အောက်တိုဘာ ၆၊ ၂၀၁၆
M-Media
– ရန်ကုန်မြို့၊ လှိုင်သာယာမြို့နယ်မှ အမျိုးသမီး ၂ ဦးမှာ တရုတ်နိုင်ငံသို့ လူကုန်ကူးကာ တရုတ်အမျိုးသားများနှင့် လက်ထပ်ရန်အတွက် ရောင်းစားခံခဲ့ရသည်ဟု သိရသည်။
အသက် ၂၉ နှစ်နှင့် အသက် ၃၁ နှစ်အရွယ်ရှိ အမျိုးသမီးများဖြစ်ကြပြီး စက်ရုံတွင် အလုပ်ရမည်ဟုဆိုကာ အယုံသွင်းကာ ကူမင်းတွင် တရုတ်အမျိုးသားများထံ ရောင်းစားခံခဲ့ရခြင်းဖြစ်သည်။
မချယ်ရီမြင့်ဆိုသည့် အမျိုးသမီးက ၎င်းတို့အနေဖြင့် တရုတ်နိုင်ငံရှိ ၀ါးဟားဟား အချိုရည်စက်ရုံတွင် တစ်လ ၅ သိန်းဖြင့် အလုပ်ရမည်ဖြစ်ပြီး သွားလာစရိတ်များကိုလည်း မိမိမှ ကျခံထားက ပထမ ၂ လ လစာမှ ဖြတ်တောက်သွားမည်ဟု ၎င်းတို့အား ပြောကြားခဲ့သည်။
မေလ ၂၄ ရက်နေ့တွင် ၎င်းတို့ နှစ်ဦးအား မချယ်ရီမြင့်နှင့် ၎င်း၏ မိခင် ဒေါ်စန်းစန်းဝင်းတို့က ရန်ကုန်မှ ရှမ်းပြည်နယ် နယ်စပ်မြို့ မူဆယ်သို့လည်းကောင်း၊ ထို့မှတစ်ဆင့် ကူမင်းသို့ နယ်စပ်ဖြတ်ကျော်သွားရောက်က တရုတ်အမျိုးသားတစ်ယောက်နှင့် တွေ့ပေးခဲ့ပြီး ကူမင်းရှိ အိမ်တစ်လုံးသို့ ခေါ်သွားခဲ့သည်။
ထိုအိမ်တွင် ၁၀ ရက်ခန့်ကြာပြီးနောက် တရုတ်အိမျိုးသား တစ်ဦးစီက ၎င်းတို့အား ခေါ်ဆောင်သွားခဲ့ပြီး ဒေါ်စန်းစန်းဝင်းကမူ ၎င်းတို့မှာ ထိုအမျိုးသားများ၏ ဇနီးမယားများ ဖြစ်သွားပြီဟု အသိပေးခဲ့သည်။
ကူမင်းတွင် လအတော်ကြာခဲ့ပြီးနောက် လူကုန်ုကူးခံရသည့် အဆိုပါ အမျိုးသမီး နှစ်ဦစလုံးမှာ ထွက်ပြေးလွတ်မြောက်ခဲ့ပြီး မိသားစုများနှင့် အဆက်အသွယ် ရခဲ့သည်။ ထို့နောက် နယ်စပ်ဖြတ်ကျော်၍ မူဆယ်သို့ရောက်ရှိကာ အမျိုးသမီး ယာယီစောင့်ရှောက်ရေးစခန်းတွင် ၂ ပ တ်ကြာ နေထိုင်ခဲ့ပြီး ထိုမှတစ်ဆင့် ရန်ကုန်သို့ ပြန်လည်ရောက်ရှိခဲ့သည်။
အောက်တိုဘာ ၃ ရက်နေ့တွင် ထိုအမျိုးသမီး ၂ ဦးက ရဲစခန်းတွင် အမှုဖွင့်ခဲ့ပြီးနောက် လှိုင်သာယာ ရဲတပ်ဖွဲ့က မချယ်ရီမြင့်နှင့် ဒေါ်စန်းစန်းဝင်းတို့ကို လူကုန်ကူးမှုတိုက်ဖျက်ရေး ဥပေဒများအရ စုံစမ်းစစ်ဆေးမှုများ ပြုလုပ်နေပြီး ပြစ်မှုထင်ရှားပါက ထောင်ဒဏ် ၁၀ နှစ်အထိ ချမှတ်ခံရမည်ဖြစ်သည်။
၂၀၁၃ ခုနှစ် မြန်မာနိုင်ငံရဲတပ်ဖွဲ့ ထုတ်ပြန်သည့် စာရင်းအရ လွန်ခဲ့သည့် ၅ နှစ်အတွင်း ရဲတပ်ဖွဲ့ထံ တိုင်ကြားခဲ့သည့် လူကုန်ကူးမှု၏ ၈၀ ရာခိုင်နှုန်းမှာ တရုတ်နိုင်ငံတွင် အတင်းအဓမ္မ လက်ထပ်ရန်အတွက် လူကုန်ကူးခံရမှုဖြစ်သည်ဟု သိရသည်။
Ref: mmtimes
