ရွှေမန်းမောင် ဦးဘသိန်းကို ၁၉၂၅ခု၊ ဒီဇင်ဘာလ(၂၆)ရက် (စနေ)နေ့တွင် မန္တလေးမြို့၊ စစ်ကိုင်းတန်းရပ်၊ ၈၃လမ်းတွင် ဖွားမြင်သည်။
၁၉၄၄-၄၅ခု၊ ဂျပန်ခေတ်တွင် အာရှလူငယ်အဖွဲ့၏ ကာယဗလမှူး အဖြစ် အမရပူရတိုက်နယ်၊ ဘုံးအိုးရွာ တွင်တာဝန်ယူ ဆောင်ရွက် ခဲ့သည်။ ၁၉၄၆ခု၊ အထက်မြန်မာပြည် အလေးမပြိုင်ပွဲ (၁၄၈)ပေါင်တန်းတွင် ချန်ပီယံဆုရရှိခဲ့ပြီး ၁၉၄၇-၄၈ ခုနှစ်များတွင်လည်း ဆက်တိုက်ရရှိခဲ့သည်။
၁၉၄၇ခု၊ ‘ဓားတန်းအလေးမအသင်း’ စတင်ဖွဲ့စည်းရာတွင် ဦးဆောင်ပါဝင်ခဲ့သည်။ ၁၉၄၉ခုနှစ်တွင် ‘ရွှေမန်းမောင်’ ဘွဲ့ရခဲ့သည်။ ၁၉၅၀ မှ ၅၆ အထိ မြန်မာပြည်အလေးမပြိုင်ပွဲများ၌ ဗိုလ်စွဲခဲ့သည်။
၁၉၅၁-ခု၊ အိန္ဒိယနိုင်ငံ၊ နယူးဒေလီမြို့တွင်ကျင်းပသော ပထမအကြိမ် အာရှအားကစားပြိုင်ပွဲ၊ (၁၆၅)ပေါင်တန်း အလေးမပြိုင်ပွဲ၌ တတိယရရှိခဲ့သည်။ အရပ် ၅-ပေ၊ ၉-လက်မ အထက် အာရှမောင် ပြိုင်ပွဲတွင် ဒုတိယ ရရှိခဲ့သည်။
၁၉၅၁ ခုနှစ် နယူးဒေလီမှာ ပြုလုပ်တဲ့ ပထမအကြိမ် အာရှအားကစားပြိုင်ပွဲ အာရှမောင်ပြိုင်ပွဲ ဒုတိယဆုရရှိခဲ့စဉ် ပြိုင်ပွဲဝင်ဟန် ဓါတ်ပုံ – ဦးသိန်းထွဋ် FB
၁၉၅၅-ခု မှ ၁၉၈၈ အထိ ဓားတန်းအလေးမအသင်းတွင် ဥက္ကဌအဖြစ် တာဝန်ထမ်းဆောင်ခဲ့သည်။ ၁၉၅၆- ခုတွင် မြန်မာပြည် အိုလံပစ်အလေးမပြိုင်ပွဲ၌ ပထမရရှိပြီး ၁၉၃၆-ခုနှစ်က ဆရာဦးဇော်ဝိတ်၏အနှစ်(၂၀)ကြာ ထိန်းသိမ်းထားခဲ့သော အနှေးမစံချိန်ကို ပထမဆုံး တရားဝင် စံချိန်ချိုးနိုင်ခဲ့သည်။
၁၉၆၅-ခု အပြည်ပြည်ဆိုင်ရာ အလေးမဒိုင်လူကြီးအဆင့်(၂)အဖြစ်လည်းကောင်း၊ ၁၉၇၂-ခုတွင် အဆင့် (၁) အဖြစ် ဒိုင်လူကြီးလက်မှတ်ရရှိခဲ့ပြီး ၁၉၆၅-မှ-၇၅ခုအထိ ‘မြန်မာနိုင်ငံအလေးမအဖွဲ့ချုပ်’၊ အမှုဆောင်
တာဝန်ထမ်းခဲ့သည်။
၁၉၆၉-ခု၊ ရန်ကုန်မြို့ (၅)ကြိမ်မြောက်ကျွန်းဆွယ်ပြိုင်ပွဲတွင် မြန်မာအလေးမအသင်း အုပ်ချုပ်သူအဖြစ် ဆောင်ရွက်ခဲ့သည်။ ၁၉၇၅-ခု၊ ထိုင်းနိုင်ငံတွင် ကျင်းပသော(၈)ကြိမ်မြောက်ကျွန်းဆွယ်ပြိုင်ပွဲ၌ အလေးမ ဒိုင်ချုပ်အဖြစ်ဆောင်ရွက်ခဲ့သည်။
၁၉၆၇-မှ-၇၄ ထိ၊ မန္တလေး-ဗထူးအားကစားကွင်း အုပ်ချုပ်မှုကော်မတီ အကျိုးဆောင် အတွင်းရေးမှူးအဖြစ် ဆောင်ရွက်ခဲ့သည်။ ၁၉၆၄-ခု မှ ကွယ်လွန်သည့် ၂၀၀၃-ခုနှစ်အထိ၊ မန္တလေးတိုင်း၊အား/ကာအဖွဲ့ဝင်၊ အလေးမ နှင့် ကာယဗလမောင်ဆပ်ကော်မတီများတွင် ဥက္ကဌ၊ ဘောလုံးဆပ်ကော်မတီတွင် အဖွဲ့ဝင် အသီးသီး ဆောင်ရွက်ခဲ့သည်။
ဓားတန်းအလေးမအသင်း မှ လူငယ်များနှင့် အတူ ဓါတ်ပုံ ဦးသိန်းထွဋ် FB
၁၉၉၆ခု၊ ရန်ကုန်တွင်ကျင်းပသော ဒုတိယအကြိမ်မြောက် အရှေ့တောင်အာရှကာယဗလပြိုင်ပွဲတွင် ပြုလုပ်သော Managers’ meeting and Judges’ meeting သို့ လေ့လာသူအဖြစ် တက်ရောက်ခဲ့သည်။
၁၉၅၅ခု၊ ဧပြီလ (၁)ရက်နေ့မှစ၍ မြန်မာနိုင်ငံကာယဗလနှင့် ကာယအလှအဖွဲ့ချုပ်၏ အထက်မြန်မာနိုင်ငံကိုယ်စားပြု အမှုဆောင်အဖြစ် တာဝန်ပေးအပ်ခံရသည်။
မန္တလေးတိုင်းဂုဏ်ဆောင်၊ မြန်မာ့အလေးမဂုဏ်ဆောင် ရွှေမန်းမောင် ဦးဘသိန်းသည် ၂၀၀၃ခု၊ ဇန်န၀ါရီ (၂၁)ရက် (ကြာသပတေး)နေ့ တွင် အရှင်မြတ်အမိန့်တော်ခံယူသည်။ ဇနီး ဒေါ်ခင်ခင်အေးနှင့် သားသုံးဦးကျန်ရစ်ခဲ့သည်။
2008 ခုနှစ်ထုတ် မန္တလေးမြို့လုံးဆိုင်ရာ မဟာတမန်တော်နေ့ စိန်ရတု မဂ္ဂဇင်း မှ ကူးယူဖော်ပြသည်။
ဓါတ်ပုံများကို ဦးဘသိန်း ၏ သားဖြစ်သူ ဦးသိန်းထွဋ်၏ FB စာမျက်နှာမှာ ရရှိ ဖော်ပြပါသည်။
