်ရတယ်။ စိတ်ပျက်စရာပါပဲ။ တိုင်းပြည်အတွက်၊ အသင်းဖော်တွေအတွက် အကောင်းဆုံး ပေးဆပ်ခဲ့တဲ့အတွက် အခွင့်အရေး ထပ်ရလိမ့်မယ်ဆိုတာ ရဲရဲကြီး ယုံကြည်ပါတယ်။
(နေးမာ – ဘရာဇီးလ်တိုက်စစ်မှူး)
နေးမာဟာ ကမ္ဘာ့ဖလားအဖွင့်ပွဲ ဆားဘီးယားကို ၂ ဂိုး ဂိုးမရှိနဲ့ အနိုင်ရတဲ့ပွဲမှာ ခြေချင်း၀တ်ဒဏ်ရာ ရရှိပြီး ကျန်တဲ့ အုပ်စုပွဲစဥ် ၂ ပွဲကို လွဲချော်တော့မှာ ဖြစ်ပါတယ်။