ဇူလိုင် ၁၃၊ ၂၀၁၆
M-Media
– သက်တမ်းကုန်ဆုံးတော့မည့် နိုင်ငံကူးလက်များ သက်တမ်းတိုးရန် မလေးရှားရှိ မြန်မာသံရုံးက ဆောင်ရွက်ရာတွင် အလွန်အမင်း ကြာမြင့်နေသောကြောင့် မြန်မာရွှေ့ပြောင်းလုပ်သားများမှာ တရားမ၀င်နေထိုင်မှု ပုဒ်မဖြင့် ဖမ်းဆီး၊ အကျဉ်းကျခံရမည့်အခြေအနေနှင့် ရင်ဆိုင်နေရသည်ဟု မြန်မာအလုပ်သမားများအရေး ဆောင်ရွက်နေသူများ၏ ပြောကြားမှုအရ သိရသည်။
လက်ရှိ မြန်မာသံရုံးမှာ နိုင်ငံကူးလက်မှတ်များ သက်တမ်းတိုးကိစ္စနှင့်ပတ်သက်၍ ဆောင်ရွက်ရာတွင် ၄ လမှ ၆ လအထိ ကြာမြင့်မှုများ ရှိနေသောကြောင့် မြန်မာလုပ်သားများမှာ တရားမ၀င်နေထိုင်သည့်ဘ၀သို့ ရောက်ရှိနေကြသည်။
“သံရုံးကနေ နိုင်ငံကူးလက်မှတ်တွေ အချိန်မီ ပြန်မရတာကြောင့် တရားဝင်ဘ၀ကနေ တရားမ၀င်ဘ၀ ရောက်သွားတဲ့ အလုပ်သမားတွေ ဒုနဲ့ဒေး ရှိနေပါတယ်” ဟု မလေးရှားအခြေစိုက် ရတနာ့စက္ကအခမဲ့နာရေးကူညီမှုအသင်းဥက္ကဌ ကိုကျော်ဇေလွင်ကဆိုပြီး ထိုကဲ့သို့ နိုင်ငံကူးလက်မှတ် ပြန်မရသည့် အလုပ်သမားများမှ ၁၅ ရာခိုင်နှုန်းမှာ ဖမ်းဆီးခံရခြင်း၊ အကျဉ်းကျခံရခြင်းတို့နှင့် ကြုံတွေ့နေရသည်ဟု ပြောကြားခဲ့သည်။
ပြီးခဲ့သည့်လေးနှစ်အတွင်း မလေးရှားအစိုးရမှာ 6P ဟု ခေါ်သည့် အစီအစဉ်ဖြင့် နိုင်ငံအတွင်းရှိ နိုင်ငံကူးလက်မှတ် သက်တမ်းကုန်သွားသော ရွှေ့ပြောင်းလုပ်သားများ ယာယီနိုင်ငံကူးလက်မှတ်ရရှိစေရန် သက်ဆိုင်ရာသံရုံများမှ တာဝန်ရှိသူများနှင့် ပူးပေါင်းကာ ဆောင်ရွက်ပေးခဲ့သည်။
ထိုကာလအတွင်း မြန်မာသံရုံးမှာ 6P အစီအစဉ်နှင့် အကြုံးဝင်သည့် အထောက်အထားပေါင်း ၆၀၀၀၀ ခန့်ကို ထုတ်ပေးခဲ့သည်။ သို့သော်လည်း လျှောက်ထားသူအချို့မှာ အချက်အလက်များ ရေးသွင်းရာတွင် မမှန်မကန်ရေးသွင်းမှုများ ရှိသည်ဟု သတင်းများထွက်ပေါ်ခဲ့သောကြာင့် သံရုံးမှာ လက်ရှိတွင် လျှောက်ထားသူအားလုံးအား ၎င်းတို့၏ မူရင်း အထောက်အထားများ၊ အိမ်ထောင်စုစာရင်းများနှင့် ကိုက်ညီခြင်း ရှိ၊ မရှိ နှိုင်းယှဉ် စစ်ဆေးနေခြင်းဖြစ်သည်။
ထိုသို့ စစ်ဆေးမှုများကြောင့် နိုင်ငံကူးလက်မှတ်ထုတ်ပေးရာတွင် ကြန့်ကြာခြင်းဖြစ်သည်ဟု ဆိုသည်။
“အရင်က နိုင်ငံသားကဒ်အတုနဲ့ အလုပ်သမားတွေလည်း နိုင်ငံကူးလက်မှတ် ရပါတယ်။ ဒါ့ကြောင့် သံရုံးက အခုအချိန်မှာ အားလုံးကို သေသေချာချာ စစ်ဆေးနေပြီး သက်တမ်းကုန်သွားတဲ့ နိုင်ငံကူးလက်မှတ်တွေကို ပြန်ထုတ်ပေးရာမှာ ကြန့်ကြာနေတာပါ” ဟု သီတဂူဆရာတော်အား ကြည်ညိုသူများအဖွဲ့မှ အကြီးအကဲ ဦးသီဟမောင်မောင်က ပြောကြားခဲ့သည်။
“သံရုံးမှာ ကျွန်တော် နိုင်ငံကူးလက်မှတ်ကို သက်တမ်းတိုးလျှောက်ခဲ့တယ်။ ၃ လလောက်ကြာသွားပြီး ပြန်သွားမေးတော့ မရသေးဘူးပြောပါတယ်။ အခု ကျွန်တော်နဲ့ မြန်မာလုပ်သားတော်တော်များများဟာ တာဝန်ခံမှုမရှိတဲ့ သံရုံးဝန်ထမ်းတွေကြောင့် အထောက်အထားမဲ့ဘ၀ကို ရောက်ခဲ့ကြရပါတယ်။ ကျွန်တော် မြန်မာနိုင်ငံသားစစ်စစ်ပါ။ သူတို့ကို အထောက်အထားတွေလည်း ပေးခဲ့ပါတယ်” ဟု မြန်မာရွှေ့ပြောင်းလုပ်သားတစ်ဦးဖြစ်သူ ကိုဝေလင်းက ပြောကြားခဲ့သည်။
ထို့ပြင် နိုင်ငံကူးလက်မှတ် မရှိသောကြောင့် မိမိတို့မှာ အပြင်မထွက်ရဲကြောင်း၊ မလေးရဲများက တရားမ၀င်လုပ်သားများကို နှိမ်နင်းသည့် စစ်ဆင်ရေးကိုလည်း ကြောက်ရွံ့နေရကြောင်း၊ သံရုံဝန်ထမ်းများကြောင့် ရွှေ့ပြောင်းလုပ်သားအများစုမှာ အကျဉ်းကျနေရသောကြောင့် ၎င်းတို့အား လူစားထိုးသင့်ကြောင်း ၎င်းက ထပ်လောင်းပြောကြားခဲ့သည်။
မြန်မာရွှေ့ပြောင်းလုပ်သားများမှာ နိုင်ငံကူးလက်မှတ် အချိန်မီ မရရှိသောကြောင့် မလေးရှားတွင် တရားဝင်နေထိုင်ခွင့်ဖြစ်သည့် အလုပ်လုပ်ခွင့်ပါမစ်ကို လျှောက်ထား၍ မရနိုင်ဘဲ တရားမ၀င်နေထိုင်သည့် အခြေအနေသို့ ရောက်ရှိနေသည်။
မလေးရှားရှိ ထိန်းသိမ်းရေးစခန်းများတွင် ရောက်ရှိနေသည့် မြန်မာနိုင်ငံသားများအား နိုင်ငံသားဖြစ်ကြောင်း အသိအမှတ်ပြုလုပ်ငန်းများ လုပ်ဆောင်ရာတွင်လည်း မြန်မာသံရုံးမှာ ထိထိရောက်ရောက် ဆောင်ရွက်နိုင်ခြင်း မရှိပေ။
Ref: mmtimes
