ဖေဖော်ဝါရီ ၁၈၊ ၂၀၁၆
M-Media
– ရေနံမှီခိုသော တိုင်းပြည်၏စီးပွားရေး ပြိုလဲမှုမှ ကာကွယ်ရန်အတွက် ဗင်နီဇွဲလားနိုင်ငံမှာ နိုင်ငံ၏ ငွေကြေးတန်ဖိုးကို ချခဲ့ပြီး ရေနံဈေးနှုန်းကို အဆ ၆၀ တိုးလိုက်သည်ဟု သိရသည်။
သမ္မတ နီကိုလက်စ်မာဒူရိုက ယနေ့တွင် ကြေငြာခဲ့ခြင်းဖြစ်ပြီး ထို့ကြောင့် ရေနံတစ်လီတာကို ၀.၁ ဘိုလီဗာမှ ၆ ဘိုလီဗာအထိ မြင့်တက်လာခဲ့သည်။ ထို့ပြင် ငွေလဲနှုန်းကိုလည်း အမေရိကန်တစ်ဒေါ်လာကို ၆.၃ ဘိုလီဗာမှ ၁၀ ဘိုလီဗာအထိ မြှင့်တင်လိုက်သည်။
ဗင်နီဇွဲလားမှာ ကမ္ဘာ့ရေနံထုတ်လုပ်သည့် ထိပ်တန်းနိုင်ငံများထဲမှ တစ်နိုင်ငံဖြစ်ပြီး၊ ကမ္ဘာ့ဓာတ်ဆီဈေးကွက်ကိုလည်း ဖြည့်ဆည်းပေးနေသည့် နိုင်ငံဖြစ်သည်။ သို့သော်လည်း ၂၀၁၄ ခုနှစ် အလယ်ပိုင်းမှစ၍ ရေနံဈေးနှုန်းကျဆင်းမှုကြောင့် စီးပွားရေးမှာ ယိုင်နဲ့လာခြင်းဖြစ်သည်။
ယခုကဲ့သို့ ရေနံဈေးတက်မှုနှင့် ငွေကြေးတန်ဖိုးချမှုမှာ ဟင်းချက်ဆီနှင့် အိမ်သာသုံးစက္ကူများကဲ့သို့ အခြေခံကုန်ပစ္စည်း ပြတ်လတ်မှုများကို ကြုံတွေ့နေရသည့် ဗင်နီဇွဲလားပြည်သူများ၏ ဆန့်ကျင်မှုကို ကြုံတွေ့ရဖွယ်ရှိနေသည်။
ဂျပန်ကားထုတ်လုပ်ရေးဖြစ်သော တိုယိုတာကုမ္ပဏီမှာ ၂၀၀၅ ခုနှစ် ဇူလိုင်လမှ ၂၀၁၄ ခုနှစ် သြဂုတ်လအကြား ထုတ်လုပ်ခဲ့သော RAV4 4×4 ကား ၂.၈၇ သန်းကို ထိုင်ခုံခါးပတ် ပြဿနာကြောင့် ကမ္ဘာတစ်ဝှမ်းမှ ပြန်လည်သိမ်းယူမည်ဟု ယနေ့တွင် ကြေငြာခဲ့သည်။
ထို့ကဲ့သို့ ပြန်လည်သိမ်းယူမှုတွင် မြောက်အမေရိကမှ အရေအတွက် ၁.၃၃ သန်း၊ ဥရောပမှ ၆၂၅၀၀၀ စီး၊ တရုတ်ပြည်မှ ၄၃၄၀၀၀ စီးနှင့် ဂျပန်နိုင်ငံမှ ၁၇၇၀၀၀ စီးတို့ ပါဝင်မည်ဖြစ်သည်။ ဂျပန်နိုင်ငံတွင်မူ အဆိုပါကား အရေအတွက် ၁၀၉၀၀၀ စီးကို ဆီတိုင်ကီပြဿနာကြောင့် ထပ်မံသိမ်းယူရန် စီစဉ်နေသည်။
Ref: Aljazeera
