သြဂုတ် ၁၄၊ ၂၀၁၆
M-Media
– အမေရိကန်ပြည်ထောင်စု နယူးယောက်မြို့ ကွင်းမြို့နယ်ရှိ လမ်းမတစ်ခုတွင် ရှေ့ဆောင်အီမာမ်တစ်ဦးနှင့် ၎င်း၏ လက်ထောက်တို့ သေနတ်ဖြင့် ပစ်သတ်ခံခဲ့ရသည်ဟု သိရသည်။
သေဆုံးသွားသည့် ရှေ့ဆောင်အီမာမ်မှာ အသက် ၅၅ နှစ်အရွယ်ရှိ မောင်လာနာ အေကွန်ဂျီဖြစ်ပြီး ဘင်္ဂလားဒေ့ရ်ှမှ နယူးယောက်သို့ လွန်ခဲ့သည့် ၂ နှစ်က ပြောင်းရွှေ့လာခဲ့ခြင်းဖြစ်သည်ဟု ဒေသတွင်းသတင်းများက ဖော်ပြခဲ့သည်။ ၎င်း၏ လက်ထောက်မှာ အသက် ၆၄ နှစ်အရွယ် သာရာအူဒင်ဖြစ်သည်။
၎င်းတို့နှစ်ဦးမှာ ယမန်နေ့ ဒေသစံတော်ချိန် ၂ နာရီဝန်းကျင်ခန့်က အလ်-ဖွရ်ကန် ဂျာမေဗလီဝတ်ကျောင်းတော်မှ ထွက်ကာ လမ်းလျှောက်သွားနေစဉ် လူတစ်ယောက်က အနောက်မှကပ်၍ ဦးခေါင်းအား သေနတ်ဖြင့် ပစ်သွားခြင်းဖြစ်ပြီး ဘာသာတရားကြောင့် ပစ်မှတ်ထားခံရသည်လားဆိုသည်ကို မသိရှိရသေးဟု ရဲတပ်ဖွဲ့က ပြောကြားခဲ့သည်။
ထိုပစ်ခတ်မှုဖြစ်ပွားပြီးနောက် ကွင်းမြို့နယ်ရှိ မွတ်စလင်လူ့အဖွဲ့အစည်းမှာ အခင်းဖြစ်ရာနေရာတွင် စုဝေးကာ တရားမျှတမှုကို လိုချင်သည်ဟု ကျွေးကြော်ခဲ့ကြသည်။ ဆန္ဒပြသူများမှ အချို့က အဆိုပါ ပစ်ခတ်မှုမှာ အမုန်းတရားအခြေခံ ရာဖ၀တ်မှုဖြစ်သည်ဟု ယူဆကြောင်း ပြောကြားခဲ့ကြသည်။
Ref : BBC
