M-Media
iPhone 16 ရောင်းချမှုကို အင်ဒိုပိတ်မည်
—————
မိခင်ကုမ္ပဏီ Apple က ရင်းနှီးမြှုပ်နှံမှုနဲ့ တင်သွင်းရောင်းချမှု စည်းမျဥ်းစည်းကမ်းတွေကို မလိုက်နာတဲ့အတွက် iPhone 16 ရောင်းချခွင့်ကို ပိတ်ပင်မယ်လို့ အင်ဒိုနီးရှားက ထုတ်ပြန်ပါတယ်။ Apple ရဲ့ တင်သွင်းရောင်းချခွင့် လိုင်စင်ဟာ သက်တမ်းကုန်နေသလို၊ ဒေါ်လာ သန်း ၁၀၀ ရင်းနှီးမြှုပ်နှံမယ်လို့ ကတိပြုထားရာမှာလည်း ၉၄ သန်းကျော်သာ ရင်းနှီးမြှုပ်နှံထားတာ ဖြစ်ပါတယ်။
တောင်တရုတ်ပင်လယ်အရေးအတွက် အာဆီယံကို ဖိလစ်ပိုင် ဖိအားပေး
————
တောင်တရုတ်ပင်လယ်မှာ လိုက်နာရမယ့် ကျင့်၀တ်တွေနဲ့ပတ်သက်ပြီး ဆွေးနွေးညှိနှိုင်းဖို့အတွက် အာဆီယံခေါင်းဆောင်တွေနဲ့ တရုတ်၀န်ကြီးချုပ်ကို အာဆီယံအစည်းအ၀ေးမှာ ဖိလစ်ပိုင်သမ္မတ မားကို့စ်က ဖိအားပေးခဲ့ပါတယ်။ တရုတ်ဟာ ဖိလစ်ပိုင်ကို ခြိမ်းခြောက်မှုတွေ လုပ်နေတယ်လို့လည်း သူက စွပ်စွဲခဲ့ပါတယ်။
ကိုရီးယားစာရေးဆရာမ နိုဘယ်ဆုရရှိ
————-
၂၀၂၄ ခုနှစ်အတွက် စာပေနိုဘယ်ဆုကို တောင်ကိုရီးယား စာရေးဆရာမ ဟန်ကန်က ရရှိခဲ့ပါတယ်။ ၁၉၉၃ ခုနှစ်မှာ ကဗျာနဲ့ စာပေလောကထဲ ၀င်ရောက်လာပြီးနောက် The Vegetarian၊ Your Cold Hands၊ Scars စတဲ့ ၀တ္ထုတွေနဲ့ ကျော်ကြားခဲ့ပါတယ်။ The Vegetarian ဟာ အင်္ဂလိပ်စာပေကို ပထမဆုံး ပြန်ဆိုရတဲ့ ကိုရီးယား၀တ္ထုဖြစ်ပါတယ်။ တောင်ကိုရီးယားရဲ့ နိုဘယ်ဆုရ ပထမဆုံး စာရေးဆရာမအဖြစ် မှတ်တမ်း၀င်တဲ့ ဟန်ကန်ဟာ ဆုကြေး အမေရိကန်ဒေါ်လာ ၁ သန်း ရရှိမှာ ဖြစ်ပါတယ်။
Ref: CNA