မတ် ၂၊ ၂၀၁၆
M-Media
– မြန်မာနိုင်ငံမှ ရွှေ့ပြောင်းလုပ်သားများအပေါ် ခေါင်းပုံဖြတ်အမြတ်ထုတ်မှုအတွက် နစ်နာကြေးအဖြစ် ကန်ဒေါ်လာ ၁.၃ သန်းပေးအပ်ရန် ထိုင်း ငါးလုပ်ငန်းတစ်ခုက သဘောတူလိုက်ပြီး ကျွန်ပြုခိုင်းစေမှုများရှိသည်ဟု မကောင်းသတင်းများ ထွက်ပေါ်ခဲ့သည့် ထိုင်းပင်လယ်စာလုပ်တွင် လုပ်ကိုင်နေရသော ရွှေ့ပြောင်းလုပ်သားများအတွက် ရှားပါးသည့် အောင်မြင်မှုဖြစ်သည်။
လျော်ကြေပေးမည့် ကုမ္ပဏီမှာ Golden Prize Tuna Canning ဖြစ်ပြီး စမွတ် ဆက်ခ်ဟွန်ဒေသ၌ အခြေစိုက်သော အဆိုပါ ကုမ္ပဏီမှာ ကမ္ဘာတစ်ဝှမ်းသို့ ငါးများ တင်ပို့နေသည့် လုပ်ငန်းတစ်ခုလည်း ဖြစ်သည်။ အလုပ်သမားများ၏ လုပ်ငန်းခွင်အခြေအနေများအပေါ် အမြတ်ထုတ်မှုအတွက် နစ်နာကြေးရရှိရန် အလုပ်သမားအဖွဲ့အစည်းများက လအနည်းငယ် ကြိုးပမ်းခဲ့ရပြီး ရာနှင့်ချီသော မြန်မာလုပ်သားများမှာ ထိုနစ်နာကြေးကို ခံစားရမည်ဖြစ်သည်။
လူ့အခွင့်အရေးအဖွဲ့များကမူ Golden Prize မှာ အလုပ်သမားများကို အစိုးရက သတ်မှထားသည့်လစာထက် လျှော့ပေးခြင်း၊ အလုပ်သမားခေါင်းများက အလုပ်သမားများအပေါ် ရိုင်းပျစွာ ဆက်ဆံခြင်းနှင့် လုပ်ငန်းခွင် ထိခိုက်ဒဏ်ရာရမှုများအတွက် နစ်နာကြေးပေးမှုမရှိခြင်း စသည့် ဥပဒေချိုးဖောက်မှုများကို အချိန်အတော်ကြာကတည်းက လုပ်ဆောင်နေသည့် ကုမ္ပဏီဖြစ်သည်ဟု ဆိုသည်။
ထိုကဲ့သို့သော အခြေအနေများကြောင့် ပြီးခဲ့သည့်တစ်ပတ်က အလုပ်သမား ၁၀၀၀ ကျော်မှာ သပိတ်မှောက်မှုများ ပြုလုပ်ခဲ့ကာ ကုမ္ပဏီ ကိုယ်စားလှယ်များက စစ်ဖက်ဆိုင်ရာနှင့် အစိုးရတာဝန်ရှိသူများ၊ ရွှေ့ပြောင်းအလုပ်သမားခေါင်းဆောင်များနှင့် ဆွေးနွေးမှုများ ပြုလုပ်ခဲ့ပြီး နစ်နာကြေးပေးရန် တနင်္လာနေ့တွင် သဘောတူခဲ့ခြင်းဖြစ်သည်။ ထိုစက်ရုံတွင် လုပ်ကိုင်နေသည့် လုပ်သားများမှာ ၂၀၀၀ ကျော်ရှိနေပြီး အများစုမှာ မြန်မာနိုင်ငံမှဖြစ်သည်။
ထိုင်းနိုင်ငံမှာ ကမ္ဘာ့ တတိယအကြီးဆုံး ပင်လယ်စာတင်ပို့သည့် နိုင်ငံဖြစ်သော်လည်း ထိုလုပ်ငန်းတွင် အိမ်နီးချင်း မြန်မာနှင့် ကမ္ဘောဒီယားနိုင်ငံတို့မှ လုပ်သားများအပေါ် လူ့အခွင့်အရေးချိုးဖောက်မှုများ၊ ကျွန်ပြုခိုင်းစေမှုများကြောင့် နာမည်ပျက်များရှိနေပြီး ထိုင်းအစိုးရနှင့် နိုင်ငံတကာမှ စုံစမ်စစ်ဆေးမှုများကို ခံနေရသည်။
Ref: The Guardian
