News @ M-Media

တပ်မတော်က နိုင်ငံတစ်ဝှမ်း လူမျိုးဘာသာမရွေး အခမဲ့ဆေးကုသပေးနေ

ဒီဇင်ဘာ ၁၅၊ ၂၀၁၆
M-Media

tch-4
ကျိုင်းတုံမြို့ ပါလျှံဗလီတွင် တပ်မတော်၏ ဆေးကုသမှုမြင်ကွင်း

– ယခုရက်ပိုင်းအတွင်းမှာ မြန်မာ့တပ်မတော် ဆေးတပ်ဖွဲ့က နိုင်ငံတစ်ဝှမ်းမှာ နယ်လှည့်ကုသရေး လုပ်ငန်းများကို ဆောင်ရွက်နေပြီး ဗလီဝတ်ကျောင်းတွေနဲ့ ခရစ်ယာန်ဘုရားကျောင်းတွေမှာပါ အခြေစိုက်ကာ လူမျိုးမရွေး၊ ဘာသာမရွေး အခမဲ့ ကုသပေးခဲ့တယ်လို့ သိရပါတယ်။

ဒီဇင်ဘာ ၁၃ ရက်န့မှာ မန္တလေးမြို့ ဂျွန်းဗလီဝန်းက အစ္စလာမ်ဘာသာရေး စာသင်ကျောင်းမှာ အလယ်ပိုင်းတိုင်း စစ်ဌာနာချုပ် နယ်လှည့် ဆေးကုသရေးအဖွဲ့က ပါရဂူကြီးတွေအပါအ၀င် စုစုပေါင်း အင်အား ၂၀ ကျော်နဲ့ အစ္စလာမ်ဘာသာဝင် ၃၀၀ နီးပါးကို အခမဲ့ ဆေးကုသမှုတွေ ပြုလုပ်ပေးခဲ့ပါတယ်။

ဒီဇင်ဘာ ၁၄ ရက်နေ့မှာတော့ ရှမ်းပြည်နယ်အရှေ့ပိုင်း၊ ကျိုင်းတုံမြို့မှာ အခြေစိုက်တဲ့ တြိဂံဒေသတိုင်းစစ်ဌာနချုပ်က အမှတ်(၁၂) စစ်မြေပြင်ဆေးတပ်ရင်းနဲ့ အမှတ်(၃) တပ်မတော်ဆေးရုံတို့ရဲ့ နယ်လှည့်ဆေးကုသရေးအဖွဲ့တွေဟာ ပါလျှံဗလီမှာ အခြေစိုက်ပြီး အစ္စလာမ်ဘာသာဝင်တွေအပါအ၀င် ဒေသခံပြည်သူတွေကို အခမဲ့ဆေးကုသမှုတွေ ပြုလုပ်ပေးခဲ့တယ်လို့ တာချီလိတ်သတင်းအေဂျင်စီမှာ ဖော်ပြထားပါတယ်။

“ကျွန်တော်တို့  အရင်တုန်းကတော့ ရပ်ကွက်၊ ကျေးရွာတွေမှာပဲလိုက်ပြီးတော့ ကုသပေးနေတာ ဖြစ်ပါတယ်။ ဗလီတွေကိုတော့ မရောက်ဖြစ်ဘူး။ ဒီနေ့မှ ရောက်ဖြစ်တာပါ။ အဓိကကတော့ ကျွန်တော်တို့  တပ်မတော်က လူမျိုး၊ဘာသာ ခွဲခြားတာမရှိဘဲနဲ့ ဆေးကုသမှုအပိုင်းမှာ တစ်ပြေးညီကုပေးနေတယ်ဆိုတာ ပြည်သူလူထုကို သိစေချင်တာပါ”လို့ အမှတ်(၁၂)ခြေမြန်တပ်ရင်းက တပ်ရင်းမှူး ဒုတိယ ဗိုလ်မှူးကြီး ၀င်းမြတ်က တာချီလိတ်သတင်းအေဂျင်စီကို ပြောကြားခဲ့ပါတယ်။

tch
ကျိုင်းတုံမြို့ ပါလျှံဗလီတွင် တပ်မတော်၏ ဆေးကုသမှုမြင်ကွင်း

ပါလျှံဗလီကြီးက အကျိုးတော်ဆောင် ဆရာတော် ဦးစိုးလွင်က တပ်မတော်အနေနဲ့ အခုလို လူမျိုး ဘာသာမရွေး ကုသပေးတဲ့အတွက် ကျေးဇူးတင်မိတယ်လို့ ပြောကြားခဲ့ပါတယ်။

“ကျွန်တော်တို့ကို တပ်မတော်ကနေပြီးတော့ လူမျိုးရေး၊ ဘာသာရေး မခွဲခြားဘဲနဲ့  အခုလို ဆေးကုသပေးတာဟာ တတ်နိုင်တဲ့ လူကော မတတ်နိုင်တဲ့လူကော ဘယ်ရှုထောင့်ကပဲ ကြည့်ကြည့် ၀မ်းသာဖို့ ကောင်းပါတယ်”

ဒီဇင်ဘာ ၁၅ ရက်နေ့ ကြာသာပတေးနေ့ နေ့လည်ပိုင်းမှာတော့ ကရင်ပြည်နယ် မြ၀တီမြို့က ဂျာမေဗလီဝတ်ကျောင်းတော်မှာ တပ်မတော်ဆေးတပ်ရင်းက တပ်ဖွဲ့ဝင် ၂၀ ခန့် လာရောက်အခြေစိုက်ကာ ဆေးကုသပေးခဲ့တယ်လို့ ဗလီဂေါပကဥက္ကဌ ဟာဂျီဦးဇော်ဝင်းက ပြောကြားခဲ့ပါတယ်။

tch-2
ကျိုင်းတုံမြို့ ပါလျှံဗလီတွင် တပ်မတော်၏ ဆေးကုသမှုမြင်ကွင်း

ဒီဇင်ဘာ ၁၄ ရက်နေ့မှာ နိုင်ငံတစ်ဝှမ်း တိုင်းစစ်ဌာနချုပ်တွေက နယ်လှည့်ဆေးကုသရေးအဖွဲ့တွေဟာ ဒေသအသီးသီးက ဆေးရုံတွေ၊ ခရယာန်ဘုရားကျောင်းတွေ၊ ဟိန္ဒူဘုရားကျောင်းတွေနဲ့ ဗလီတွေမှာ အခြေစိုက်ကာ လူမျိုးဘာသာမရွေး အခမဲ့ဆေးကုသမှုတွေ ပြုလုပ်ပေးခဲ့တယ်လို့ တပ်မတော်ကာကွယ်ရေးဦးစီးချုပ်ရုံးရဲ့ Facebook စာမျက်နှာမှာ ဖော်ပြထားပါတယ်။

Ref : FB Page of Tachileik News Agency၊ FB Page of တပ်မတော်ကာကွယ်ရေးဦးစီးချုပ်ရုံး
Photo Credit – Tachileik News Agency

tch-3
ကျိုင်းတုံမြို့ ပါလျှံဗလီတွင် တပ်မတော်၏ ဆေးကုသမှုမြင်ကွင်း