ဇွန် ၁၃၊ ၂၀၁၆
M-Media
– မလေးရှားနိုင်ငံရောက် မြန်မာနိုင်ငံသားများနှင့် အလုပ်သမားများ၏ အခွင့်အရေးများကို ကာကွယ်ပေးနိုင်ရေး ကော်မတီတစ်ရပ်ဖွဲ့စည်းနိုင်ရန်အတွက် ကွာလာလမ်ပူရှိ မြန်မာသံရုံးမှာ မလေးရှားအခြေစိုက် မြန်မာ အရပ်ဖက်လူမှုအဖွဲ့အစည်းများနှင့် အနီးကပ်ဆောင်ရွက်နေသည်ဟု သိရသည်။
မြန်မာသံရုံးမှာ ဇွန်လ ၅ ရက်နေ့မှာ မလေးရှားရှိ မြန်မာအရပ်ဖက်လူမှုအဖွဲ့အစည်း ၅၀ ခန့်နှင့် တွေ့ဆုံခဲ့ပြီး ကော်မတီဖွဲ့စည်းရေး ဆွေးနွေးခဲ့ကြသည်။
“တကယ်လို့ ကျွန်တော်တို့ပါဝင်ရင် ကျွန်တော်တို့ဟာ မြန်မာရွှေ့ပြောင်းလုပ်သားတွေကို အရင်ကထက် ပိုကူညီနိုင်မှာဖြစ်ပြီး မြန်မာသံရုံးကလည်း ရွှေ့ပြောင်းလုပ်သားတွေရဲ့ ယုံကြည်အားထားမှုကို ပြန်ရလာနိုင်ပါတယ်။ အခုအချိန်မှာတော့ ရွှေ့ပြောင်းလုပ်သားတွေအားလုံးက မြန်မာသံရုံးကို ချဉ်နေကြပြီး ကြောက်လည်း ကြောက်နေကြပါတယ်” ဟု ဂျိုဟိုးရှိ ရတနာ့စက္က အခမဲ့ နာရေးကူညီမှုအသင်း၏ ဥက္ကဌဖြစ်သူ ကိုကျော်ဇေလွင်က ပြောကြားခဲ့သည်။
သီတဂူဆရာတော်အား အားပေးထောက်ခံသည့် အဖွဲ့တစ်ခုမှ အကြီးအကဲဖြစ်သူ ဦးသီဟမောင်မောင်က အဆိုပါ အဖွဲ့အစည်းအသစ်နှင့် ဆက်သွယ်ထားပါက ရွှေ့ပြောင်းလုပ်သားများ ဆေးရုံတက်သည့်အခါ ဆေးကုသစားရိတ်ကို ထက်ဝက်ခန့် လျှော့ချနိုင်မည်ဟု ပြောကြားခဲ့သည်။ ထို့ပြင် မလေးရှာရှိ မြန်မာ အရပ်ဖက်လူမှုအဖွဲ့အစည်းများအနေဖြင့် မြန်မာသံရုံးနှင့် ပူးပေါင်းဆောင်ရွက်ခြင်းဖြင့် ရွှေ့ပြောင်းလုပ်သားများအရေး မလေးရှား ပြည်ထဲရေးဝန်ကြီးဌာနနှင့် ပိုမို ထိရောက်စွာ ဆက်သွယ်ဆောင်ရွက်နိုင်မည်ဟု ၎င်းက ထပ်လောင်း ပြောဆိုခဲ့သည်။
မလေးရှားရောက် မြန်မာနိုင်ငံသားများအား ကာကွယ်စောင့်ရှောက်ပေးရန် ဖွဲ့စည်းမည့် အဆိုပါ ကော်မတီတွင် သံအမတ်၊ ဒုတိယသံအမတ်နှင့် စစ်သံမှူးတို့အား ဥက္ကဌ၊ ဒုဥက္ကဌများအဖြစ် အသီးသီးခန့်အပ်ရန် စီစဉ်ထားပြီး အရပ်ဖက် လူမှုအဖွဲ့အစည်းများကမူ ၎င်းတို့၏အဖွဲ့ကို ကိုယ်စားပြု ပါဝင်သွားမည်ဖြစ်သည်။
ထိုကော်မတီကို တစ်လအတွင်း ဖွဲ့စည်းသွားမည်ဖြစ်ကာ မလေးရှား ပြည်ထဲရေးဝန်ကြီးဌာနတွင် မှတ်ပုံတင်သွားမည်ဖြစ်သည်။ မလေးရှားနိုင်ငံတွင် မြန်မာနိုင်ငံသား ရွှေ့ပြောင်းလုပ်သားအရေအတွက်မှာ ၄၅၀,၀၀၀ မှ ၅၀၀,၀၀၀ အထိ ရှိနိုင်သည်ဟု ခန့်မှန်းထားပြီး အများစုမှာ တရားမ၀င် သွားရောက်ကြသူများဖြစ်သည်။
Ref: mmtimes
