သြဂုတ် ၂၅၊ ၂၀၂၄
M-Media
-လက်ဘနွန်တောင်ပိုင်းက နေရာအများအပြားကို အစ္စရေးက ဒီနေ့မနက်မှာ လေကြောင်းကနေ တိုက်ခိုက်ခဲ့ပါတယ်။
လက်ဘနွန်အခြေစိုက် ဟစ်ဇ်ဘိုလာအဖွဲ့ရဲ့ ပစ်မှတ်တွေကို တိုက်ခိုက်တာလို့ အစ္စရေးက ထုတ်ပြန်ခဲ့ပြီး ဟစ်ဇ်ဘိုလာကလည်း ရာနဲ့ချီတဲ့ ဒုံးကျည်တွေ၊ ဒရုန်းတွေနဲ့ အစ္စရေးဖက်ကို ပြန်လည် ပစ်ခတ် တိုက်ခိုက်ခဲ့ပါတယ်။
အစ္စရေးရဲ့ တိုက်ခိုက်မှုအတွင်း တပ်ဖွဲ့၀င် နှစ်ဦး သေဆုံးခဲ့တယ်လို့ ဟစ်ဇ်ဘိုလာက ထုတ်ပြန်ပါတယ်။ ဒီအဖွဲ့ဟာ အီရန်ကျောထောက်နောက်ခံပြု လက်နက်ကိုင်အဖွဲ့ဖြစ်ပြီး ပါလက်စတိုင်းတွေအပေါ် အစ္စရေးရဲ့ အကြမ်းဖက်မှုတွေအတွက် လက်တုန့်ပြန် တိုက်ခိုက်နေတဲ့ အဖွဲ့လည်းဖြစ်ပါတယ်။
ယီမင်က အီရန်ကျောထောက်နောက်ခံပြု ဟူသီအဖွဲ့ကလည်း ဟစ်ဇ်ဘိုလာရဲ့ အင်အားနဲ့ တုန့်ပြန်မှုကို ချီးကျူးခဲ့ပြီး အစ္စရေးကို ရင်ဆိုင်ရာမှာ သူတို့လည်း ပါ၀င်သွားမယ်လို့ ထုတ်ပြန်ခဲ့ပါတယ်။
Ref: Aljazeera
(ဓာတ်ပုံ- ဟစ်ဇ်ဘိုလာ၏ လက်တုန့်ပြန် တိုက်ခိုက်မှုကြောင့် အစ္စရေးအတွင်း ပျက်ဆီးမှုများ)
