Blog

ဇွန် ၃၊ ၂၀၁၆

M-Media

ရာဇာ တင်ဆက်သည်

(အပတ်စဉ် သောကြာနေ့တိုင်း ဖော်ပြသွားပါမည်)

– လွန်ခဲ့တဲ့ နှစ်ပေါင်း ၁၁၀၀ ကျော်က မွတ်စလင်ပညာရှင်ကြီးတွေရဲ့ ဓာတုဗေဒဘာသာရပ်နဲ့ ပတ်သက်ပြီး စနစ်တကျ ရှာဖွေဖော်ထုတ်မှုတွေကနေ ဒီနေ့ခေတ် ကမ္ဘာပေါ်က လူတိုင်း၊ နိုင်ငံတိုင်းအတွက် အကျိုးရှိစေတဲ့ ကုန်ထုတ်လုပ်မှု လုပ်ငန်းစဉ်တစ်ခုကို တွေ့ရှိခဲ့ပါတယ်။ အဲဒီထုတ်လုပ်မှုက ထွက်ရှိတဲ့အရာဟာ  ရေပြီးရင် လူ့ဘ၀အတွက် အလိုအပ်ဆုံး အရာတွေထဲက တစ်ခုအဖြစ် သတ်မှတ်ခြင်းခံထားရပါတယ်။ အာရဘီလို နက်ဖ်တ် (naft) လို့ခေါ်တဲ့ မြေအောက်က ရေနံစိမ်းအနှစ်တွေဟာ လူသားတွေအသုံးပြုနိုင်တဲ့ ပစ္စည်းပေါင်း ၄၀၀၀ ကျော် ထုတ်ပေးနိုင်မယ်လို့ ဘယ်သူမှ မတွေးခဲ့ကြပါဘူး။ မွတ်စလင်ပညာရှင်ကြီးတွေ ဖော်ထုတ်ခဲ့တဲ့ ပေါင်းခံမှုလုပ်ငန်းစဉ် (distillation) မရှိဘဲနဲ့ ရေနံစိမ်းကနေ ကျွန်တော်တို့ ယနေ့ သုံးနေတဲ့ ဓာတ်ဆီ၊ ရေနံဆီ၊ နိုင်လွန်ကတ္တရာ၊ ဒါမှမဟုတ် ပလက်စတစ်တွေကို ထုတ်လုပ်နိုင်မှာ မဟုတ်ပါဘူး။

ပေါင်းခံခြင်း (distillation) ဆိုတာ အရည်တွေကို အပူချိန်အမှတ်အမျိုးမျိုးနဲ့ ပါဝင်ပစ္စည်းတွေ ခွဲထုတ်တာဖြစ်ပါတယ်။ ဒီလုပ်ငန်းကို မွတ်စလင်ဓာတုဗေဒပညာရှင်တွေက ၈ ရာစုမှာ ပထမဆုံး ဖော်ထုတ်နိုင်ခဲ့တာပါ။ ဒီပေါင်းခံမှုကို အသုံးပြုပြီး မွတ်စလင်ပညာရှင်တွေ ပထမဆုံးထုတ်လုပ်ခဲ့တဲ့ ပစ္စည်းကတော့ အစားအစာတွေ၊ ဖျော်ရည်တွေမှာ အနံ့၊ အရသာ ထည့်လို့ရတဲ့ နှင်းဆီရည် (rose water) နဲ့ လက်တွေ့အသုံးပြုလို့ရတဲ့ ဆီအမျိုးမျိုး ဖြစ်ပါတယ်။ ၀ိုင်တွေကို ပေါင်းခံခြင်းအားဖြင့်လည်း အလ်ကိုဟောစစ်စစ်ကို ရရှိစေပြီး မွတ်စလင်အုပ်ချုပ်မှုလက်အောက်မှာ နေထိုင်တဲ့ ခရစ်ယာန်တွေလို အစ္စလာမ်ဘာသာဝင်မဟုတ်သူတွေက ဒီ အလ်ကိုဟောကို ထုတ်လုပ်သုံးစွဲခဲ့ကြပါတယ်။ ဂျာဘီရ် အစ်ဗနေ့ ဟေယန် (Jabir ibn Hayyan) ဆိုတဲ့ မွတ်စလင်ပညာရှင်ကြီးဟာ ပေါင်းခံမှုလုပ်ငန်းစဉ်မှာ ထည့်သွင်းအသုံးပြုလို့ရတဲ့ အအေးခံမှုနည်းလမ်းသစ်တစ်ခုကို ဖော်ထုတ်နိုင်ခဲ့ပါတယ်။ အဲဒီနည်းလမ်းအသစ်ကြောင့် ပေါင်းခံပြီးသား အလ်ကိုဟောနဲ့ လျော်တွေကို အက်ဆစ်၊ ဆေးဝါး၊ ရေမွှေး၊ မင်၊ အလ်ကိုဟောနဲ့ အခြားသော ဓာတုပစ္စည်းတွေ ထုတ်လုပ်ရာမှာ အသုံးပြုနိုင်ခဲ့ပါတယ်။ အစ္စလာမ်က မူးယစ်စေတတ်တဲ့အရာတွေ မှီဝဲခြင်းကို တားမြစ်ထားတာကြောင့် အလ်ကိုဟောနဲ့ မူးယစ်စေတဲ့ ပစ္စည်းတွေကို မွတ်စလင်ပညာရှင်ကြီးတွေက သောက်သုံးခြင်းတော့ မရှိခဲ့ပါဘူး။

ဂျာဘီရ်ဟာ ပေါင်းချောင် (alembic) ကို ၈ ရာစုမှာ ပထမဆုံးတီထွင်ခဲ့သူဖြစ်ပြီး ဒီနေ့အထိ ဓာတုဗေဒဓာတ်ခွဲခန်းတွေမှာ အသုံးပြုနေဆဲ ဖြစ်ပါတယ်။ ဒီပေါင်းချောင်ဟာ အအေးခံလို့ရပြီး ပေါင်းခံမှုလုပ်ငန်းစဉ်မှာ လိုအပ်တဲ့ အရည်တွေကို စုဆောင်းပေးရမှာ အသုံးဝင်ခဲ့ပါတယ်။

‘alembic’ (ပေါင်းချောင်) ဆိုတဲ့စကားလုံးဟာ ဓာတုဗေဒအသုံးအနှုန်းဖြစ်ပြီး အာရဘီစကားလုံး ‘အလ်-အန်ဘစ်” (al-anbiq) က ဆင်းသက်လာတာဖြစ်ပါတယ်။ ‘အလ်-အန်ဘစ်’ ဆိုတာဟာ “ပေါင်းဖို၏ ထိပ်ပိုင်း” လို့ အဓိပ္ပါယ်ရပါတယ်။ ပေါင်းချောင်ဆိုတာ ဖန်အိုး နှစ်လုံးပါဝင်ပြီး ဖန်ပြွန်တစ်ခုနဲ့ ဆက်သွယ်ထားတဲ့ ကိရိယာတစ်ခု ဖြစ်ပါတယ်။ ၀ိုင်နဲ့ဆားကို ဆူပွက်စေရာကနေ မီးလောင်လွယ်တဲ့ ရေငွေ့ကို မွတ်စလင်ပညာရှင်ကြီး ဂျာဘီရ်က ဒီပေါင်းချောင်ကိုအသုံးပြုပြီး ဖော်ထုတ်တွေ့ရှိခဲ့တာပါ။ သူ့ရဲ့ ဓာတုဗေဒကျမ်းကြီးထဲမှာ ဂျာဘီရ်က “ဆူပွက်နေတဲ့ ၀ိုင်းနဲ့ ဆားတို့ကြောင့် ပေါင်းချောင်ရဲ့ အ၀မှာဖြစ်ပေါ်လာတဲ့ မီးတောက်၊ အဲဒါနဲ့ဆင်တူတဲ့အရာတွေဟာ ထူးခြားတဲ့ ဂုဏ်သတ္တိတွေရှိပြီး အသုံးဝယ်မယ်လို့လည်းထင်ရပါတယ်။ ဒါဟာ ဒီသိပ္ပံနယ်ပယ်တွေမှာတော့ တော်တော်လေး အရေးပါပါတယ်” လုိ့ ရေးသားခဲ့ပါတယ်။

အလ်ကိုဟောရဲ့ မီးလောင်နိုင်တဲ့ဂုဏ်သတ္တိကို ဂျာဘီရ်ရဲ့လက်ထက်မှာ ကျယ်ကျယ်ပြန့်ပြန့် အသုံးချခဲ့ပါတယ်။ ၁၄ ရာစုက စစ်ရေးဆိုင်ရာ ကျမ်းတွေမှာဆိုရင် စစ်တပ်သုံး မီးတုတ်တွေ ဖန်တီးရာမှာ ပေါင်းခံထားတဲ့ နှစ်ချို့စပျစ်ဝိုင်ကို အရေးပါတဲ့ ပါဝင်ပစ္စည်းအဖြစ် ဖော်ပြထားပါတယ်။ ပြီးတော့ အဲဒီ ပေါင်းခံရည်တွေဟာ မီးလောင်လွယ်တာကြောင့် သဲထဲမှာမြှုပ်ထားတဲ့ အိုးတွေထဲမှာ သိမ်းထားရမယ်ဆိုတဲ့ သတိပေးချက်တွေကိုလည်း အဲဒီ လက်ရေးမူတွေမှာ တွေ့ရပါတယ်။

အလ်-ကင်ဒီကတော့ ပေါင်းခံတဲ့နည်းနဲ့ ရေမွှေးထုတ်လုပ်ရာမှာ ကျော်ကြားပြီး အဲဒီနည်းလမ်းတွေကို Book of the Chemistry of Perfume and Distillations (ရေမွှေးနှင့် ပေါင်းခံမှုဆိုင်ရာ ဓာတုဗေဒကျမ်း) ဆိုတဲ့ အမည်နဲ့ ကျမ်းကြီးတစ်အုပ်ကို ရေးသားခဲ့ပါတယ်။ အဲဒီကျမ်းကြီးမှာ အလ်-ကင်ဒီဟာ ပေါင်းခံမှုလုပ်ငန်းစဉ်အမျိုးမျိုးကို ဖော်ပြထားပါတယ်။ လူတစ်ယောက်ဟာ ရေဇလုံကို အသုံးပြုကာ ၀ိုင်တွေကနေ အရောင်ပါတဲ့ rose water (နှင်းဆီရည်) ကို ထုတ်လုပ်နိုင်တဲ့နည်း ပါဝင်သလို ရှာလကာရည်ကို ပေါင်းခံပြီး အရောင်ပါတဲ့ နှင်းဆီရည်ကို ထုတ်လုပ်နိုင်တဲ့ နည်းလမ်းလည်း အဲဒီကျမ်းကြီးထဲမှာ ပါဝင်ပါတယ်။

လွန်ခဲ့တဲ့ နှစ် ၉၀၀ အရင် တူနီးရှားက အစ်ဗနေ့ ဘာဒစ် (Ibn Badis) ဆိုတဲ့ မွတ်စလင်ပညာရှင်ကြီးဟာ ငွေသတ္တုပြားတွေကို ပေါင်းခံထားတဲ့ဝိုင်နဲ့ မှုန့်မှုန်ညက်ညက်ကျေအောင် ပြုလုပ်ပြီး ငွေမှင်နဲ့ စာရေးသားလို့ရတဲ့ နည်းလမ်းတစ်ခုကို ရှာဖွေဖော်ထုတ်ခဲ့ပါတယ်။

“ငွေသတ္တုပြားကိုယူပြီး ပေါင်းခံထားတဲ့ဝိုင်နဲ့ ၃ ရက်လောက် ကြေသွားအောင် ကြိတ်ချေပါ။ ပြီးရင် အခြောက်ခံပြီး မြေမှုန့်လို အမှုန့်ဖြစ်သွားအောင် ၀ိုင်နဲ့ပဲ ထပ်မံကြိတ်ချေပါ။ ပြီးရင်တော့ ရေစင်အောင်ဆေးပါ” လို့ ဘာဒစ်က သူ့ရဲ့ တွေ့ရှိမှုကို မှတ်တမ်းတင်ခဲ့ပါတယ်။

အစ္စလာမ်မှာ အရက် (အလ်ကိုဟော) သောက်သုံးခြင်းကို ‘ဟာရမ်’ (တားမြစ်ပိတ်ပင်ထားသည့်အရာ) လို့ သတ်မှတ်ထားပြီး မွတ်စလင်ပညာရှင်ကြီးတွေရဲ့ ပေါင်းခံမှုနည်းပညာနဲ့ ရှာဖွေဖော်ထုတ်မှုဟာ အလ်ကိုဟောရဲ့ အကျိုးရှိပြီး အန္တရာယ်မဖြစ်စေတဲ့ ဒြပ်ပစ္စည်းတွေကို အသုံးချဖို့ ဖြစ်ပါတယ်။ အဲဒီလို ဖော်ထုတ်မှုကြောင့် ဆေးဘက်ဆိုင်ရာနယ်ပယ်ကနေ အလှကုန်နယ်ပယ်အထိ မြောက်များစွာသော ထုတ်ကုန်တွေကို ဖန်တီးနိုင်ခဲ့ပါတယ်။ လွန်ခဲ့တဲ့ နှစ်ထောင်ချီအရင်က မွတ်စလင်ပညာရှင်ကြီးတွေရဲ့ ဒီအားထုတ်မှုအများစုဟာ လက်တွေ့အသုံးဝင်ခဲ့ပါတယ်။ သူတို့ရဲ့ သုတေသနတွေ၊ အခြားသော ယဉ်ကျေးမှုတွေကနေ သူတို့ ရှာမှီး ရယူခဲ့တဲ့ အသိပညာတွေနဲ့လည်း မင်၊ အရောင်တင်ဆီ၊ ဆိုဒါ၊ ဘိလပ်မြေနဲ့ ပုလဲတု (imitation pearl) တွေကို ထုတ်လုပ်နိုင်ခဲ့ပါတယ်။

အလ်-ရာဇီရဲ့ On Alums and Salts ဆိုတဲ့ ကျမ်းကြီးမှာ corrosive sublimate လို့ခေါ်တဲ့ မာကျူးရစ် ကလိုရိုက် (mercuric chloride) ဘယ်လိုရယူနိုင်တယ်ဆိုတဲ့ နည်းလမ်းကို ဖော်ပြထားပြီး ဒါဟာ Synthetic Chemistry ရဲ့ အစလို့ သတ်မှတ်လို့ရနိုင်တဲ့ အရေးပါတဲ့ စမ်းသပ်ဖော်ထုတ်မှုတွေထဲက တစ်ခု ဖြစ်ပါတယ်။ မာကျူရီ (mercury) ကနေ ကလိုရိုက် ထုတ်လုပ်နိုင်တဲ့ နည်းလမ်းနဲ့အတူ ဒီ ဖော်ထုတ်တွေ့ရှိချက်တွေကို ဒီနေ့ခေတ်မှာတော့ ပိုးသတ်ဆေးတွေမှာ အသုံးပြုနေကြပြီး အခြားသော synthetic ပစ္စည်းတွေ ရှာဖွေဖော်ထုတ်နိုင်ဖို့အတွက်လည်း တွန်းအားဖြစ်စေခဲ့ပါတယ်။ corrosive sublimate ကို ရှာဖွေတွေ့ရှိတာနဲ့ အခြားအရာတွေကို ကလိုရင်းထည့်ပြီး သန့်စင်နိုင်တာတွေဟာ မြေအောက်ထဲမှာရှိနေတဲ့ သတ္တုအက်စစ်တွေ တူးဖော်ရေးကို အစပျိုးနိုင်ခဲ့ပါတယ်။ ဒီနေ့ခေတ်မှာတော့ corrosive sublimate တွေကို ဆေးဝါးတွေမှာ သွေးတိတ်စေတဲ့အရာ၊ လန်းဆန်းစေတဲ့အရာ၊ တိုက်စားတဲ့အရာနဲ့ ပိုးသတ်ပေးတဲ့အရာတွေအဖြစ် အရေးပါတဲ့ ပုံစံမျိုးစုံနဲ့ အသုံးပြုနေကြပြီ ဖြစ်ပါတယ်။

ကုန်ထုတ်ဓာတုနယ်ပယ်နဲ့ ဓာတုဗေဒပစ္စည်း အမြောက်အများထုတ်လုပ်နိုင်တဲ့ နယ်ပယ်တွေမှာ အလယ်ခေတ်ရဲ့ ကြီးကျယ်တဲ့ အောင်မြင်မှုတွေထဲက တစ်ခုကတော့ alunite (အလူမီနီယံ ပိုတက်စီယံ ဆာလ်ဖိတ်-KAl₃(SO4)₂(OH)₆) ကို လူလုပ်လွင့်ပြယ်စေတဲ့ နည်းလမ်းနဲ့ aluminous ကျောက်တုံးတွေက ကျောက်ချဉ် (alum) ကို သီးသန့်ခွဲထုတ်နိုင်ခဲ့တာဖြစ်ပါတယ်။ ကျောက်ချဉ်ကို စာရွက်ထုတ်လုပ်မှု၊ အိမ်သုတ်ဆေးထုတ်လုပ်မှုနဲ့ ဆာလ်ဖျူရစ်အက်ဆစ် ထုတ်လုပ်မှုတွေမှာ အသုံးပြုခဲ့ကြပါတယ်။ ဆာလ်ဖျူရစ်နဲ့ ဟိုက်ဒရိုကလိုရစ်တို့လို အက်စစ်တွေကို ရှာဖွေဖော်ထုတ်နိုင်ခဲ့သူကတော့ မွတ်စလင် သိပ္ပံပညာရှင်ကြီး ဂျာဘီရ် ဖြစ်ပါတယ်။

(ကိုးကား- National Geographic ၏ 1001 Inventions – The Enduring Legacy of Muslim Civilization)

(ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ – တင်ဆက်ပြီးသမျှ အပိုင်းအားလုံးကို  ဤနေရာ တွင် ဖတ်ရှုနိုင်ပါသည်။)