ဧပြီ ၂၆ ၊ ၂၀၁၆
ပျံလွှားရေးသည်။
“(၁) ရေရှည်မှာ နိုင်ငံနဲ့ နိုင်ငံသူ နိုင်ငံသား အားလုံးရဲ့ အနာဂတ်ကို နစ်နာစေမယ်ဆိုတာကို မသိကြလို့လား၊
(၂) လက်ရှိရော အနာဂတ်မှာပါ မိမိတို့ ကိုးကွယ်ယုံကြည်တဲ့ ထေရဝါဒဗုဒ္ဓဘာသာရဲ့ ပုံရိပ်ကို ပြည်တွင်းမှာရော နိုင်ငံတကာမှာပါ မုချ ထိခိုက်နစ်နာစေမယ်ဆိုတာကို မသိကြလို့လား၊
(၃)နိုင်ငံကို နိုင်ငံသားအားလုံးအကျိုးငှာ ဒီမိုကရေစီလမ်းကြောင်းစီကို ဦးဆောင်နေတဲ့ လက်ရှိဒီမိုကရေစီအစိုးရကို ထောင်ချောက်ဆင်နေမှုတွေဆိုတာကို မသိကြလို့လား၊
(၄) အနာဂတ်တစ်ချိန်မှာ ဖွံ့ဖြိုးရင့်ကျက်လာတဲ့ မိမိတို့ မြေးမြစ်နောင်လားနောက်သားတွေ ကိုယ်တိုင်က မိမိတို့ နှုတ်ဆိတ်နေမှုကို ပြစ်တင်ကဲ့ရဲ့ သမိုင်းမှားအဖြစ်ရေးထိုး မှတ်တမ်းတင်ကြလိမ့်မှာကို မသိကြလို့လား”
————————-
‘အန်တီစုနဲ့ ဒီမိုအစိုးရကို ဝန်းရံကြ…၊ နိုင်ငံ့အနာဂတ်ကို ဝန်းရံကြ…၊ နိုင်ငံသူ နိုင်ငံသား အားလုံး အကျိုးစီးပွားကို ဝန်းရံကြ…၊ လူနည်းစုနိုင်ငံသားများကို ဝန်းရံကြ…၊ ဗုဒ္ဓသာသနာတော်ကို ဝန်းရံကြ…’
————————-
အရင်တုန်းက တစ်ခါ Bystander Effect နဲ့ပတ်သက်ပြီး Status တိုလေး ရေးခဲ့ဖူးပါတယ်။
အခုလည်းတစ်ခါ ညနေခင်းဝတ်ပြုအပြီး ကုရ်အာန်ကျမ်းဖတ်ရွတ်ရင်း ခံစားမိတာလေး စိတ်ထဲမကောင်းတာလေး စဉ်းစားမိလို့ပါ။ စိတ်ထဲမကောင်းဘူးဆိုတာ နိုင်ငံ့ရှေ့ရေးပါ။
မဟာဘွဲ့တက်တော့ assignment တွေခွဲတော့ ကျွန်တော်နဲ့ ဂျာမဏီက သူငယ်ချင်း Tom တို့ နှစ်ယောက်အဖွဲ့က Bystander Effect ကို lecture presentation လုပ်ဖို့ တာဝန်ကျခဲ့ပါတယ်။
အဲ့တုန်းကတော့ တခါမှ ဒီဝေါဟာရကို ကြားလည်း မကြားဘူး၊ လေ့လာမလေ့လာဖူးဘူး။ ဖတ်မှတ်ကြည့်တော့ စိတ်ဝင်စားစရာကောင်းတယ်ဆိုပေမယ့် တာဝန်ရှိတဲ့အတိုင်း power point လုပ် ကိုယ့်အတန်းထဲမှာ presentation လုပ်ရုံလောက်ပဲ။
လက်တွေ့လူမှုဘဝ အထူးသဖြင့် လူအသိုင်းအဝန်းကြီးမှာ ဒီ Effect အလွန် အရေးပါလှပါလားဆိုတာကို သတိမပြုမိခဲ့သေးပါဘူး။
Bystander effect ကို Bystander apathy လို့လည်း ခေါ်ပါသေးတယ်။
တစ်စုံတစ်ယောက် ဒုက္ခရောက်နေတာကို ဘေးနဲ့ အနီးအနားမှာရှိနေတဲ့ လူအများက ဘယ်နည်းလမ်းမျိုးနဲ့မှ ကူညီဖို့ မလုပ်တဲ့ လူမှုစိတ်ပိုင်းဆိုင်ရာဖြစ်စဉ်ပါ။
နားလည်လွယ်အောင်ပြောရရင် ဒုက္ခရောက်နေတာကို ရပ်ကြည့်နေ၊ မသိချင်ယောင်ဆောင်နေ၊ ကိုယ်နဲ့ မဆိုင်ဘူးဆိုတဲ့ စိတ်အမူအကျင့်ပေ့ါ။
Bystander အမူအကျင့် (behavior) ကို negative အနုတ်ဆောင်တဲ့ Negative Bystander Behavior နဲ့ အပြုဆောင်တဲ့ Positive Bystander Behavior ဆိုပြီး ခွဲကြပါတယ်။
Negative Behaviorတွေက Bystander effect/ apathy ကို ဖြစ်စေတာပေါ့။ သဘောက ရပ်ကြည့်နေကြတာပေါ့၊ မဆိုင်သလိုနေကြတာပေါ့။
Positive Behaviorကတောာ့ Bystander effect/ apathy ကို တားဆီးတာပေါ့၊ မဖြစ်စေဘူးပေါ့။ ရပ်မကြည့်နေဘူး၊ မဆိုင်သလိုမနေဘူး။ ဒုက္ခဖြစ်နေတာကို တတ်နိုင်တဲ့ နည်းလမ်းတွေနဲ့ ဝင်ကူတာပေါ့။
အဲ့ဒီ့ အမူအကျင့်ကို အပြုဆောင်စေဖို့ အနုတ်ဆောင်စေဖို့ လွှမ်းမိုးတဲ့ အချက်တွေကို လူမှုစိတ်ပညာဆိုင်ရာပညာရှင်တွေက သုတေသနပြုတင်ပြထားတာတွေ အများကြီးရှိပါတယ်။
ဒါပေမယ့် ဒီနေရာမှာတော့ လိုရင်းမရောက်မှာ စိုးလို့ မမျှဝေလိုတော့ပါဘူး။
ဘာလို့ ဒီ Bystander Behavior က ကျွန်တော်တို့အတွက် အရေးပါလာသလဲဆိုတော့ ကိုယ်ချင်းမစာလို့ ဘာညာစတဲ့ ပရဟိတအတွေးနဲ့မဟုတ်ဘဲ အတ္တနဲ့တွေးရင်ကို ဘေးအန္တရာယ် တစ်ခု၊ ဒုက္ခဖြစ်နေတာတစ်ခုကို ရပ်ကြည့်တာနေတာ၊ ကိုယ်နဲ့မဆိုင်ပါဘူးဆိုပြီး နေတာဟာ အချို့ကိစ္စတွေမှာ အဲ့ဒီ့မဆိုင်သလိုနေသူကို တိုက်ရိုက်ချက်ချင်း မထိခိုက်နိုင်ပေမယ့် ကိစ္စအများစုမှာ သွယ်ဝိုက်ပြီး ဒါမှာမဟုတ် ရေရှည်မှာ တိုက်ရိုက်ကို ထိခိုက်လာနိုင်လို့ပါပဲ။
တစ်ဦးချင်းမဟုတ်ဘဲ လူ့အသိုင်းအဝန်းတစ်ခုအတွက် လူမှုအဖွဲ့အစည်းတစ်ခု အတွက် နိုင်ငံတစ်နိုင်ငံ အတွက်ဆို အင်မတန်မှကို အရေးကြီးပါတယ်။
အလွယ်ဆုံးဥပမာတွေ ပေးရရင် အမှိုက်ပုံတဲ့ ကိစ္စ၊ ရေဝတ် ရေမြောင်းပိတ်တဲ့ ကိစ္စကစလို့ ရောဂါကပ်ဘေးဆိုက်မှု၊ လူအမြောက်အမြား ညှင်းပမ်းနှိပ်စက်မှု၊ လူမျိုးတုန်းသတ်ဖြတ်မှုမှ နိုင်ငံတစ်နိုင်ငံရဲ့ အနာဂတ်ပျောက်ဆုံးမှုအထိပါပါတယ်။
အိမ်တစ်အိမ်အနီးမှာ အမှိုက်စည်းမဲ့ပုံထားတဲ့ တစ်စတစ်စနဲ့ အပုံကြီးလာမယ်၊ လမ်းထဲနဲ့ ဝန်းကျင်က သူတွေက ကိုယ်နဲ့ မဆိုင်သလိုနေမယ်၊ အဲ့ဒီအိမ် အနံ့မခံနိုင်ရင် သူ့ဖာသာသူရှင်းမယ်၊ ငါတို့အနံ့မရဘူး၊ မကူဘူး၊ စည်းမဲ့ လာပုံနေတဲ့ သူတွေကို သူတို့ဖာသာတားလိမ့်မယ်ဆိုပြီးနေနေရင်၊ ရက်ပိုင်း ပြဿနာမရှိသေးပေမယ့် သီတင်းပတ်ချီလာတဲ့အခါ ထွက်လာတဲ့ အနံ့၊ ထကြွလာမယ့် ယင် ကြွက်၊ ပေါက်လာမယ့် ရောဂါ ပိုးမွှားက အနီးတစ်အိမ်ထဲကိုပဲ မဟုတ်ဘဲ မဆိုင်ပါဘူးကွာဆိုတဲ့ အိမ်တွေအားလုံးကို ဒုက္ခအနည်းအများပေးတော့မှာပါ။
ဒီလိုပဲ vector လို့ ခေါ်တဲ့ သယ်ဆောင်တဲ့ အကောင်တွေကနေ ကူးတဲ့ ရောဂါတွေ၊ လေကနေတစ်ဆင့်ကူးတဲ့ ရောဂါတွေ၊ လူမှုဆက်ဆံရေးနဲ့ ဆက်နွယ်ကူးစက်တဲ့ ရောဂါတွေဆိုလည်း မဆိုင်ပါဘူးကွာဆိုတာရဲ့ နောက်ဆက်တွဲ ဆိုးကျိုးတွေကို မြင်နိုင်ပါတယ်။
ယဉ်ကျေးတဲ့၊ ဒီမိုကရေစီ လူ့အသိုင်းအဝန်းတွေမှာ အဲ့ဒီ့ Negative Bystander Behavior အနုတ်သဘောဆောင်တဲ့ မဆိုင်သလိုနေတဲ့ အမူအကျင့်ဟာ လုံးဝကို မရှိသင့်ပါဘူး။
လူ့မှုအဖွဲ့အစည်းတစ်ခုမှာ Negative Bystander Behavior လူတွေက အများစုဖြစ်နေပြီ ဖြစ်သွားပြီဆိုရင်တော့ အဲ့ဒီလူ့အဖွဲ့အစည်းဟာ ဆုတ်ယုတ်ခြင်းဆီကို သွားနေပြီ ပျက်စီးခြင်းဆီကို ဦးတည်နေပြီ မယဉ်ကျေးခြင်းဆီကို သွားနေပြီ ဒီမိုကရေစီနဲ့ အလှမ်းဝေးလာပြီလို့ တိတိကျကျပြောလို့ရပါတယ်။
ဟိုး အစက ကျွန်တော်ပြောခဲ့တာလေးနဲ့ ပြန်ဆက်ရရင် ကျမ်းချက် (ကုရ်အာန်ကျမ်း ကဏ္ဍ ၇ ပါဒ ၁၆၂-၁၆၄) ထဲမှာ ဖြစ်ရပ်လေးတစ်ခုပါလို့ပါ။ အဲ့ဒါက လူအဖွဲ့အစည်းတစ်ခုရှိခဲ့တယ်၊ ဘုရားသခင်က ပညတ်ထားတဲ့အရာတွေကို အဲ့ဒီ လူ့အဖွဲ့အစည်းက လူအများစုက ချိုးဖျက်တယ် ပြစ်မှုတွေ ကျူးလွန်ကြတယ်။ အဲ့ဒီမှာ အဲ့ဒီသူတွေအပြစ်ကျူးလွန်နေတာကို သိတော့ လူအချို့ ကလိုက်ပြီး အဲ့ဒါတွေ မလုပ်ကြဖို့ ဆုံးမတယ်။ အဲ့တော့ လူတစ်စုကမေးတယ် ဘုရားသခင် အရေးယူတာခံရတော့မယ့် လူတွေကို ဘာလို့ လိုက် ဟောပြောဆုံးမနေတာလဲပေါ့။ အဲ့တော့ ဟောပြောဆုံးမသူတွေက ဘာပြန်ဖြေလည်း ဆိုတော့ နှစ်ချက်ဖြေပါတယ်။ ပထမအချက်က ဘုရားသခင်ဆီမှာ အပြစ်တွေလွတ်ဖို့ (သူတို့ကိုယ်တိုင် လွတ်ငြိမ်းချမ်းသာခွင့်ရဖို့)နဲ့ ဒုတိယအချက်က အဲ့ဒီသူ တွေ(ချိုးဖျက်နေတဲ့သူတွေ) ဘုရားသခင်ကို ကြောက်ရွံ့ အသိတရားပြန်ရပြီး ကောင်းမှုတွေကဖက်ကိုများ ပြန်လှည့်လာမလားဆိုတဲ့ မျှော်လင့်ချက်နဲ့။
အဲ့ဒီလူ့အသိုင်းအဝိုင်းပေါ်မှာ ဘုရားသခင်ရဲ့ အရေးယူမှု ကျရောက်လာခဲ့တယ်။ “We rescued those who forbade evil…”ဆိုပြီး အတိအကျ မိန့်ထားတယ်၊ စောစောက မကောင်းမှုတွေကို ရည်ရွယ်ချက်နှစ်ချက်နဲ့ လာတားဟောပြောနေတဲ့သူတွေကတော့ ကယ်တင်ခြင်း ခံခဲ့ရတယ်။
ဒီနေရာမှာ ကျွန်တော် ကျမ်းချက်ကို promotion ဝင်တာလည်း မဟုတ်သလို ကျမ်းချက်ကို ဖွင့်ဆိုပြချင်တာာလည်း မဟုတ်ပါဘူး။ အဲ့ဒီဟောပြောသူတွေရဲ့ Positive Bystander Behavior ကို ထောက်ပြလိုတာပါ။
လူအများစုကြီးမကောင်းမှုလုပ်တာ ပညတ်တွေကို ဖောက်တာ ငါတို့လုပ်တာ ငါတို့ ဖောက်တာမှ မဟုတ်တာဆိုပြီး မဆိုင်သလို မနေဘဲ မနေနိုင်ဘဲ ဒီမကောင်းတွေက လူ့အသိုင်းအဝိုင်းကြီးတစ်ခုလုံးကို သက်ရောက်တော့မယ်၊ ငါတို့ကိုလည်း ရိုက်ခတ်တော့မယ်ဆိုတဲ့ ပရဟိတ သူ့အကျိုးလိုတဲ့စိတ်ရော အတ္တဟိတ ကိုယ့်အကျိုးကို တိတဲ့ စိတ်ရော နှစ်ခုစလုံးနဲ့ လိုက်ဟောပြောဆုံးမ မကောင်းတာတွေကို တားခဲ့ကြတယ်။ အဲ့ဒါလေးကို ပြောလိုတာပါ။
အဲ့တော့ အပေါ်မှာ ပြောထား သလို Bystander နဲ့ ကျွန်တော်တို့ နိုင်ငံရဲ့ အရေးနဲ့ ဘယ်လိုပတ်သက်လဲပေါ့။
နိုင်ငံရေးနယ်ပယ်က Bystander Effect လို့ပဲ ပြောရမလား။ ဒီနေရာမှာ ပြောရရင် ကမ္ဘာကျော် Civil Right Activist ကြီး ငြိမ်းချမ်းရေးသမားကြီး မာတင်လူသားကင်းရဲ့ မိန့်စကားတွေကို မှတ်သားမျှဝလိုပါတယ်။
“အရေးအရာယူရမယ့် ကိစ္စတွေနဲ့ပတ်သက်ပြီး ကျွန်တော်တို့ နှုတ်ဆိတ်လာပြီဆိုရင် အဲ့ဒီ့နေဟာ ကျွန်တော်တို့ဘဝတွေ အဆုံးသတ်ဖို့ အစပြုလိုက်ခြင်းပဲ။”
“နှုတ်ဆိတ်နေမှုဟာ သစ္စာဖောက်ခြင်းပဲဆိုတဲ့ အချိန်ကို ရောက်လာပါပြီ။”
“အဆုံးမှာ ကျွန်တော်တို့ဟာ ရန်သူတွေရဲ့ စကားလုံးတွေကို အမှတ်ရနေမှာ မဟုတ်ဘူး၊ ဒါပေမယ့် ကျွန်တော်တို့ မိတ်ဆွေတွေရဲ့ နှုတ်ဆိတ်နေမှုကိုတော့ အမှတ်ရနေလိမ့်မယ်။”
နိုင်ငံ့အရေးဘက် လှည့်ကြရအောင်ပါ။ ကျွန်တော်တို့ အန်တီစုနဲ့ NLD ကို နိုင်ငံသူ နိုင်ငံသားအများစုကြီးက မဲပေးခဲ့တာက အရင်စနစ်ဟောင်းကို မလိုချင်လို့ ဒီမိုကရေစီစစ်စစ်ကိုလိုချင်လို့ နိုင်ငံကို ဖွံ့ဖြိုးတိုးတက်စေချင်လို့ ကိုယ်တွေအပါအဝင် နိုင်ငံသူ နိုင်ငံသားအများစုကြီး ကောင်းစားစေဖို့ ဆိုတာ လိုက်မေးစရာမလိုအောင် ထပ်တူကြမှာပါ။
အဲ့တုန်းက အန်တီစု/ အမေစု ကို ဝန်းရံကြ ဒုန်း ဒုန်း ဒုန်း လုပ်ခဲ့ကြတာပါ။
ကျွန်တော်တို့ အခုကာလက အပြောင်းအလဲ စခါစ ကာလပဲ ရှိပါသေးတယ်။ မြန်မာ့နိုင်ငံရေးမျက်ခြေမပြတ်သူအားလုံး ဒီမိုကရေစီ စစ်စစ် မဟုတ်သေးဘူး မရသေးဘူးဆိုတာ သိကြပါလိမ့်မယ်။
အဲ့တော့ ကျွန်တော်တို့ နိုင်ငံကို ဝန်းရံကြဖို့ နိုင်ငံကို ဒီမိုကရေစီ စစ်စစ်ဆီ ခေါ်ဆောင်သွားမယ့် ခေါင်းဆောင်တွေကို ဝန်းရံကြဖို့ ဒုန်း ဒုန်း ဒုန်းရဦးမှာပါ။
နိုင့်ငံအရေးပြောရင်းကနေ ဘာသာတရားတွေ အရေးဖက် ခဏ ပြောင်းလိုပါတယ်။
ညစ်ပတ်တဲ့ နိုင်ငံရေးမှာ ထိလွယ် ရှလွယ်ဖြစ်တဲ့ လူများစုကြီး သည်းချေထိလွယ်တဲ့ ဘာသာတရားဟာ အသုံးချခံရတာ ကမ္ဘာ့နိုင်ငံအနှံ့မှာပါပဲ။ လက်နက်အနေနဲ့သုံးမယ် သားကောင်အနေနဲ့ သုံးမယ်။ အထူးသဖြင့် ဒီမိုကရေစီ မရင့်ကျက် မဖွံ့ဖြိုးသေးတဲ့ နိုင်ငံတွေမှာ ညစ်ပတ်တဲ့၊ ကိုယ်ကျိုးရှာတဲ့၊ နိုင်ငံကို တကယ်မချစ်၊ ချစ်ချင်ယောင်သာဆောင်တဲ့ လောကုတ္တရာအကျိုးမရည် လောကီသက်သက်လိုလားတဲ့ နိုင်ငံရေးသမားတွေရဲ့ ကစားကွက်ပေါ့။
ကျွန်တော်တို့ နိုင်ငံမှာလည်း နိုင်ငံရေးညစ်ပတ်မှုအတွက် လူများစုကြီး ကိုးကွယ်ယုံကြည်တဲ့ ဗုဒ္ဓဘာသာကို လက်နက်အနေနဲ့သုံးခဲ့ သုံးစဲ၊ လူနည်းစုကိုးကွယ်တဲ့ အထူးသဖြင့် အစ္စလာမ်နဲ့ ခရစ်ယာန်ဘာသာတွေကို သားကောင်အနေနဲ့ သုံးခဲ့ သုံးစဲပါ။
အဲ့တော့ နိုင်ငံတွင်းက ဘာသာခြားလူနည်းစုတွေရဲ့ ကိုးကွယ်ရာဘာသာတရားတွေကို ပစ်မှတ်ထားတဲ့ ရန်လိုမှုတွေ၊ အမုန်းပွားမှုတွေနဲ့ ဥပဒေပြင်ပလုပ်ရပ်တွေရဲ့ mastermind နောက်ကွယ်က ဦးဏှောာက်ကြီးတွေဟာ ဘာသာတရားတစ်ခုကို ကာကွယ်လိုလို့ ယုံကြည်ကိုးကွယ်မှုတစ်ခုကို ပြန့်ပွားစေလိုလို့ လုပ်နေတာ လုံးဝမဟုတ်ဘူးလို့ ကျွန်တော် အပြည့်အဝယုံကြည်ပါတယ်။
ဘာလို့လဲဆိုတော့ သူတို့နဲ့ သူတို့ရဲ့ မဟာအကြံပေးတွေဟာ အဲ့လောက် မရိုးပါဘူး မနုံပါဘူး၊ သမိုင်းကို သိ၊ စာသိ ပညာရှိတွေ ပါ။
ဘာသာတရားတစ်ခုကို အဲ့ဒီ့ဘာသာတရားရဲ့ နောက်လိုက်တွေကို ညှင်းပန်းရုံ သတ်ဖြတ်ရုံ ဘာသာရေးအဆောက်အဦးတွေကို ဖြိုချရုံ ဘာသာရေး နယ်မြေတွေကို သိမ်းပိုက်ရုံနဲ့ ရပ်တန့်လို့ မရဘူးဆိုတာ ကမ္ဘာ့သမိုင်းက သက်သေခံနေပါတယ်။ ဘာသာရေး ကျမ်းချက်တွေမှာလည်းပါနေပါတယ်။
ခရစ်ယာန်သာသနာကို စဟောပြောသူ ရှင်ပေါလုကို ခေါင်းဖြတ်သတ်ခဲ့တဲ့ နေရာ ယခင် ရောမ အခု အီတီလီနယ်မြေ (ဗာတီကန်နိုင်ငံငယ်ရှိရာ) ခရစ်ယာန်သာသနာရဲ့ ဗဟိုချက်မ ဖြစ်လာခဲ့ပါတယ်။
အစ္စလာမ်ကို ပြန်လည် ဟောပြောသူ တမန်တော်မုဟမ္မဒ် (ကိုယ်တော့်အပေါ် ငြိမ်းချမ်းမှုကျရောက်ပါစေ) ကို လုပ်ကြံဖို့ ကြိုးစား၊ မိသားစုဝင်တွေနဲ့ နောက်လိုက်တွေကို ညှင်းပမ်းနှိပ်စက် သတ်ဖြတ်ခဲ့တဲ့ မက္ကာနယ်မြေဟာ အခုဆို အစ္စလာမ်ရဲ့ ဗဟိုချက်မဖြစ်နေပါပြီ။
မှတ်တမ်းတွေအရ လက်ရှိကမ္ဘာပေါ်မှာ ခရစ်ယာန်က နောက်လိုက်အများဆုံးဖြစ်ပြီး အစ္စလာမ်က ကျင့်သုံး လိုက်နာသူအများဆုံးပါ။
ဒါဆို ဘာသာတရားတွေ ဘယ်လို ပျက်စီးမလဲ။ ဗုဒ္ဓဘာသာ၊ ခရစ်ယာန်နဲ့ အစ္စလာမ် အားလုံးမှာ အဲ့ဒီ့ ဘာသာဝင်တွေ တရားပျက်တဲ့ အခါ ပျက်စီးမယ်လို့ ကျမ်းချက် ပိဋကတ်တွေမှာ အတိအလင်း ဗျာဒိတ်ပါရှိပြီးသားပါ။ သူများဖျက်လို့ မပျက်ပါဘူး၊ သူများကြောင့် မပျက်ပါဘူး၊ ကိုယ့်ဖာသာဖျက်လို့ ပျက်ကြမှာပါ။
သူများကို နှိမ်မှ နှိပ်ကွက်မှ ငါတို့ ဘာသာသာသနာ အထွန့်ရှည်မယ် ထွန်းကားမယ်ဆိုပြီး ယုံကြည်နေကြတဲ့ အတဲ့ နတဲ့ သိမ်းသွင်းခံရတဲ့ ဦးဏှောက်ဆေးခံရတဲ့ ရိုးနအများပြည်သူတွေ ကမ္ဘာ့နေရာ အနှံ့မှာ ရှိနေပါတယ်။ သူတို့တွေကလည်း တကယ့်တော့ အဲ့ဒီ့ အပေါ်က နိုင်ငံရေးဦးဏှောက်ညစ်ပတ်ကြီးတွေရဲ့ သားကောင်တွေပါပဲ။
သူတို့တွေက ဘာလို့ဒါတွေကို ဖြစ်အောင် အကွက်ချ စီမံခဲ့တာလဲ။ စီမံနေတာလဲ။ အဖြေက ရှင်းပါတယ်။ ကျွန်တော်တို့ နိုင်ငံနဲ့ နိုင်ငံသားတွေ အပေါ်မှာ ထားရှိတဲ့ ဖြစ်စေချင်တဲ့ ရည်ရွယ်ချက်ရဲ့ ပြောင်းပြန်ကို သွားချင်လို့ပါ။ သူတို့ ကိုယ်ကျိုး မိသားစုအကျိုး အတွက်ပါ။
ဒီမိုကရေစီစစ်စစ်နဲ့ နိုင်ငံနဲ့ နိုင်ငံသားအကျိုးစီးပွားအတွက် ရှေ့ချီနေတဲ့ အစိုးရကို ဘာသာရေး ထောင်ချောက်တွေ ခုတုံးတွေနဲ့ နိုင်ငံရေးချောက်ချဖို့ပါ။
အဲ့ဒီမှာ ပြဿနာက နိုင်ငံရေးသားကောင်ဖြစ်ရတဲ့ ဘာသာတရားတွေပါ။ အပေါ်ယံကြည့်ရင် ခံဖက်(scapegoat) လုပ်ခံရတဲ့ အစ္စလာမ်၊ ခရစ်ယာန်သာသနာနဲ့ နိုင်ငံသား မွတ်စလင်မ်တွေ ခရစ်ယာန်တွေပဲ သနားစရာကောင်းတယ်လို့ ထင်စရာပါ။
ဒါပေမယ့် မျက်စိကျယ်တဲ့ သူတွေဆိုရင်တော့ နိုင်ငံရေး လက်နက်အဖြစ် အသုံးချခံနေရတဲ့ ဗုဒ္ဓဘာသာနဲ့ အများစုနိုင်ငံသား ဗုဒ္ဓဘာသာဝင်တွေလည်း ထပ်တူ သနားစရာကောင်းနေတာကို မြင်ကြပါလိမ့်မယ်။ မွတ်စလင်မ်တွေနဲ့ ခရစ်ယာန်တွေရဲ့ ပစ္စုပ္ပန် ထိခိုက်နစ်နာနေပြီး ဗုဒ္ဓဘာသာရဲ့ အနာဂတ်ထိခိုက်နစ်နာနေပါပြီ။
ဘာသာတရားတွေကို ခဏမေ့ထားပြီး နိုင်ငံသားအောက်ကပြောမယ်ဆို ဒီမိုကရေစီစစ်စ်ဆီသွားနေတဲ့ မြန်မာနိုင်ငံဆိုတဲ့ လှေကြီးပေါ်က ကျွန်တော်တို့အားလုံး လှိုင်းကြီးနေပါပြီ မုန်တိုင်းမိနေကြပါပြီ။
ဘာသာတရားတိုင်းရဲ့ နောက်လိုက်တိုင်းမှာ ကောင်းတဲ့သူနဲ့ မကောင်းတဲ့သူရှိပါတယ်။ စစ်မှန်တဲ့ ဘာသာဝင်ကောင်းနဲ့ အစွန်းရောက်သူတွေရှိပါတယ်။ ဘာသာဝင်ကောင်းတွေ စစ်မှန်တဲ့ ဘာသာဝင်တွေက အပေါ်က ကျမ်းချက်မှာပါသလိုပဲ ပရဟိတနဲက အတ္တဟိတ နှစ်မျိုးစလုံးအတွက် အစွန်းရောက်သူတွေကို တားမြစ်ကို တားမြစ်ရပါမယ်။ Positive Bystander Behavior ဖြစ်ကို ဖြစ်ရပါမယ်။
ကျွန်တော်တို့ မြန်မာနိုင်ငံသူ နိုင်ငံသားတွေကရော Positive Bystander Behavior ရှိသူတွေလား ဒါမှမဟုတ် Negative Bystander Behavior ရှိသူတွေလား။ ကျွန်တော်တို့ အများစုကြီးရဲ့ Behavior က နိုင်ငံရဲ့ အနာဂတ်နဲ့ နိုင်ငံသူ နိုင်ငံသား အားလုံးရဲ့ အနာဂတ်ကို ဆုံးဖြတ်ပါလိမ့်မယ်။
အခန့်မသင့်ရင် အစစ်စတေးခံလိုက်ရမှာက လူနည်းစုဘာသာဝင်တွေရဲ့ အသက်အိုးအိမ်စည်းစိမ်နဲ့ လူများစုကြီးရဲ့ ဘာသာတရားရဲ့ အနာဂတ်ပုံရိပ်ပါ။
ပြီးခဲ့တာတွေထား၊ လတ်တလောစာမေးပွဲတွေမှာတော့ ရလဒ်က အားရလောက်အောင် မကောင်းနေသေးပါဘူး။ မဆိုင်သူ မဆိုင်သားတွေ များနေပါသေးတယ်။ Positive Bystander Behavior တွေ သိပ်နည်းနေပါသေးတယ်။ သူတို့ ကျူးတာ၊ ငါလုပ်တာမဟုတ်ဘူး၊ ငါနဲ့မဆိုင်ဘူး၊ ငါကိုယ်တိုင် မကျူးပြီးတာဘဲဆိုပြီး နှုတ်ဆိတ်နေသူတွေ များနေကြပါသေးတယ်။
မြန်မာ့နှစ်ဆန်းတစ်ရက်နေ့မှာ သင်္ကန်းဝတ်တွေက မွတ်စလင်မ် ဈေးသည် သုံးဦးကို ဘုရားဈေးနဲ့ တဝိုက်မှာ ဈေးရောင်း (ကောင်းရောင်းကောင်းဝယ်လုပ်)လို့ဆိုပြီး ပစ္စည်းသိမ်း၊ ကာယကံမြောက်ရိုက်နှက်ထိုးကြိတ်၊ ဝန်ခံချက်ထိုးခိုင်းတာ၊ အဲ့ဒီလိုလုပ်တာကို မိမိအမျိုးဘာသာသာသနာကို စောင့်ရှောက်တဲ့လုပ်ရပ်ဆိုပြီး လူမှုမီဒီယာမှာ တင် ဂုဏ်ယူဝါဒဖြန့်တာဖြစ်ခဲ့ပါတယ်။
လတ်တလော ကရင်ပြည်နယ် လှိုင်းဘွဲ့မှာ ခရစ်ယာန်ဒေသခံတွေက တရားဝန် လူသိရှင်ကြားတောင်းပန်မေတ္တာရပ်ခံနေတဲ့အကြားက မြိုင်ကြီးငူဘုန်းကြီးဦးဆောင်ပြီး လူအင်အားသုံးပြီး ခရစ်ယာန်ချာ့ခ်ျအတွင်းမှာ ညတွင်းချင်း တရားမဝင် စေတီဝင်တည်တာဖြစ်ခဲ့ပါတယ်။ တလောကလည်း ကရင်ပြည်နယ် ရွှေဂွန်းမှာ ဗလီဝတ်ကျောင်းဘေး လမ်းမှာ သူတပည့်တွေက နေ့ခင်းကြောင်တောင်ကြီး ဗုဒ္ဓရုပ်ပွားတစ်ဆူလာမြှုပ်ထားပြီး ပြဿနာအစထုတ်ထားပါတယ်။ အခုလောလောဆယ်ကို သူ့တပည့်သင်္ကန်းဝတ်တွေ ဦးဆောင်တဲ့ လူနှစ်ရာကျော်အင်အားနဲ့ ရဲတွေနဲ့ ဘာသာပေါင်းစုံချစ်ကြည်ရေးအဖွဲ့ဝင်တွေ တားနေတဲ့ကြားက အတင်းအကြပ် ဗလီကပ်လျက်မှာ စေတီတည်ဖို့ လုပ်နေပါတယ်။
ဈေးသည်ကိစ္စရော၊ ချာ့ခ်ျထဲ စေတီတည်တဲ့ ကိစ္စ၊ ဘုရားတိုင်အိပ်မက်မြင်တယ်ဆိုပြီး ဗလီဝတ်ကျောင်းဖြိုတဲ့ ကိစ္စတွေက အရင်ကလည်း ဖြစ်ခဲ့ပြီးသားပါ။ ဒါတွေဟာလည်း ခွဲခြားမှု၊ နှိပ်ကွက်မှု၊ အနိုင်ကျင့်မှုတွေထဲက ဖြစ်ရပ်အချို့ပါ။
အပေါ်က ကိစ္စတွေမှာ ဘာသာတရားပေါင်းစုံက ဝင်ရောက်ကူညီသူ အချို့ Positive Bystander Behavior ရှိသူ အချို့ ရှိခဲ့ပေမယ့် လူ့အသိုင်းအဝန်းတစ်ခုလုံး (ဒီနေရာမှာ လူ့အသိုင်းအဝန်းတစ်ခုလုံးဆိုတာ တနည်းနည်းနဲ့ ကူညီနိုင်စွမ်း ဒီဖြစ်ရပ်တွေကို တားဆီးနိုင်စွမ်းရှိသူတွေကိုပဲ ဆိုလိုပါစေဦး) အင်မတန်မှကို နည်းနေပါသေးတယ်။ တနည်းပြောရရင် အများစုကြီးက နှုတ်ဆိတ်နေတုန်းပါပဲ silent majority ပေါ့ဗျာ။
တိုက်ရိုက်ခံရတဲ့ အစ္စလာမ်ဘာသာဝင်တွေ၊ ခရစ်ယာန်ဘာသာဝင်တွေလှုပ်ရှားတာ မခံမရပ်နိုင်ဖြစ်တာ Positive Bystander Behavior အမူအကျင့်ပြပြီး ကူညီဖို့ ဒီဖြစ်ရပ်တွေမဖြစ်အောင် တားဆီးဖို့ လုပ်ကြတာဟာ မထူးဆန်းပါဘူး။
ဒါပေမယ့် သူတို့ရဲ့ ကြိုးပမ်းမှုထက် တကယ်ပိုပြီးလိုအပ်တာက နိုင်ငံရဲ့ လူများစုကြီးဖြစ်တဲ့ ဗုဒ္ဓဘာသာဝင်ညီအစ်ကိုမောင်နှမတွေရဲ့ Positive Bystander Behavior ပါ၊ လှုပ်ရှားမှုနဲ့ ကြိုးပမ်းအားထုတ်မှုပါ။
ကျွန်တော်တို့နိုင်ငံမှာ Institutionalize ဖြစ်ပြီး အခြေခံဖွံ့ဖြိုးပြီး ဗုဒ္ဓသာသာအသင်းအဖွဲ့ လူမှုအသိုင်းအဝိုင်းတွေ၊ ပြည်တွင်းပြည်ပမှာပါ ထေရဝါဒဗုဒ္ဓသာသနာတော်ကို ကိုယ်စားပြုနေတဲ့ သာသနာပြု ရဟန်းပုဂ္ဂိုလ်ကြီးတွေ၊ လူအသိုင်းအဝိုင်းအတွင်း သြဇာရှိ ပညာရှင်ပညာတတ်လူပုဂ္ဂိုဟ်တွေနဲ့ ပြည်တွင်းမီဒီယာကြီးတွေ ရှိနေပါတယ်။ အရင်ကိစ္စ အရင်ခေတ်မှာ မလုပ်ခဲ့တာ မလုပ်တာကိုခဏထား အများစုက လက်ရှိမှာကို မဆိုင်အမူအကျင့် Negative Bystander Behavior ဖြစ်နေကြပါတယ်။ Silent Majority နှုတ်ဆိတ်နေတဲ့ လူများစုကြီး ဖြစ်နေကြပါသေးတယ်။
ရိုးရိုးသားသားစိတ်နဲ့ကို ကျွန်တော့်ကို ရှုပ်ထွေးသွားစေတာတွေက လူနည်းစုဘာသာဝင်တွေကို အကူအညီမပေးချင်ဘူးဘဲ ထားပါဦး
ဒီဖြစ်ရပ်တွေ လုပ်ရပ်တွေဟာ
(၁) ရေရှည်မှာ နိုင်ငံနဲ့ နိုင်ငံသူ နိုင်ငံသား အားလုံးရဲ့ အနာဂတ်ကို နစ်နာစေမယ်ဆိုတာကို မသိကြလို့လား၊
(၂) လက်ရှိရော အနာဂတ်မှာပါ မိမိတို့ ကိုးကွယ်ယုံကြည်တဲ့ ထေရဝါဒဗုဒ္ဓဘာသာရဲ့ ပုံရိပ်ကို ပြည်တွင်းမှာရော နိုင်ငံတကာမှာပါ မုချ ထိခိုက်နစ်နာစေမယ်ဆိုတာကို မသိကြလို့လား၊
(၃)နိုင်ငံကို နိုင်ငံသားအားလုံးအကျိုးငှာ ဒီမိုကရေစီလမ်းကြောင်းစီကို ဦးဆောင်နေတဲ့ လက်ရှိဒီမိုကရေစီအစိုးရကို ထောင်ချောက်ဆင်နေမှုတွေဆိုတာကို မသိကြလို့လား၊
(၄) အနာဂတ်တစ်ချိန်မှာ ဖွံ့ဖြိုးရင့်ကျက်လာတဲ့ မိမိတို့ မြေးမြစ်နောင်လားနောက်သားတွေကိုယ်တိုင်က မိမိတို့ နှုတ်ဆိတ်နေမှုကို ပြစ်တင်ကဲ့ရဲ့ သမိုင်းမှားအဖြစ်ရေးထိုးမှတ်တမ်းတင်ကြလိမ့်မှာကို မသိကြလို့လား
ကျွန်တော် အပေါ်မှာ ပြောထားသလို ဒီဖြစ်ရပ်တွေဟာ လက်ရှိ ဒီမိုကရေစီ အစိုးရအတွက် နိုင်ငံရေးထောက်ချောက်တွေပါ။ လူများစုကြီးက မဝန်းရံပေးရင် အစိုးရအတွက် အင်မတန်မှကို အန္တရာယ်ကြီးပါတယ်။
ဒီမိုကရေစီ နိုင်ငံတစ်ခု လူ့အဖွဲ့အစည်းတစ်ခုရဲ့ အားဟာ Civil Society လို့ခေါ်တဲ့ အရပ်ဖက် လူ့အဖွဲ့အစည်း နဲ့ မီဒီယာဖြစ်ပါတယ်။ နိုင်ငံရဲ့ အားဟာ နိုင်ငံသားတွေဖြစ်ပါတယ်။
လူနည်းစု နိုင်ငံသားတစ်ယောက်ဖြစ်တဲ့ ကျွန်တော် အနိုင်ကျင့်ခံ အနှိပ်ကွက်ခံ ခွဲခြားဆက်ဆံခံ လုံးဝမဖြစ်လိုပါဘူး။
နိုင်ငံသားတစ်ယောက်အနေနဲ့ ကျွန်တော် နိုင်ငံနဲ့ နိုင်ငံသူ နိုင်ငံသား အားလုံးရဲ့ အနာဂတ်ကို ထိခိုက်နစ်နာမှာမျိုး လုံးဝမဖြစ်စေလိုပါဘူး။
ကျွန်တော့် မွေးစားအဘွား၊ သူငယ်ချင်း၊ ဆရာသမားများ ကိုးကွယ်ယုံကြည်တဲ့ ထေရဝါဒဗုဒ္ဓဘာသာရဲ့ ပုံရိပ်ကို ထိခိုက်နစ်နာတာမျိုး လုံးဝမဖြစ်စေလိုပါဘူး။
ကျွန်တော်ကိုယ်တိုင် မဲပေးထားတဲ့ ဒီမိုကရေစီအစိုးရ နိုင်ငံရေးထောင်ချောင်ကျတောမျိုး လုံးဝမဖြစ်စေလိုပါဘူး။
ကျွန်တော်တို့ နိုင်ငံသူ နိုင်ငံသားအများစု ဆိုင်သူတွေ ဆိုင်သားတွေ Positive Bystander Behavior ရှိသူတွေ အဖြစ်ပြောင်းကြပါစို့လားဗျာ။ နှုတ်ဆိတ်နေမှုတွေကို တရားမျှတမှု တောင်းဆိုသံတွေ ချစ်ခြင်းမေတ္တာ မျှဝေသံတွေနဲ့ ဟိန်းစေစို့လားဗျာ။
တကယ်တော့ ကျွန်တော်တို့ မြန်မာနိုင်ငံရဲ့ ထုံးတမ်းစဉ်လာ ဓလေ့ကိုက တစ်ခုခုဆို ကူချင် စောင့်ရှောက်ချင် ပရနဲ့ အတ္တဟိတ အကျိုးမျှသူတွေပါ။ ကျွန်တော်တို့ စနစ်တကျ ဖျက်ဆီးခံလိုက်ရလို့ပါ။ ကျွန်တော်တို့ တန်ဖိုးတွေဆီကို ပြန်လှည့်ကြပါစို့။ ဆိုင်သူတွေ ဆိုင်သားတွေ ဖြစ်ကြပါစို့။
အနာဂတ်အိပ်မက်တွေနဲ့ ကျွန်တော် ဒီစာကို ငြိမ်းချမ်းရေးခေါင်းဆောင်ကြီး မာတင်လူသားကင်းရဲ့ စကားနဲ့ပဲ အဆုံးသတ်လိုက်ပါတော့မယ်။
“နှုတ်ဆိတ်နေမှုဟာ သစ္စာဖောက်ခြင်းပဲဆိုတဲ့ အချိန်ကို ရောက်လာပါပြီ။”
“အရေးအရာယူရမယ့် ကိစ္စတွေနဲ့ပတ်သက်ပြီး ကျွန်တော်တို့ နှုတ်ဆိတ်လာပြီဆိုရင် အဲ့ဒီ့နေဟာ ကျွန်တော်တို့ဘဝတွေ အဆုံးသတ်ဖို့ အစပြုလိုက်ခြင်းပါပဲ။”
