မတ် ၁၊ ၂၀၁၆
M-Media
– ခြင်မှတစ်ဆင့် ကူးစက်သည့် ဇီကာဗိုင်းရပ်ပိုးကြောင့် ဖြစ်ပွားနိုင်ဖွယ်ရှိသော ရောဂါမှာ Guillain-Barré Syndrome (GBS) ဟု ခေါ်သည့် အာရုံကြောမူမမှန်သည့် ရောဂါဖြစ်သည်ဟု လေ့လာမှုအသစ်ရ သိရှိရသည်။
အဆိုပါ GBS ရောဂါမှာ အာရုံကြောစနစ် အစိတ်အပိုင်းအား ထိခိုက်မှုကို ဖြစ်စေပြီး ဇီကာဗိုင်းရပ်စ် ကူးစက်နေသည့် လူနာ ၄၂ ဦးတွင် ထိုရောဂါလက္ခဏာများ ပြသနေသည်ကို လေ့လာမှုက ဖော်ပြနေကာ တွေ့ရှိချက်ကို Lancet ဆေးဘက်ဆိုင်ရာဂျာနယ်တွင် ဖော်ပြထားသည်။
ဇီကာကြောင့်ဖြစ်သည့် အာရုံကြောဆိုင်ရာ ရောဂါလက္ခဏာများတွင် တစ်ကိုယ်လုံးသေသွားခြင်း၊ အသက်ရှုလမ်းကြောင်းဆိုင်ရာ ပြဿနာကြောင့် ပြင်ပအကူအညီဖြင့် အသက်ရှုရခြင်းတို့ ပါဝင်သည်ဟု ဆိုသည်။ သို့သော်လည်း ယခုအချိန်အထိ သေဆုံးမှုဖြစ်စဉ်ကို မတွေ့ရသေးပေ။
“ဒါဟာ ဇီကာဗိုင်းရပ်စ်ကူးစက်မှုက Guillain-Barré Syndrome ရောဂါ ဖြစ်ပွားနိုင်တယ်ဆိုတဲ့ အထောက်အထားကို ရရှိခဲ့တဲ့ ပထမဆုံး လေ့လာမှုပါပဲ။ ဇီကာဗိုင်းရပ်စ်ဟာ အမေရိကတစ်ဝှမ်းမှာ အလျင်အမြန် ပြန့်နှံ့နေတာကြောင့် အဲဒီနိုင်ငံတွေနေအနဲ့ Guillain-Barré Syndrome ရောဂါရှိနေတဲ့ လူနာတွေကို အသေအချာ ကုသနိုင်ရေး လုံလုံလောက်လောက်ပြင်ဆင်ထားဖို့ လိုအပ်ပါတယ်” ဟု တွေ့ရှိချက်တွင် ဖော်ပြထားသည်။
ကမ္ဘာ့ကျန်းမာရေးအဖွဲ့ WHO ကမူ ဇီကာဗိုင်းရပ်စ် ကူးစက်မှုကို ကမ္ဘာ့ ကျန်းမာရေး အရေးအပေါ်အခြေအနေအဖြစ် ဖေဖော်ဝါရီလကတည်းက ကြေငြာထားခဲ့သည်။
Ref: Aljazeera
