နိုဝင်ဘာ ၁၀၊ ၂၀၁၆
M-Media
– မွတ်စလင်တွေ အမေရိကန်ထဲ ၀င်ရောက်လာမှုကို လုံးဝပိတ်ပစ်မယ်လို့ ဒေါ်နယ်ထရမ့်ရဲ့ ပြောကြားချက်ကို မဲဆွယ်ရေးအဖွဲ့က သူတို့ရဲ့ ၀ဘ်ဆိုက်ကနေ ဖယ်ရှားလိုက်တယ်လို့ သိရပါတယ်။
၂၀၁၅ ခုနှစ် ပဲရစ်အကြမ်းဖက်တိုက်ခိုက်မှုအပြီးမှာ ထရမ့်က ဒီလိုပြောကြားလိုက်တာဖြစ်ပြီး မွတ်စလင်တွေကို အမေရိကန်ထဲဝင်ရောက်ခွင့် ပိတ်ပင်ခဲ့ပြီးရင် အကြမ်းဖက်မှုတွေနဲ့ပတ်သက်ပြီး ဘာဖြစ်မလဲဆိုတာ စောင့်ကြည့်ရမယ်လို့ ပြောကြားခဲ့တာပါ။
ဒီလိုပြောကြားမှုအတွက်လည်း ထရမ့်ဟာ ကျယ်ကျယ်ပြန့်ပြန့် ရှုတ်ချခံခဲ့ရတာကြောင့် နောက်ပိုင်းမှာ သူနဲ့သူ့အဖွဲ့က မွတ်စလင်အားလုံးကို ဆိုလိုတာမဟုတ်ဘဲ အကြမ်းဖက်ဝါဒနဲ့ ဆက်နွယ်နေတဲ့ နိုင်ငံကလူတွေကိုပဲ ရည်ရွယ်တာဖြစ်တယ်လို့ ဆိုပါတယ်။
ထရမ့်မဲဆွယ်ရေးဝဘ်ဆိုက်မှာ တင်ထားတဲ့ အဲဒီသတင်းဟာ ရွေးကောက်ပွဲကျင်းပခဲ့တဲ့ ဒီဇင်ဘာ ၈ ရက်နေ့ မနက်ပိုင်းအထိ ရှိနေသေးတယ်လို့ အွန်လိုင်း cache တွေအရ သိရပြီး ညပိုင်းမှာတော့ ၀င်ရောက်ကြည့်ရှုလို့မရတော့ဘဲ ဒီသတင်းခေါင်းစဉ်ကို နှိပ်လိုက်တာနဲ့ မဲဆွယ်ပွဲအတွက် ငွေလှူဒါန်းဖို့ တိုက်တွန်းတဲ့ စာမျက်နှာကို ရောက်ရှိသွားတာဖြစ်ပါတယ်။
ဘယ်အချိန်မှာ ဒီလိုဖယ်ရှားလိုက်တယ်ဆိုတာ အတိအကျမသိနိုင်ပေမယ့် နိုဝင်ဘာ ၈ ရက်နေ့ မနက်ပိုင်းနဲ့ ညပိုင်း ကြားကာလအတွင်းသာ ဖြစ်နိုင်တယ်လို့ ဆိုပါတယ်။
ဒီလို ၀င်ရောက်ကြည့်ရှုလို့မရတော့တာနဲ့ပတ်သက်ပြီး ထရမ့်ရဲ့ မဲဆွယ်ရေးအဖွဲ့ကတော့ ဘယ်လိုထုတ်ပြန်ချက်မှ မပြုလုပ်သေးပါဘူး။
ထရမ့်ရဲ့ ၀ဘ်ဆိုက်မှာ ဒီလို သတင်းဖယ်ရှားတာမျိုးဟာ ဒါ ပထမဆုံးအကြိမ်တော့ မဟုတ်ပါဘူး။ သူ့ရဲ့ ဇနီးဖြစ်သူ မီလာနီယာ ထရမ့်ဟာ တက္ကသိုလ်က ဘွဲ့မရဘူးဆိုတဲ့ သတင်း ထွက်ပေါ်လာပြီးတဲ့နောက်ပိုင်းမှာ ၀ဘ်ဆိုက်မှာ တင်ထားတဲ့ သူမရဲ့ ကိုယ်ရေးရာဇ၀တ်ကို ဖြုတ်ချခဲ့ဖူးပါတယ်။
Ref: independent
