ဇန်န၀ါရီ ၁၂၊ ၂၀၁၇
M-Media
– ဒူဘိုင်းမှာ နှစ်စဉ်ကျင်းပနေကြဖြစ်တဲ့ ဒူဘိုင်းဈေးရောင်းပွဲတော် (DSF) မှာ ဒီရ်ဟမ် ၅ သန်း (ဒေါ်လာ ၁.၇ သန်း) လောက်တန်တဲ့ ပါရှန်းရွှေကောဇောတစ်ခုကို ခင်းကျင်းပြသထားပြီး ပရိတ်သတ်စိတ်ဝင်စားမှု အထူးများပြားနေပါတယ်။
DSF ရဲ့ Carpet and Art Oasis အခန်းမှာ ပြသထားတာဖြစ်ပြီး ဒီကောဇောကို ပိုးအစစ်၊ ရွှေသားအစစ် ၄.၂ ကီလိုဂရမ် ပေါင်းစပ်ကာ လက်နဲ့ ရက်လုပ်ထားတာပါ။
“ဒီကောဇောကို လူ ၆ ယောက်က ၇ နှစ်ခွဲကြာအောင် လုပ်ခဲ့ရတာပါ။ တစ်ယောက်တည်း လုပ်မယ်ဆိုရင်တော့ တစ်သက်လောက် ကြာသွားနိုင်ပါတယ်” လို့ Haritage Carpet အဖွဲ့ရဲ့ ဒုတိယဥက္ကဌဖြစ်သူ ဒေါက်တာ အက်ဖ်ရှင် ဂန်ဘာရီနီယာက ပြောကြားခဲ့ပါတယ်။
သုံးဖက်လှဖြစ်ပြီး အနံ ၆ မီတာ၊ အလျား ၁၀ မီတာရှိတဲ့ ဒီကောဇာဟာ ပြပွဲမှာ ခင်းကျင်းပြသထားတဲ့ ရှားပါး ကောဇောပေါင်း ၂ သိန်းထဲက တစ်ခုအပါအ၀င် ဖြစ်ပါတယ်။ ဒီကောဇောတွေဟာ ပိုး၊ သိုးမွှေးသီးသန့်နဲ့ ရက်လုပ်ထားတာတွေဖြစ်ပြီး စုစုပေါင်း ဒီရ်ဟမ် ၂ ဘီလီယံ (ကန်ဒေါ်လာ သန်း ၆၀၀ ကျော်ဖိုး) လောက် တန်ဖိုးရှိပါတယ်။
ဒီ DSF အခမ်းအနားကို ဒူဘိုင်းအကောက်အခွန်ဌာနက ကျင်းပတာဖြစ်ပါတယ်။ အကောက်ခွန်ညွှန်ကြားရေးမှူး အဟ်မဒ် မဟ်ဘွဘ် မူဆာဘီက ကောဇောတွေကို ခင်းကျင်းပြသမှုဟာ DSF ကို ပြည်စုံခဲ့ပြီး လာရောက်လည်ပတ်သူတွေကို စွဲဆောင်နိုင်သလို ဒူဘိုင်းကိုလည်း ကုန်သွယ်ရေးနဲ့ ခရီးသွားလာရေး အချက်အခြာအဖြစ် မြှင့်တင်ပေးတာဖြစ်တယ်လို့ ပြောကြားခဲ့ပါတယ်။
ဒီဇင်ဘာ ၂၆ ရက်နေ့ကနေ ဇန်န၀ါရီ ၂၈ ရက်နေ့အထိ ရောင်းချမယ့် ဒီ ဒူဘိုင်းဈေးပွဲတော်မှာ လက်ရှိအချိန်အထိ ကောဇောပေါင်း ၃၀၀၊ ဒီရ်ဟမ် ၅ သန်းဖိုး ရောင်းချရပြီး ဖြစ်တယ်လို့လည်း မူဆာဘီက ဆိုပါတယ်။
“ဒီကောဇောကြီးဟာ ပါရှားပြည်ရဲ့ ဒီဇိုင်းဆန်းသစ်မှုနဲ့ အနုပညာတွေကို ဖော်ကျူးနေပါတယ်။ ဒီကောဇောမှာ အရောင်ပေါင်း ၈၀၀ ကျော်ကို အသုံးပြုထားပြီး လွန်ခဲ့တဲ့ နှစ်ပေါင်း ၂၅၀၀ က အနုပညာကို ဖော်ကျူးထားတာပါ” လို့ ဒေါက်တာ ဂန်ဘာရီနီယာက ပြောကြားခဲ့ပါတယ်။
ကောဇောရဲ့အောက်ခြေပိုင်းကို ရွှေနဲ့ယက်လုပ်ထားတာဖြစ်ပြီး အပေါ်ပိုင်းကိုတော့ ပိုးနဲ့ ရက်လုပ်ထားတာပါ။
ဒေါက်တာကတော့ အီရန်မှာ အများစုရက်လုပ်တဲ့ ဒီကောဇောတွေဟာ စိန်တွေလို တန်ဖိုးရှိပြီး နိုင်ငံပေါင်းစုံက ၀ယ်လိုအားရှိတယ်လို့လည်း ထည့်သွင်းပြောကြားခဲ့ပါတယ်။
ဒူဘိုင်းဈေးရောင်းပွဲတော်ကို ကျင်းပလာတာဟာ အခုဆိုရင် ၂၂ နှစ် ရှိပြီဖြစ်ပြီး Carpet Oasis ကျင်းပရေးကော်မတီက ဥက္ကဌ အဘ်ဒူလ် ရဟ်မန် အီစာက အခုနှစ်ပွဲတော်မှာ ကောဇောထုတ်လုပ်ရာမှာ နာမည်ကျော်တဲ့ ကမ္ဘာ့နိုင်ငံတွေက ရှားပါး ကောဇောများစွာကို စုဆောင်းပြသထားတယ်လို့ ပြောကြားခဲ့ပါတယ်။
“လက်နဲ့ရက်လုပ်တဲ့ ကောဇောတွေရဲ့ ၇၀ ရာခိုင်နှုန်းကျော်ဟာ ပိုးသီးသန့်နဲ့ လုပ်ထားတာပါ။ တစ်ချို့ ကောဇောတွေဆိုရင် ၁၅ နှစ်လောက် ရက်လုပ်ခဲ့ရတာပါ။ လူတိုင်းအတွက် သင့်တော်ဖို့လည်း ကျွန်တော်တို့ စီစဉ်ထားပါတယ်။ ကောဇောရဲ့တန်ဖိုးက ဒီရ်ဟမ် ၂၀၀၀ ကနေ ၅ သန်းအထိ ရှိပါတယ်” လို့ အီဆာက ဆိုပါတယ်။
အဲဒီ ကောဇောပြခန်းမှာ ရောင်းဖို့မဟုတ်ဘဲ ကြည့်ရှုဖို့ သီးသန့်ပြထားတဲ့ ကောဇောတွေလည်းရှိနေပြီး အဲဒီအထဲမှာ နှစ်ပေါင်း ၄၀၀ နဲ့ ၁၅၀ အသီးသီး သက်တမ်းရှိကြတဲ့ ကောဇောနှစ်ခုလည်းပါဝင်ကာ အီရန်နိုင်ငံက ထုတ်လုပ်တာဖြစ်ပါတယ်။
“ကောဇောတစ်ခုက အီရန်ရဲ့ ကက်စ်ဟန်ရွာက ရက်လုပ်တာဖြစ်ပြီး လူများများလျှောက်လေလေ အရောင်ပိုတောက်လေလေပါပဲ”
Ref : Gulfnews
