ဧပြီ ၁၈၊ ၂၀၁၆
M-Media
– အီရန်သမ္မတ ရူဟာနီက တောင့်တင်းတဲ့ လက်နက်ကိုင်တပ်ဖွဲ့ဟာ အီရန်နိုင်ငံရဲ့ အမျိုးသားအကျိုးစီးပွား၊ ပထ၀ီဆိုင်ရာ၊ နိုင်ငံရေးဆိုင်ရာနဲ့ ယဉ်ကျေးမှုဆိုင်ရာ စည်းတွေကို လုံခြုံအောင် ကာကွယ်စောင့်ရှောက်မှုပေးနေတယ်လို့ မနေ့က တီဟီရန်မြို့မှာ ကျင်းပခဲ့တဲ့ အီရန်ရဲ့ တပ်မတော်နေ့ အခမ်းအနားမှာ ပြောကြားလိုက်ပါတယ်။
“နိုင်ငံရဲ့ တောင့်တင်းတဲ့ စစ်အင်အားကြောင့် ဒေသတွင်းမှာ သိပ်အစွမ်းထက်လှပါတယ်ဆိုပြီး စိတ်ကြီးဝင်နေတဲ့ နိုင်ငံတွေနဲ့ သူတို့ရဲ့ အပေါင်းအပါတွေက အီရန်အပေါ် မျက်စောင်းတောင်မထိုးရဲပါဘူး”
နောက်ပြီး ဒေသအတွင်းမှာ အီရန်ဟာ တည်ငြိမ်အေးချမ်းနေတာကလည်း အဲဒီ စစ်အင်အားကြောင့်ဖြစ်ကြောင်း၊ အီရန်နိုင်ငံရဲ့ စွမ်းပကားတွေဟာ ကာကွယ်ရေးရည်ရွယ်ချက်အတွက်သာ ဖြစ်ပြီး အိမ်နီးချင်းနိုင်ငံတွေနဲ့ မွတ်စလင်ကမ္ဘာက နိုင်ငံတွေကို ဘယ်တော့မှ ပစ်မှတ်ထားမှာမဟုတ်ကြောင်း ရူဟာနီက ထပ်လောင်းပြောကြားခဲ့ပါတယ်။
အီရန်နိုင်ငံဟာ အမျိုးသားအကျိုးစီးပွားတွေကို ထိန်းသိမ်းကာကွယ်ဖို့ သံတမန်နည်းလည်းနဲ့လည်း လုပ်ဆောင်နေပြီး၊ ကမ္ဘာ့အင်အားကြီးနိုင်ငံတွေနဲ့ နျူကလီးယားညှိနှိုင်းမှုတွေ ဆွေးနွေးစဉ်အတွင်းမှာလည်း အီရန်သံတမန်တွေဟာ နိုင်ငံရဲ့စစ်အင်အား ကောင်းမွန်တိုးတက်အောင် ရည်ရွယ်ခဲ့တယ်လို့ ဆိုပါတယ်။
ယမန်နေ့က ကျရောက်တဲ့ အီရန်တပ်မတော်နေ့အခမ်းအနားကို နိုင်ငံ့ဦးသျှောင်ကြီးတစ်ဦး ဖြစ်ခဲ့တဲ့ အီမာမ်ခိုမေနီရဲ့ ရုပ်ကလပ်မြှုပ်နှံထားရာ ပရဝုဏ်အတွင်းမှာ ပြုလုပ်ခဲ့တာဖြစ်ပြီး၊ နိုင်ငံရဲ့ နောက်ဆုံးထုတ်လုပ်ထားတဲ့ လက်နက်တွေကိုလည်း ပြသခဲ့ပါတယ်။
Ref: Presstv
