စက်တင်ဘာ ၂၃၊ ၂၀၂၂
M-Media
မလေးရိုးရာဓားမြှောင် 
မလေးရိုးရာ အစားအစာများ 
ပတ္တာနီရှိ ရှေးအကျဆုံး Surau Aur ဗလီ 
ပတ္တာနီရှိ ရှေးအကျဆုံး Surau Aur ဗလီ 
မလေးရိုးရာ အမျိုးသား၀တ်စုံ
-မလေးလူမျိုးတွေရဲ့ ဒေသဖြစ်တဲ့ ထိုင်းတောင်ပိုင်းမှာ မလေးရိုးရာ ယဥ်ကျေးမှုအမှတ်သညာတွေ တိမ်ကောလာတာနဲ့ပတ်သက်ပြီး စိုးရိမ်ကြောင်း ဒေသတွင်း အဖွဲ့အစည်းတွေက ထုတ်ပြောလာကြပါတယ်။
ပတ္တာနီ၊ ယာလာ၊ နာရာသီ၀ပ်တို့ ပါ၀င်တဲ့ ထိုင်းတောင်ပိုင်းဟာ ပတ္တာနီ ဘုရင့်နိုင်ငံလို့ ထင်ရှားတဲ့ မလေးအင်ပါယာ နယ်မြေတွေပါ။ ထိုင်းဘုရင်တွေရဲ့ ကျူးကျော်မှုကို အကြိမ်ကြိမ်ခံခဲ့ရပြီး ၁၇၈၆ ခုနှစ်မှာ ဒီမလေးဒေသတွေကို ထိုင်းဘုရင် ပထမမြောက် ရာမက သိမ်းပိုက်နိုင်ခဲ့ပါတယ်။
ခေတ်အဆက်ဆက် ထိုင်းအစိုးရတွေက ထိုင်းယဥ်ကျေးမှူ လွှမ်းမိုးအောင် ကြိုးပမ်းတာ၊ လူငယ်တွေက ရိုးရာယဥ်ကျေးမှု အမွေအနှစ်တွေကို ထိန်းသိမ်းရမှန်း မသိနားမလည်တာတွေကြောင့် ထိုင်းတောင်ပိုင်းမှာ မလေးလူမျိုးတွေရဲ့ အမှတ်သညာတွေ တစ်ဖြည်းဖြည်း တိမ်ကောလာပါတယ်။
ပတ္တာနီသမိုင်းအမွေအနှစ် ထိန်းသိမ်းစောင့်ရှောက်ရေးအဖွဲ့ (Patani Civilization Art Heritage Organisation) က ဒေသတွင်းမှာ အတွေ့ရနည်းလာတဲ့ မလေးရိုးရာ ဖက်ရှင်တွေ၊ ရိုးရာအိမ်တွေနဲ့ အသုံးအဆောက်ပစ္စည်းတွေ၊ အဲဒါတွေကို ဖန်တီးထုတ်လုပ်တဲ့ အတတ်ပညာတွေကို ထိန်းသိမ်းဖို့ ကြိုးပမ်းနေပါတယ်။
“ကျွန်တော်တို့ရဲ့ ယဥ်ကျေးမှု အမှတ်သညာတွေ တိမ်ကောရတဲ့ အကြောင်းအရင်း အများအပြားရှိပါတယ်။ ဒါတွေကို ဖြေရှင်းဖို့ မကြိုးစားဘူးဆိုရင် သိပ်မကြာခင် ပျောက်ကွယ်သွားနိုင်ပါတယ်”
“အခုလက်ရှိ ဒီအမွေအနှစ်တွေက ရှိနေသေးတယ်။ မလေးရိုးရာ ဓားမြှောင်နဲ့ ဓားအိမ်လုပ်တဲ့ အတတ်ပညာမျိုး၊ အခြား မလေးဗိသုကာပညာမျိုးတွေကို သင်ယူလေ့လာပြီး ပြန့်ပွားအောင် လုပ်သွားရမှာပါ” လို့ အဖွဲ့တာ၀န်ရှိသူ နူကမ် ကူ ရှမ်ရှူဒင်က ပြောပါတယ်။
ရှမ်ရှူဒင်နဲ့ ထိုင်းနိုင်ငံက မလေးကိုယ်စားလှယ် ၇ ဦးတို့ဟာ မလေးရှားမှာ မကြာသေးခင်က ပြုလုပ်ခဲ့တဲ့ ပထမအကြိမ် နိုင်ငံတကာ မလေးရိုးရာယဥ်ကျေးမှု ပြပွဲကို တက်ရောက်ပြီး ထိုင်းတောင်းပိုင်းက မလေးရိုးရာ အမွေအနှစ်တွေကို ခင်းကျင်းပြသခဲ့ပါတယ်။
Ref: The Star
