နိုဝင်ဘာ ၁၁၊ ၂၀၁၆
M-Media
– မဲဆွယ်ပွဲမှာ လူမျိုးရေးခွဲခြားစော်ကားမှုစကားတွေကို တွင်တွင်သုံးခဲ့တဲ့ ဒေါ်နယ်ထရမ့် သမ္မတအဖြစ် ရွေးကောက်တင်မြှောက်ခံရပြီး ၄၈ နာရီအတွင်းမှာပဲ လူမျိုးရေးခွဲခြားစော်ကားမှုတွေ တော်တော်များများ ဖြစ်ပေါ်လာတယ်လို့ ဆိုရှယ်မီဒီယာတွေမှာ ရေးသားဖော်ပြမှုတွေကို တွေ့လာရပါတယ်။
အဲဒီအထဲမှာ လူမျိုးရေးခွဲခြားစော်ကားခံရသူအများစုဟာ အာရှသားတွေဖြစ်နေပြီး အမေရိကန်ကနေ ထွက်သွားလို့ မောင်းထုတ်တာမျိုးတွေ၊ လိုက်နှောက်ရှက်တာမျိုးတွေ ရှိတယ်လို့ ဆိုပါတယ်။
sannah အမည်နဲ့ Twitter အသုံးပြုသူ အာရှသူတစ်ဦးက သူ့ရဲ့ ၀မ်းကွဲညီမ လူမျိုးရေးခွဲခြားစော်ကားခံရမှုကို အခုလို မျှဝေခဲ့ပါတယ်။
“(အမေရိကမှာ မွေးဖွားကြီးပြင်းတဲ့) ကျွန်မညီမဟာ (သူနေတဲ့) နယူးယောက်မှာ ထရမ့်ကိုထောက်ခံ ချီတက်နေကြတဲ့ လူအုပ်နားကနေ ဖြတ်သွားတဲ့အခါ ‘ကိုယ့်နိုင်ငံကိုပြန် သောက်တရုတ်မ (chink)’လို့ အပြောခံခဲ့ရပါတယ်”
Kathy Mirah Tu ဆိုတဲ့ အမျိုးသမီးတစ်ဦးကလည်း သူ့အနေနဲ့ ၀ါရှင်တန်တံတားမှာ လူဖြူအမျိုးသားတစ်ဦးရဲ့ နှောက်ယှက်မှုကို အကြိမ်ကြိမ်ခံခဲ့ရပြီး ကိုယ်ထိလက်ရောက် စော်ကားမှုပါ ခံခဲ့ရတယ်လို့ ဖွင့်ဟခဲ့ပါတယ်။
“ဒီနေ့မှာ မထင်မှတ်ထားတဲ့ ကိစ္စတစ်ခုဖြစ် ပျက်ခဲ့ပါတယ်။ ကျွန်မဟာ ၀ါရှင်တန်တံတားမှာ လမ်းလျှောက်နေတဲ့အချိန် လူဖြူအမျိုးသားတစ်ယောက်က အရှေ့မှာပိတ်ရပ်ပြီး ‘အာရှကိုပြန်တော့’ လို့ အော်ခဲ့ပါတယ်။ ကျွန်မတော်တော်လေး တုန်လှုပ်သွားပြီး မယုံကြည်နိုင်အောင် ဖြစ်ခဲ့ရပါတယ်။ ကျွန်မ ဘာပြန်ပြောရမှန်း မသိပါဘူး။ ဒါပေမယ့် ပြဿနာမဖြစ်ချင်တဲ့အတွက် မကြားချင်ယောင်ဆောင်ပြီး ဆက်လျှောက်သွားပါတယ်။ တအောင့်ကြာတော့ အဲဒီလူကပဲ လမ်းရှေ့မှာ ပိတ်ရပ်ပြီး ‘မင်းကိုစကားပြောနေတဲ့အချိန် မင်းက ထွက်သွားတာဟာ မလေးမစားလုပ်တယ်ဆိုတာ မင်းမသိဘူးလား’ လို့ မေးပါတယ်။ ကျွန်မ မယုံကြည်နိုင်အောင် ဖြစ်ခဲ့ပြီး ‘နင့်စကားနားမထောင်ချင်တဲ့လူကို အတင်းလိုက်ပြောနေတာကရော မလေးစားရာကျတယ်ဆိုတာ နင်မသိဘူးလား’ လို့ ပြန်ပြောခဲ့ပါတယ်။ နင်ပြောသလိုပြောရရင် ငါလည်း အမေရိကန်နိုင်ငံ သားပဲ။ နင်ကငါ့ကို မောင်းထုတ်ချင်ရင် နင်လည်း နင်လာတဲ့ဆီကို ပြန်။ ငါတို့အားလုံးက ပြောင်းရွှေ့အခြေချသူတွေပဲ။ ဒီမှာ နေထိုက်တဲ့သူတွေက ဌာနေအမေရိကန်တွေ (Native American) တွေပဲရှိတယ်’ လို့လည်း ပြောခဲ့ပါတယ်။ သူက ကျွန်မပြောတာတွေကို လက်ခံဘဲ ကျွန်မကို ‘အသိဉာဏ်မရှိသူ’ လို့ ပြန်ပြောပါတယ်” လို့ သူ့ရဲ့ Facebook စာမျက်နှာမှာ ရေးသားခဲ့ပါတယ်။
နောက်ပိုင်းမှာ အဲဒီလူဖြူအမျိုးသားရှေ့ကနေ ထွက်သွားမလို့လုပ်တဲ့အခါမှာ ဒီအမျိုးသားက လက်ဖမ်းဆွဲကာ လှည့်လိုက်ကြောင်း၊ သူ့အနေနဲ့ အလွန်စိတ်ဆိုးသွားပြီး လက်ကိုလွှတ်ဖို့ပြောတဲ့အခါ ရင့်ရင့်သီးသီးစကားတွေ ပြန်ပြောခဲ့တယ်လို့ ဆိုပါတယ်။
“တစ်မိနစ်အတွင်းမှာ ငါ့ကိုမလွှတ်ဘူးဆိုရင် ပြဿနာတက်ပြီး တစ်ယောက်ယောက်တော့ နာတော့မယ်၊ အဲဒီနာမယ့်သူက ငါမဟုတ်ဘူးလို့ ပြောလိုက်ပါတယ်။ သူက ကျွန်မကိုလှောင်ပြီး ‘ကောင်းပြီလေ ဒါဆိုလည်း ထိုးကြတာပေါ။ ပိန်ညောင်ရိုးနင်က ငါ့ကို မနိုင်ပါဘူးကွာ’ လို့ သူက ပြန်ပြောခဲ့ပါတယ်။ သူကျွန်မကို ထိုးမယ့်ပုံစံမျိုး (တစ်ကြိမ်မက) လုပ်ပြပါတယ်။ ကျွန်မလည်း မခံနိုင်တော့ပါဘူး။ သူ ကျွန်မကို မတိုက်ခိုက်ခင်မှာ ကိုယ့်ကိုယ်ကို ကာကွယ်ခဲ့ပြီး ကိုင်ထားတဲ့သူ့လက်ကိုဖယ်ကာ လည်ပင်ကို ထိုးချလိုက်ပါတယ်။ ကျွန်မနိုင်တော့မယ်ဆိုတာသိတော့ တောက်လျှောက် ရပ်ကြည့်နေတဲ့ သူ့သူငယ်ချင်းတွေက အဲဒီတော့မှ လာဖြန်ဖြေကြပါတယ်”
အဲဒီနောက်မှာတော့ သူတို့သူငယ်ချင်းကို စော်ကားတယ်ဆိုပြီး ရဲတိုင်ခဲ့ကာ ရဲရောက်လာတဲ့အခါမှာလည်း သူမရဲ့ စကားကို နားမထောင်ခဲ့ကြောင်း၊ လက်ထိပ်ခဲ့ပြီး အချက်အလက်တွေကို စစ်ဆေးခဲ့ကာ ဘာပြစ်မှုမှမရှိတဲ့အတွက် လက်ထိပ်ဖြုတ်ပေးခဲ့ကြောင်း ကေသီက ထပ်လောင်းပြောကြားခဲ့ပါတယ်။
ကယ်လီဖိုးနီးယားက အမည်မဖော်လိုတဲ့ နောက်တစ်ယောက်ကတော့ သူ့အနေနဲ့ စီးကရက်ဝယ်ဖို့ စတိုးဆိုင်သွားတဲ့အချိန်မှာ လူဖြူအုပ်စုက သူ့ကိုဝိုင်းကာ မခံသာအောင်ပြောခဲ့ပြီး ‘အမေရိကန် စစ်စစ်တွေက ဒီကို ပြန်လာတော့မယ်ကွ’ လို့ ပြောခဲ့ကြောင်း၊ နောက်ပိုင်းမှာ ဘင်လာဒင်လုိ့ခေါ်ခဲ့ပြီး လက်ဝါးကပ်တိုင်တင် မီးရှို့ဖို့ ပြန်လာအုံးမယ်လို့ ခြိမ်းခြောက်သွားကြောင်း ဆိုရှယ်မီဒီယာမှာ ရေးသားခဲ့ပါတယ်။
လော့စ်အိန်ဂျလိစ်က Jen Choi ဆိုတဲ့ အမျိုးသမီးငယ်တစ်ယောက်ကတော့ ဒီလို ခွဲခြားစော်ကားမှုကို တက္ကစီ စီးရင်း ကြုံတွေ့ခဲ့ရတာဖြစ်ပါတယ်။ ရွေးကောက်ပွဲရလဒ်မထွက်သေးခင်ညက ဘားကနေ ပြန်ဖို့ Uber Pool တက္ကစီကို ခေါ်လိုက်တဲ့အချိန် တက္ကစီထဲမှာ အမျိုးသားခရီးသည်တစ်ဦး ပါလာခဲ့ပြီး အဲဒီခရီးသည်က ထရမ့်အမာခံ ဖြစ်ပါတယ်။ ဟီလာရီကတိုင်းပြည်ကို ဘယ်လိုအုပ်ချုပ်ရမှန်း သိတဲ့လူမဟုတ်ဘူးလို့ ခရီးဖော်ကပြောတဲ့အခါမှာတော့ Jen Choi က ဟီလာရီရဲ့ နိုင်ငံရေး ရပ်တည်ချက်တွေကို ပြောလိုက်မိပါတယ်။ ရလဒ်ကတော့ ထရမ့်နဲ့ လိင်ပိုင်းဆိုင်ရာ စော်ကားပြောဆိုခံလိုက်ရတာပါပဲ။
“Uber ကို ကျွန်မရပ်ဖို့ပြောလိုက်တယ်။ ကားပေါ်ကဆင်းတဲ့အခါ မျက်လုံးကနေ မျက်ရည် ပေါက်ပေါက်ကျလာတယ်။ ဘာ့ကြောင့်လည်းဆိုတော့ အဲဒီလူရဲ့ ပါးစပ်ကထွက်တဲ့စကားဟာ အမေရိကန်တွေ သမ္မတအဖြစ်၊ ကာကွယ်ရေးဦးစီးချုပ်အဖြစ်၊ လွတ်လပ်တဲ့ကမ္ဘာရဲ့ ခေါင်းဆောင်အဖြစ် ရွေးလိုက်တဲ့သူရဲ့ ပါးစပ်က ထွက်လာသလို ပေါက်လွှတ်ပဲစားစကားတွေ ဖြစ်လို့ပါပဲ” လို့ Facebook စာမျက်နှာမှာ မျှဝေခဲ့ပါတယ်။
Ref: nestshark.com
