Blog

စက်တင်ဘာ ၂၄၊ ၂၀၁၆
M-Media

– ဂါနာနိုင်ငံရှိ Ghana တက္ကသိုလ်တွင် ထားရှိသော အကြမ်းမဖက် ငြိမ်းချမ်းရေးသမား မဟတ္တမ ဂန္ဓီ၏ ရုပ်ထုကို ဖယ်ရှားရန် ဂါနာ ပညာရှင်များ၊ ကျောင်းသားများ၊ အနုပညာရှင်များက ဆော်သြနေကြပြီး အိန္ဒိယ၏ လွတ်လပ်ရေးလှုပ်ရှားမှုခေါင်းဆောင်ကြီးမှာ လူနည်းစုများအပေါ် လူမျိုးရေးခွဲခြားသူတစ်ဦးအဖြစ် သမုတ်ခံရသည်။

(၁၈၉၃ ခုနှစ်မှ ၁၉၁၄ ခုနှစ်အထိ) တောင်အာဖရိကတွင် ၂၁ နှစ်ကြာ နေထိုင်ခဲ့ပြီး ထိုဒေသတွင်နေထိုင်သည့် အိန္ဒိယပြည်သူများ၏ အခွင့်အရေးအတွက် တိုက်ပွဲဝင်ခဲ့သည့် ဂန္ဒီ၏ ရုပ်ထုကို အိန္ဒိယသမ္မတ ပရာနဘ် မူခါဂျီ ဂါနာသို့လာရောက်စဉ် ပြီးခဲ့သည့် ဇွန်လက ထိုတက္ကသိုလ်ဝင်းအတွင်း ထားရှိခဲ့ခြင်းဖြစ်သည်။

အွန်လိုင်းမှ ဖြန့်ဝေနေသည့် တိုက်တွန်းစာတစ်စောင်တွင် Ghana တက္ကသိုလ်ရှိ ပါမောက္ခများက ဂန္ဒီကြီး တောင်အာဖရိကတွင်ရှိနေစဉ် ရေးသားခဲ့သော စာများကို ထောက်ပြ၍ ၎င်းမှာ ‘လူမျိုးရေးခွဲခြားမှု အမှတ်သညာ’ ဟု စွပ်စွဲကြသည်။

အိန္ဒိယသားများကို လူမည်းအာဖရိကန်များထက် ပိုမိုသာမြတ်သည်ဟု သဘောသက်ရောက်သည့် ရေးသားမှုများ၊ လူမည်းများကို ခွဲခြားနှိမ့်ချသည့် အခေါ်အဝေါ်ဖြစ်သော Kaffir ဟု သုံးစွဲမှုများကို ၎င်းတို့က အထောက်အထားပေးကြသည်။

၎င်းတို့၏ တိုက်တွန်းစာတွင် ထုတ်နှုတ်ပြထားသည့် ဂန္ဒီ၏ ရေးသားမှုမှာ အောက်ပါအတိုင်းဖြစ်သည်။

“ဥရောပသားတွေကို ငါတို့အပေါ်မှာ သတ်မှတ်ဖို့ကြိုစားနေတဲ့ နှိမ့်ချမှုကို ငါတို့က ဆက်လက်တွန်းလှန်နေရသူတွေ ဖြစ်တယ်။ အဲဒီဥရောပသားတွေက အမဲလိုက်ပြီး မိန်းမတင်တောင်းဖို့ ရည်ရွယ်ချက်နဲ့ ကျွဲနွားတွေ စုဆောင်းကာ သူတို့ရဲ့ ဘ၀တွေကို အပြင်းထူထူ၊ ၀တ်လစ်စလစ် ကုန်ဆုံးတတ်တဲ့ အရိုင်းအစိုင်း ကက်ဖ်ဖီရ် (Kaffir) တွေလို အဆင့်မျိုးမှာ ငါတို့ကို ထားချင်နေတာ”

တောင်အာဖရိကမှ ဆန့်ကျင်ဆန္ဒပြမှု

၁၈၆၉ ခုနှစ်တွင် မွေးဖွားခဲ့သည့် မိုဟန်ဒက်ဇ် ကာရမ်ချန် ဂန္ဒီမှာ ၎င်း၏ အကြမ်းမဖက်ခုခံရေး သဘောတရားကြောင့် နိုင်ငံတကာတွင် လူသိများပြီး၊ ဗြိတိသျှအုပ်ချုပ်မှုလက်အောက်တွင် နှစ် ၂၀၀ ကျော်နေခဲ့ရသည့် အိန္ဒိယနိုင်ငံ၏ လွတ်လပ်ရေးအတွက်လည်း ရှေ့တန်းမှ ပါဝင်ခဲ့သူဖြစ်သည်။

သန်းပေါင်းများစွာသော အိန္ဒိယပြည်သူများကတော့ ၁၉၄၈ ခုနှစ်တွင် လုပ်ကြံခံခဲ့ရသည့် ၎င်းအား မဟတ္တမ (ကြီးကျယ်မြင့်မြတ်သူ) ဟု ခေါ်ဆိုကြပြီး ငြိမ်းချမ်းရေးဖြင့် နိုင်ငံရေး၊ လူမှုရေးကိစ္စများကို ဖြေရှင်းနိုင်ခဲ့သူ ခေါင်ဆောင်ကြီးအဖြစ် မှတ်ယူကြသည်။

သို့ရာတွင် ဂါနာတွင် ဂန္ဒီ၏ရုပ်ထိုကို ဖြုတ်ချရန် တိုက်တွန်းခဲ့သူများကတော့ ဂန္ဒီအား ထိုသို့ အသိအမှတ်မပြုဘဲ၊ တောင်အာဖရိက၌ ရှိနေစဉ် ဗြိတိသျှနယ်ချဲ့များ၏ ဘက်တော်သားအဖြစ် လူမည်းများ၏ အကျိုးစီးပွားကို အရေးမစိုက်ဟု စွပ်စွဲခဲ့သည်။

“ကျွန်တော်တို့တက္ကသိုလ်မှာ ရုပ်ထုကြီးထုပြီး သူတို့ ဂုဏ်ပြုထားတာ မြင်နေရရင် ဂန္ဒီဟာ လူမည်းမျိုးနွယ်အပေါ်မှာ မမျှတတဲ့ သဘောထားမျိုး ရှိတယ်ဆိုတာကို သမိုင်းပညာရှင်တွေက ဘယ်လိုလုပ်သင်မလဲ။ ရှင်းပြမလဲ” ဟု Ghana တက္ကသိုလ်မှ ကထိကတစ်ဦးဖြစ်သူ အပီယဂ်ျယီ-အတူဝါက ဂန္ဒီရုပ်ထုဖယ်ရှားရေး လှုံ့ဆော်စာတွင် ရေးသားခဲ့ပြီး အခြား ထင်ရှားသူ ၄ ဦးကလည်း ထိုစာတွင် လက်မှတ်ရေးထိုးခဲ့သည်။

တောင်အာဖရိကတွင် ဂန္ဒီ၏သမိုင်းက မကြာခဏ မေးခွန်းထုတ်ခံရသည်။

ပြီးခဲ့သည့်နှစ်က #GandhiMustFall ဟူသည့်ခေါင်းစဉ်ဖြင့် ဂန္ဒီဆန့်ကျင်ရေး လှုပ်ရှားမှုတစ်ခု ပြုလုပ်ခဲ့ရာ တောင်အာဖရိကပြည်သူများ၏ ထောက်ခံမှု ရရှိခဲ့ပြီး “လူမျိုးရေးခွဲခြားသူ ဂန္ဒီ ကျဆုံးပါစေ” ဟူသော ပိုစတာများကိုကိုင်ကာ ပြုလုပ်သည့် ဆန္ဒပြတွင် ပါဝင်သူများက ဂျိုဟန်နစ္စဘတ်ရှိ ၎င်း၏ ရုပ်ထုကို ခဲများဖြင့် ထုခဲ့ကြသည်။

မဟတ္တမဂန္ဒီ၏ မြေးတော်စပ်ပြီး တာင်အာဖရိက အာဏာရပါတီ African National Congress ကိုယ်စားပြု လွှတ်တော်အမတ်ဟောင်းလည်းဖြစ်သည့် အီလာဂန္ဒီက သူမ၏အဖိုးဖြစ်သူ သုံးနှုန်းခဲ့သည့် ‘kaffir’ ဟူသော စကားလုံးမှာ ယခုခေတ်တွင် အလွန်စော်ကားသည့် စကားလုံးဖြစ်သော်လည်း ထိုစဉ်အချိန်က ကြမ်းတမ်းသော သို့မဟုတ် နှိမ့်ချလိုသော သဘောမျိုး မရှိဘဲ ဂန္ဒီမှာ ထိုစကားလုံးဖြင့် အာဖရိကပြည်သူများအား ရိုင်းစိုင်းသူ၊ အိန္ဒိယပြည်သူများထက် နိမ့်ကျသူအဖြစ် ရည်ညွှန်း သည်ဟု လိုရာစွဲပြော၍မရဟုလည်း ပြောကြားခဲ့သည်။

“ကိုယ် ဂုဏ်တက်ဖို့အတွက် အခြားသူတွေကို ဘာ့ကြောင့် ဝေဖန်ပုတ်ခတ်နေတာလဲဆိုတာကို ကျွန်မတို့ မေးရမယ်ရှင့်။ ဒီလိုဝေဖန်ပုတ်ခတ်မှုတွေဟာ အခြေအမြစ်မရှိပါဘူး။ သူ့ရဲ့ နောက်ပိုင်းဘ၀မှာ ဂန္ဒီ ဖြန့်ဖြူးခဲ့တဲ့ အယူအဆတွေက ဇာတ်၊ အဆင့်အတန်း၊ လူမျိုး စတာတွေအားလုံးကို လေးစားဖို့ပါ” ဟု အီလာက ပြောကြားခဲ့ပြီး ဂန္ဒီအား ဆန့်ကျသူများ၏ စွပ်စွဲမှုများနှင့် ‘လုံးဝ ဆန့်ကျင်ဖက်’ ဖြစ်နေသည့် ဂန္ဒီ၏ ‘အခြားသဘောထား အမြောက်အများ’ ရှိနေသည်ဟုလည်း ဆိုသည်။

“သူတို့က သူ့ရဲ့ရုပ်ထု မရှိချင်ဘူးဆိုရင် နည်းလမ်းပေါင်းစုံသုံးပြီး ဖယ်ရှားပါ။ ဒါပေမယ့် အကြမ်းမဖက်ရေးအယူဆ၊ ချစ်ခြင်းမေတ္တာ၊ လူသားချင်းစာနာထောက်ထားမှု၊ လူသားတွေ၊ သဘာဝတရားတွေ၊ စင်္ကြာဝဠာကြီးတစ်ခုလုံးအပေါ် လေးစားတန်ဖိုးထားမှုတွေကိုတော့ မဖယ်ရှားဖို့ ကျွန်မ ရိုးသားစွာ တောင်းဆိုပါရစေ။ ဘာ့ကြောင့်လည်းဆိုတော့ ဒါတွေဟာ ဂန္ဒီကြီး မားမားမတ်မတ် ရပ်တည်ခဲ့တဲ့၊ အသက်ပေးခဲ့ရတဲ့ သဘေားထားအယူအဆတွေ ဖြစ်လို့ပါပဲ”

မငြင်းနိုင်သည့် အမှန်တရား

‘တောင်အာဖရိက ဟိန္ဒူ မဟာ ဆဘ်ဟာ’ အသင်း၏ ဥက္ကဌဖြစ်သူ အက်ရ်ှဝင် တရီကမ်ဂျီက ဂန္ဒီအပေါ် လူမျိုးရေးခွဲခြားမှု စွပ်စွဲချက်များမှာ ယခုမှ ဖြစ်လာခဲ့ခြင်းမဟုတ်ဟု ဆိုသည်။

“ဒီလိုစွပ်စွဲမှုတွေကို ကျွန်တော်တို့ အရင်ကလည်း ကြားဖူးပါတယ်။ သိသာထင်ရှားတာတစ်ခုက ဂန္ဒီကြီးဟာ တောင်အာဖရိက က လူမည်းတွေနဲ့အတူ နေထိုင်ဖို့နဲ့ လူဖြူလူမည်းခွဲခြားမှုကို အထူတကွ တွန်းလှန်ဖို့ ရွေးချယ်ခဲ့တာပါပဲ။ သူဟာ တောင်အာဖရိကသားတွေအားလုံးရဲ့ လေးစားမှုကို ရရှိခဲ့ပြီး အထူးသဖြင့် (ယခင်) သမ္မတဟောင်း နဲလ်ဆင် မင်ဒဲလားနဲ့ အာဖရိကအမျိုးသားကွန်ဂရက် ပါတီ ANC ရဲ့ ချီးမွမ်းထောပနာပြုမှုကို အထူး ရရှိခဲ့ပါတယ်” ဟု တရီကမ်ဂျီက ပြောကြားခဲ့သည်။

ဒါဘန်မြို့ရှိ လမ်းတစ်ခုအား ၎င်း၏အမည် ပေးထားမှုကို ထောက်ပြ၍ ဂန္ဒီမှာ ‘တောင်အာဖရိကနိုင်ငံသား အားလုံး၏ လေးစားအားကျဖွယ် အမှတ်သညာ’ ဖြစ်ပြီး ‘ဂန္ဒီ၏ အကြမ်းမဖက်မှု သဘောတရားမှာ တောင်အာဖရိကတွင် အမှန်တကယ်ကြီးမားသည့် သက်ရောက်မှု ရှိခဲ့ကာ လူဖြူလူမည်း ခွဲခြားမှုကို ဆန့်ကျင်ရာတွင် တွန်းအားဖြစ်စေခဲ့သည်’ ဟုလည်း တရီကမ်ဂျီက ပြောကြားခဲ့သည်။

ဂျိုဟန်နစ္စဘတ် တက္ကသိုလ်မှ လူမှုဗေဒ ပါမောက္ခဖြစ်ပြီး The South African Gandhi : Stretcher-Bearer of Empire စာအုပ်ကို ပူးတွဲရေးသားသူ အက်ရ်ှဝင် ဒီစိုင်းက အာဖရိကပြည်သူများက ၎င်းတို့အား ခွဲခြားဆက်ဆံမှု၊ ကျွန်ကဲ့သို့ အခြေအနေမျိုးဖြင့် မိုင်းတွင်းများတွင် အလုပ်လုပ်ရမှုတို့ကို တွန်းလှန်ခဲ့ရသည့် ရှည်လျားသော သမိုင်းကြောင်းကို ဂန္ဒီက မည်သည့်အခါကမှ အသိအမှတ်မပြုခဲ့ဟု ဆိုသည်။

“ဂန္ဓီကို ဂုဏ်တင်ပြီး ကမ္ဘာလုံးဆိုင်ရာလူသား၊ တောင်အာဖရိကရဲ့ ပထမဆုံးနဲ့ အစောဆုံး လူမျိုးရေးခွဲခြားမှု ဆန့်ကျင်သူအဖြစ် ဖော်ပြချင်ကြတဲ့ သမိုင်းပညာရှင်တွေ ရှိနေပြီး ဒါတွေဟာ မှားယွင်းတဲ့ ဖော်ပြမှုပါပဲ” ဟု အက်ရ်ှဝင် ဒီစိုင်းက ပြောကြားခဲ့ပြီး ဂန္ဒီမှာ လူမည်းများအပေါ် လူမျိုးရေးခွဲခြားသည့် အမြင်များ ရှိခဲ့သည်ဆိုသည့် သမိုင်းမှတ်တမ်း မြောက်များစွာ ရှိသည်ဟု ပြောကြားခဲ့သည်။

“သိပ်အမွှမ်းတင်လွန်တာတွေကို ရင်ဆိုင်ဖြေရှင်းရပါမယ်။ တောင်အာဖရိက ဂန္ဒီနဲ့ပတ်သက်တဲ့ အမှန်တရားကတော့ သိပ်ကျေနပ်စရာ ဖြစ်မှာ မဟုတ်ပါဘူး။ ဂန္ဒီရဲ့ ရုပ်ထုကို ဖယ်ရှားချင်တဲ့ သူတွေအနေနဲ့ တောင်အာဖရိကမှာ အာဖရိကန်တွေရဲ့ရုန်းကန်ခဲ့ရမှုတွေအပေါ် အလေးမထားတဲ့ လူတစ်ယောက်ရဲ့ ရုပ်ထုကို ဖယ်ရှားဖို့ဆိုတဲ့ ပုံးစံမျိုးနဲ့သာ အာရုံစိုက် လုပ်ဆောခဲ့ပါတယ်”

ဂုဏ်ပြုရမည့် အာဖရိက သူရဲကောင်းများ

ဂန္ဒီ၏ရုပ်ထုအား ဖယ်ရှားရန် ရည်ရွယ်၍ #GandhiForComeDown အမည်ဖြင့် ဂါနာနိုင်ငံတွင် ပြုလုပ်နေသည့် အွန်လိုင်း လှုပ်ရှားမှုမှာ ပြီးခဲ့သည့်နှစ်က တောင်အာဖရိကနိုင်ငံတွင် ‘ရိုဒက်င်္ဇ ကျဆုံးရမည်’ (Rhodes Must Fall) ဟူသည့် လှုပ်ရှားမှုနှင့် နှိုင်းယှဉ် ဖော်ပြခံရသည်။

တောင်အာဖရိကတွင် ပြုလုပ်ခဲ့သည့် အဆိုပါ လှုပ်ရှားမှုမှာ ဗြိတိသျှ နယ်ချဲ့သမားနှင့် လူမျိုးကြီးဝါဒီ စီစီလ် ရိုဒက်ဇ်အား ဂုဏ်ပြု၍ Cape Town တက္ကသိုလ်တွင် ထုတ်လုပ်ထားသည့် ရုပ်ထုအား ဖယ်ရှားရန်ဖြစ်သည်။

ယခုတစ်ပတ် အစောပိုင်းမှာပင် ဂန္ဒီရုပ်ထုအား ဖယ်ရှားရေး တောင်းဆိုစာတွင် လက်မှတ်ပေါင်း ၁၀၃၀ ရရှိခဲ့ပြီး ထိုလှုပ်ရှားမှုကို စီစဉ်သူများကမူ လူမျိုးရေးခွဲခြားသူများ၏ ရုပ်ထုများကို ကမ္ဘာတစ်ဝှမ်းမှ တက္ကသိုလ်များက ဖယ်ရှားမှုများကို ထောက်ပြ၍ Ghana တက္ကသိုလ်ရှိ ဂန္ဒီရုပ်ထုအား ဖယ်ရှားရန် ပညာရေးအာဏာပိုင်းများအား တိုက်တွန်းခဲ့သည်။

“မကြာခင်မှာပဲ ဒီရုပ်ထုကို ဖယ်ရှားပြီး ဖြစ်မှာပါ” ဟု Ghana တက္ကသိုလ်ရှိ အာဖရိကရေးရာ လေ့လာရေးဌာနမှ သုတေသန ပညာရှင်တစ်ဦးဖြစ်သူ အိုဘာဒီလီ ကမ်ဘွန်က ၎င်းတို့၏ လှုပ်ရှားမှု ရည်ရွယ်ချက်ကို ပြောကြားခဲ့သည်။

“နောက်ပိုင်းမှာတော့ ကျွန်တော်တို့ဟာ အာဖရိကန်/လူနည်းတွေရဲ့ ဂုဏ်သိက္ခာအတွက် ကမ္ဘာတစ်ဝှမ်း ဆက်စက်လှုပ်ရှားမှုပေါင်းများစွာနဲ့ ဆက်သွယ်လုပ်ကိုင်ချင်ကြောင်း ကျွန်တ်ာတို့ ပြသသွားမှာပါ” ဟု အွန်လိုင်းတွင် လူမည်းအရေး ဆောင်ရွက်မှုများဖြစ်သော #RhodesMustFall၊ #BlackLivesMatter၊ #ICantBreathe နှင့် #ColinKaepernick လှုပ်ရှားမှုများကို ရည်ညွှန်း၍ ဒီစိုင်းက ပြောကြားခဲ့သည်။

ဂန္ဒိ၏ရုပ်ထုကို တက္ကသိုလ်ဝင်းအတွင်းမှ ဖယ်ရှားချင်သူများက ထိုရုပ်ထု၏နေရာတွင် အာဖရိက သူရဲကောင်း အမျိုးသားများ၊ အမျိုးသမီးများကို အစားထိုးရန် တိုက်တွန်းနေကြသည်။

“ကျွန်တော်တို့ သူရဲကောင်းတွေ ရုပ်ထုကို မထားဘဲနဲ့ တစ်ခြားလူမျိုးရဲ့ သူရဲကောင်းရုပ်ထုကို ဘာ့ကြောင့် ကျွန်တော်တို့ထားရမှာလဲ။ ဒီလိုထားတာမျိုးဟာ ကိုယ်ပိုင်အုပ်ချုပ်မှု၊ အသိအမှတ်ပြုမှု၊ လေစားမှုတွေရရှိဖို့ ကျွန်တော်တို့ရဲ့ ရုန်းကန်ကြိုးစားခဲ့ရတာကို သဲထဲရေသွန်သလို လုပ်ပစ်လိုက်တာပါပဲ” ဟု ဂန္ဒီရုပ်ထုဖယ်ရှားရေး လက်မှတ်ရေးထိုးသူတစ်ဦးက ပြောကြားခဲ့လေသည်။

Ref: Aljazeera

(Aljazeera ၏ Ghana: Call to remove Gandhi statue over ‘racist views’ ဆောင်းပါးကို လေးမောင်မှ ဆီလျော်အောင်
ဘာသာပြန်ဆိုသည်။)