နိုဝင်ဘာ ၂၅၊ ၂၀၁၆
M-Media
– ဇီကာဗိုင်းရပ်စ် ပြန့်နှံ့မှုမှာ ကမ္ဘာ့လုံးဆိုင်ရာ အရေးပေါ် ကျန်းမာရေး အခြေအနေမျိုး မဟုတ်တော့ဟု ကမ္ဘာ့ကျန်းမာရေးအဖွဲ့ WHO က ကြေငြာလိုက်ပြီး၊ ကျန်းမာရေးဆိုင်ရာ ကျွမ်းကျင်သူများကမူ ထိုရောဂါအား တုန့်ပြန်မှု အားနည်းသွားမည်ကို စိုးရိမ်နေကြသည်။
WHO ၏ အကြံပေးကော်မတီမှ အဖွဲ့ဝင်တစ်ဦးက သွေးလွန်တုပ်ကွေးနှင့် ငှက်ဖျားတို့ကဲ့သို့ ခြင်မှတစ်ဆင့် ကူးစက်သည့် ဇီကာဗိုင်းရပ်စ်ပိုး၏ ခြိမ်းခြောက်မှုမှာ အဆိုပါရောဂါများ၏အဆင့်သာ ရှိသောကြာင့် ကမ္ဘာလုံးဆိုင်ရာ အရေးပေါ်အခြေအနေမှာလည်း အဆုံးသတ်သွားပြီဟု ပြောကြားခဲ့သည်။
သို့ရာတွင် ကော်မတီအဖွဲ့ဝင်များက ဇီကာပြဿနာအပေါ် လျှော့တွက်ထားမှုမျိုး မဟုတ်ဟုလည်း ၎င်းက ထည့်သွင်း ပြောဆိုခဲ့သည်။ ဇီကာဗိုင်းရပ်စ် ပြန့်နှံ့မှုဒဏ်ကို ဆိုးဆိုးရွားရွား ရင်ဆိုင်နေရသည့် နိုင်ငံတစ်နိုင်ငံချင်းစီကမူ အရေးပေါ်အခြေအနေ ကြေငြာနိုင်သည်ဟု အကြံပေးကော်မတီ၏ ဥက္ကဌ ဒေါက်တာ ဒေးဗစ် အလ် ဟေးမန်းက ဆိုသည်။
အချို့ပညာရှင်များကမူ WHO ၏ ယခုကြေညာချက်သည် ကူးစက်ပျံ့နှံ့နေဆဲဖြစ်သည့် ရောဂါတစ်ခုအပေါ် နိုင်ငံတကာ၏တုံ့ပြန်မှု နှေးကွေးသွားနိုင်ပြီး ကူးစက်ခံရသူများကလည်း ၎င်းတို့တွင် မည်သည့်ပြဿနာမှမရှိဟု ပေါ့ဆသွားစေနိုကြောင်း သတိပေးခဲ့သည်။
WHO မှာ ဖေဖော်ဝါရီလ ၁ ရက်နေ့က ဇီကာဗိုင်းရပ်စ်ပြန့်နှံမှုအတွက် အရေးပေါ်အခြေအနေ ကြေငြာခဲ့ပြီး ထိုစဉ်က ကမ္ဘာ့အနောက်ခြမ်းရှိ နိုင်ငံအားလုံးနီးပါးနှင့် ကနေဒါတို့တွင် ပြန့်နှံ့ခဲ့သည်။
Ref : IINA
