ဧပြီ ၁၂၊ ၂၀၂၂
M-Media
-ရုရှားတပ်ဖွဲ့တွေဟာ ယူကရိန်းအမျိုးသမီးတွေအပေါ် အဓမ္မကျင့်မှု၊ လိင်ပိုင်းဆိုင်ရာ စော်ကားမှု မှတ်တမ်းတွေ အများအပြား ရရှိထားတယ်လို့ ယူကရိန်း လူ့အခွင့်အရေး စောင့်ကြည့်ရေးအဖွဲ့က ကုလလုံခြုံရေးကောင်စီ အစည်းအ၀ေးမှာ ပြောကြားလိုက်ပါတယ်။
La Strada-Ukraine အဖွဲ့ ဥက္ကဌ ကတ်တာရီနာ ချီရီပက်ဟာက ရုရှားစစ်သားတွေရဲ့ အဓမ္မကျင့်မှု ၉ ခုအကြောင်း တိုင်ကြားမှု ရရှိထာပြီး ပြုကျင့်ခံရသူတွေဟာ အမျိုးသမီးတွေနဲ့ မိန်းကလေးငယ် စုစုပေါင်း ၁၂ ယောက်ဖြစ်တယ်လို့ ပြောပါတယ်။
“ဒါဟာ အစပဲရှိသေးပြီး နောက်ထပ် အများကြီး ရှိအုံးမှာပါ။ ကျွန်မတို့ သိနေတယ်၊ မြင်နေရတယ်။ ကျွန်မတို့ရဲ့အသံကိုလည်း ကြားစေချင်ပါတယ်။ ယူကရိန်းမှာ ရုရှားကျူးကျော်သူတွေဟာ အဓမ္မကျင့်မှုကို လက်နက်တစ်ခုသဖွယ် အသုံးပြုနေပါတယ်”
ရုရှားတပ်ဖွဲ့တွေဟာ အုပ်စုဖွဲ့အဓမ္မကျင့်မှု၊ ကလေးငယ်တွေအရှေ့မှာ အဓမ္မကျင့်မှုအပါအ၀င် လိင်ပိုင်းဆိုင်ရာ အကြမ်းဖက်မှုတွေရှိတယ်ဆိုတဲ့ သတင်းတွေအတွက် စုံစမ်းစစ်ဆေးမှု လုပ်ဆောင်နေကြောင်း ကုလသမဂ္ဂက ပြီးခဲ့တဲ့ သီတင်းပတ်မှာ ထုတ်ပြန်ခဲ့ပါတယ်။
စုံစမ်းစစ်ဆေးမှုမှာ ယူကရိန်းတပ်ဖွဲ့တွေ၊ ပြည်သူ့စစ်တွေ လိင်ပိုင်းဆိုင်ရာ ကျူးလွန်တယ်ဆိုတဲ့ စွပ်စွဲမှုတွေလည်း ပါ၀င်ပါတယ်။
ကုလဆိုင်ရာ ရုရှားသံအမတ် ဒီမီထရီ ပိုလီယန်စကီးက ဒီသတင်းတွေကို ငြင်းဆန်ခဲ့ပြီး အနောက်နိုင်ငံတွေဟာ ရုရှားစစ်သားတွေကို မုဒိမ်းကောင်တွေအဖြစ် ပုံဖော်နေတယ်လို့ တုန့်ပြန်ပြောဆိုခဲ့ပါတယ်။
Ref: Reuters
