နိုဝင်ဘာ၁၉၊ ၂၀၁၆
M-Media
ဂျာနယ်လစ်များကို ဖြတ်သန်းသွားလာခွင့် မပြုလိုသည့် ၀နယ်စပ်ဒေသ -မြန်မာနိုင်ငံ အရှေ့ဖျားရှိ ၀ဒေသမှာ လူစိမ်းတို့အနေနှင့် ရောက်ခဲမြင်ခဲလှသော နယ်မြေတစ်ခုဖြစ်၏။ BBC မှ ဂျိုနာဖစ်ရှာ၏ တွေ့ရှိချက်အရ မြန်မာနိုင်ငံအတွင်း ယင်းကိုယ်ပိုင်အုပ်ချုပ်ခွင့်ရဒေသ၌နေထိုင်သူများကို ၀လူရိုင်းများဟု တစ်ချိန်က ခေါ်ဆိုခဲ့ကြပြီး ဆေးဝါး၊ ငွေကြေးနှင့် သားရိုင်းတိရစ္ဆာန်ကုန်သွယ်ရေးလုပ်ငန်းများ အလွန်ကြီးထွားနေကြောင်း သိရသည်။
ဝပြည်နယ်သည် ကမ္ဘာမြေပေါ်မှ အလွန်လျှို့ဝှက်စွာ တည်ရှိနေသည့်ဒေသတစ်ခုဖြစ်သည်။ ၎င်းကို Google Maps တွင် ရှာမတွေ့နိုင်။။ နယ်ဝင်ခွင့် Visa တောင်းဆိုလျှင်လည်း ငြင်းပယ်ခံရတတ်သည်။
“လာရောက်လည်ပတ်ချင်သူတိုင်းက သူလျှိုတွေလို့ ကျွန်တော်တို့ ထင်မြင်တယ်” ဟု ၀အရာရှိတစ်ဦးက ဆိုခဲ့သည်။
မည်သည့်အကြောင်းရင်းခံများရှိသည်ကို ရှင်းလင်းစွာ မသိရသော်လည်း BBC မှာ ပထမဆုံး ဧည့်လမ်းညွှန်နှင့်တစ်ကွ အလည်အပတ် ဖိတ်ကြားခံရသော နိုင်ငံတကာနှင့်ဒေသတွင်း ဂျာနယ်လစ်များအစုအဖွဲ့အနက် အပါအ၀င် ဖြစ်ခဲ့ပါသည်။
မြန်မာနိုင်ငံအရှေ့မြောက်ခြမ်းရှိ တရုတ်နယ်စပ်တွင်ရှိသော နယ်စပ်ဖြတ်ကျော်ဋ္ဌာနတစ်ခုမှတဆင့် ကျွန်ုပ်တို့ ၀င်ရောက်ကြခြင်းဖြစ်သည်။
မြန်မာစစ်သားများ၏ နှံ့စပ်စွာရှာဖွေစစ်ဆေးခြင်းကို ခံယူပြီးနောက် ကျွန်ုပ်တို့သည် နယ်ခြားဂိတ်အား ဖြတ်ကျော်ခဲ့သည်။ ဒေသခံ ၀ ရုပ်မြင်သံကြားဋ္ဌာနမှ တာဝန်ခံများက ကျွန်ုပ်တို့အား ဖော်ရွေစွာ ကြိုဆိုကြသည်။
“၀နယ်မြေမှ ကြိုဆိုပါတယ်” ဟု ဆိုပြီး အသင့်စောင့်ဆိုင်းနေသော ပစ်ကပ်နောက်ဖွင့်ကားများထဲသို့ ကျွန်ုပ်တို့အား နေရာချပေးခဲ့သည်။ ဤသည်မှာ အတန်ကြာစောင့်ဆိုင်းနေခဲ့သော ပထမဆုံး ချိန်းချက်တွေ့ဆုံမှုကဲ့သို့ ဖြစ်နေပြီး ၀တို့၏သမိုင်းကြောင်းအရ ကျွန်ုပ်တို့မှာ အနည်းငယ် စိတ်လှုပ်ရှားရပေသည်။
ဗြိတိသျှကိုလိုနီခေတ်ကာလများဝယ် သူတို့အား ၀လူရိုင်းများဟု လူသိများခဲ့ကြသည်။ ၎င်းတို့၏ ကြမ်းတမ်းစွာ တိုက်ခိုက်တတ်ခြင်းနှင့် ရန်သူများကို ခေါင်းဖြတ်ပြီး ခေါင်းပြတ်များကို တိုင်များပေါ် ချိတ်ဆွဲထားတတ်ခြင်းက ကျော်ကြားသည်။
ဖမ်းဆီးခေါင်းဖြတ်ခြင်း အကြောင်းများကို ရောက်တတ်ရာရာ ပြောဆိုရင်း တောင်အရပ်ရှိ လမ်းကြောရှည်တစ်လျှောက်မှတဆင့် ယင်းပိုင်နက်ထဲသို့ ၀င်ရောက်လာလေသည်။
ဝပြည်နယ်သည် ဝေလပြည်နယ်နီးပါး ကျယ်ဝန်းသည်။ လူဦးရေမှာ သိန်း ၅၀ ခန့်ရှိသည်။ တရုတ်ပြည်နယ်စပ်နှင့် အနီးစပ်ဆုံးနေရာတွင် တည်ရှိနေသည်။ ၁၉၈၉ ခုနှစ်တွင် ၀သူပုန်များသည် ဗဟိုအစိုးရနှင့် ငြိမ်းချမ်းရေးပဋိညာဉ်ပြုပြီးနောက် ကိုယ်ပိုင်အုပ်ချုပ်ခွင့် ရရှိလာသည်။
အတိုက်အခိုက်ရပ်စဲခြင်း၏ အတုန့်အလှည့်အဖြစ် ယင်းနယ်မြေအား ၎င်းတို့ စိတ်တိုင်းကျ စီမံခွင့် ပေးခဲ့သည်။ သို့ဖြင့် ၀တို့သည် အလွန်ဝင်ငွေကောင်းသည့် ဘိန်းစိုက်ပျိုးရေးကို မိမိတို့ကိုယ်ပိုင်ဒေသ၌ ပြုလုပ်ခဲ့ကြသည်။
နောက်ထပ်ဆယ်စုနှစ်လွန်သော် ၀ပြည်နယ်နှင့် ရွှေတြိဂံနယ်မြေမှာ ဘိန်းစိမ်းနှင့် ဘိန်းဖြူ အကြီးစားထုတ်လုပ်သည့်ဒေသတစ်ခုအဖြစ် ကျော်စောလာသည်။
ဝပြည်နယ်တွင် အခြားမြန်မာနိုင်ငံပြည်နယ်များအတိုင်း စာသင်ကျောင်းများနှင့် အခြေခံအဆောက်အဦတို့ ရှိကြသည် ၀တို့သည် ၎င်းတို့၏ မူးယစ်ဆေးဆိုင်ရာလုပ်ငန်းများမှ ကျောခိုင်းလိုက်ပြီဖြစ်ကြောင်း ကျွန်ုပ်တို့၏ ခရီးစဉ်၌ ပြသရန်အတွက်လည်း အတိုင်းအတာတစ်ခုအထိ ပါဝင်၏။
စဦးရက်ပိုင်းအချို့တွင် ကျွန်ုပ်တို့အား ဘိန်းအစားထိုး လက်ဖက်၊ ကော်ဖီနှင့် ရာဘာစိုက်ပျိုးပင်များထံသို့ ခေါ်ဆောင်ပြသခဲ့ကြသည်။
ဝပြည်နယ်၏ဒုတိယမြို့တော် မိုင်းမော Mong Mao တွင် ထိုင်ဝမ်လုပ်ငန်းရှင်တစ်ဦးက သူပိုင်ဆိုင်သော လက်ဖက်သန့်စင်စက်ရုံ၌ ကျွန်ုပ်တို့အား တွေ့ဆုံစကားပြောကြားသည်။ ၀ပြည်နယ်၌ ထုတ်လုပ်သည့် သူ၏လက်ဖက်ကုန်စည် အားလုံးနီးပါးကို တရုတ်ပြည်သို့ ရောင်းချကြောင်း ထူးမခြားနားဟန်ဖြင့် သူက ဆိုသည်။
အမှန်အားဖြင့်လည်း ၀ပြည်နယ်မှာ မြန်မာနိုင်ငံထက် တရုတ်နိုင်ငံနှင့် ပိုမိုဆင်တူလေသည်။ အသုံးပြုငွေကြေးမှာ တရုတ်ယွမ်ငွေ၊ အဓိကဘာသာစကားမှာ မန်ဒရင်း(နိုင်ငံတကာသုံးတရုတ်စာစကား)၊ လျှပ်စစ်မီးနှင့် မိုဘိုင်းဖုန်း စသော အခြေခံအဆောက်အဦဆိုင်ရာ ပစ္စည်းများသည်လည်း တရုတ်ကုမ္ပဏီတို့၏ နယ်စပ်ဖြတ်ကျော်သွင်းကုန်များ ဖြစ်ကြသည်။
လက်ဖက်ထုတ်လုပ်ရေးအပါအ၀င် ၀ပြည်နယ်၏ စီးပွားရေးလုပ်ငန်းအများအပြားမှာ တရုတ်နိုင်ငံနှင့် ပြုလုပ်သည် “မြန်မာနိုင်ငံရဲ့အစိပ်အပိုင်းဖြစ်ရခြင်းအပေါ်မှာ ဘာတွေရမလဲဆိုတာ ကျွန်တော် မသိဘူး။ ဒါပေမယ့် ကျွန်တော်တို့က ခွဲမထွက်ချင်ဘူး၊ မြန်မာနိုင်ငံထဲမှာပဲ ပါဝင်နေစေချင်ပါတယ်” ဟု ဆောက်လုပ်ရေးဝန်ကြီး Yeng Gar က ကျွန်ုပ်တို့အား အားပါးတရ ရယ်မောလျက် ပြောသည်။
ဤသည်ကား အလွန် အလုပ်ဖြစ်သည့် ဗျူဟာတစ်ရပ်ပင်။ ၀ တို့သည် ၎င်းတို့၏ အိမ်နီးချင်းနှစ်ခုအပေါ် လှေနံနှစ်ဖက်နင်းကာ ပါးနပ်လိမ္မာစွာ နှစ်ပေါင်း ၂၀ မျှအထိ ကစားကွက်ခင်းနိုင်ခဲ့သည်။
တောင့်တင်းခိုင်မာသောစစ်တပ်တစ်ခုဖြင့် မြန်မာစစ်တပ်ကို မလျှော့မတင်း ဆက်ဆံထားသည်။ တစ်ဖက်တွင် တရုတ်ပြည်နှင့် စီးပွားရေး၌ အနီးကပ်ဆက်ဆံသည်။ သို့အားဖြင့် ၀ တို့သည် အခြေခံအဆောက်အဦများနှင့် ကြွယ်ဝမှုကို တည်ဆောက်ထားသည်။ ကျွန်ုပ်တို့အား မြန်မာဆန်သည့် ကျောင်းများ၊ လမ်းများအချို့ကိုလည်း ပြသခဲ့ကြသည်။
သို့သော် မူးယစ်ဆေးဝါးကိစ္စမှာ အဓိကပြဿနာအဖြစ် ရှိနေဆဲ။ ကျွန်ုပ်တို့တွေ့ရသလောက်ဆိုရလျှင် ဘိန်းထုတ်လုပ်မှုမှာ ရပ်ဆိုင်းသွားသော်လည်း ဆေးဝါးရောင်းဝယ်သုံးစွဲခြင်းကမူ အတွင်းပိုင်းတွင် လှိုက်စားနေမည့်ပုံ ရှိနေသည်။
ဝတို့သည် ယာဘ ခေါ် စိတ်ကြွရူးသွပ်ဆေးပြား(methamphetamine pills)များထုတ်လုပ်ရာ အဓိကဋ္ဌာနီတစ်ခုဖြစ်သည်ဟု ကုလသမဂ္ဂနှင့် အမေရိကန်ပြည်ထဲရေးဋ္ဌာန အစီရင်ခံတွင် စွပ်စွဲဖော်ပြထား၏။
ဝပြည်နယ်ရှိ ငွေကြေး၊ ဘာသာစကားနှင့် အခြေခံအဆောက်အဦအများစုမှာ တရုတ်ပြည်အတိုင်းဖြစ်သည် ကျွန်ုပ်တို့၏ ခရီးလမ်းကြောင်းတွင် ယာဘ စက်ရုံများကို မတွေ့ရခြင်းမှာ စိတ်ပျက်စရာကောင်းလှပါဘိ။ သို့သော်လည်း ကျွန်ုပ်တို့က တရားရေးဝန် Li San Lu နှင့် စကားပြောခွင့်ရရန် ကျွန်ုပ်တို့၏ လိုက်ပါစောင့်ရှောက်သူများထံ အပူကပ်ခဲ့သည်။
ထိုသူမှာ အံ့ဖွယ် တုတ်ထိုးအိုးပေါက် ပြောတတ်သူ ဖြစ်ကြောင်းတွေ့ရ၏။ ယာဘ ထုတ်လုပ်ခြင်းမှာ ဧရာမပြဿနာကြီးဖြစ်ကြောင်း၊ ဤတစ်နှစ်တည်းမှာပင် ဆေးပြားများ တန်ချိန် ၂ တန်အထိ ဖမ်းဆီးမိကြောင်း၊ ၎င်းမှာ ဒေသခံမဟုတ်သူများ၏လက်ချက်ဖြစ်ကြောင်း သူက ပြောပြသည်။
“ကျွန်တော်တို့ဒေသခံတွေက ယာဘ မလုပ်တတ်ကြပါဘူး။ ဖော်စပ်ပစ္စည်းတွေကို တရုတ်ပြည်၊ အိန္ဒိယနဲ့ ထိုင်းကနေ ၀ယ်ယူလာပြီးတော့ ဒီမှာ ထုတ်လုပ်နေကြတာ။ ကျွန်တော်တို့က အချောင်နာမည်ပျက်ရတယ်”။
သူ့အား ထပ်မံ စကားနှိုက်ရန် ကြိုးစားစဉ် လိုက်ပါစောင့်ရှောက်သူများက ကြားဝင်လာပြီး ကျွန်ုပ်တို့အတွက် ခရီးသွားလေ့လာချိန် ကုန်ဆုံးပြီဖြစ်ကြောင်း အကြောင်းကြားလာသည်။
ထိန်းချုပ်မှုကို မခံယူလိုသဖြင့် ထိုညဥ့်တွင် ကျွန်ုပ်တို့သည် ကာရာအိုကေအစီအစဉ်ကို ချန်လှပ်ပြီး စောင့်ရှောက်လိုက်ပါသူများအား ရှောင်ထွက်ကာ ပြည်နယ့်မြို့တော် ပန်ဆန်းမြို့တွင်းအနှံ့ လမ်းပြမပါဘဲ ထွက်ခဲ့ကြသည်။
ဝပြည်နယ်ရှိ ကုန်စည်များမှာ အခြားတောရိုင်းတိရစ္ဆာန်ဈေးများနှင့်မတူဘဲ အထက်တန်းစားဆိုင်များတွင် ရောင်းချကြသည် များမကြာမီမှာတော့ ၀နယ်အတွင်း ဆေးဝါးများသာ တရားမ၀င် လုပ်ဆောင်နေခြင်းမဟုတ်ကြောင်း ရှင်းလင်းစွာ သိလိုက်ရပါ၏။
လမ်းတိုင်းလိုလိုမှာပင် သားရိုင်းတိရစ္ဆာန်တို့၏အစိပ်အပိုင်းများကို ရောင်းချသည့်ဆိုင်တစ်ဆိုင်တော့ ရှိနေသည်။
ကျား၏သွားနှင့် ဦးခေါင်းခွံများ၊ ဆင်စွယ်များ၊ သင်းခွေချပ်သားရေများကို ပြောင်ပြောင်တင်းတင်း ရောင်းချနေကြသည်။ ၀ယ်လက်ဖောက်သည်များမှာ တရုတ်လူမျိုးများဖြစ်ကြောင်း၊ နယ်စပ်ဖြတ်ကျော် ပို့ဆောင်ခြင်းမှာလည်း လွယ်ကူလှကြောင်း အရောင်းကောင်တာနောက်ဖက်မှ အမျိုးသမီးက ကျွန်ုပ်တို့အား ပြောပြသည်။
ရောင်းချနေသော တောရိုင်းတိရစ္ဆာန်ပစ္စည်းများမှာ ၀နယ်မှမဟုတ်ကြောင်း၊ ၀နယ်၏ တောတောင်တို့မှာ အချိန်အတန်ကြာကပင် ခုတ်လှဲခံရပြီးဖြစ်ကြောင်း နိုင်ငံခြားရေးဝန်ကြီးမှ ရှင်းပြခဲ့သည် မြန်မာနိုင်ငံ၏ အကျော်ကြားဆုံး သားရိုင်းတိရစ္ဆာန်ဈေးကွက်ဖြစ်သော မိုင်းလားသည် ပန်ဆန်းနှင့် ၁၀၀ ကီလိုမီတာ(၆၂ မိုင်)မျှသာ ကွာဝေးသည်။ သို့သော် ပန်ဆန်းထက်ပင် ရှုပ်ထွေးပွေလီ၏။
ဤဆိုင်များမှာ သာမန်ဈေးဆိုင်ခန်းများမဟုတ်၊ ကနဦးပိုင်း မှတ်တမ်းတင်ခွင့်မရခဲ့သော နယ်စပ်ဂိတ်မှတဆင့် တရုတ်ဈေးကွက်သို့ တင်ပို့နေသည့် သားရိုင်းတိရစ္ဆာန်အစိပ်အပိုင်း စူပါမားကက်များ ဖြစ်နေကြသည်။
ရန်ကုန်ပြန်ရောက်လျှင် ကမ္ဘာ့သားရိုင်းတိရစ္ဆာန်ရံပုံငွေအဖွဲ့မှ Nick Cox ထံ သတင်းမှတ်တမ်းတို ပေးပို့နိုင်ရန်အတွက် ကျွန်ုပ်တို့သည် ထိုဆိုင်များကို မိုဘိုင်းဖုန်းများဖြင့် မသိမသာ ရိုက်ကူးခဲ့ကြသည်။
“ယခင်က သိရှိထားတာထက်ကို ဈေးကွက်ကြီးမားနေတာ တွေ့ရပါတယ်။ သားရိုင်းတိရစ္ဆာန်မျိုးစိတ်ကုန်စည်အပြည့်အစုံကို ရောင်းချနေတဲ့ တကယ့်အထက်တန်းစားဈေးဆိုင်များနဲ့ ဈေးကွက်ကို တွေ့လိုက်ရခြင်းက ဒီပြဿနာ နေရာအနှ့ပျံ့နှံ့နေတယ်ဆိုတာ ပြသနေတာပါပဲ။ တအုံတကျင်းသော ၀ယ်လိုအား ရှိနေဆဲဖြစ်သည့်အပြင် ဒီကုန်စည်တွေအပေါ် လူတွေက ငွေအမြောက်အများ သုံးစွဲနေကြတယ်”။
စိမ်းလန်းစိုပြေ၍ တောင်ကုန်းထူထပ်သော ၀ပြည်နယ်ည် ဝေလနယ်အကျယ်အ၀န်းခန့် ရှိသည် ၀တို့သည် ၎င်းကို ပြဿနာတစ်ရပ်အဖြစ် မမြင်၊ တိရစ္ဆာန်အစိပ်အပိုင်းများ ကုန်ကူးခြင်းကိုလည်း ရပ်တန့်ဖို့လည်း မရှိချေ။
“ဒီလိုတိရစ္ဆာန်အမျိုးအစားတွေ ကျွန်တော်တို့ဆီမှာ မရှိကြဘူး။ တောအုပ်တွေအားလုံးကို ရာဘာစိုက်ပျိုးရေးအတွက် ခုတ်ထွင်ရှင်းလင်းခဲ့ပြီးပြီ။ ဒါဟာ လွတ်လပ်တဲ့ ကုန်သွယ်မှုတစ်ခုပါပဲ” ဟု နိုင်ငံခြားရေးဝန် Zhao Guo An ကဆိုသည်။
ဝတို့သည် နိုင်ငံတကာနှင့် နိုင်ငံတွင်းဥပဒေနှစ်မျိုးစလုံးမှ ခွဲထွက်၍ နှစ်သက်သလို ပြုလုပ်ဆောင်ရွက်နေကြသည်ဟုသာ ကောက်ချက်ချရပေမည်။ သူတို့သည် ပြောင်းလဲခြင်းကို အလိုရှိသည်မဟုတ်။
ဖက်ဒရယ်ပြည်ထောင်စုသစ်အတွက် အစီအမံများအတွင်း သူတို့အား ဆွဲယူရန် အားထုတ်မှုများမှာ လုံးလုံးလျားလျား အရာမရောက်ခဲ့ပေ။ ဆွေးနွေးပွဲစကားဝိုင်းသို့ တက်ရောက်ရန် တရုတ်တို့မှတဆင့် တွန်းအားပေးသော်လည်း ၀ကိုယ်စားလှယ်အဖွဲ့သည် ပထမနေ့မှာပင် နေရာပေးမှားယွင်းမှုကြောင့် ဒေါသတကြီးဖြင့် အစည်းအဝေးခန်းမှ ထွက်ခွာခဲ့ကြကုန်၏။
ဝတို့သည် လက်ရှိအနေအထားနှင့် ၎င်းမှထွက်ပေါ်လာသော လွတ်လပ်မှုမှာသာ ပျော်ပိုက်နေကြကြောင်း ရှင်းလင်းစွာ သိရပေသည်။
Ref : BBC News Story
