နိုဝင်ဘာ ၂၁၊ ၂၀၁၆
M-Media
– ၁၉၉၄ ခုနှစ် ရ၀ပ်ဒါနိုင်ငံ၌ ဖြစ်ပွားခဲ့သော လူမျိုးတုန်းသတ်ဖြတ်မှုတွင် ပါဝင်ခဲ့မှုအတွက် ရ၀မ်ဒါ ခရစ်ယာန်ကက်သလစ်အသင်းတော်က တောင်းပန်လိုက်ပြီး အဆိုပါ သတ်ဖြတ်မှုတွင် ပါဝင်ခဲ့သူများ၏ လုပ်ရပ်များအတွက် အလွန် ကြေကွဲဝမ်းနည်းမိသည်ဟု ပြောကြားခဲ့သည်။
ယမန်နေ့ကထုတ်ပြန်ခဲ့သည့် ကြေငြာချက်တွင် ထိုကဲ့သို့ တောင်းပန်လိုက်ခြင်းဖြစ်ပြီး တွတ်ဆီလူမျိုးနှင့် အလယ်အလတ်သဘောထားရှိသည့် ဟူတူလူမျိုးများကို အစွန်းရောက် ဟူလူလူမျိုးများက သတ်ဖြတ်မှုကြောင့် လူပေါင်း ၈ သိန်းကျော် သေဆုံးခဲ့သည့် ထိုအဖြစ်အပျက်တွင် အသင်းတော်အဖွဲ့ဝင်များအနေဖြင့် စီစဉ်ပေးခြင်း၊ အကူအညီပေးခြင်းနှင့် သတ်ဖြတ်ခြင်းတို့ ပြုလုပ်ခဲ့သည်ဟုလည်း ၀န်ခံခဲ့သည်။
“အသင်းတော်က ကျူးလွန်မိခဲ့တဲ့ မှားယွင်းမှုတွေအားလုံးအတွက် တောင်းပန်လိုက်ပါတယ်။ ကျွန်တော်တို့ရဲ့ ပုံစံအမျိုးမျိုးနဲ့ ကျူးလွန်မှုအတွက်လည်း ခရစ်ယာန်အားလုံးကိုယ်စား တောင်းပန်ပါတယ်။ အသင်းတော်အဖွဲ့ဝင်တွေအနေနဲ့ ဘုရားသခင်ရဲ့ ပညတ်တော်တွေအပေါ် သစ္စာစောင့်သိမယ်ဆိုတဲ့ ကတိသစ္စာပြုထားမှုကို ချိုးဖောက်မိတဲ့အတွက်လည်း နောင်တရမိပါတယ်” ဟု နိုင်ငံတစ်ဝှမ်းရှိ ကက်သလစ်ဘုန်းတော်ကြီးများ တက်ရောက်ခဲ့သည့် ‘ကက်သလစ်ဘုန်းတော် ကြီးများ ညီလာခံ’ တွင် ထုတ်ပြန်သည့် အဆိုပါ ကြေငြာချက်၌ ဖော်ပြထားသည်။
လွတ်မြောက်လာသူများကမူ ခရစ်ယာန်ဘုန်းကြီးများ၊ ဓမ္မဆရာများနှင့် သီလရှင်များ၏လက်အတွင်း သေဆုံးသွားသူ အမြောက်အများ ရှိခဲ့သည်ဟု ပြောကြားခဲ့ပြီး ရ၀မ်ဒါအစိုးရကလည်း ဘုရားကျောင်းထဲတွင် ခိုလှုံနေသူများမှာ ထိုဘုရားကျောင်းအတွင်းမှာပင် အသတ်ခံရမှုလည်း ရှိခဲ့သည်ဟု ဆိုသည်။
ဟူတူလူမျိုးတစ်ဦးဖြစ်သော ထိုစဉ်ကသမ္မတ၏ အငြင်းပွားဖွယ် လေယာဉ်ပျက်ကျမှုပြီးနောက် ဖြစ်ပေါ်လာခဲ့သည့် အဆိုပါ လူမျိုးတုန်းသတ်ဖြတ်မှုနောက်ပိုင်းတွင် အစိုးရနှင့် အသက်ရှင်လွတ်မြောက်လာကြသူများက ကက်သလစ်အသင်းတော်၏ ပါဝင်မှုကို ၀န်ခံရန် ပြောကြားခဲ့သော်လည်း ရ၀မ်ဒါ ကက်သလစ်အသင်းတော်ကမူ နှစ်ပေါင်းများစွာ ငြင်းဆိုခဲ့ပြီး ပါဝင်သူများမှာလည်း ၎င်းတို့တစ်ကိုယ်ရေ ပါဝင်ခဲ့ကြခြင်းဖြစ်သည်ဟု ကာကွယ်ခဲ့သည်။
ယခုကဲ့သို့ ကက်သလစ်ဘုန်းတော်ကြီးများ၏ ကြေငြာချက်မှာ နိုင်ငံအတွင်း ပြန်လည်ရင်ကြားစေ့ရေး ကြိုးပမ်းမှုအတွက် အပြုသဘောဆောင်သည့်အချက် ဖြစ်လာမည်ဖြစ်သည်။
“နိုင်ငံအတွင်းက အမုန်းကြောင့်ဖြစ်တဲ့ ရာဇ၀တ်မှုအတွက်၊ လူမျိုးမတူတာကြောင့် လုပ်ဖော်ကိုင်ဖက်တွေကို မုန်းမိခဲ့တဲ့အတွက် ကျွန်တော်တို့ကို ခွင့်လွှတ်ကြပါ ကျွန်တော်တို့ဟာ မိသားစုတစ်ခုတည်းဆိုတာကို မပြသနိုင်ခဲ့ဘဲ တစ်ဦးနဲ့တစ်ဦး သတ်ဖြတ်ခဲ့ကြပါတယ်” ဟု ကြေငြာချက်တွင် ဖော်ပြထားသည်။
ရ၀မ်ဒါ ကက်သလစ်အသင်းတော်၏ ပြောရေးဆိုခွင့်ရှိသူ ဂိုဏ်းအုပ်ဘုန်းတော်ကြီး ဖိလစ် ရူကမ်ဘာကမူ အသင်းတော်အတွင်းနှင့် ကမ္ဘာကြီးတွင် ရင်ကြားစေ့မှုနှင့် သည်းခံခွင့်လွှတ်မှု ပိုမိုဖြစ်လာစေရေး တွန်းအားပေးရန်အတွက် ပုပ်ရဟန်းမင်းကြီး ဖရန်စစ်က သတ်မှတ်ခဲ့သည့် Holy Year of Mercy လှုပ်ရှားမှု၏ နောက်ဆုံးနေ့ဖြစ်သော တနင်္ဂနွေနေ့နှင့် အချိန်ကိုက်ကာ မိမိတို့၏ ကြေငြာချက်ကို ထုတ်ပြန်ခဲ့ခြင်းဖြစ်သည်ဟု ပြောကြားခဲ့သည်။
ရ၀မ်ဒါ လူမျိုးတုန်းသတ်ဖြတ်မှု သုတေသနပညာရှင် တွမ် နဒါဟီရိုကမူ ကက်သလစ်အသင်းတော်၏ ထို ထုတ်ပြန်ချက်က ရ၀မ်ဒါပြည်သူများအတွင်း စည်းလုံးညီညွတ်မှုအတွက် တွန်းအားဖြစ်မည်ဟု မျှော်လင့်ကြောင်း ပြောကြားခဲ့သည်။
“ဘုန်းတော်ကြီးတွေက လူမျိုးတုန်းသတ်ဖြတ်မှုကို မဟန့်တားနိုင်တဲ့အတွက် တောင်းပန်တယ်လို့ ကြေငြာချက်မှာ ဖော်ပြထားတာကိုတွေ့ရတာ ကျွန်တော့်အနေနဲ့ အလွန်ပဲ ပျော်ရွှင်မိပါတယ်”
Ref: Aljazeera
