မေ ၂၊ ၂၀၁၆
M-Media
ဆင်တပ်မော် ဒုက္ခသည်စခန်းရှိ အရပ်ဈေး
– ပြီးခဲ့သည့်လအတွင်းက ရခိုင်ပြည်နယ်ရှိ ဒုက္ခသည်စခန်းများမှ မွတ်စလင်များကို တင်ဆောင်သွားသည့် သင်္ဘောတစ်စီး နစ်မြုပ်စဉ် သေဆုံးသွားသူ ၂၁ ဦးထဲမှ အများစုမှာ မီဒီယာများတွင် ကျယ်ကျယ်ပြန့်ပြန့် ဖော်ပြနေသကဲ့သို့ ရိုဟင်ဂျာများမဟုတ်ဘဲ တိုင်းရင်းသားကမန်များ ဖြစ်ကြသည်ဟု ဆွေမျိုးများ၊ အသက်ရှင်လွတ်မြောက်သူများ၏ ပြောပြချက်များအရ သိရကြောင်း Myanmar Times က ဖော်ပြထားသည်။
ပေါက်တောမြို့နယ် ဆင်တပ်မော်စခန်းရှိ ဒုက္ခသည် ၄၀ မှ ၆၀ ခန့်ကို တင်ဆောင်သွားသော အဆိုပါသင်္ဘော နစ်မြုပ်မှုမှာ ဆိုရှယ်မီဒီယာများနှင့် နိုင်ငံတကာ သတင်းမီဒီယာများတွင် အလျင်အမြန်ပြန့်နှံ့သွားခဲ့သည်။ မြန်မာနိုင်ငံရှိ အမေရိကန်သံရုံးကလည်း ရိုဟင်ဂျာအမည်ကို အသုံးပြု၍ ထိုကိစ္စအတွက် အလွန်အမင်းစိုးရိမ်ကြောင်း ကြေငြာချက်တစ်စောင် ထုတ်ပြန်ခဲ့သည်။
သို့သော်လည်း Myanmar Times ကမူ ၎င်းတို့၏ စုံစမ်းမှုအရ ထိုသင်္ဘောတွင် လိုက်ပါသွားသူများမှာ ကျောက်ဖြူမှ အိုးအိမ်စွန့်ခွာ ထွက်ပြေးလာရသည့် ကမန်တိုင်းရင်းသားများဖြစ်သည်ဟု ဖော်ပြထားသည်။ သေဆုံးသွားသူများ၏ မိသားစုများနှင့် ကမန်လူ့အဖွဲစည်းကမူ ၎င်းတို့၏ အခွင့်အရေးကို ပြည်တွင်းနှင့် နိုင်ငံတကာမှ ကာကွယ်ပေးမှုမရှိခြင်း၊ ၎င်းတို့မှာ ရိုဟင်ဂျာများနှင့် မတူညီသည်ကို မသိရှိခြင်း စသည်တို့အတွက် စိတ်ပျက်မိသည်ဟု ပြောကြားခဲ့သည်။ ထို့ပြင် မိမိတို့မှာ မြန်မာနိုင်ငံရှိ ဘာသာရေးဖိနှိပ်မှု၏ မေ့လျော့ခံ သားကောင်များ ဖြစ်နေသည်ဟုလည်း ဖွင့်ဟပြောကြားခဲ့သည်။
“ကျွန်တော်တို့ကို ရိုဟင်ဂျာလို့ မခေါ်သင့်ပါဘူး။ ကျွန်တေ်ာတို့ဟာ ကမန်လူမျိုးတွေဖြစ်ပြီး၊ ကျွန်တော်တို့ အခွင့်အရေးကို ရရှိခံစားပိုင်ခွင့်ရှိပါတယ်” ဟု ဆင်တပ်မော် ဒုက္ခသည်စခန်းမှ အကြီးအကဲဖြစ်သူ ဦးခင်မောင်လှက ပြောကြားခဲ့သည်။
ထို့ပြင် သင်္ဘောမှောက်မှုကြောင့် သေဆုံးသွားသူ ၂၁ ဦးတွင် ၉ ဦးမှာ မိမိတို့စခန်းမှဖြစ်သည်ဟု ၎င်းက ထပ်လောင်းပြောကြားခဲ့ပြီး ၃ ဦးမှာ အနီးရှိ မွတ်စလင်ရွာမှဖြစ်သည်ဟု ထိုရွာအကြီးအကဲ ဦးကာလုက ဆိုသည်။ ကျန် ၉ ဦးမှာ စစ်တွေတစ်ဝိုက်ရှိ ဒုက္ခသည်စခန်းများမှဖြစ်ပြီး ဆင်တပ်မော်မှ ထိုစခန်းများသို့ အပြန်တွင် သေဆုံးခဲ့ခြင်းဖြစ်သည်။
ဆွေမျိုးများနှင့် အိမ်နီးချင်းများ၏ ပြောကြားမှုများအရ သေဆုံးသွားသူ ၂၁ ဦးတွင် အများစုမှာ ကျောက်ဖြူဇာတိဖြစ်ပြီး၊ အသက်ရှင်လွတ်မြောက်လာသူ ၅ ဦးနှင့် အလောင်း ၃ ခုရရှိခဲ့သော စစ်တွေအနီး သက်ကယ်ပြင်ရွာမှာ ဆေးဘက်ဆိုင်ရာ ၀န်ထမ်းကလည်း ၎င်းတို့ ကုသပေးခဲ့သူ အားလုံးမှာ ကမန်များဖြစ်သည်ဟု ပြောကြားခဲ့သည်။
မြေပုံမှ လူ ၂၀၀ ၀န်းကျင်ခန့်မှလွဲ၍ ဆင်တပ်မော် ဒုက္ခသည်စခန်းတွင် ရှိနေသည့် ဒုက္ခသည် ၂၂၇၂ ဦးမှ အများစုမှာ ကျောက်ဖြူနှင့် ကမ်းရိုးတမ်းတစ်လျှောက်မှ ကမန်များဖြစ်ကြသည်။
နိုင်ငံမဲ့ ရိုဟင်ဂျာများအပေါ် ကန့်သတ်မှုများနှင့် လူ့အခွင့်အရေးချိုးဖောက်မှုများကို နိုင်ငံတကာ အသိုင်းအ၀ိုင်းက ကျယ်ကျယ်ပြန့်ပြန့် ရှုတ်ချကြသော်လည်း လူပေါင်း ၁၂၀၀၀၀ ကျော် အိုးအိမ်စွန့်ခွာ ထွက်ပြေးခဲ့ရသည့် ၂၀၁၂ ခုနှစ် အကြမ်းဖက်မှုအတွင်း ကမန်များ၏ ထိခိုက်ခံစားရမှုများမှာ မီဒီယာစာမျက်နှာထက်သို့ ရောက်ရှိခြင်းမရှိခဲ့ပေ။
အကြမ်းဖက်မှုကြောင့် အိုးအိမ်စွန့်ခွာ ထွက်ပြေးခဲ့ရသည့် ကမန်များမှာ နေအိမ်များ မီးရှို့ခံရမှုကြောင့် ၎င်းတို့၏ အထောက်အထား စာရွက်စာတမ်းများ ပျက်ဆီးဆုံးရှုံးခဲ့ရပြီး၊ နိုင်ငံသားဖြစ်ခွင့်နှင့် နေထိုင်ခွင့်အခွင့်အရေးများ ရှိနေသော်လည်း ဒုက္ခသည်စခန်းများတွင် လွတ်လပ်စွာ သွားလာလှုပ်ရှားခွင့် ကန့်သတ်ခံထားရသည်။ ထို့ပြင် ၎င်းတို့၏ နေရပ်တွင် ပြန်လည်အခြေချခွင့်ကိုလည်း ငြင်းပယ်ခံထားရသည်။
Ref : mmtimes
