News @ M-Media

Blog

  • ကမ္ဘာလုံးဆိုင်ရာ အစ္စလာမ့်ဘဏ္ဍာရေးညီလာခံကို မက္ကာတွင် ကျင်းပ

    ကမ္ဘာလုံးဆိုင်ရာ အစ္စလာမ့်ဘဏ္ဍာရေးညီလာခံကို မက္ကာတွင် ကျင်းပ

    မတ် ၉၊ ၂၀၁၆
    M-Media

    – ဆော်ဒီအာရေဗျနိုင်ငံ မက္ကာမြို့မှာရှိတဲ့ အွမ် အလ်-ကူရာ တက္ကသိုလ်က ကြီးမှူးတဲ့ ကမ္ဘာလုံးဆိုင်ရာ အစ္စလာမ့်ဘဏ္ဍာရေးညီလာခံတစ်ခုကို တနင်္ဂနွေနေ့မှာ ကျင်းပခဲ့ပြီး ဆော်ဒီပညာရေးဝန်ကြီး အဟ်မဒ် အလ်-အီဆာက တက်ရောက် ဖွင့်လှစ်ပေးခဲ့ပါတယ်။

    တက္ကသိုလ်ရဲ့ စီးပွားရေးနဲ့ အစ္စလာမ့်ဘဏ္ဍာရေးဆိုင်ဌာန မဟာဌာနမှူးဖြစ်ပြီး၊ ယခုညီလာခံဖြစ်မြောက်ရေးကော်မတီရဲ့ ဥက္ကဌလည်းဖြစ်သူ ဆွာလေ အလ်-အက္ကလာက ညီလာခံမှာ စီးပွားရေးအကြောင်းအရာအမြောက်အများကို ဆွေးနွေးသွားမယ်လို့ ဆိုပါတယ်။

    “လွယ်ကူချောမွေ့မှုမှသည် ဘဏ္ဍာရေးတည်ငြိမ်မှုဆီသို့” လို့ ခေါင်းစဉ်ပေးထားတဲ့ သုံးရက်တာ အခမ်းအနားမှာ ဆော်ဒီအာရေဗျ ငွေကြေးအေဂျင်ဆီ (SAMA) ဥက္ကဌ ဖါဟဒ် အလ်-မုဘာရက်၊ ကမ္ဘာ့ဘဏ် ဒုတိယဥက္ကဌ မဟ်မူးဒ် မိုဟီလ်ဒင်တို့ အပါအ၀င် ပြည်တွင်းပြည်ပက ဘဏ္ဍာရေးနဲ့ စီးပွားရေးပညာရှင်တွေ၊ ကျွမ်းကျင်သူတွေ အမြောက်အများ တက်ရောက်ခဲ့ကြပါတယ်။

    အလ်-အက္ကလာကတော့ တစ်ဦးတစ်ယောက်ချင်းနဲ့ အစုအဖွဲ့ဆိုင်ရာ စီးပွားရေးတွေကို ကာကွယ်ဖို့အတွက် အာမခံချက်ရှိတဲ့အရာတစ်ခုအဖြစ် အစ္စလာမ့်ဘဏ်လုပ်ငန်းဆိုင်ရာ သတ်မှတ်ချက်တွေကို ကမ္ဘာက လိုလိုလားလား လက်ခံကျင့် သုံးလာကြပြီး၊ သာမန်ဘဏ်လုပ်ငန်းတွေနဲ့အတူ အစ္စလာမ့်ဘဏ္ဍာရေးစနစ်ကို ကျင့်သုံးတဲ့ ဘဏ်တွေကိုလည်း တွဲဖက်လုပ်ဆောင်လာကြတယ်လို့ ထည့်သွင်းပြောကြားခဲ့ပါတယ်။

    ညီလာခံရဲ့ နည်းစနစ်ပိုင်းဆိုင်ရာကော်မတီဟာ နိုင်ငံပေါင်း ၅၈ နိုင်ငံက သုတေသနစာတမ်း ၁၀၃၄ ခုကို လက်ခံရရှိခဲ့ပြီး အစ္စလာမ်ဘဏ္ဍာရေးကဏ္ဍရဲ့ အောင်မြင်မှုကို ထင်ဟင်စေကာ အဲဒီထဲကမှ အစ္စလာမ့်စီးပွားရေးနဲ့ ဆက်နွယ်နေတဲ့ ၇၅ ခုသောစာတမ်းကို အတည်ပြုခဲ့တယ်လို့ ဆိုပါတယ်။

    ဒါ့အပြင် အစ္စလာမ့်ဘဏ္ဍာရေးလုပ်ငန်းဟာ (၂၀ ရာစု ပထမတစ်ဝက်လောက်မှာ တွေ့ကြုံခဲ့ရတဲ့) မအောင်မြင်မှာ စိုးရိမ်ရတဲ့ အခြေအနေ၊ အစ္စလာမ်ဘဏ္ဍာရေးစနစ်ဆိုင်ရာ လုပ်ငန်းအနည်းငယ် စမ်းတ၀ါးဝါး ပေါ်ထွက်လာတဲ့အခြေအနေ၊ နောက်ဆုံး စီးပွားရေးလောကမှာ ၀င့်ဝင့်ထည်ထည် ရပ်တည်နိုင်တဲ့ အခြေအနေ စတဲ့ အခြေအနေ ၃ ခုကို ဖြတ်သန်း လာခဲ့ရကာ လက်ရှိအခြေအနေကတော့ စီစစ်အကဲဖြတ်ရမယ့်အဆင့်ကို ၀င်ရောက်နေပြီလို့ အလ်-အက္ကလာက ထည့်သွင်းပြောကြားခဲ့ပါတယ်။

    မက္ကာမှာပြုလုပ်ခဲ့တဲ့ ညီလာခံမှာ ၃ ပိုင်းပါဝင်ခဲ့ပြီး ဘဏ္ဍာရေးအခက်အခဲကိစ္စရပ်များ၊ အစ္စလာမ့်စီးပွားရေးလုပ်ငန်းဆိုင်ရာ လွယ်ကူမှုနဲ့ ဘဏ္ဍာရေး တည်ငြိမ်မှု၊ အစ္စလာမ့်ဘဏ္ဍာရေးအဖွဲ့အစည်းများ အုပ်ချုပ်ရေးတို့ ဖြစ်ပါတယ်။

    Ref: IINA

  • တက္ကသိုလ်ဝင်တန်း စာမေးပွဲ အတွက် အကောင်းဆုံး အကြံပြု  လမ်းညွှန်ချက်များ

    တက္ကသိုလ်ဝင်တန်း စာမေးပွဲ အတွက် အကောင်းဆုံး အကြံပြု လမ်းညွှန်ချက်များ

    မတ်လ ၉ ၊ ၂၀၁၆

    A few blank sheets ready for been filled in a exam.

    (၁)  တက္ကသိုလ်ဝင်တန်းစာမေးပွဲဖြေဆိုခွင့် ကဒ်ပြားကို အသေအချာသိမ်းထားပြီး စာမေးပွဲဖြေဆိုမည့်နေ့တွင် ကိုယ်နှင့်တပါတည်း ယူဆောင်သွားရန်။

    (၂)  မိမိဖြေဆိုမည့်ကျောင်း (စာစစ်ဌာန)ကို နံနက်(၉)နာရီမတိုင်မီ အချိန်မီ အရောက်သွားရပါမည်။

    (၃)  စာမေးပွဲဖြေဆိုရန် လိုအပ်သည့် ဘောပင်(အပြာရောင်) အနည်းဆုံး(၃)ချောင်း၊ ခဲတံ(၂)ချောင်း၊   ခဲဖျက်၊ ပေတံ၊ (စာရေးကိရိယာ) အစုံအလင်တို့ကို မြန်မာစာ မဖြေခင် တစ်ရက်အလိုတွင် စုံလင်အောင် စီစဉ်ထားရပါမည်။

    (၄)  စာဖြေသူတိုင်းသည် Ball pen အနီရောင်ကို စာမေးပွဲတွင် လုံးဝ (လုံးဝ) မသုံးစွဲရပါ။

    (၅)  ဘာသာရပ်တိုင်းအတွက် စာမေးပွဲဖြေဆိုခွင့်ပြုချိန်သည် မနက်(၉း၀၀)နာရီမှ (၁၂း၀၀)နာရီအထိ ဖြစ်သောကြောင့် စာမေးပွဲဖြေဆိုသည့် ခန်းမထဲရောက်လျှင် ရောက်ချင်း၊ စိတ်ကို အတက်နိုင်ဆုံး တည်တည်ငြိမ်ငြိမ်ထားပါ။ ပထမဦးစွာ မိဘနှစ်ပါးနှင့် ကျေးဇူးရှင်များ၊ ဆရာသမားများအတွက် မေတ္တာပို့ဆုတောင်းပါ။

    (၆)  အဖြေလွှာစာအုပ်ငယ် ရလျှင်ရချင်း ခုံအမှတ်၊ စာစစ်ဌာနတို့ကို သတ်မှတ်ထားသော အကွက်၌သာရေးရမည်။ အဖြေလွှာစာရွက်၏ အခြားမည်သည့်နေရာတွင်မျှ မရေးရပါ။

    (၇)  မိမိအဖြေလွှာစာရွက်၌ (၁) လက်ထောက်ကြီးကြပ် လက်မှတ် (၂) ကြီးကြပ်လက်မှတ်တို့ ပါမပါ၊  သေချာစွာ စစ်ဆေးပါ။ သက်ဆိုင်ရာ စာမေးပွဲကြီးကြပ်သူများ၏ လက်မှတ်မပါရှိပါက မိမိစာမေးပွဲခန်းကို စောင့်ကြပ်နေသော ဆရာ/ဆရာမ များအားတင်ပြပါ။

    (၈)  ဖြေဆိုသူသည် မိမိအဖြေလွှာပေါ်တွင် လက်မှတ်တစ်ခုခု ရေးထိုးခြင်း၊ မိမိမည်သူ၊ မည်ဝါဖြစ်ကြောင်းသိစေနိုင်သည့် အမှတ်အသား၊ သင်္ကေတ၊ ပုံ၊ တစ်ခုခုရေးသားခြင်းတို့ကို လုံးဝ မပြုလုပ်ရပါ။ ပြုလုပ်မိလျှင် မိမိအဖြေလွှာ ပယ်ဖျက်ခြင်း ခံရမည် ဖြစ်သည်။

    (၉)  မှား၍ဖြေဆိုမိသော စာလုံး၊ စာကြောင်း၊ စာပုဒ်၊ ပုံ၊ ပုစ္ဆာအစရှိသည်တို့ကို မှင်ဖျက်ဆေး (Correction pen) သုံး၍ ဖျက်ခွင့်မပြုပါ။ မှားဖြေခဲ့သော အကြောင်းအရာပေါ်တွင် မျဉ်းစောင်း(/) တစ်ခုခုရေးပြီး အမှန်ကို ဆက်ဖြေရန်။

    (၁၀) ဘာသာရပ်တိုင်းအတွက် မေးခွန်းများကို ဖြေဆိုရာတွင် မေးခွန်းနံပါတ်စဉ်အလိုက် ဖြေဆိုဖို့ မကြိုးစားပါနှင့်။ စဖြေသည့်မေးခွန်းများသည် အမှန်ကန်ဆုံးဖြစ်ရန် လိုသည်။ အမှားများနိုင်သည့် မေးခွန်းမျိုး စဉ်းစားရန် ခက်ခဲသည့် မေးခွန်းမျိုးကို နောက်ဆုံးမှ ဖြေရန်။ သတ်မှတ်ချိန်မကုန်ခင်  အပုဒ်စေ့အောင်ဖြေပါ။

    (၁၁) ဖြေဆိုသည့်မေးခွန်းနံပါတ်စဉ် မှန်အောင်တက်ပါ။ နံပါတ်စဉ် မှားတက်မိလျှင်၊ မေးခွန်းနံပါတ်စဉ် လုံးဝမတက်မိလျှင် အမှတ်လုံးဝ မရပါ။ လက်ရေးပီသအောင်၊ အဖြေလွှာသပ်ရပ်မှုရှိအောင် အထူးဂရုစိုက်ပါ။

    (၁၂) သတ်မှတ်ထားသော ပုဒ်ရေထက် ပိုဖြေမိလျှင် ပထမဖြေခဲ့သော အပုဒ်ကိုသာ အမှန်ဟု ယူဆပြီး စစ်ဆေးပါလိမ့်မည်။ သတ်မှတ်ထားသော မေးခွန်းအရေအတွက်ထက်ပို၍ ဖြေဆိုမိခြင်းသည် အချိန်ကုန်၊ လူပမ်း၊ ကြီးမားသော ဆုံးရှုံးမှုကြီးတစ်ခုဖြစ်ရုံသာမက၊ စာစစ်သူ၏ အထင်သေးခြင်းကိုပါ ခံရနိုင်ပေရာ အထူးဂရုစိုက်ဖြေဆိုသင့်သည်။

    (၁၃) စာဖြေသူတိုင်းသည် စာမေးပွဲနီးလေလေ၊ စိုးရိမ်စိတ်လွန်ကဲလေလေဖြစ်ပြီး အအိပ်ပျက်၊ အစား ပျက် ဖြစ်တက်သည်။ စာဖြေသူတို့၏ နေ့စဉ် အသုံးပြုရသော စဉ်းစားဥာဏ်၊ မှတ်ဥာဏ်တို့သည်အိပ်ရေး၀၀အိပ်ခြင်းနှင့် လုံးဝပတ်သက်နေပေသည်။ အိပ်ရေးပျက်လျှင် ကိုယ်ခံစွမ်းအားများ လျှော့ကျကာ ကျန်းမာရေးထိခိုက်နိုင်သည်။ အိပ်ရေးပျက်လျှင် ကျက်မှတ်ထားသောစာများ ဦးနှောက်ထဲမှ ပေါ်ထွက်မလာခြင်း၊ စဉ်းစားရ ခက်ခဲခြင်းမျိုးကို ရင်ဆိုင်ကြုံတွေ့ရနိုင်သည်။

    (၁၄) စာဖြေသူသည် စာမေးပွဲဖြေဆိုနေစဉ်တွင် မေးခွန်းလွယ်နေလျှင် အရမ်းပျော်လွန်းပြီး ပေါ့ဆအမှား များ မှားတတ်သည်။ မေးခွန်းအတော်ခက်နေလျှင် ကြောက်ရွံ့စိုးရိမ်စိတ်လွန်ကဲပြီး၊ ကသောင်းက နင်းဖြစ်ကာ မှားတတ်ပါသည်။

    (၁၅) သတ်မှတ်ထားသော ဖြေဆိုချိန်(၃း၀၀)နာရီအတွင်း (၁၀)မှတ်တန်အတွက် အများဆုံးရရှိသော  အချိန်မှာ (၁၈)မိနစ်ဖြစ်ပြီး၊ တစ်မှတ်တန်အတွက် ရသောအချိန်မှာ (၁)မိနစ် (၄၈)စက္ကန့်ဖြစ်သည်ကို လုံးဝသတိပြုသင့်သည်။ ထို့ကြောင့် အချိန်မှန်ပြနိုင်သော နာရီတစ်ခုခုကို စာမေးပွဲဖြေဆိုရာတွင် ယူဆောင်သွားသင့်ပါသည်။

    (၁၆) စာဖြေသူသည် မိမိအတွက် ခက်သောမေးခွန်းနှင့် ရင်ဆိုင်ရလျှင် စိတ်ကိုအတတ်နိုင်ဆုံး တည်တည် ငြိမ်ငြိမ်ထားကာ အစွမ်းကုန် အကောင်းဆုံးကြိုးစားဖြေဆိုသင့်ပေသည်။

    (၁၇) အချိန်စော၍ မေးခွန်းအားလုံး ဖြေဆိုပြီးနေလျှင် စာမေးပွဲခန်းမထဲတွင် အဖြေလွှာများအား အကြိမ်ကြိမ် စစ်ဆေးနေသင့်ပါသည်။ သတ်မှတ်ချိန်မတိုင်မီ အချိန်စော၍ စာမေးပွဲခန်းထဲမှ ထွက်လာခြင်းမျိုးသည် မိမိ “ရွှေ” အခွင့်အရေးကို မိမိကိုယ်တိုင် လက်လွှတ် ဆုံးရှုံးခြင်းပင် ဖြစ်ပါသည်။

    (၁၈) ဘာသာရပ်တစ်ခုခု ဖြေဆိုပြီးတိုင်း၊ တစ်ဦးနှင့်တစ်ဦး အဖြေတိုက်ခြင်း၊ အဖြေညှိခြင်းတို့ကို ရှောင် ကြဉ်သင့်ပါသည်။ အချို့သော စာမေးပွဲ မေးခွန်းတို့၏ အဖြေများသည် တစ်ခုထက်မက ဖြစ်နိုင်ပေရာ မိမိအဖြေမှားလျှင် စိတ်ဓါတ်ရေးရာကျဆင်းမည်။ မိမိ အဖြေမှန်လျှင် ပျော်ရွှင်မှုလွန်ကဲ၍ ကျန်ဘာသာရပ်များတွင် အနှောက်အယှက်ဖြစ်နိုင်သည်။

    (၁၉) စာဖြေသူသည် ဖြတ်လမ်းအလွယ်လိုက်ကာ အနီးကပ်ခန့်မှန်း မေးခွန်းများကို ယုံစားပြီး စာမေးပွဲဖြေဆိုမည်ဆိုပါက တစ်နှစ်ပတ်လုံး ရင်းနှီးမြှုပ်နှံခဲ့သော အချိန်နှင့်ငွေသည် အချည်းအနှီးဖြစ်သွားနိုင်သည်။

    (၂၀) မေးခွန်းထုတ်သူတိုင်းသည် ပုံမှန်စာကြည့်သူတိုင်းအား၊ အောင်မှတ်ဖိုး အလွယ်တကူပေးထားတက်ပါသည်။ မိမိက ဥာဏ်ကိုလွှာ သုံး၍ ကြိုးစားဖြေဆိုပါက ဘာသာရပ်တိုင်းကို အလွယ်တကူဖြေဆို အောင်မြင်နိုင်ပါသည်။ စာသင်နှစ်စကတည်းက စနစ်တကျ၊ ကြိုတင်ပြင်ဆင်ထားခဲ့သောဝီရိယရှင်တိုင်းသည် လာမည့်တက္ကသိုလ်ဝင်တန်းစာမေးပွဲကို ဘာသာစုံဂုဏ်ထူးများစွာနှင့် အောင်မြင်မည်မှာ လုံးဝအသေအချာပင်။

    စာဖြေသူ၊ ကြိုးစားသူအားလုံးအောင်မြင်ထူးချွန်ကြပါစေ။

    ဆရာ ဂျက်ဖရီတင်အုန်း
    (ရန်ကုန်စက်မှုတက္ကသိုလ်)

  • အီးမေးလ်ကိုတီထွင်ခဲ့သူ အမေရိကန် ကွန်ပျူတာပညာရှင် ကွယ်လွန်

    အီးမေးလ်ကိုတီထွင်ခဲ့သူ အမေရိကန် ကွန်ပျူတာပညာရှင် ကွယ်လွန်

    မတ် ၈၊ ၂၀၁၆
    M-Media

    email

    – အီးမေးလ်ကို တီထွင်ခဲ့ပြီး အီးမေးလ်လိပ်စာများအတွက် @ သင်္ကေတကို ရွေးချယ်အသုံးပြုခဲ့သည့် နာမည်ကျော် နည်းပညာ ပညာရှင် ရေး တွမ်လီဆန်မှာ စနေနေ့က ကွယ်လွန်သွားခဲ့ပြီဟု သိရသည်။

    “နည်းပညာ စွန့်ဦးတီထွင်သူတစ်ယောက်ဖြစ်တဲ့ ရေးဟာ ကွန်ပျူတာတွေ ချိတ်ဆက်အသုံးပြုတဲ့ အစောပိုင်းကာလမှာ ကျွန်တော်တို့ဆီ အီးမေးလ်ကို ဆောင်ကျဉ်းလာခဲ့သူ ဖြစ်ပါတယ်” ဟု ၎င်း၏ ပြာရေးဆိုခွင့်ရှိသူ မိုက် ဒိုဘလီက ရေး သေဆုံးကြောင်း အတည်ပြုသည့် ကြေငြာချက်တွင် ဖော်ပြခဲ့သည်။

    အသက် ၇၄ နှစ်အရွယ်ရှိ ရေးမှာ နှလုံးရောဂါဖြင့် ကွယ်လွန်ခဲ့ခြင်းဖြစ်သည်။ အမေရိကန် ပရိုဂရမ်မာတစ်ယောက်ဖြစ်သူ ရေးမှာ ၁၉၇၁ ခုနှစ်က ကွန်ပျူတာကွန်ယက်တစ်ခုမှ အခြားကွန်ယက်တစ်ခုသို့ ပေးပို့နိုင်သော အီလက်ထရောနစ် စာပို့စနစ်ကို တီထွင်ခဲ့သူဖြစ်ပြီး အီးမေးလ်လိပ်စာများတွင် @ သင်္ကေတ ထည့်သွင်းအသုံးပြုမှုကိုလည်း ၎င်းကပင် စတင်ခဲ့သည်။

    ထို့ပြင် အင်တာနက်၏ အစောပိုင်း ပုံစံဖြစ်သော Arpanet စနစ် ဖော်ဆောင်ရာတွင်လည်း အရေးပါသည့် အခန်းကဏ္ဍက ပါဝင်ခဲ့သူဖြစ်သည်။

    Ref: IINA

  • နိုင်ငံခြားဘဏ်သစ် ၄ ခုကို မြန်မာက ထပ်မံလုပ်ကိုင်ခွင့်ပြု

    နိုင်ငံခြားဘဏ်သစ် ၄ ခုကို မြန်မာက ထပ်မံလုပ်ကိုင်ခွင့်ပြု

    မတ် ၈၊ ၂၀၁၆
    M-Media

    yangon

    – မြန်မာနိုင်ငံအတွင်း ဘဏ်လုပ်ငန်းများ လုပ်ကိုင်ဆောင်ရွက်ရန်အတွက် နိုင်ငံခြား ဘဏ်သစ် ၄ ခုကို မြန်မာအစိုးရက ကနဦးခွင့်ပြုချက် ပေးလိုက်ပြီဟု သိရသည်။

    အဆိုပါဘဏ်များမှာ ဗီယက်နမ်မှ ရင်းနှီးမြှုပ်နှံမှုနှင့် ဖွံ့ဖြိုးတိုးတက်ရေးဘဏ်၊ ထိုင်ဝမ်မှ E.Sun ကုန်သွယ်ရေးဘဏ်၊ တောင်ကိုရီးယားမှ Shinhan ဘဏ်နှင့် အိန္ဒိယအစိုးရဘဏ်တို့ ဖြစ်ကြသည်ဟု ဗဟိုဘဏ်၏ ပြောကြားမှုကို ကိုးကား၍ Global News Light of Myanmar က တနင်္ဂနွေနေ့တွင် ဖော်ပြခဲ့သည်။

    မြန်မာနိုင်ငံတွင် လက်ရှိအချိန်၌ နိုင်ငံခြားဘဏ် ၁၃ ခုကို ဖွင့်လှစ်ခွင့်ပေးထားပြီး အချို့သာ ဖွင့်လှစ်နိုင်သေးကာ အများစုမှာ စည်းမျဉ်းစည်းကမ်းများနှင့် ကိုညီမှုရှိစေရန် ဆောင်ရွက်နေသည့် အနေအထားတွင် ရှိနေသည်။

    ပြီးခဲ့သည့်နှစ် ဧပြီလက ဂျပန်နိုင်ငံမှ Tokyo-Mitsubishi UFJ (BTMU) မှာ မြန်မာနိုင်ငံတွင် ပထမဆုံး လုပ်ကိုင်ခွင့်ရသည့် နိုင်ငံခြားဘဏ် ဖြစ်လာခဲ့ပြီး အခြား လုပ်ကိုင်ခွင့်ရသူများတွင် ဂျပန်မှ SMBC ဘဏ်၊ စင်ကာပူမှ OCBC ဘဏ်တို့ ပါဝင်သည်။

    Ref: Channelnewsasia

  • မြစ်ဆုံစီမံကိန်းပြဿနာ ပြေလည်ရန် ကြိုးစားနေသည်ဟု တရုတ်ပြော

    မြစ်ဆုံစီမံကိန်းပြဿနာ ပြေလည်ရန် ကြိုးစားနေသည်ဟု တရုတ်ပြော

    မတ် ၈၊ ၂၀၁၆
    M-Media

    မြစ်ဆုံရှိ မြင်ကွင်းတစ်ခု

    – မြန်မာပြည်သူလူထု၏ ကန့်ကွက်မှုကြောင့် ရပ်ဆိုင်းထားရသည့် မြစ်ဆုံစီမံကိန်း ပြဿနာကို ဖြေရှင်းရန်အတွက် မိမိတို့က ကြိုးပမ်းနေသည်ဟု တရုတ်နိုင်ငံခြားရေးဝန်ကြီးက ယနေ့တွင် ပြောကြားလိုက်ပြီး၊ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်၏ ပါတီမှ ဦးဆောင်မည့် အစိုးရအပေါ် ယုံကြည်မှုရှိသည်ဟုလည်း ဆိုသည်။

    တရုတ်နိုင်ငံက ရင်းနှီးမြှုပ်နှံထားပြီး ကန်ဒေါ်လာ ၃၆ ဘီလီယံ တန်ဖိုးရှိသည့် မြစ်ဆုံဆည် စီမံကိန်းကို ၂၀၁၁ ခုနှစ်တွင် သမ္မတဦးသိန်းစိန်က ရပ်ဆိုင်းခဲ့သည်။ အဆိုပါဆည်မှ ထွက်ရှိမည့် လျှပ်စစ်ဓာတ်အား၏ ၉၀ ရာခိုင်နှုန်းမှာ တရုတ်နိုင်ငံသို့ သွားမည်ဖြစ်သည်။

    မြစ်ဆုံအပြင် ပြည်သူများက ဆန့်ကျင်ဆန္ဒပြခဲ့သော လက်ပံတောင်းကြေးနီစီမံကိန်း၊ မြန်မာနိုင်ငံကို ကန့်လန့်ဖြတ်၍ သွယ်တန်းထားသော ရေနံနှင့် သဘာဝဓာတ်ငွေ့ပိုင်းလိုင်းများ အပါအ၀င် မြန်မာနိုင်ငံအတွင်း တရုတ်နိုင်ငံက ဆောင်ရွက်မည့် အခြားသော စီမံကိန်းများမှာလည်း အငြင်းပွားဖွယ် ဖြစ်နေသည်။

    “မြစ်ဆုံဆည်ဟာ စီးပွားရေးပူးပေါင်းဆောင်ရွက်မှု စီမံကိန်းဖြစ်ပြီး၊ ခွင့်ပြုမိန့်အားလုံး ရပြီးပါပြီ။ ပူးပေါင်းဆောင်ရွက်မှုမှာ အခက်အခဲတွေရှိနေတာက အဖုအထစ်တွေကို မြင့်တက်စေပါတယ်။ နှစ်နိုင်ငံစလုံးဟာ ဒီအခြေအနေကို ဖေးဖေးမမနဲ့ ကောင်းကောင်းမွန်မွန် ဆက်လက်ကိုင်တွယ်ဖို့ လိုအပ်ပါတယ်။ တရုတ်-မြန်မာ ဆက်ဆံရေးဟာ အနာဂတ်မှာ အပြန်အလှန်အကျိုးရှိမယ့် ပူးပေါင်းဆောင်ရွက်မှုမျိုး ဖြစ်မယ်လို့ ကျွန်တော်တို့ ယုံကြည်ပါတယ်” ဟု တရုတ်နိုင်ငံခြားရေးဝန်ကြီး ၀မ်ယီက တရုတ်ပါလီမန် နှစ်ပတ်လည် တွေ့ဆုံဆွေးနွေးပွဲပြီးနောက် ပြုလုပ်ခဲ့သည့် သတင်းစာရှင်းလင်းပွဲတွင် ပြောကြားခဲ့သည်။

    သို့သော်လည်း မြစ်ဆုံကိစ္စအား မည်သည့်အချိန်၌ မည်ကဲ့သို့ ဖြေရှင်းမည်ဆိုခြင်းကို ထုတ်ဖော် ပြောဆိုခဲ့ခြင်း မရှိပေ။

    တရုတ်နိုင်ငံမှာ ယခင် စစ်အာဏာရှင်အစိုးရနှင့် နီးကပ်သော ဆက်ဆံရေးရှိပြီး ယခုအစိုးရသစ် လက်ထက်တွင်လည်း ဆက်ဆံရေးကို ပြောင်းလဲသွားမည်မဟုတ်ဟု ၀မ်ယီက ထည့်သွင်းပြောကြားခဲ့သည်။

    “အောင်ဆန်းစုကြည်နဲ့ သူဦးဆောင်တဲ့ NLD ဟာ အမြဲတမ်း တရုတ်နိုင်ငံနဲ့ နွေးထွေးတဲ့ဆက်ဆံရေး၊ အပြန်အလှန်နားလည်မှုရှိပြီး ယုံကြည်မှုကလည်း ဆက်လက် တိုးတက်နေပါတယ်။ မြန်မာနိုင်ငံရဲ့ အနာဂတ်အတွက် ကျွန်တော်တို့မှာ ယုံကြည်မှု အပြည့်အ၀ ရှိပါတယ်”

    Ref: Reuters