ဒီဇင်ဘာ ၁၀၊ ၂၀၁၆
M-Media
– ဂျူးလူမျိုးတစ်ဦးက မီးရှိုခဲ့မှုကြောင့် ပျက်ဆီးသွားသည့် ဖလော်ရီဒါမှ ဗလီဝတ်ကျောင်းတော် ပြန်လည်ပြင်ဆင်ရန်အတွက် အမေရိကန်ရှိ ထင်ရှားသည့် ဂျူးအဖွဲ့အစည်းဖြစ်သော အမေရိကန် ဂျူးကော်မတီ (AJC) က ရန်ပုံငွေ လှူဒါန်းခဲ့သည်ဟု သိရသည်။
“ဘယ်လို ၀တ်ပြုရာ အဆောက်အဦးမျိုးကိုမဆို တိုက်ခိုက်တာဟာ အမေရိကန်အားလုံးကို စော်ကားတာပါပဲ။ ဗလီတစ်လုံးကို မီးရှို့မှုဟာ အမေရိကန်က ဂျူးတစ်မျိုးသားလုံး ဆန့်ကျင်ရှုတ်ချတဲ့ အမုန်းရာဇ၀တ်မှုတစ်ခုပါ” ဟု AJC ၏ မွတ်စလင်-ဂျူဆက်ဆံရေး အဖွဲ့မှ ဒါရိုက်တာ ရောဘတ် ဆေးလ်ဗားမန်းက ပြောကြားခဲ့သည်။
ဆေးလ်ဗားမန်းမှာ ဗလီဝတ်ကျောင်းတော်တည်ရှိရာ ဖော့တ်ပီယာ့စ် အစ္စလာမ့်စင်တာမှ ဒါရိုက်တာ ဆယဒ် ရှာဖီက်အူရ် ရဟ်မန်ကို သောကြာနေ့က အလှူငွေ ပေးအပ်ခဲ့ခြင်းပြီး ဗလီဝတ်ကျောင်းတော်သို့ ၀တ်ပြုရန် လာရောက်ကြသူများကိုလည်း မိန့်ခွန်းပြောကြားခဲ့သည်။
“ရာစုနှစ်များစွာအရင် ဥရောပက ကက်သလစ်အာဏာရှင်တွေလက်ထက် ဂျူးတွေ ညှင်းပမ်းနှိပ်စက်ခံခဲ့ရတုန်းက သူတို့တွေဟာ မွတ်စလင်နယ်မြေတွေမှာ သွားရောက် ခိုလှုံခဲ့ကြရပါတယ်။ ဒီလို ဒုက္ခသည်တွေကို ကြိုဆိုခဲ့မှုက ဂျူးလူမျိုးတွေ ဘယ်တော့မှ မေ့လိုမရမယ့် ကြင်နာမှုမျိုးပါပဲ။ ဒီနေ့မှာတော့ AJC ဟာ ဒီလိုမဖြစ်စလောက်လေး ကူညီရတဲ့အတွက် ဂုဏ်ယူမဆုံး ဖြစ်ရပါတယ်” ဟု ဆေးလ်ဗားမန်းက ထည့်သွင်းပြောကြားခဲ့သည်။
ထို့ပြင် ဗလီဝတ်ကျောင်းတော်ကို မီးရှို့သူအား တရားဥပဒေအတိုင်း အမြန်ဆုံး အရေးယူရန်လည်း တိုက်တွန်းခဲ့သည်။
ဗလီဝတ်ကျောင်းတော်ကို မီးရှို့သူ ဂျူးလူမျိုးမှာ ဂျိုးဆက်ပ် မီခေးလ် ရှရီဘာဆိုသူဖြစ်ပြီး ယခင်က ရာဇ၀တ်မှုကျူးလွန်ဖူးသူတစ်ဦးလည်း ဖြစ်သည်။ ၎င်းကမူ ထိုကဲ့သို့ ဆောင်ရွက်ခဲ့မှုအတွက် ရှက်မိကြောင်း ပြောကြားခဲ့သည်။ ၎င်းမှာ စက်တင်ဘာ ၁၁ ရက်နေ့ ၁၅ နှစ်မြောက် နှစ်ပတ်လည်တွင် ဗလီအား မီးရှို့ခဲ့သည်။
ထိုမီးရှို့မှုတွင် ထိခိုက်ဒဏ်ရာရမှု မရှိခဲ့ဘဲ ဗလီဝတ်ကျောင်းတော်မှာ ဆိုးဆိုးဝါးဝါး ထိခိုက်ပျက်ဆီးခဲ့သည်။
Ref : Time of Israel
