Blog

မေ ၂၀၊ ၂၀၁၆
M-Media

– ကိုယ်လက်လေ့ကျင့်ခန်း ပြုလုပ်ခြင်းက သေဆုံးမှုများလေ့ရှိတဲ့ ရောဂါတစ်ချို့ အပါအ၀င် ကင်ဆာရောဂါအမျိုးအစား တော်တော်များများကို ထိထိရောက်ရောက် ကာကွယ်ပေးနိုင်တယ်လို့ အမေရိကန်မှာ မကြာသေးမီက ပြုလုပ်ခဲ့တဲ့ လေ့လာမှုတစ်ခုအရ သိရပါတယ်။

အဲဒီလေ့လာမှုကို မြောက်ကယ်ရိုလိုင်းနားက ချက်ပဲဟေးလ် ပြည်သူ့ကျန်းမာရေးတက္ကသိုလ်မှာ ပြုလုပ်ခဲ့တာဖြစ်ပါတယ်။ လေ့လာမှုအတွင်း အရွယ်ရောက်ပြီးသူပေါင်း ၁.၄ သန်းလောက်ကို စောင့်ကြည့်ခဲ့ပြီး တစ်ပတ်မှာ နှစ်နာရီစာလောက် ကိုယ်လက်လေ့ကျင့်ခန်း ပြုလုပ်ခြင်းဟာ ရင်သားကင်ဆာ၊ အူမကြီးကင်ဆာ၊ အဆုတ်ကင်ဆာ စတာတွေ အပါအ၀င် ကင်ဆာ ရောဂါ ၁၃ မျိုး ဖြစ်နိုင်ချေကို လျော့ကျစေတယ်လို့ တွေ့ရှိခဲ့တာဖြစ်ပါတယ်။

လေ့လာမှုကို ဦးဆောင်သူဖြစ်ပြီး အမေရိကန် ကင်ဆာသုတေသနဌာနက တာဝန်ရှိသူတစ်ဦးဖြစ်တဲ့ စတီဗင်မိုးရ်ကတော့ ကိုယ်လက်လေ့ကျင့်ခန်းပြုလုပ်တဲ့ အချိန်အတိုင်းအတာ မြင့်တက်လေလေ၊ ကင်ဆာရောဂါဖြစ်ပွားမှုအန္တရာယ် လျော့ကျလေပဲလို့ ပြောကြားခဲ့ပါတယ်။

ဒါပေမယ့် ဒီတွေ့ရှိချက်ဟာ လေ့ကျင့်ခန်းလုပ်မှုနဲ့ ကင်ဆာလျော့ကျမှုအန္တရာယ်အကြား ဆက်နွယ်မှုကိုပဲ ဖော်ထုတ်နိုင်တာဖြစ်ပြီး ဘာ့ကြောင့် ဒီလိုကျဆင်းတယ်ဆိုတဲ့ အကြောင်းအရင်းကိုတော့ သက်သေမပြနိုင်ခဲ့ပါဘူး။

Ref: INA

မေ ၂၀၊ ၂၀၁၆
M-Media

– ကမ္ဘာကျော် ဘောလုံးဝဘ်ဆိုက်တစ်ခုဖြစ်သည့် Goal.com မှ ရွေးချယ်သည့် ဥရောပထိပ်တန်းလိဂ်များ၏ တစ်နှစ်တာအကောင်းဆုံးကစားသမားများအဖြစ် ရီယာ့ဒ် မဟ်ရက်ဇ်၊ ဆွာရက်ဇ်နှင့် အီဗရာဟီမိုဗစ်တို့က အသီးသီး ရွေးချယ်ခံခဲ့ရသည်ဟု သိရသည်။

ပရီးမီးယားလိဂ်ချန်ပီယံ လက်စတာစီးတီးအသင်း၏ အလ်ဂျီးရီးယားတိုက်စစ်မှူး မဟ်ရက်ဇ်မှာ အသင်းအတွက် ၁၇ ဂိုး သွင်းယူပေးခဲ့ပြီး ၁၁ ဂိုး ဖန်တီးပေးနိုင်ခဲ့သည်။ မဟ်ရက်ဇ်မှာ PFA ၏ တစ်နှစ်တာအကောင်းဆုံး ကစားသမားဆုနှင့် လက်စတာပရိတ်သတ်များ ရွေးချယ်သည့် တစ်နှစ်တာအကောင်းဆုံး ကစားသမားဆုကိုလည်း ရရှိခဲ့သည်။

Goal မှ ရွေးချယ်သော လာလီဂါအကောင်းဆုံးကစားသမားဆုကို ယခုနှစ် လာလီဂါဂိုးသွင်းဘုရင် ဘာစီလိုနာတိုက်စစ်မှူး ဆွာရက်ဇ်က ရော်နယ်ဒိုကိုကျော်၍ ရရှိခဲ့သည်။ လာလီဂါချန်ပီယံဘွဲ့ကိုထိန်းသိမ်းနိုင်ခဲ့သည့် ဘာစီလိုနာအတွက် လိဂ်ပွဲ ၃၅ ပွဲကစားပြီး ဂိုးပေါင်း ၄၀ သွင်းယူပေးခဲ့သည့် ဆွာရ်ဇက်မှာ Goal ပရိတ်သတ်များ၏ မဲပေးမှု ၄၂ ရာခိုင်နှုန်းကို ရရှိခဲ့သည်။ ရီးယဲလ်တိုက်စစ်မှူး ရော်နယ်ဒို၊ ဆွာရက်ဇ်၏အသင်းဖော် မက်ဆီတို့မှာ ဒုတိယနှင့် တတိယအဖြစ် အသီးသီး ရွေးချယ်ခံခဲ့ ရသည်။

စီးရီးအေ၏ တစ်နှစ်တာအကောင်းဆုံးကစားသမားအဖြစ် နာပိုလီတိုက်စစ်မှူး ဟီဂူအင်က ရွေးချယ်ခံခဲ့ရပြီး ပြင်သစ်လီဂူးအတွက်မူ ပီအက်စ်ဂျီမှ ထွက်ခွာတော့မည့် တိုက်စစ်မှူး အီဘရာဟီမိုဗစ်က ရွေးချယ်ခံခဲ့ရသည်။

Ref: Goal