News @ M-Media

Blog

  • ခရစ္စမတ်တွင် ခရစ်ယာန်ဘုရားကျောင်းများကို အင်ဒိုမွတ်စလင်လူငယ်များ ကာကွယ်ပေးမည်

    ခရစ္စမတ်တွင် ခရစ်ယာန်ဘုရားကျောင်းများကို အင်ဒိုမွတ်စလင်လူငယ်များ ကာကွယ်ပေးမည်

    ဒီဇင်ဘာ ၂၁၊ ၂၀၁၆
    M-Media

    ch

    – နိုင်ငံအတွင်းမှာ ဖြစ်နေတဲ့ ဘာသာရေးအရ သည်းမခံနိုင်မှုတွေဟာ လူနည်းစုရဲ့ စနက်ဖြစ်တယ်ဆိုတာ ပြသဖို့နဲ့ အင်ဒိုပြည်သူတွေဟာ ဘာသာလူမျိုး မခွဲခြားဘဲ လူနည်းစုတွေကို ကာကွယ်စောင့်ရှောက်ပေးတဲ့ အစဉ်အလာကို ထိန်းသိမ်းဖို့အတွက် မွတ်စလင်လူငယ်အဖွဲ့ဟာ ခရစ္စမတ်ပွဲတော် ကာလအတွင်းမှာ ခရစ်ယာန်ဘုရားကျောင်းတွေကို ကာကွယ်စောင့်ရှောက်ဖို့ စီစဉ်နေကြတယ်လို့ သိရပါတယ်။

    ကမ္ဘာပေါ်က လွတ်လပ်တဲ့ အကြီးဆုံး အစ္စလာမ်ဘာသာရေးအဖွဲ့အစည်း Nahdlatul Ulama (NU) ရဲ့ လူငယ်အဖွဲ့က Banser က စီစဉ်တာဖြစ်ပြီး ခရစ္စမတ်အကြိုနဲ့ ခရစ္စမတ်နေ့တွေမှာ နိုင်ငံတစ်ဝှမ်းက ခရစ်ယာန်ဘုရားကျောင်းတွေတစ်ဝိုက် တပ်ဖြန့်ချထားကာ ကာကွယ်ပေးသွားမှာ ဖြစ်ပါတယ်။

    လူနည်းစုကို ကာကွယ်ပေးမယ့် အဲဒီလှုပ်ရှားမှုမှာ အင်ဒိုမွတ်စလင် သောင်းနဲ့ချီ ပါဝင်မှာဖြစ်ပြီး NU ရဲ့ အရှေ့ဂျာဗားအဖွဲ့ခွဲကတော့ မွတ်စလင်လူငယ်ပေါင်း ၄၁၀၀ ဟာ ခရစ်ယာန်ဘုရားကျောင်းတွေကို ကာကွယ်ပေးဖို့ အဆင်သင့်ဖြစ်နေတယ်လို့ ပြောကြားခဲ့ပါတယ်။

    “အရှေ့ဂျာဗား ၃၈ မြို့က ဌာခွဲ ၄၁ ခုမှာ တစ်ဖွဲ့ကို ၁၀၀ လောက်က သူတို့ဒေသတစ်ဝိုက် စောင့်ရှောက်ပေးကြမှာဖြစ်ပါတယ်။ ဒါ့ကြောင့် ရဲတပ်ဖွဲ့နဲ့ ဘုရားကျောင်း လုံခြုံရေးကို ကူညီပေးဖို့ စုစုပေါင်း ၄၁၀၀ လောက် ရှိနေပါတယ်။ သူတို့အားလုံး စေတနာ့ဝန်ထမ်းတွေပါ။ ငွေကြေးလုံးဝမပေးရပါဘူး” လို့ NU အဖွဲ့က တာဝန်ရှိသူ ရူဒီ ထရီ ၀ါဟစ်က ပြောကြားခဲ့ပါတယ်။

    ခရစ်ယာန်တွေရဲ့ ပွဲတော်အချိန်မှာ တိုင်းပြည်က ခရစ်ယာန်လူနည်းစုတွေကို ကာကွယ်စောင့်ရှောက်ပေးတဲ့ ဒီလူပ်ရှားမှုကို NU က နှစ်စဉ်နှစ်တိုင်း ဆောင်ရွက်တာ ဖြစ်ပါတယ်။

    အခုနှစ်မှာလည်း အရှေ့ဂျာဗားအပြင် နိုင်ငံတစ်ဝှမ်းက NU ဌာနခွဲတွေက ဒီလို ကာကွယ်ပေးဖို့ ကတိပြုခဲ့ပါတယ်။

    အရှေ့ကလီမန်တန် NU ဌာနခွဲကတော့ ခရစ်ယာန်ညီအစ်ကိုတွေကို ကာကွယ်ပေးရေး လှုပ်ရှားမှုမှာ အဖွဲ့ဝင်ပေါင်း ၅၀၀၀ လောက် ပါဝင်မယ်လို့ ကြေငြာခဲ့ပါတယ်။

    “ဒါဟာ ဘာသာရေးအရ သည်းခံမှုတစ်မျိုးပါ။ ကျွန်တော်တို့ရဲ့ ညီအစ်ကိုတွေ ဘုရားဝတ်ပြုချိန်မှာ လုံခြုံမှု၊ သက်တောင့်သက်သာဖြစ်မှုကို ခံစားရစေဖို့လည်း ဖြစ်ပါတယ်။ ဘုရားကျောင်းတွေကို စောင့်ရှောက်ပေးတာဟာ ကျွန်တော်တို့ နှစ်စဉ်လုပ်နေကြအလုပ်ပါ” လို့ အရှေ့ ကလီမန်တန် Benser ဌာနခွဲက အတွင်းရေးမှူး ဟာရ်မန် အေ ဟာဆန်က ပြောကြားခဲ့ပါတယ်။

    အင်ဒိုမွတ်စလင်တွေရဲ့ ဒီလို ကာကွယ်ပေးမှုအတွင်းမှာ အသက်စတေးခဲ့ရတဲ့ အဖြစ်အပျက်တွေလည်း ရှိခဲ့ပါတယ်။

    ၂၀၀၀ ခုနှစ် ခရစ္စမတ်အကြိုညမှာ အရှေ့ဂျာဗား Eben Haezar ဘုရားကျောင်းကို စောင့်ကြပ်နေတဲ့ မွတ်စလင်လူငယ်အဖွဲ့ထဲက အသက် ၂၅ နှစ်အရွယ် ရီယန်တိုဟာ ဘုရားကျောင်းရှေ့က မသင်္ကာတဲ့ အထုပ်တစ်ထုပ်ကို တွေ့ရှိခဲ့ပြီးနောက် သွားရောက်ကြည့်ရှုခဲ့ပြီး ဗုံးဖြစ်နေတာကို တွေ့တဲ့အချိန် ၀တ်ပြုသူတွေကို အချိန်မီ သတိပေးနိုင်ခဲ့ပါတယ်။ ဒါပေမယ့် သူကတော့ ဒီဗုံးကွဲမှုကြောင့် အသက်ဆုံးရှုံးခဲ့ရပါတယ်။

    အင်ဒိုလုံခြုံရေးတပ်ဖွဲ့တွေကလည်း ခရစ္စမတ်နဲ့ နှစ်သစ်ကူးကာလတွေမှာ ဘုရားကျောင်းတွေ၊ အကြမ်းဖက်သမားတွေက ပစ်မှတ်ထားနိုင်တဲ့နေရာတွေမှာ လုံခြုံရေးတိုးမြှင့်ဖို့ ဆောင်ရွက်နေပါတယ်။

    Rref : Jakarta.coconuts

  • ခရစ်ယာန်စာရေးဆရာအား သတ်သူကို အကြမ်းဖက်ပြစ်မှုဖြင့် ဂျော်ဒန်က သေဒဏ်ချ

    ခရစ်ယာန်စာရေးဆရာအား သတ်သူကို အကြမ်းဖက်ပြစ်မှုဖြင့် ဂျော်ဒန်က သေဒဏ်ချ

    ဒီဇင်ဘာ ၂၁၊ ၂၀၁၆
    M-Media

    attar
    အသတ်ခံရသူ ခရစ်ယာန်စာရေးဆရာ နဟဒ်အတ္တာရ်၏ ဗီနိုင်း

    – သာသနာညှိုးနွှမ်းစေမှုဖြင့် တရားစွဲဆိုခံထားရသည့် ခရစ်ယာန်စာရေးဆရာ နဟဒ် အတ္တာရ်ကို သတ်ဖြတ်ခဲ့သူတစ်ဦးအား ဂျော်ဒန် တရားရုံးက ယမန်နေ့တွင် သေဒဏ်ချမှတ်လိုက်သည်ဟု သိရသည်။

    သေဒဏ်ချမှတ်ခံရသူမှာ ရီယဒ် အစ္စမေးလ်ဆိုသူဖြစ်ပြီး စက်တင်ဘာ ၂၅ ရက်နေ့က အမ်နန်မြို့ တရားရုံးရှေ့တွင် အတ္တာရ်ကို အနီးကပ်ပစ်သတ်ခဲ့ခြင်းဖြစ်သည်။

    အသက် ၅၆ နှစ်အရွယ် အတ္တာရ်မှာ ဆိုရှယ်မီဒီယာတွင် ကာတွန်းတစ်ခုကို မျှဝေမှုအတွက် ဂျော်ဒန်ရှိ မွတ်စလင်များက ထိုကာတွန်းမှာ အစ္စလာမ်ကို စော်ကားခြင်းဖြစ်သည်ဟု မှတ်ယူသောကြောင့် သာသနာ ညှိုးနွမ်းစေမှုဖြင့် တရားစွဲဆို ခံရခြင်းဖြစ်သည်။

    သို့သော်လည်း အတ္တာရ်က ၎င်းအနေဖြင့် အကြမ်းဖက်သမားများ အစ္စလာမ်သာသနာအား အလွဲသုံးစားလုပ်မှုကို သိရှိစေရန် အဆိုပါကာတွန်းအား မျှဝေခဲ့ခြင်းဖြစ်သည်ဟု ပြောကြားခဲ့သည်။

    အတ္တာရ်အား သတ်ဖြတ်ခဲ့သူ အစ္စမေးလ်မှာ ကွန်ပျူတာအင်ဂျင်နီယာတစ်ယောက်ဖြစ်ပြီး ပညာရေးဝန်ကြီးဌာနတွင် အလုပ်လုပ်သူဖြစ်သည်။ ၎င်းအား အခင်းဖြစ်ပွားရာနေရာတွင်ပင် ဖမ်းဆီးနိုင်ခဲ့က တမင်စီစဉ်လူသတ်မှု၊ အကြမ်းဖက်မှု၊ တရားမ၀င် လက်နက်ကိုင်ဆာင်မှုတို့ဖြင့် တရားစွဲဆိုခဲ့သည်။

    ယမန်နေ့ ကြားနာမှုအတွင်း တရားသူကြီး ဇီယဒ် အလ်-အဒ်ဝမ်က အစ္စမေးလ်မှာ အကြမ်းဖက်လုပ်ရပ်ကို ကျူးလွန်ခဲ့မှုအတွက် သေဒဏ်ချမှတ်လိုက်သည်ဟု ပြောကြားခဲ့သည်။

    ထို့ပြင် ၎င်းအား သေနတ်ရောင်းသူ၊ သေနတ်ရောင်းသူထံ သွားရောက်မိတ်ဆက်ပေးခဲ့သူ နှစ်ဦးကိုလည်း တရားရုံးက ထောင်ဒဏ် တစ်နှစ်စီ အသီးသီး ချမှတ်ခဲ့သည်။

    အတ္တာရ်အသတ်ခံရမှုကို ဂျော်ဒန်ဘုရင် အဘ်ဒူလာက စက်ဆုပ်ဖွယ်ရာ ရာဇ၀တ်မှုအဖြစ် ကင်ပွန်းတပ်ခဲ့ပြီး၊ ဂျော်ဒန်ပြည်သူများကလည်း အစိုးရအား နှုတ်ထွက်ရန် ဆန္ဒပြခဲ့ကြသည်။

    Ref : Aljazeera

  • ဆွစ်ဇ်ဇာလန်ရှိ ဗလီတစ်လုံးတွင် သေနတ်သမားတစ်ဦး ၀င်ရောက်ပစ်ခတ်

    ဆွစ်ဇ်ဇာလန်ရှိ ဗလီတစ်လုံးတွင် သေနတ်သမားတစ်ဦး ၀င်ရောက်ပစ်ခတ်

    ဒီဇင်ဘာ ၂၀၊ ၂၀၁၆
    M-Media

    mosque
    သေနတ်သမားက ၀င်ရောက်ပစ်ခတ်သွားသည့် ဇူးရစ်ခ်ျမှ ဗလီ

    – ဆွစ်ဇ်ဇာလန်နိုင်ငံ ဇူးရစ်ခ်ျမြို့ရှိ ဗလီဝတ်ကျောင်းတော် တစ်လုံးအတွင်းသို့ ယမန်နေ့က လူတစ်ယောက် ၀င်ရောက်၍ သေနတ်ဖြင့် ပစ်ခတ်ခဲ့သောကြောင့် ၀တ်ပြုသူများ ဒဏ်ရာရရိခဲ့သည်ဟု သိရသည်။

    ဒေသစံတော်ချိန် ညနေပိုင်း ၅ နာရီ ခွဲတွင် အမည်မသိ တိုက်ခိုက်သူတစ်ဦးက ၀င်ရောက်ပစ်ခတ်ခဲ့ခြင်းဖြစ်ပြီး ၀တ်ပြုရန် ရောက်ရှိနေသူများထဲမှ အသက် ၃၀၊ ၃၅ နှင့် ၅၆ နှစ်အရွယ် အမျိုးသား ၃ ဦး ဒဏ်ရာရရှိခဲ့ကာ ၂ ဦးမှာ အခြေအနေဆိုးရွားသည်ဟု ရဲတပ်ဖွဲ့က ပြောကြားခဲ့သည်။

    မျက်မြင်သက်သေများကမူ သေနတ်ဖြင့် ပစ်ခတ်သူမှာ အသက် ၃၀ အရွယ်ခန့်ရှိပြီး အနက်ရောင် ၀တ်စုံနှင့် အနက်ရောင်ဦးထုတ် ဆောင်းထားသည်ဟု ပြောကြားခဲ့သည်။

    “ကျွန်တော်တို့ တစ်ခါမှ ပြဿနာ မရှိခဲ့ဖူးဗျ။ ဒီကိုလာပြီး ခင်ဗျားတို့ ဒီမှာ ဘာလုပ်နေတာလဲလို့ မေးတာမျိုးတောင် တစ်ခါမှ ရှိခဲ့တာမဟုတ်ဘူး” ဟု အဆိုပါ ဗလီဝတ်ကျောင်းသို့ ၀တ်ပြုရန် ပုံမှန်လာရောက်နေသူ ဆိုမာလီနွယ်ဖွား အဘူကာရ် အဘ်ရှီရိုးက ပြောကြားခဲ့သည်။

    အဆိုပါ ပစ်ခတ်မှု ဖြစ်ပွားခဲ့ပြီးနောက် ရှာဖွေမှုများပြုလုပ်ရာ အခင်းဖြစ်ပွားသည့်နေရာမှာ မီတာ ၃၀၀ ခန့် အကွာတွင် သေဆုံးနေသည့် အလောင်းတစ်လောင်းကို တွေ့ရှိခဲ့ရပြီး စစ်ဆေးမှုများ ပြုလုပ်ခဲ့ကာ သေဆုံးသူမှာ ဗလီဝတ်ကျောင်းတော်အား တိုက်ခိုက်သူဖြစ်သည်ဟု ရဲတပ်ဖွဲ့က ယနေ့တွင် အတည်ပြုခဲ့သည်။

    သို့သော်လည်း တိုက်ခိုက်မှုနောက်ကွယ်မှ အကြောင်းအရင်းအပါအ၀င် အသေးစိတ်ကို ထုတ်ပြန်ခဲ့ခြင်းမရှိချေ။

    လူဦးရေ ၈ သန်းခန့်ရှိသည့် ဆွစ်ဇာလန်နိုင်ငံတွင် အစ္စလာမ်ဘာသာဝင်အရေအတွက်မှာ ၄၅၀,၀၀၀ ခန့် ရှိနေသည်။

    Ref: Reuters, CNBC

  • သိမ်းထားသည့် အမေရိကန်ရေအောက်ဒရုန်းကို တရုတ်ပြန်ပေး

    သိမ်းထားသည့် အမေရိကန်ရေအောက်ဒရုန်းကို တရုတ်ပြန်ပေး

    ဒီဇင်ဘာ ၂၀၊ ၂၀၁၆
    M-Media

    drone-2
    တရုတ်က သိမ်းဆည်းခဲ့သည့် အမေရိကန် ရေအောက်ဒရုန်း

    – ပြီးခဲ့သည့်တစ်ပတ်က တောင်တရုတ်ပင်လယ်အတွင်း ဖမ်းဆီးခဲ့သည့် အမေရိကန် ရေအောက်ဒရုန်းတစ်စင်းကို တရုတ်က ပြန်လည်ပေးအပ်လိုက်သည်ဟု တရုတ်ကာကွယ်ရေးဝန်ကြီးဌာနက ပြောကြားခဲ့သည်။

    အမေရိကန် ရေတပ်ပိုင်ဖြစ်ပြီး ‘ရေတပ် ဂလိုက်ဒါ’ ဟု အမည်ပေးထားသည့် အဆိုပါ ရေအောက်ဒရုန်းကို ဆူဘစ်ပယ်လယ်အော်ရှိ နိုင်ငံတကာရေပိုင်နက်တွင် အမေရိကန်သမုဒ္ဒရာဗေဒသင်္ဘောက စေလွှတ်ထားစဉ် တရုတ်က သိမ်းဆည်းခဲ့ခြင်းဖြစ်သည်။

    အမေရိကန်ကမူ အဆိုပါဒရုန်းကို ရေအောက်လမ်းကြောင်းများ သတ်မှတ်ရာတွင် အကူအညီဖြစ်စေရန်အတွက် ရေ၏ ဆားပါဝင်မှုနှင့် အပူချိန်တို့ကို တိုင်းတာရန် အသုံးပြုခြင်းဖြစ်သည်ဟု ပြောကြားခဲ့ပြီး တရုတ်၏ ထိုသိမ်းဆည်းမှုကိုလည်း ကန့်ကွက်ရှုတ်ချခဲ့သည်။

    တရုတ်ကာကွယ်ရေးဝန်ကြီးဌာနက အဆိုပါဒရုန်းကို ပြန်ပေးခဲ့ကြောင်း ၎င်း၏ ၀ဘ်ဆိုက်တွင် ယနေ့မနက်ပိုင်းက လွှင့်တင်ခဲ့ပြီး၊ နှစ်ဖက် ရင်းနှီးဖော်ရွေစွာ ဆွေးနွေးခဲ့ပြီးနောက်ပိုင်း လက်လွှဲမှုမှာ ချော့မွေ့စွာ ပြီးဆုံးခဲ့သည်ဟု ဖော်ပြထားသည်။

    အမေရိကန် ပင်တဂွန်စစ်ဌာနချုပ်မှ ယမန်နေ့ညပိုင်းတွင် ထုတ်ပြန်သည့် ကြငြာချက်တွင် သတင်းထုတ်ပြန်ရေးတာဝန်ရှိသူ ပီတာကွတ်ကမူ အဆိုပါဒရုန်းကို ဖမ်းဆီးထားသည့်နေရာ မလှမ်းမကမ်းတွင် တရုတ်ရေတပ်သင်္ဘောက ပြန်လည်ပေးအပ်ခဲ့သည်ဟု ပြောကြားခဲ့သည်။

    တရုတ်ကမူ အဆိုပါ ဒရုန်းမှာ အခြားသော သင်္ဘောများ၏ ဘေးအန္တရာယ်ကင်းရှင်းရေးကို ထိခိုက်စေမည့်ပုံရသောကြောင့် ဖမ်းဆီးခဲ့ခြင်းဖြစ်သည်ဟု ဆိုသည်။

    Ref : Aljazeera

  • လေယာဉ်ပျက်ကျခဲ့သည့် ဘရာဇီးလ်ကလပ်အသင်းအတွက် ရန်ပုံငွေပွဲ ကစားမည်

    လေယာဉ်ပျက်ကျခဲ့သည့် ဘရာဇီးလ်ကလပ်အသင်းအတွက် ရန်ပုံငွေပွဲ ကစားမည်

    ဒီဇင်ဘာ ၂၀၊ ၂၀၁၆
    M-Media

    bra
    ပျက်ကျသည့်လေယာဉ်ပေါ်သုို့မတက်မီ အမှတ်တရ ဓာတ်ပုံရိုက်ခဲ့သော Chapecoense အသင်းသားများ

    – ပြီးခဲ့သည့်လက ကိုလံဘီယာနိုင်ငံအတွင်း လေယာပျက်မှုတွင် တစ်သင်းလုံးကို ဆုံးရှုံးခဲ့ရသည့် ဘရာဇီးကလပ် Chapecoense အသင်းကို ထောက်ပံ့ရန်အတွက် ဘရာဇီးလက်ရွေးစင်အသင်းနှင့် ကိုလံဘီယာ လက်ရွေးစင်အသင်းတို့မှာ လာမည့်လ ၂၅ ရက်နေ့တွင် ရန်ပုံငွေပွဲ ကစားသွားမည်ဟု သိရသည်။

    တောင်အမေရိက ကလပ်အသင်းလောကတွင် ဒုတိယအဆင့်အမြင့်ဆုံးဖလားဖြစ်သည့် Copa Sudamericana ဖိုင်နယ်ပွဲအတွက် ကိုလံဘီယာနိုင်ငံသို့အသွား ဖြစ်ပွားခဲ့သည့် အဆိုပါ လေယာဉ်ပျက်ကျမှုအတွင်း Chapecoense အသင်းမှ ကစားသမားများ၊ နည်းပြများနှင့် ၀န်ထမ်း စုစုပေါင်း ၅၀ ကျော် သေဆုံးခဲ့ရသည်။

    ထိုအဖြစ်အပျက်အတွက် တစ်ကမ္ဘာလုံးက ယူကြုံးမရ ဖြစ်ခဲ့ကြပြီး ဥရောပနှင့် တောင်အမေရိကမှ အသင်းများကလည်း Chapecoense အသင်းအတွက် ကစားသမားများကို အခမဲ့ အငှားချပေးသွားမည်ဟု ကမ်းလှမ်းခဲ့သည်။

    ဘရာဇီးလ်နှင့် ကိုလံဘီယာတို့၏ ယခု ရန်ပုံငွေပွဲကို ရီယိုဒီဂျနေရိုးမြို့ရှိ Estadio Nilton Santos ဘောလုံးကွင်းတွင် ကစားမည်ဖြစ်ပြီး ထိုပွဲမှ ရရှိသည့် ရန်ပုံငွေများ အားလားကို လေယာပျက်ကျမှုတွင် ပါဝင်သွားသည့် ကစားသမားများ၏ မိသားစုနှင့် အသင်းအတွက် လှူဒါန်းမည်ဖြစ်သည်။

    Ref: Goal