Blog

ဇွန် ၁၆၊ ၂၀၁၆
M-Media

– အမေရိကန်အစိုးရအနေနဲ့ လက်နက်ထိန်းချုပ်မှုလျော့ရဲခြင်းရဲ့ရလဒ်တစ်ခုဖြစ်ပြီး ကြိုတင်ကာကွယ်နိုင်တဲ့ အကြမ်းဖက်တိုက်ခိုက်မှုခိုက်မှုတွေကနေ နိုင်ငံသားတွေကို ကာကွယ်ပေးဖို့အတွက် ၎င်းတို့ရဲ့တာဝန်ကို ကျေပွန်အောင်ဆောင်ရွက်ဖို့ ကုလသမဂ္ဂ လူ့အခွင့်အရေးဆိုင်ရာ အကြီးအကဲ ဇီအစ် ရာအဒ် အလ်-ဟူစိန်က တိုက်တွန်းပြောကြားလိုက်ပါတယ်။

ပြီးခဲ့တဲ့ရက်ပိုင်းအတွင်း ဖလော်ရီဒါပြည်နယ် အော်လန်ဒိုမြို့က လိင်တူချစ်သူများစုဝေးရာ နိုက်ကလပ်တစ်ခုကို သေနတ်သမားတစ်ဦးက ၀င်ရောက်ပစ်ခတ်မှုကြောင့် လူ ၄၉ ဦး သေဆုံးသွားတာနဲ့ပတ်သက်ပြီး အလ်-ဟူစိန်က ဒီလိုပြောကြားလိုက်တာ ဖြစ်ပါတယ်။

“ပြည်တွင်းပြည်ပ အစွန်းရောက်တွေနဲ့အဆက်အသွယ်ရှိသူတွေ၊ အိမ်းတွင်းအကြမ်းဖက်မှုနဲ့ စိတ်ရောဂါနောက်ခံရှိသူတွေ၊ မူးယစ်ဆေးသုံးစွဲသူတွေ၊ ရာဇ၀တ်မှုနောက်ခံရှိသူတွေကို ရိုင်ဖယ်အပါအ၀င် အခြားလက်နက်ပစ္စည်းတွေ အလွယ်တကူဝယ်ယူခွင့်ပေးထားတဲ့ ကျိုးကြောင်းဆီလျော်မှုတစ်ခုကို ရှာဖွေဖို့ခက်ပါတယ်” လို့ အလ်-ဟူစိန်က ပြောကြားခဲ့ပါတယ်။

“နောက်ထပ် ကျောင်းသားကလေးငယ်တွေ၊ ဘုရားကျောင်းသွားတဲ့ အာဖရိကန်-အမေရိကန်တွေ ဘယ်လောက်များများ သေရဦးမှာလဲ? ခရစ္စတီးနားဂရင်းမီလို ဂီတအကျော်အမော်တွေ၊ ဂေဘရီယယ်ဂျစ်ဖို့ဒ်လို နိုင်ငံရေးသမားတွေ နောက်ထပ်ဘယ်လောက် သေရဦးမှာလဲ? ဒါတွေဟာ အမေရိကန်က လက်နက်ကိုင်ဆောင်မှုဥပဒေကို မကျင့်သုံးမီကရော ဖြစ်ခဲ့ပါသလား” လို့လည်း ၎င်းက ထပ်လောင်း မေးခွန်းထုတ်ခဲ့ပါတယ်။

ကုလသမဂ္ဂ လူ့အခွင့်အရေးအဖွဲ့က ထုတ်ပြန်တဲ့ အစီရင်ခံစားအသစ်မှာ အရပ်သားတွေ လက်နက်ရယူပိုင်ဆိုင်မှုက အသက်ရှင်နေထိုင်ခွင့်၊ လုံခြုံစွာနေထိုင်ခွင့်၊ ကျန်းမာရေး၊ ပညာရေး၊ လုံလောက်တဲ့ လူနေမှုအဆင့်အတန်း ရရှိနေရေးနဲ့ ယဉ်ကျေးမှုဓလေ့ထုံးတမ်းတွေမှာ ပူးပေါင်းပါဝင်ရေး စတာတွေအပါအ၀င် ကုလရဲ့ လူ့အခွင့်အရေးဆိုင်ရာ သတ်မှတ်ချက် တော်တော်များများကို ဆိုးဆိုးရွားရွား ထိခိုက်မှုတွေ ရှိနေတယ်လို့လည်း ဖော်ပြထားပါတယ်။

နောက်ပြီး အမျိုးသမီးတွေနဲ့ ကလေးငယ်တွေဟာ အိမ်တွင်းအကြမ်းဖက်မှု၊ လိင်ပိုင်းအကြမ်းဖက်မှုတွေအပါအ၀င် သေနတ်နဲ့ဆက်စပ်နေတဲ့ အကြမ်းဖက်မှုတွေရဲ့ သားကောင်တွေဖြစ်နေတာကို မကြာခဏ တွေ့နေရတယ်လို့လည်း ထောက်ပြထားပါတယ်

Ref : UN.org

ဇွန် ၁၆၊ ၂၀၁၆
M-Media

– ရီပက်ဘလစ်ကန်ပါတီရဲ့ သမ္မတလောင်းအဖြစ် သတ်မှတ်ခံထားရတဲ့ ဒေါ်နယ်ထရမ့်ရဲ့ မွတ်စလင်ဆန့်ကျင်ရေး ပြောစကားတွေနဲ့ပတ်သက်ပြီး အမေရိကန်သမ္မတ ဘာရက်အိုဘားမားက ရှုတ်ချလိုက်ကာ အမေရိကန်သမိုင်းစာမျက်နှာကို အရှက်ရစေမယ့် ပြောဆိုမှုတွေလို့ ဝေဖန်ခဲ့ပါတယ်။

“ဒါမျိုးပြောတာတွေ ဘယ်တော့ရပ်မှာလဲ။ အော်လန်ဒိုလူသတ်သမား၊ ဆန်ဘာဒီနိုလူသတ်သမား၊ ဖို့တ်ဟုဒ်လူသတ်သမား သူတို့အားလုံးဟာ အမေရိကန်နိုင်ငံသားတွေပါပဲ။ ဒါနဲ့ပဲ ကျွန်တော်တို့ဟာ အမေရိကန်မွတ်စလင်အားလုံးကို ခွဲခြားပြီး ဆက်ဆံရတော့မှာလား၊ သူတို့ကိုပဲ ပစ်မှတ်ထားပြီး အထူးစစ်ဆေးရေးတွေ လုပ်သွားတော့မှာလား၊ သူတို့ရဲ့ကိုးကွယ်ယုံကြည်မှုကြောင့် ခွဲခြားဆက်ဆံမှုတွေ ပြုလုပ်မှာလား” လို့ အိုဘားမားက ပြောကြားခဲ့ပြီး မွတ်စလင်တွေကို အမေရိကန်ထဲဝင်ဖို့ ပိတ်ပင်တာဟာ “မိမိတို့လိုချင်တဲ့ အမေရိကန်နိုင်ငံမျိုး မဟုတ်ဘူး” လို့လည်း ၎င်းက ထပ်လောင်းပြောကြားခဲ့ပါတယ်။

“ဒီနိုင်ငံဟာ ဘာသာရေးလွတ်လပ်မှုအပါအ၀င် အခြေခံလွပ်လပ်ခွင့်တွေအပေါ် တည်ဆောက်ထားတဲ့ နိုင်ငံတစ်ခု ဖြစ်ပါတယ်၊ ကျွန်တော်တို့ဆီမှာ ဘာသာရေးစမ်းသပ်တာမျိုး မရှိပါဘူး”

အော်လန်ဒိုတိုက်ခိုက်မှုအပြီးမှာ အိုဘားမားနဲ့ ဟီလာရီကလင်တန်တို့က “အစွန်းရောက် အစ္စလာမ့်မစ် အကြမ်းဖက်ဝါဒ” လို့ မသုံးနှုန်းတာနဲ့ပတ်သက်ပြီး ထရမ့်က ဝေဖန်ခဲ့ကာ အိုဘားမားက အဲဒီအတွက်လည်း ပြန်လည်တုန့်ပြန်ခဲ့ပါတယ်။

“IS တို့ အလ်ကိုင်းဒါးတို့က လက်ရှိစစ်ပွဲကို အစ္စလာမ်နဲ့ အမေရိကန်အကြား၊ ဒါမှမဟုတ် အစ္စလာမ်နဲ့ အနောက်နိုင်ငံတွေအကြားက စစ်ပွဲပုံစံမျိုးဖြစ်အောင် လုပ်ချင်နေကြတာပါ။ ကျွန်တော်တို့ မွတ်စလင်အားလုံးကို သိမ်းကြုံးရမ်းမယ်ဆိုရင် ဒါဟာ သူတို့ဆင်တဲ့ ထောင်ချောက်ထဲဝင်သွားပြီး ဘာသာတရားတစ်ခုလုံးကို ကျွန်တော်တို့က စစ်ပွဲ ဆင်နွှဲတာမျိုး ဖြစ်သွားမှာပါ။ အဲဒါဆိုရင်တော့ ကျွန်တော်တို့ဟာ သူတို့အတွက် အကြမ်းဖက်လုပ်ရပ်တွေ လုပ်ပေးသလို ဖြစ်သွားပါလိမ့်မယ်”

Ref; IINA