ဇန်န၀ါရီ ၁၁၊ ၂၀၁၇
M-Media
– ၂၀၁၇ ခုနှစ် အာဖရိကနိုင်ငံများဖလားပွဲကို ဇန်န၀ါရီ ၁၄ ရက်နေ့ကစပြီး ဂါဘွန်နိုင်ငံမှာ ကျင်းပပြုလုပ်တော့မှာ ဖြစ်ပါတယ်။
လက်ရှိချန်ပီယံဟာ အိုက်ဗကို့စ်ဖြစ်ပြီး ပြိုင်ပွဲတစ်လျှောက် အအောင်မြင်ဆုံးအသင်းကတော့ အီဂျစ်အသင်းဖြစ်ကာ ၇ ကြိမ်တိတိ ဗိုလ်စွဲထားပါတယ်။ အီဂျစ်ဘောလုံးအသင်းရဲ့ အာဖရိကနိုင်ငံများဖလား သမိုင်းတစ်လျှောက် ဖြတ်သန်းမှုကို M-Media ပရိသတ်တွေအတွက် ဖော်ပြပေးလိုက်ပါတယ်။
၁၉၅၇ (ဆူဒန်)
ဖေဖော်ဝါရီလအတွင်း ဆူဒန်နိုင်ငံမှာ ကျင်းပခဲ့တဲ့ ဒီပြိုင်ပွဲဟာ ပထမဆုံးအကြိမ်ဖြစ်ပြီး အီသီယိုးပီးယား၊ အီဂျစ်နဲ့ ဆူဒန် ၃ သင်းသာ ပါဝင်ယှဉ်ပြိုင်ခဲ့ပါတယ်။ အာဖရိကဘောလုံးအဖွဲ့ချုပ် (CAF) ကို တည်ထောင်မှုမှာ ပါဝင်ခဲ့သူ တောင်အာဖရိက ကတော့ လူဖြူလူမည်း ခွဲခြားမှုကြောင့် ပါဝင်ယှဉ်ပြိုင်ခွင့် မရခဲ့ပါဘူး။
အဖွင့်ပွဲစဉ်မှာ အိမ်ယှဉ် ဆူဒန်ကို ၂ ဂိုး ၁ ဂိုးနဲ့ရှုံးခဲ့တဲ့ အီဂျစ်ဟာ နောက်ဆုံးပွဲမှာ အီသီယိုးပီးယားကို ၄ ဂိုးပြတ် အနိုင်ရရှိခဲ့တာကြောင့် ပထမဆုံး ပြိုင်ပွဲမှာ ပထမဆုံး ဗိုလ်စွဲခဲ့ပါတယ်။
အီဂျစ်တိုက်စစ်မှူး မိုဟာမက် ဒီယက်ဘ် အလ်-အတ္တာရ်ဟာ ပြိုင်ပွဲရဲ့ နာမည်ကျော်ကစားသမား ဖြစ်ခဲ့ပြီး ဆူဒန်နဲ့ပွဲမှာ ၁ ဂိုး၊ အီသီယိုးပီးယားနဲ့ပွဲမှာ ၄ ဂိုး စုစုပေါင်း ၅ ဂိုး သွင်းယူပေးခဲ့ပါတယ်။
၁၉၅၉ (အီဂျစ်)
ဗိုလ်စွဲပြီး နောက်ထပ် ၂ နှစ်အကြာ အီဂျစ်မှာ ကျင်းပခဲ့တဲ့ ဒီပြိုင်ပွဲမှာလည်း ဆူဒန်၊ အီသီယိုးပီးယားနဲ့ အီဂျစ်တို့သာ ပါဝင်ခဲ့ပါတယ်။
အဖွင့်ပွဲမှာ အီဂျစ်ဟာ မဟ်မူဒ် အလ်-ဂိုဟာရီရဲ့ ဟက်ထရစ်၊ မီမီ အလ်-ရှာရ်ဘီနီရဲ့ သွင်းဂိုး ၁ ဂိုး စုစုပေါင်း ၄ ဂိုးပြတ်နဲ့ အီသီယိုးပီးယားကို အနိုင်ရရှိခဲ့ပြီး၊ နောက်ဆုံးပွဲမှာ ဆူဒန်ကို ၂ ဂိုး ၁ ဂိုးနဲ့နိုင်ကာ အာဖရိကနိုင်ငံများဖလားကို ဒုတိယအကြိမ်မြောက် ဆွတ်ခူးနိုင်ခဲ့ပါတယ်။ နောက်ဆုံးပွဲမှာ အနိုင်ဂိုးတွေကို သွင်းပေးခဲ့တဲ့ အက်ဆမ် ဘာဟစ်ဂ်ဟာ ပြိုင်ပွဲရဲ့ အထင်ကရ ကစားသမား ဖြစ်ခဲ့ပါတယ်။
အလ်-ဂိုဟာရီကကတော့ ပြိုင်ပွဲရဲ့ ရွှေဖိနပ်ဆုကို ရရှိခဲ့ပါတယ်။
၁၉၈၆ (အီဂျစ်)
နှစ်ပေါင်း ၃၀ ကြာ ဝေးကွာခဲ့ရတဲ့ ဖလားကို ၁၉၈၆ ခုနှစ် ကိုယ့်ကွင်း၊ ကိုယ့်ပရိတ်သတ်ရှေ့မှာ အီဂျစ်တို့ ပြန်ယူနိုင်ခဲ့ပါတယ်။ ဒီပြိုင်ပွဲမှာ အသင်း ၈ သင်းပါဝင်ခဲ့ပါတယ်။
ဝေးလ်လူမျိုးနည်းပြ မိုက်စမစ် ကိုင်တွယ်ခဲ့ပြီး ဂန္တ၀င်တိုက်စစ်မှူးနဲ့ ၁၉၈၃ ခုနှစ် အာဖရိက တစ်နှစ်တာအကောင်းဆုံး ဘောလုံးသမားဆုရ မဟ်မူဒ် အလ်-ခါတစ်ဘ်၊ နိုင်းမြစ်ဝှမ်းရဲ့ မာရာဒိုနာလို့ အမည်ပြောင်ပေးခြင်း ခံခဲ့ရတဲ့ တာဟီရ် အဘူ-ဇိုက်ဒ်၊ မဂ်ဒီ အဘ်ဒဲလ်-ဂါနီနဲ့ တိုက်စစ်မှူးတွေဖြစ်ကြတဲ့ အဘ်ဒဲလ်-ဟာမစ်၊ လူငယ်ကြယ်ပွင့် ဟိုစမ် ဟာဆန်တို့ ပါဝင်တဲ့ အဲဒီ အီဂျစ်အသင်းဟာ နိုင်ငံရဲ့ သမိုင်းတစ်လျှောက်မှာ အကောင်းဆုံးအသင်း ဖြစ်ခဲ့ပါတယ်။
ဒါပေမယ့် အဖွင့်ပွဲမှာ ဆီနီဂေါလ်ကို ၁ ဂိုး ဂိုးမရှိနဲ့ ရှုံးနိမ့်ခဲ့ပြီး ဒုတိယပွဲစဉ်မှာ အိုက်ဗရီကို့စ်အင်းကို ၂ ဂိုး ဂိုးမရှိ၊ အုပ်စုနောက်ဆုံးပွဲစဉ်မှာ မိုဇမ်ဘတ်အသင်းကို ၂ ဂိုး ဂိုးမရှိနဲ့ နိုင်ပြီး ဆီမီးဖိုင်နယ်ကို တက်ရောက်နိုင်ခဲ့ပါတယ်။
မော်ရိုကို ကို ၁ ဂိုး ဂိုးမရှိနဲ့ နိုင်ခဲ့တဲ့ ဆီမီးဖိုင်နယ်မှာ နောက်ကျအနိုင်ဂိုးကို ဖရီးကစ်ကနေ တိုက်ရိုက်ကန်သွင်းခဲ့သူ အဘူ-ဇိုက်ဒ်ဟာ တိုင်းပြည်အတွက် သူရဲကောင်း ဖြစ်ခဲ့ပါတယ်။
နောက်ဆုံးဗိုလ်လုပွဲမှာတော့ ကင်မရွန်းနဲ့ကစားခဲ့ရပြီး ဂိုး မရှိသရေနဲ့ ပွဲပြီးခဲ့တာကြောင့် ပင်နယ်တီ ကန်ခဲ့ရကာ အီဂျစ်က ၅ ဂိုး ၄ ဂိုးနဲ့ အနိုင်ရရှိပြီး တတိယအကြိမ်မြောက် အာဖရိကဖလားကို ဆွတ်ခူး ရရှိခဲ့ပါတယ်။
၁၉၉၈ (ဘာကီနာဖာဆို)
အီဂျစ်ဟာ ဒီပြိုင်ပွဲမှာ မရွယ်ဘဲ စော်ကဲ မင်းဖြစ်သွားတာပါ။
ပြိုင်ပွဲမစခင် အထင်ကြီးမခံရမှုကလည်း အီဂျစ်အသင်းအတွက် အခွင့်အလမ်းကောင်းတစ်ခု ဖြစ်ပွားခဲ့ပါတယ်။
အုပ်စုရဲ့ ပထမပွဲစဉ် ၂ ပွဲမှာ မိုဇမ်ဘတ်အသင်းကို ၂ ဂိုး၊ ဂိုးမရှိ၊ ဇမ်ဘီယာအသင်းကို ၄ ဂိုး ဂိုးမရှိနဲ့ အနိုင်ရခဲ့ပြီး နောက်ဆုံးပွဲစဉ်မှာ မော်ရိုကိုကို ၁ ဂိုး ဂိုးမရှိနဲ့ ရှုံးနိမ့်ခဲ့တာကြောင့် အီဂျစ်ဟာ အုပ်စု ဒုတိယနဲ့ နောက်တစ်ဆင့်ကို တက်ရောက်နိုင်ခဲ့ပါတယ်။
ပြိုင်ပွဲမစခင် ခြေစွမ်းပုံမှန်မရှိတဲ့ တိုက်စစ်မှူး ဟိုစမ် ဟာဆန်ဟာ အုပ်စု ၃ ပွဲမှာပဲ ၅ ဂိုးသွင်းယူခဲ့ပါတယ်။
ကွာတားဖိုင်နယ်မှာ အိုက်ဗရီကို့စ်ကို ပင်နယ်တီ ၅ ဂိုး ၄ ဂိုးနဲ့ အနိုင်ရပြီး ဆီးမီးတက်လာတဲ့ အီဂျစ်ဟာ အိမ်ရှင် ဘာကီနာဖာဆိုနဲ့ တွေ့ခဲ့ရပါတယ်။
ဆီမီးဖိုင်နယ်မှာ တောက်ပခဲ့သူကတော့ တိုက်စစ်မှူး ဟိုစမ် ဟာဆန်ဖြစ်ပြီး အနိုင်ဂိုး ၂ ဂိုးစလုံးကို သွင်းယူကာ ၁၂ နှစ်အတွင်း အီဂျင်အသင်းကို ပထမဆုံးဖိုင်နယ်ကို ပို့ဆောင်ပေးခဲ့ပါတယ်။
ချန်ပီယံဘွဲ့ကို ကာကွယ်မယ့် တောင်အာဖရိနဲ့တွေ့ဆုံခဲ့တဲ့ ဒီပွဲဟာ အီဂျစ်ဘောလုံးသမိုင်းမှာ မေ့မရတဲ့ပွဲတစ်ခု ဖြစ်ခဲ့ပြီး အဟ်မဒ် ဟာဆန်နဲ့၊ တာရစ် မိုစတာဖာတို့ရဲ့ လှပတဲ့ သွင်းဂိုးတွေနဲ့အတူ အာဖရိက ချန်ပီယံ ဖြစ်ခဲ့ပါတယ်။
အီဂျစ်နည်းပြ အလ်-ဂိုဟာရီက ကစားသမားဘ၀နဲ့ရော၊ နည်းပြဘ၀နဲ့ပါ အာဖရိကနိုင်ငံများဖလားကို ပထမဆုံး ဆွတ်ခူးသူ ဖြစ်လာခဲ့ပါတယ်။
ပြိုင်ပွဲရဲ့ အတောက်ပဆုံးဖြစ်ခဲ့ပြီး ၇ ဂိုး သွင်းယူနိုင်ခဲ့တဲ့ အီဂျစ်တိုက်စစ်မှူး ဟိုစမ် ဟာဆန်ကတော့ တောင်အာဖရိက ကစားသမား ဘန်နီ မက္ကာသီနဲ့အတူ ပူးတွဲရွှေဖိနပ်ဆု ရရှိခဲ့ပါတယ်။
၂၀၀၆ (အီဂျစ်)
ဒီပြိုင်ပွဲက အီဂျစ်အသင်းဟာ အာဖရိဘောလုံးလောကကို နောက်ထပ် နှစ်တော်တော်ကြာ ကြီးစိုးမယ့် ရွှေရောင်မျိုးဆက်ဖြစ်ခဲ့ပါတယ်။
ပြိုင်ပွဲမစခင်မှာ ဝေဖန်မှုတွေ ခံခဲ့ရပေမယ့် နည်းပြ ဟာဆန် ရှီဟာတာဟာ အကောင်းဆုံး စွမ်းဆောင်နိုင်ခဲ့ပြီး အီဂျစ်နိုင်ငံရဲ့မိုင်းက အကောင်းအဆုံးကစားသမားတွေထဲမှာ ပါဝင်လာမယ့် ဂိုးသမာ အက်စမ် အလ်-ဟာဒါရီ၊ နောက်ခံလူ အဟ်မဒ် ဖာသီ၊ ကွင်းလယ်လူ မိုဟာမက် အဘူ-ထရီကာတို့ကို မွေးထုတ်ပေးခဲ့ပါတယ်။
အဲဒီအထဲက ဂိုးသမား အလ်-ဟာဒါရီနဲ့ ညာနောက်ခံလူ ဖာသီတို့ဟာ သိပ်မကြာခင်အချိန်အထိ အီဂျစ်လက်ရွေးစင်အသင်းမှာ အမာခံကစားသမားတြွေ ဖစ်ခဲ့ပါတယ်။
အုပ်စု အဖွင့်ပွဲမှာ လစ်ဗျားကို ၃ ဂိုးပြတ်၊ ဒုတိယပွဲမှာ မော်ရိုကိုနဲ့ ဂိုးမရှိသရေကျ၊ နောက်ဆုံးပွဲမှာ အိုက်ဗရီကို့စ်ကို ၃ ဂိုး ၁ ဂိုးနဲ့ အနိုင်ရကာ နောက်တစ်ဆင့်တက်လာတဲ့ အီဂျစ်ဟာ ကွာတားဖိုင်နယ်မှာ ဒီအာရ် ကွန်ဂိုကို ၄ ဂိုး ၁ ဂိုးနဲ့ နိုင်ခဲ့ပါတယ်။
ဆီမီးဖိုင်နယ်မှာ ဆီနီဂေါလ်အသင်းနဲ့ အသည်းအသန် ကစားခဲ့ရပြီး အီဂျစ်တို့ ဦးဆောင်ဂိုး ရခဲ့ပေမယ် ချေပဂိုးပြန်ပေးခဲ့ရပါတယ်။ ဒီပွဲမှာ နာမည်ကျော်အဖြစ်အပျက်က လူစားလဲခံရတဲ့ တိုက်စစ်မှူးမီဒိုနဲ့ နည်းပြ ရှီဟာတာတို့ အခြေအတင် စကားများခဲ့တာဖြစ်ပါတယ်။ ဒါပေမယ့် မီဒိုအစားဝင်လာတဲ့ အမာရ် ဇာကီဟာ လက်ကျန် ၁၀ မိနစ်မှာ အနိုင်ဂိုး သွင်းယူနိုင်ခဲ့တာကြောင့် အီဂျစ်တို့ ဖိုင်နယ်ရောက်ခဲ့ပါတယ်။
ဖိုင်နယ်မှာလည် အိုက်ဗရီကို့စ်နဲ့ အကြိတ်အနယ်ရှိခဲ့ပြီး ပယ်နယ်တီမှာ အိုက်ဗရီကို့စ်တိုက်စစ်မှူး ဒရော့ဘာရဲ့ ပင်နယ်တီ လွဲချော်မှုနဲ့အတူ အီဂျစ်တို့ ၄ ဂိုး ၂ ဂိုးနဲ့ အနိုင်ရကာ ၅ ကြိမ်မြောက် အာဖရိကနိုင်ငံများဖလားကို ဆွတ်ခူးနိုင်ခဲ့ပါတယ်။
ဂါနာ (၂၀၀၈)
အီဂျစ်တို့ ဒီပြိုင်ပွဲမှာ ၂ ကြိမ်ဆက် ချန်ပီယံဖြစ်ခဲ့တာဖြစ်ပြီး ၂၀၀၆ ခုနှစ်က အိမ်ရှင်အားသာချက်နဲ့ ဖလားယူသွားတယ်ဆိုတဲ့ စွပ်စွဲမှုတွေကိုလည်း ချေဖျက်ပြခဲ့ပါတယ်။
ဒီပြိုင်ပွဲမှာ အီဂျစ်ဟာ စွဲမက်လောက်ဖွယ် တန်ပြန်တိုက်စစ် နည်းပြဗျူဟာကို အသုံးပြုခဲ့ပြီး ကင်မရွန်းနဲ့ အိုက်ဗရီကို့စ်အပါအ၀င် အသင်းကြီးတစ်ချို့ကို ဒီဗျူဟာနဲ့ပဲ အနိုင်ယူခဲ့ပါတယ်။
နည်းပြရှီဟာတာဟာ ဒီပွဲမှာ ကွင်းလယ်ကစားသမား ဟိုစနီ အဘ်-ရာဘူ၊ ဂျာမနီခြေစိုက် မိုဟာမက် ဇီဒန်းတို့လို လူငယ်လက်သစ်တွေကို အသုံပြုခဲ့ပြီး နှစ်ယောက်စလုံးက ပြိုင်ဘက်အသင်းတွေကို ကောင်းကောင်းဒုက္ခပေးကာ အဘ်-ရာဘူးဟာ ပြိုင်ပွဲတစ်လျှောက် အကောင်းဆုံး ဘောလုံးသမားဆု ရရှိခဲ့ပါတယ်။
အဖွင့်ပွဲစဉ်မှာ အသင်းကြီး ကင်မရွန်းကို ၄ ဂုိုး ၂ ဂို၊ ဆူဒန်ကို ၃ ဂိုးပြတ်နဲ့ အနိုင်ရခဲ့ပြီး နောက်ဆုံးပွဲမှာတော့ ဇမ်ဘီယာကို ၁ ဂိုးစီ သရေကျခဲ့ပါတယ်။
ကွာတားဖိုင်နယ်မှာ အန်ဂိုလာနဲ့ ခက်ခက်ခဲခဲ ကစားခဲ့ရပေမယ့် အလ်-ရာဘူ၊ ဇီဒန်းတို့ရဲ့ ဂိုးတွေကြောင့် ၂ ဂိုး ၁ ဂိုးနဲ့ အနိုင်ရပြီး ဆီမီးဖိုင်နယ်မှာ ရေပန်းအစားဆုံး အိုက်ဗရီကို့စ်ကို ၄ ဂိုး ၁ ဂိုးနဲ့ ပြတ်ပြတ်သားသား အနိုင်ယူနိုင်ခဲ့ပါတယ်။
ဖိုင်နယ်မှာတော့ ကင်မရွန်းနဲ့ ပြန်တွေ့ခဲ့ပြီး အီဂျစ်ရဲ့ တန်ပြန်တိုက်စစ်ကိုထိန်းချုပ်ဖို့ နောက်တန်းကို ပိုအာရုံစိုက်ခဲ့ပေမယ့် ကင်မရွန်းတို့ မအောင်မြင်ခဲ့ပါဘူး။ ဇီဒန်းရဲ့ ခြေစွမ်းမှုနဲ့အတူ အဘူ-တရီကာက အနိုင်ဂိုး ၂ ဂိုးစလုံးကို သွင်းယူခဲ့ပြီး အသင်းကို ဆဌမမြောက် ဒေသတွင်းအောင်ပွဲ ရရှိစေခဲ့ပါတယ်။
၂၀၁၀ (အန်ဂိုလာ)
ကမ္ဘာဖလား play-off မှာ မြောက်အာဖရိကပြိုင်ဘက် အလ်-ဂျီးရီးယားကို ၁ ဂိုး ဂိုးမရှိနဲ့ရှုံးနိမ့်ပြီး ကမ္ဘာ့ဖလားဝင်ရောက်ခွင့် လက်လွှတ်ခဲ့ရတဲ့ အီဂျစ်တို့အတွက် ဒီပြိုင်ပွဲက ပေါက်ကွဲစရာနေရာ ဖြစ်ခဲ့ပါတယ်။
နိုက်ဂျီးရီးယားကို ၃ ဂိုး ၁ ဂိုး၊ မိုဇမ်ဘတ်နဲ့ ဘီနင်တို့ကို ၂ ဂိုးပြတ်နဲ့အတူ ရာနှုန်းပြည့်အနိုင်နဲ့ အုပ်စုကတက်လာတဲ့ အီဂျစ်ဟာ ကွာတားဖိုင်နယ်မှာလည်း ကင်မရွန်းအသင်းကို ၃ ဂိုး ၁ ဂိုးနဲ့ အနိုင်ရခဲ့ပါတယ်။
ဆီမီးဖိုင်နယ်မှာ အလ်ဂျီးရီးယားနဲ့ မကျေပွဲနွှဲခဲ့ရပြီး အီဂျစ်က ၄ ဂိုးပြတ်နဲ့ ရှုံးကြွေးကို လှလှပပ ပြန်ဆပ်နိုင်ခဲ့ပါတယ်။
ဖိုင်နယ်မှာ ဂါနာနဲ့ မထင်မှတ်ဘဲ အကြိတ်အနယ်ကစားခဲ့ရတဲ့ အီဂျစ်ဟာ ပွဲပြီးဖို့ ၅ မိနစ်အလို ဂီဒိုရဲ့ ဂိုးနဲ့ အာဖရိကနိုင်ငံများဖလား သမိုင်းတစ်လျှောက် ဖလားကို ၇ ကြိမ်ရယူနိုင်ခဲ့ကာ စံချိန်သစ်တစ်ခုကို ရေးထိုးနိုင်ခဲ့ပါတယ်။
အနိုင်ဂိုးရှင် ဂီဒိုကာ အီဂျစ်အသင်းအတွက် အညတရ သူရဲကောင်းအဖြစ် မှတ်ယူခံခဲ့ရပြီး၊ ပြိုင်ပွဲတစ်လျှာက် အရန်ခုံကနေပဲ ၅ ဂိုးသွင်းကာ ရွှေဖိနပ်ဆု ရရှိခဲ့ပါတယ်။
Ref: ahram.org
