နိုဝင်ဘာ ၉၊ ၂၀၁၆
၎င်းကယ်တင်ပေးခဲ့သူများနှင့်အတူ တွေ့ရသည့်အဘ်ဒူလ် ရဟ်မန် (လယ်) – အေကို အဘ်ဒူလ်ရဟ်မန်တစ်ယောက် ကီရ်ကွတ်မြို့ဝန်းကျင်ကို ၀ိုင်းလာသည့် IS စစ်သွေးကြွများ၏ တိုက်ခိုက်မှုကို ခံရသည့်အခါ ၎င်းအနေဖြင့် အကာအကွယ်ရှာရတော့မည်ဆိုသည်ကို သဘောပေါက်ခဲ့သည်။
ကာ့ဒ်တပ်ဖွဲ့ဖြစ်သည့် Kurdish Peshmerga အဖွဲ့မှ တပ်ဖွဲ့ဝင်တစ်ဦးဖြစ်သူ ၎င်းက ကျည်ကာကားတစ်စီး မဖြစ်မနေ၀ယ်ယူရန် ဆုံးဖြတ်ခဲ့သည်။ သို့သ်ာလည်း ၎င်း၏ ထိုကားက ဒါဇင်နှင့်ချီသော လူများကို ကယ်တင်နိုင်လိမ့်မည်ဆိုသည့်အတွေးမျိုး ၎င်းတွင် အနည်းငယ်မှပင်မရှိခဲ့။
ကားဝယ်ရန် လှည့်ပတ်ကြည့်ရှုခဲ့ပြီးနောက် အဘ်ဒူလ်ရဟ်မန်မှာ ၁၉၉၀ပြည့်နှစ်မော်ဒယ် BMW ကျည်ကာကားတစ်စီးကို ဒေါ်လာ ၁၀၀၀၀ ဖြင့် လေလံတစ်ခုတွင် ၀ယ်ယူခဲ့သည်။
“ကျွန်တော် ကျည်ကာကားကို ၀ယ်လိုက်တော့ ကျွန်တော့်မိတ်ဆွေတွေက အရမ်းပျော်ရွှင်ခဲ့ကြပါတယ်။ ကီရ်ကွတ်က ရှေ့တန်းစစ်မျက်နှာကို ကျွန်တော်တို့ အဲဒီကားနဲ့မောင်းသွာတယ်။ IS ရဲ့ ကားနဲ့လိုက်ပစ်တာ၊ လမ်းဘေးဗုံးထောင်ထားတာတွေကို မကြောက်ခဲ့ပါဘူး” ဟု ၎င်းက ဖွင့်ဟခဲ့သည်။
အသက် ၃၂ နှစ်အရွယ် အဘ်ဒူလ်ရဟ်မန်မှာ ဇနီး၊ ကလေး ၄ ယောက်နှင့် အတူ ကီရ်ကွတ်မြို့တောင်ဖက် ၂၃ ကီလိုမီတာအကွာ တာဇာ ခူမာတူဆိုသည့် မြို့လေးတွင် နေုထိုင်သူဖြစ်သည်။
အောက်တိုဘာ ၂၁ ရက်နေ့က IS စစ်သွေးကြွများမှာ ရေနံကြွယ်ဝသည့် ကီရ်ကွတ်မြို့အား ကြိုတင်ပြင်ဆင်တိုက်ခိုက်ခဲ့ပြီး မြို့တစ်ဝိုက်ရှိ လုံခြုံရေးတပ်ဖွဲ့များနှင့် အရပ်သားများကို ပစ်မှတ်ထားခဲ့ခြင်းဖြစ်သည်။ ထိုတိုက်ခိုက်မှုအတွင်း ၆၄ ဦး သေဆုံးခဲ့ပြီး IS စစ်သွေးကြွများဖက်မှ ၈၆ ဦး သေဆုံးခဲ့သည်။
အရပ်သားနှင့် လုံခြုံရေးတပ်ဖွဲ့ဝင် ၁၀၀ ကျော်မှာလည်း ဒဏ်ရာရခဲ့ပြီး အများစုမှာ IS အကြမ်းဖက်သမားများ၏ ထင်ရာမြင်ရာ ပစ်ခတ်မှုများကြောင့် သောင်တင်နေကြကာ၊ တိုက်ခေါင်မိုးပေါ်များမှ ပစ်ခတ်သည့် IS ၏ စနိုက်ပါများကြောင့် ပိတ်မိနေသူများလည်း ရှိခဲ့သည်။
စနိုက်ပါလက်ချက်
IS ၏ စနိုက်ပါလက်ချက်များ ထိထားသည့် အဘ်ဒူလ်ရဟ်မန်၏ BMW ကား ထိုအချိန်တွင် ဘဒ်ဒူလ်ရဟ်မန်တစ်ယောက် ဘာလုပ်ရမလဲဆိုသည်ကို သိခဲ့သည်။
“ပြည်သူတွေကိုကူညီဖို့ အချိန်ကျနေပြီပဲ လို့ ကျွန်တော် ရေရွတ်ခဲ့တယ်။ အဲဒီအချိန်ဟာ ဒါမျိုးလုပ်ဖို့ အကောင်းဆုံး အချိန်ပါပဲ။ ကျွန်တော် တိုက်ခိုက်ရေးသမားတစ်ယောက်ဖြစ်တယ်။ နောက်ပြီး ကျည်ကာကားတစ်စီးလည်း ကျွန်တော့်မှာရှိတယ်။ ကျွန်တော် မကူညီဘူးဆိုရင်တော့ တော်တော် ရှက်စရာကောင်းမှာပါ”
အဘ်ဒူလ်ရဟ်မန်မှာ ၎င်း၏ BMW ကားဖြင့် မြို့တစ်ဝိုက်ရှိ ဒဏ်ရာရသူများကို ဘေးလွတ်ရာသို့ ပို့ဆောင်ပေးခဲ့သည်။ IS သေနတ်သမားများကတော့ ၎င်း၏ ကားကို ရစရာမရှိအောင် ပစ်ကြသည်။
“ကျွန်တော့်ပြည်သူတွေ ဒုက္ခရောက်နေတယ်။ သူတို့ ကျွန်တော့်ကိုလိုအပ်တယ်။ ကျွန်တော့်မြို့လည်း အန္တရာယ်ကျရောက်နေတယ်။ ကျွန်တော်ကာကွယ်ဖို့လိုတယ် ဆိုပြီး အဆက်မပြတ် ရေရွတ်နေခဲ့ပါတယ်” ဟု အဘ်ဒူလ် ရဟ်မန်က ပြောကြားခဲ့သည်။
“တိုက်ပွဲဖြစ်တဲ့နေရာကို ရောက်တဲ့အခါ လူတော်တော်များများ မြေပြင်ပေါ်မှာ လဲနေကြပါတယ်။ IS ရဲ့ စနိုက်ပါ၊ တွေ့ကရာပစ်နေတာတွေကြောင့် ပြည်သူတွေ၊ လုံခြုံရေးတပ်ဖွဲ့ဝင်တွေက ကျွန်တော့်အနားကို မလာရဲကြဘူး”
အဘ်ဒူလ်ရဟ်မန်မှာ ၎င်း၏ကားဖြင့် ဒဏ်ရာရသူ ၇၀ ကျော်ကို ဘေးအန္တရာယ်ကင်းရာနေရာသို့ ပို့ဆောင်နိုင်ခဲ့ပြီး၊ သေဆုံးသွားသည့် အလောင်းများကိုလည်း နောက်တန်းသို့ သယ်ဆောင်ပေးခဲ့သည်။
“ကျွန်တော့်ကားနဲ့ ဆွန်နီ၊ ရှီယိုက်၊ ကာ့ဒ်၊ တာ့က်နဲ့ ခရစ်ယာန် လူမျိုးပေါင်းစုံကို သယ်ခဲ့တာပါ။ ကျွန်တော်ဟာ စစ်မှန်တဲ့ အီရတ်နိုင်ငံသားတစ်ယောက်ဖြစ်တယ်လို့ ခံစားရပြီး လူတိုင်းက ဒီလို ဖြစ်သင့်တာပါ။ ကျွန်တော့်ကားကို ကျည်ဆံပေါင်း ၅၀ ကျော်လောက်မှန်ခဲ့ပါတယ်။ IS တွေက တရစပ်ပစ်နေပြီး ကျည်ဆံက ကားကိုဖောက်ကာ ကျွန်တော်နဲ့ ဒဏ်ရာရတဲ့သူတွေ သေမယ်လို့ ထင်နေတာပေါ့လေ” ဟု ၎င်းက ထည့်သွင်းပြောကြားခဲ့သည်။
အသိအမှတ်ပြုခံရ
အဘ်ဒူလ်ရဟ်မန်အား ကီရ်ကွတ် အုပ်ချုပ်ရေးမှူးက ဂုဏ်ပြုမှတ်တမ်းလွှာ ချီးမြှင့်နေစဉ် ကီရ်ကွတ်မြို့ အုပ်ချုပ်ရေးမှူး ဒေါက်တာ နဂ်ျမာလ်ဒင် ကရင်မ်မှာ အုပ်ချုပ်ရေးမှူးရုံးခန်း၌ လက်ခံတွေ့ဆုံစဉ် အဘ်ဒူလ်ရဟ်မန်၏ ထို စွန့်လွှတ်စွန့်စားမှုအတွက် ကျေးဇူးတင်ကြောင်း ပြောကြားခဲ့ပြီး ဆုကြေးအဖြစ် အီရတ် ဒီနာ ၅ သိန်း (ကန်ဒေါ်လာ ၃၈၅ ဒေါ်လာ) ကို ချီးမြှင့်ခဲ့သည်။
အဘ်ဒူလ်ရဟ်မန်ကမူ ဂုဏ်ပြုပွဲအခမ်းအနားပြီးနောက် ပြန်သည့်အချိန်တွင် စာအိတ်ဖြင့် ပိုက်ဆံထည့်ပေးလိုက်သည်ကို သတိမထားမိခဲ့ဟု ဆိုသည်။
“အုပ်ချုပ်ရေးမှူးကပေးတဲ့ ဂုဏ်ပြုမှတ်တမ်းလွှာအတွက် ကျွန်တော် တော်တော်လေး ပျော်ပါတယ်။ ဒါပေမယ့် အီရတ်နိုင်ငံသားတိုင်း လုပ်ရမယ့် အလုပ်တစ်ခုအတွက် ငွေကြေးပေးတာကတော့ စော်ကားမှုလို့ပဲ ကျွန်တော် ထင်ပါတယ်”
BMW ရုံးကလည်း ၎င်း၏ ကျည်ဆံရာများဖြင့် ပြည့်နှက်နေသည့်ကားကို ဂျာမနီရှိ ၎င်းတို့၏ ဌာနချုပ်တွင် ပြသထားရန်အတွက် BMW ကားသစ်တစ်စီးနှင့် လဲလှယ်ပေးမည်ဟု ကမ်းလှမ်းခဲ့သော်လည်း အဘ်ဒူလ်ရဟ်မန်က ထိုကမ်းလှမ်းမှုကို ပယ်ချခဲ့သည်။
၎င်းကမူ ထိုကားအဟောင်းကို ပြင်၍ ပြန်လည်အသုံးပြုမည်ဟု ဆိုသည်။
“ကျွန်တော် သူရဲကောင်းမဟုတ်ပါဘူး။ တိုင်းပြည်ကို ရာဇ၀တ်ကောင်တွေ၊ လူသတ်သမားတွေလက်ထဲက လွတ်မြောက်အောင်လုပ်ချင်တဲ့ သာမန် အီရတ်နိုင်ငံသား တစ်ဦးပါပဲ”
Ref : CNN
