Blog

ဟီဂျဘ်ဖြင့်ဓာတ်ပုံကို ခွင့်ပြုချက်မရှိဘဲ အသုံးပြုသည့် AP သတင်းဌာနအား အမေရိကန် မွတ်စလင်အမျိုးသမီးတစ်ဦး တရားစွဲ

ဇန်န၀ါရီ ၂၉၊ ၂၀၁၆
M-Media

– ခေါင်းဆောင်းပုဝါ ၀တ်ဆင်ထားသည့် ဓာတ်ပုံအား မွတ်စလင်အမျိုးသမီးများ၏ ဂုဏ်သိက္ခာကို ထိခိုက်စေသော ဆောင်းပါးတွင် အသုံးပြုခဲ့သည့်အတွက် AP သတင်းဌာနနှင့် ထိုသတင်းဌာနမှ ဓာတ်ပုံသတင်းထောက်တို့ကို အမေရိကန်မွတ်စလင်အမျိုးသမီးတစ်ဦးက တရားစွဲဆိုလိုက်သည်ဟု သိရသည်။

ဖီဖီ ယူဆက်ဖ်ဟုအမည်ရသည့် အမေရိကန်မွတ်စလင်အမျိုးသမီးဖြစ်ပြီး ၂၀၁၅ ခုနှစ်ဒီဇင်ဘာ ၁၆ ရက်နေ့က နယူးယောက်မြို့ရှိ StarBucks ကော်ဖီဆိုင်တွင် ထိုင်နေသည့် ၎င်းအား AP သတင်းထောက် မာ့ခ် လန်နီဟန်က ဓာတ်ပုံရိုက်ယူခဲ့ခြင်းဖြစ်သည်။

ထို့နောက် အဆိုပါဓာတ်ပုံကို AP သတင်းဌာန၏ ၀ဘ်ဆိုက်မှတစ်ဆင့် ရောင်းချခဲ့ပြီး ၂၀၁၅ ခုနှစ် ဒီဇင်ဘာ ၂၁ ရက်နေ့ ၀ါရှင်တန်ပို့စ် သတင်းဌာနမှဖော်ပြသော As Muslim women, we actually ask you not to wear the hijab in the name of interfaith solidarity (ဘာသာပေါင်းစုံချစ်ကျည်ရေးခေါင်းစဉ်အောက်မှာ ဟီဂျဘ်မ၀တ်ဖို့ မွတ်စလင်အမျိုးသမီးတွေဖြစ်တဲ့ ကျွန်မတို့က လေးလေးနက်နက် တောင်းဆိုပါတယ်) ဟူသော ဆောင်းပါးတွင် ထည့်သွင်းအသုံးပြုခဲ့သည်။

အဆိုပါဆောင်းပါးအောက်တွင် စော်ကားသော မှတ်ချက်များ ကျန်ရစ်ခဲ့ပြီး ယူဆက်ဖ်ကမူ ထိုဆောင်းပါးတွင် သူမ၏ ဓာတ်ပုံအား သုံးစွဲမှုကို မကျေနပ်သောကြောင့် AP သတင်းဌာနနှင့် ဓာတ်ပုံဆရာ လန်နီဟန်တို့အား တရားစွဲဆိုရန် ဆုံးဖြတ်ခဲ့ခြင်းဖြစ်သည်။

“အဲဒီဆောင်းပါးဟာ (ယူဆက်ဖ်ရဲ့) အခြေခံယုံကြည်ချက်တွေကို တိုက်ခိုက်တယ်ဆိုတာ ရှင်းပါတယ်။ ကျူးလွန်သူတွေက သူမရဲ့ ဓာတ်ပုံကို ကြော်ငြာနဲ့ စီးပွားရေးဆိုင်ရာရည်ရွယ်ချက်အတွက် အသုံးပြုပြီး ‘hijab, Muslim, Islam’ စားလုံးတွေနဲ့ တွဲကာ ဖော်ပြထားတဲ့အတွက် တရားလိုဟာ စိတ်ပျက်ရသလို၊ စိတ်မကောင်းလည်းဖြစ်ခဲ့ရပါတယ်” ဟု တရားစွဲဆိုမှုတွင် ဖော်ပြထားသည်။

ယူဆက်ဖ်ကမူ ဓာတ်ပုံဆရာနှင့် AP သတင်းဌာနတို့မှာ နယူးယောက်ပြည်နယ်၏ ‘ပြည်သူလူထု အခွင့်အရေး’ ဥပဒေတွင် ပြဌာန်းထားသည့် ဓာတ်ပုံများကို ကာယကံရှင်၏ တရားဝင်ခွင့်ပြုချက်မရှိဘဲ စီးပွားရေး ရည်ရွယ်ချက်ဖြင့် သုံးစွဲမှုမပြုရဟူသည့် ဥပဒေကို ချိုးဖောက်ခြင်းဖြစ်သည်ဟု စွပ်စွဲခဲ့သည်။

“သူရဲ့ပုံကို ရိုက်တာဟာ သတင်းဖော်ပြဖို့ဆိုရဲ့ ရည်ရွက်ချက်အတွက်လို့ တရားဝင်ပြောကြားမှုမရှိတာက ဒီအမှုအတွက် အဓိက အချက်အချာပါပဲ။ Starbucks ကော်ဖီဆိုင်မှာထိုင်ပြီး ဆဲလ်ဖုန်းသုံးတဲ့ ဟီဂျဘ်ဝတ်အမျိုးသမီးနဲ့ ပတ်သက်လို့ သတင်းလုပ်စရာ ဘာအကြောင်းမှ မရှိပါဘူး” ဟု ယူဆက်ဖ်၏ ရှေ့နေဖြစ်သူ ဒန်နီယဲလ် ဇာလ်ကီဝစ်ဇ်က ပြောကြားခဲ့သည်။

သတင်းနှင့် ဆောင်းပါးများ ဖော်ပြရာတွင် ဈေးကွက်တင်ထားသော ဓာတ်ပုံကို အသုံးပြုခြင်းမှာ ဥပဒေအရ ခွင့်ပြုချက်ရှိသောကြောင့် ၀ါရှင်တန်ပို့စ်သတင်းစာကိုမူ ယူဆက်ဖ်က တရားစွဲဆိုခြင်းမပြုခဲ့ပေ။

Ref: Washintong Post

January 29, 2016
ဉာဏ်လှည့်စား ကိရိယာများ – ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်အများ (၇)

ဇန်န၀ါရီ ၂၉၊ ၂၀၁၆

M-Media

ရာဇာတင်ဆက်သည်

(အပတ်စဉ် သောကြာနေ့တိုင်း ဖော်ပြသွားပါမည်)

၉ ရာစု မွတ်စလင် သိပ္ပံဝိဇ္ဇာ ပညာရှင်များဖြစ်သော ဘနူမူဆာညီအစ်ကို

Rubik’s Cube လို့ခေါ်တဲ့ ဉာဏ်စမ်းစတုရန်းတုံးလးကို ရွေ့လျားဆော့ကစားတဲ့အခါမှာ စည်းချက်ကျကျ တစ်ချက်ချက်မြည်သံလေးတွေကို လူတိုင်း ကြားဖူးကြမှာပါ။ တကယ်တော့ စီးပွားရေးအတွက်ပဲဖြစ်ဖြစ် စိတ်အပန်းဖြေမှုအတွက်ပဲဖြစ်ဖြစ် ရိုးရိုး ကစားနည်းတွေ၊ ဉာဏ်စမ်းကစားနည်းတွေဟာ လူတော်တော်များများအတွက် စိတ်ဝင်စားရာ အရာတွေဖြစ်ပါတယ်။

ဒီလို ဉာဏ်လှည့်စားကိရိယာတွေကို တီထွင်ကာ လူတွေရဲ့ပျော်ရွှင်မှုကို ပထမဆုံး ဖမ်းစားနိုင်ခဲ့တာကတော့ ၉ ရာစုက မွတ်စလင် ညီအစ်ကို ၃ ဦးပဲဖြစ်ပါတယ်။ မိုဟာမက် အစ်ဗနေ့ မူဆာ အစ်ဗနေ့ ရှကီရ်(Muhammad ibn Musa ibn Shakir)၊ အဟ်မဒ် အစ်ဗနေ့ မူဆာ အစ်ဗနေ့ ရှကီရ် (Ahmed ibn Musa ibn Shakir)၊ အလ်-ဟာဆန် အစ်ဗနေ့ မူဆာ အစ်ဗနေ့ ရှကီရ် (Al-Hasan ibn Musa ibn Shakir) လို့ အမည်တွင်တဲ့ သူတို့သုံးယောက်ကို ဘနူမူဆာညီအစ်ကို (Banu Musa Brothers) လို့လည်း သိကြပါတယ်။ သူတို့ဟာ ၉ ရာစုက ဘဂ္ဂဒတ်မြို့ရဲ့ နာမည်ကျော် အသိပညာကျောင်းတော်ကြီးဖြစ်တဲ့ House of Wisdom ကနေ ပေါ်ထွက်လာသူတွေလည်း ဖြစ်ပါတယ်။ မဟာသင်္ချာပညာရှင်တွေဖြစ်ပြီး၊ ဂရိတွေရဲ့ သိပ္ပံဆိုင်ရာကျမ်းတွေကို ဘာသာပြန်ဆို ဖော်ပြသူတွေဖြစ်တဲ့အပြင် သူတို့ ၃ ယောက်ဟာ ထူးခြားဆန်းကျယ်တဲ့ ဉာဏ်လှည့်စားကိရိယာတွေကိုလည်း တီထွင်ခဲ့ကြပါတယ်။

အဲဒီ ကြိုးပမ်းအားထုတ်မှုတွေက ယနေ့ခေတ် ဉာဏ်စမ်းကစားနည်းတွေရဲ့ ရှေ့ပြေးဖြစ်တယ်လို့ ပြောစမှတ်ပြုကြပါတယ်။ ဒီနယ်ပယ်မှာ သူတို့ရဲ့ ၀ါသနာထုံမှုကို ဉာဏ်စမ်းကိရိယာတွေ တီထွင်ခြင်းနဲ့ ဘနူမူဆာညီအစ်ကိုတွေက ဖြေရှင်းကြပါတယ်။ သူတို့ရဲ့ တီထွင်မှုတွေကိုတော့ ဆန်းကျယ်သော ကိရိယာများဆိုင်ရာကျမ်း (Book of Ingenious Devices) ဆိုတဲ့စာအုပ်မှာ အသေးစိတ်ဖော်ပြထားပြီး၊ အဲဒီစာအုပ်မှာ ဘနူမူဆာ ညီအစ်ကိုတွေရဲ့ တီထွင်ကြံဆမှုပေါင်း ၁၀၀ ကျော် ပါဝင်ပါတယ်။ ဒါဟာ စက်ပိုင်းဆိုင်ရာ နည်းပညာတွေ အစပျိုးမှုလည်း ဖြစ်ပါတယ်။

ဒီနေ့ခေတ် ကစားစရာအရုပ်တွေလိုပဲ ဘနူမူဆာညီအကိုတွေကလည်း ကစားစားစရာ အရုပ်တွေကို တီထွင်ခဲ့ကြပါတယ်။ သူတို့ရဲ့ အရုပ်တွေဟာ လှုပ်ရှားသွားလာမှု အနည်းငယ်သာ ရှိပေမယ့် လွန်ခဲ့တဲ့နှစ်ပေါင်း ၁၁၀၀ ကျော်လာက်က အံ့သြစရာကောင်းတဲ့ လက်မှုပညာနဲ့ နည်းပညာဆိုင်ရာအသိကို ဖော်ကြူးနေပါတယ်။

သူတို့တီထွင်ခဲ့တဲ့ ဉာဏ်စမ်းပစ္စည်းတွေ၊ ကစားစရာစရာအရုပ်တွေဟာ ရေ၊ တိရစ္ဆာန်အရုပ်နဲ့ အသံတုအသံယောင်တွေကို အခြေခံတာဖြစ်ပါတယ်။ ဥပမာအားဖြင့် ‘ရေသောက်တဲ့နွား’ (Drinking Bull) လို့အမည်ပေးထားတဲ့ အရုပ်ဟာ ရေငတ်ပြေသွားတဲ့အခါ ကျေနပ်တဲ့အသံနဲ့ အော်ဟစ်အောင် တီထွင်ထားတာဖြစ်ပါတယ်။ ဒီအရုပ်မှာ အသုံးပြုထားတာတွေကတော့ ရေဖြည့်ခန်း၊ ဖော့၊ လေဟာနယ်နဲ့ ပလပ်တွေပဲဖြစ်ပါတယ်။

ပုံ-၁ ဘနူမူဆာ ညီအစ်ကို၏ Drinking Bull အရုပ်ကို ဖော်ပြထားသည့် ကားချပ်

ပုံ – ၁ မှာဖော်ပြထားတဲ့ Drinking Bull ကားချပ်ကိုကြည့်ပါ။ ပထမဆုံး ညာဖက်အပေါ်ထောင့်မှာရှိတဲ့ အပေါက်ကနေ အခန်း A (Compartment A) ထဲကို ရေဖြည့်ထားရပါတယ်။ နွားရဲ့ ပါးစပ်နားက ခွက်ကို ရေဖြည့်လိုက်တဲ့အခါမှာ ခွက်ထဲက ဖော့တုံးဟာ ရေမျက်နှာပြင်နဲ့အတူ မြင့်တက်လာတာကြောင့် ဖော့တုံးနဲ့ ဆက်သွယ်ထားတဲ့ ပလပ် A (Plug A) ကလည်း ပွင့်သွားပါတယ်။ ဒါ့ကြောင့် အခန်း A ထဲကရေတွေဟာ အခန်း B (Compartment B) ထဲကို ၀င်ရောက်လာခဲ့ပြီး အခန်း A မှာ လေဟာနယ်အဖြစ် ကျန်ရစ်ခဲ့ပါတယ်။ အဲဒီအခါ လေဟာနယ်ရဲ့ စုပ်အားကနေတစ်ဆင့် နွားပါးစပ်နားက ခွက်ထဲမှာရှိတဲ့ရေဟာ အခန်း A ထဲ ရောက်လာခဲ့ပြီး ရေကုန်သွားတဲ့အခါမှာတော့ လေကိုစုပ်ယူတာကြောင့် ရေငတ်ပြေသွားလို့ နွားအော်တဲ့အသံမျိုး ထွက်လာပါတော့တယ်။ အဲဒီလို ရေကုန်သွားတဲ့အတွက် ခွက်ထဲကဖော့တုံးဟာ အောက်ကိုကျသွားခဲ့ပြီး ပလပ် A ကလည်း ပြန်ပိတ်သွားခဲ့ပါတယ်။

အခန်း B ရေပြည့်သွားတဲ့အခါ အခန်း B ထဲမှာရှိတဲ့ ဖော့တုံးဟာ မြင့်တက်လာခဲ့ပြီး ပလပ် B (Plug B) ကို တွန်းဖွင့်သလိုဖြစ်တာကြောင့် အခန်း A ထဲကရေဟာ ပလပ် B အပေါက်ကနေတစ်ဆင့် အခန်း B ထဲကို ပြန်လည် ၀င်ရောက်ခဲ့ပြန်ပါတယ်။ အခန်း B ထဲကရေတွေကတော့ အပေါက်သေးသေးလေးကနေ အခန်း C (Compartment C) ထဲကို ရောက်သွားခဲ့ပြီး၊ အခန်း C ထဲမှာရှိနေတဲ့ လေက ဘယ်ဘက်မှာရှိနေတဲ့ အပေါက်လေးကနေတစ်ဆင့် အပြင်ကို ထွက်သွားကာ Drinking Bull ရဲ့ လုပ်ငန်းစဉ်တစ်ခုလုံး ပြီးဆုံးသွားပါတော့တယ်။

သိပ်မရှုပ်ထွေးပေမယ့် စိတ်ဝင်စားစရာကောင်းတဲ့ ဒီ အရုပ်ကလေးဟာ အဲဒီခေတ်အခါက လူတွေကို အံ့သြမှင်သက် ကြည်နှုးပျော်ရွှင်စေခဲ့တာကတော့ အမှန်ပါပဲ။

ဘနူမူဆာညီအစ်ကိုရဲ့တွေရဲ့ နောက်ထပ် ဉာဏ်လှည့်စား ကိရိယာတစ်ခုကတော့ ပြွန်ပေါက် ၂ ပေါက်ပါဝင်တဲ့ ဓာတ်ဗူးပါပဲ။ အရောင်အဆင်းမတူညီတဲ့ အရည် ၂ မျိုးကို ပြွန်ပါက်တစ်ပေါက်ဆီကနေ ထည့်သွင်းပြီး၊ အဲဒီပြွန်ပေါက်ကနေပဲ ထည့်သွင်းလိုက်တဲ့ အရည်နဲ့ အရောင်အဆင်းမတူညီတဲ့ အရည်ကို ပြန်ထုတ်ပေးတဲ့ ဒီကိရိယာဟာ ဒီနေ့ခေတ် မျက်လှည့်ဆရာတွေ သူတို့ရဲ့ တံတောင်ဆစ်ကနေ လိမ္မော်ရည်ထုတ်ပေးတဲ့ ပြကွက်လိုပါပဲ။

တစ်ကယ်တော့ အဲဒီဓာတ်ဘူးထဲမှာ အခန်းနှစ်ခုကို သီးခြားကန့်ထားပြီး ပြွန်ပေါက်နှစ်ခုရဲ့အတွင်းပိုင်းမှာ အဲဒီအခန်းနှစ်ခုနဲ့ ဆက်သွယ်ထားတဲ့ လမ်းကြောင်းနှစ်ခုကို လျှို့ဝှက် ထည့်သွင်းတည်ဆောက်ထားတာ ဖြစ်ပါတယ်။ ဒီကိရိယာရဲ့ လှည့်စားမှုဟာ ရိုးရိုးလေးဖြစ်ပေမယ့် အခုအချိန်အထိ သက်ရောက်မှု ရှိနေဆဲဖြစ်ပြီး လူတွေကို အံ့သြမှင်သက်စေတုန်းပါပဲ။ ပျော်စရာရွှင်စရာအတွက် ဖန်တီးခဲ့တဲ့ ဘနူမူဆာညီအစ်ကိုတွေရဲ့ ဒီ လှည့်စားမှုအတတ်ပညာဟာ ရေပန်းနည်းပညာမှာလည်း အတော်လေး သက်ရောက်မှု ရှိခဲ့ပါတယ်။ ဒါနဲ့ပတ်သက်ပြီး နောက်ပိုင်းအခန်းတွေမှာ ဆက်လက်ဖတ်ရှုရမှာ ဖြစ်ပါတယ်။

ဉာဏ်လှည့်စားဓာတ်ဘူး

(ကိုးကား- National Geographic ၏ 1001 Inventions – The Enduring Legacy of Muslim Civilization)

(ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ – တင်ဆက်ပြီးသမျှ အပိုင်းအားလုံးကို ဤနေရာ တွင် ဖတ်ရှုနိုင်ပါသည်။)

အပိုင်း(၁)- ကော်ဖီ – ဖတ်ရန်

အပိုင်း(၂) – အစားအသောက်ဓလေ့နှင့် ဖန်ထည်များ ဖတ်ရန်

အပိုင်း(၃)- နာရီတို့၏ အစ – ဖတ်ရန်

အပိုင်း(၄) – ခေတ်ပေါ်စစ်တုရင်ကစားနည်း – ဖတ်ရန်

အပိုင်း(၅) – ဂီတ၏ အရင်းမူလ – ဖတ်ရန်

အပိုင်း (၆) – တစ်ကိုယ်ရည်သန့်ရှင်းရေးနှင့် အလှအပ – ဖတ်ရန်

January 29, 2016
ရေနံဈေးကွက် အတွင်း လျော့ဈေးနဲ့ အားပြိုင်နေတဲ့ဆော်ဒီ

ဇန်နဝါရီ ၂၈ ၊ ၂၀၁၆
M-Media
ဆောင်းပါးရှင်- မောင်ရဲဝင်း (တောင်ကြီး)

ဈေးကွက်စီးပွားရေးမှာ ကုန်စည်းတွေရဲ့တန်ဖိုးကို ဈေးကွက်ကပဲ ဆုံးဖြတ်တယ်ဆိုပေမယ့် ရေနံနဲ့ သဘာဝဓါတ်ငွေ့ရဲ့ တန်ဖိုးကတော့ ရေနံကုမ္ပဏီကြီးတွေရဲ့ ကစားကွက်ထဲရှိနေတတ်ပါတယ်။ ရေနံဈေးတွေ တဟုန်ထိုး ကျဆင်းနေချိန်မှာ ရေနံ ကုမ္ပဏီကြီးတွေ အနေနဲ့ ကိုယ်ကျိုးစီးပွား အတွက် ကာကွယ်ကြတာဟာ အထူးအဆန်းတော့ မဟုတ်ပါ။ ရေနံ သူဌေးနိုင်ငံတွေဖြစ်တဲ့ ဆော်ဒီ အာရေးဗီးယား၊ အီရန်နဲ့ အီရတ် နိုင်ငံတွေကလည်း ကမ္ဘာ့ရေနံဈေးကွက်မှာ သူတို့ရဲ့ဈေးကွက် ရှယ်ယာခိုင်မာနေဖို့ ယှဉ်ပြိုင်နေကြပါတယ်။

ရေနံဈေးဟာ ခြောက်နှစ်ကျော်ကာလအတွင်း အနိမ့်ဆုံးအဖြစ် တစ် စည်ကို ၃၀ ဒေါ်လာအောက် ကျဆင်းနေပေမယ့် ဈေးကွက် ရှယ်ယာရှိဖို့အရေး ရေနံထွက်နှုန်းတွေ တိုးမြှင့်နေကြပါတယ်။ ရေနံဈေး ကျဆင်းနေမှုအပေါ် ထိမ်းချုပ်မှုတွေ လုပ်ဖို့ အီရန်နိုင်ငံက ကမ်းလှမ်းဖို့ဟန်ပြင်နေပေမယ့် အီရန်အပေါ် နူကလီးယားနဲ့ ပတ်သက်တဲ့ စီးပွားရေးပိတ်ဆို့မှုတွေ ဖယ်လိုက်ရင် တစ်နေ့ စည် တစ်သန်း ထိ တိုးမြှင့်ဖို့ အစီအစဉ်ရှိတယ်လို့ အီရန်ရဲ့ ရေနံနဲ့သဘာဝဓါတ်ငွေ့ ဝန်ကြီး Bijan Zanganeh က ကြေညာခဲ့ပြန်ပါတယ်။ လွန်ခဲ့တဲ့နှစ်တွေအတွင်း အီရန်နဲ့ အီရတ်တို့ရဲ့ နိုင်ငံရေးမတည်ငြိမ်မှု ဖြစ်ပွားနေခဲ့ချိန်မှာ သူတို့ဈေးကွက်ကို ဆော်ဒီကဖဲ့ယူထားခဲ့လို့ အခုအခါမှာ ပြိုင်ဆိုင်မှု ပြင်းထန်နေတာဖြစ်တယ်လို့ လေ့လာသူတွေက သုံးသပ်ကြပါတယ်။

ဒီသုံးနိုင်ငံလုံးဟာ ရေနံစိမ်းထုတ်လုပ်တင်ပို့တဲ့ နိုင်ငံတွေစုဝေးဖွဲ့စည်းထားတဲ့OPEC အဖွဲ့ရဲ့ အဖွဲ့ဝင်နိုင်ငံတွေဖြစ်ကြပါတယ်။ ဒါပေမယ့် အခုတင်းမာနေမှုတွေကို OPEC အတွင်းမှာတောင် ညှီနှိုင်းဖို့မလွယ်ဘူးလို့Oxford Institute for Energy Studies အဖွဲ့က Bassam Fattouh ကသုံးသပ်ထားပါတယ်။ ပြီးခဲ့တဲ့နှစ် နိုဝင်ဘာလက OPEC အနေနဲ့ ရေနံဈေးကို ဈေးကွက်ကပဲအဆုံးအဖြတ်ပေးစေရမယ်လို့ သဘောတူထားတဲ့အတွက် ဒီနိုင်ငံတွေအနေနဲ့ အခုအခြေအနေမှာ အညှီအနှိုင်းမလုပ်ကြပဲ ထုတ်လုပ်မှုတွေကို အပြိုင်အဆိုင်မြှင့်တင်နေကြတာဖြစ်ပါတယ်။

အဲဒီအထဲမှာ ဈေးနှိမ်ပြီးရောင်းနေရလည်း တာရှည်တောင့်ခံနိုင်စွမ်း အရှိဆုံးကတော့ ဆော်ဒီ ဖြစ်ပါတယ်။ ဒါကြောင့်လည်း OPECအစည်းအဝေးမှာ ရေနံထုတ်လုပ်မှု ပမာဏ ကန့်သတ်ဖို့အဆိုကို ဆော်ဒီက ဦးဆောင်ကန့်ကွက်ခဲ့တာဖြစ်ပါတယ်။ တကယ်တော့ ဆော်ဒီအနေနဲ့ ပြီးခဲ့တဲ့ ဆယ်စုနှစ်အတွင်းမှာ နိုင်ငံတော် အသုံးစရိတ် သုံးဆမြှင့်တင်ထားခဲ့လို့ ရေနံဈေးကောင်းနေ မှသာ နိုင်ငံတော် ရသုံးမှန်းခြေကို ထိမ်းညှိနိုင်မှာပါ။ ဒါပေမယ့် နိုင်ငံခြားရင်းနှီးမြှုပ်နှံ့မှုအားကောင်းပြီး နိုင်ငံတော်အကြွေးက GDP ရဲ့ (၁.၆) ရာခိုင်နှုန်းပဲရှိတဲ့ဆော်ဒီ အတွက်ကတော့ ဈေးကွက်ရှယ်ယာ ခိုင်မာဖို့ အောက်ဈေးနဲ့ရေရှည် ရပ်တည်လို့ ရနေပါသေးတယ်။ ပြိုင်ဘက်နိုင်ငံတွေကို အကျပ်အတည်းထဲ တွန်းပို့နိုင်စွမ်းရှိနေပါတယ်။

OPEC နိုင်ငံအတွင်းမှာ သြဇာအရှိဆုံးကလည်း ဆော်ဒီရဲ့ ရေနံဝန်ကြီး Ali al-Naimi ပါပဲ။ ဆော်ဒီအနေနဲ့ အခုလိုရေနံဈေးကျနေတာကို ညှီနှိုင်းလိုကလည်း ညှီနှိုင်းနိုင်သလို ဆွေးနွေးမှုတွေမလုပ်ပဲ တရုတ်နိုင်ငံစီးပွားရေးကျနေတဲ့အတွက် ဝယ်အားနည်းပြီး ဈေးကျနေတာပါလို့ ဆင်ခြေပေး၊ ထုတ်လုပ်မှုတွေကိုမြှင့်တင်နိုင်ပါတယ်။ ၁၉၈၀ နဲ့ ၁၉၈၅-၈၆ ခုနှစ်တွေကလို ရေနံ ထုတ်လုပ်မှုလျော့ချခဲ့ပေမယ့် ဈေးကပြန် မတက်လာခဲ့တဲ့ သာဓကတွေရှိနေတဲ့အတွက် ထုတ်လုပ်မှုကန့်သတ်ဖို့ကိုတော့ အလွယ်တကူလုပ်ကြဦးမှမဟုတ်ပါဘူး။ အီရန်ကလည်း အလားတူထုတ်လုပ်မြှင့်တင်နေရာမှာ ဆော်ဒီထက်အရှိုန်မြှင့်နေတယ်လို့ ပဲရစ်ခြေစိုက်International Energy Agency က ဆိုပါတယ်။

ရေနံဈေးကျလာနေတဲ့အတွက် ထုတ်လုပ်မှုစရိတ်ကြီးတဲ့ ဘရာဇီး ရေနက်တွင်းတွေ၊ ကနေဒါက သဲသောင်ပြင်ရေနံတွင်းတွေလည်း အမြတ်နည်းခဲ့ပါတယ်။ OPECအဖွဲ့ဝင်မဟုတ်တဲ့ အခြားနိုင်ငံတွေကတော့ ထုတ်လုပ်မှုတွေ လျော့ချလာကြပါတယ်။ OPECနိုင်ငံတွေအနေနဲ့ ဈေးကွက် ရှယ်ယာထိမ်းချုပ်နိုင်ဖို့အရေး ထုတ်လုပ်မှုတွေကို မကန့်သတ်ဘူးဆိုရင်တော့ ရှေရည်မှာ ကိုယ့်သေတွင်းကိုယ်တူးသလို ဖြစ်ကောင်းဖြစ်နိုင်ပါတယ်။ ဒါပေမယ့် စီးပွားရေးအင်အားတောင့်နေတဲ့ ဆော်ဒီ အတွက်ကတော့ ရေနံဈေး ထက်ဝက်ကျော်ကျဆင်းသွားလည်း ပြိုင်ဘက်တွေနဲ့ ယှဉ်ပြီး ဈေးကွက်ကိုခိုင်မြဲအောင် ဆုတ်ကိုင်နိုင်စွမ်းရှိနေပါသေးတယ်။

January 28, 2016
ကန့်လန့်ကာနောက်ကွယ်မှ ကမ္ဘာ့ရာသီဥတုအပြောင်းအလဲတိုက်ပွဲ၏ သူရဲကောင်း ဗုဒ္ဓဘာသာဝင်ဘုန်းတော်ကြီး

ဇန်န၀ါရီ ၂၈၊ ၂၀၁၆

M-Media

ဗီယက်နမ်လူမျိုး ဗုဒ္ဓဘာသာဘုန်းတော်ကြီး Thich Nhat Hanh

– Thich Nhat Hanh ၏ သြ၀ါဒအားဖြင့် ကမ္ဘာ့ရာသီဥတုအပြောင်းအလဲဆိုင်ရာ သမိုင်းဝင်ပါရီညှိနှိုင်းဆွေးနွေးပွဲကို ကြားခံဆောင်ရွက်ပေးသူများမှတဆင့် ပေါ်ထွန်းလာခဲ့သည်။ ဘုန်းတော်ကြီး Thich Nhat Hanh သည် ဤအရေး၏ ဗိသုကာဟု ဆိုရပေမည်။

ကမ္ဘာ့ရာသီဥတုအပြောင်းအလဲဆိုင်ရာ ပါရီပဋိညာဉ်၏မြင်ကွင်းများနောက်ကွယ်မှ ဦးဆောင်တွန်းအားတစ်ရပ်မှာ သက်တော် ၈၉ နှစ်အရွယ် ဗီယက်နမ်လူမျိုး ဇင်ဗုဒ္ဓဘာသာဘုန်းတော်ကြီးတစ်ပါး ဖြစ်နေသည်။

မကြုံစဖူး နိုင်ငံပေါင်း ၁၉၆ နိုင်ငံဖြင့်ရပ်တည်ထားသော သဘောတူညီမှုအား ရုပ်လုံးဖော်နိုင်ရန်လိုအပ်သည့် ခွန်အား၊ အမြော်အမြင်နှင့် ခံစားချက်များကို အဓိကအခန်းကဏ္ဍမှ ကူညီအားပေးခဲ့သူမှာ ဘုန်းတော်ကြီး Thich Nhat Hanh ဖြစ်ပါကြောင်း ယင်းဆွေးနွေးပွဲဦးဆောင်ဟောပြောသူ Christiana Figueres က ဂုဏ်ပြုထုတ်ဖော်ပြောကြားလိုက်သည်။

ကုလသမဂ္ဂရာသီဥတုအပြောင်းအလဲဆိုင်ရာပဋိညာဉ်ဖြစ်မြောက်ရေးအဖွဲ့၏ အမှုဆောင်အတွင်းရေးမှူး Figueres သည် သူမ၏ ကိုယ်ရေးပြဿနာ သုံးနှစ်တာကာလတစ်လျှောက်လုံး ကမ္ဘာတစ်ဝှန်း သိန်းချီရှိသော ဇင်ဗုဒ္ဓဘာသာဝင်များအကြား ကျော်ကြားလှသည့် ၎င်းဘုန်းတော်ကြီး၏ သြ၀ါဒမွန်များက မိမိအပေါ် လွှမ်းမိုးကြီးစိုးထားခဲ့ကြောင်း၊ သူ၏ ဗုဒ္ဓဒဿနများက သူမ၏ပြဿနာကို ရင်ဆိုင်ဖြေရှင်းရန်သာမက ရာသီဥတုဆိုင်ရာဆွေးနွေးချက်များအပေါ် အာရုံမပြောင်းလဲစေရန်ကိုပါ ကူညီပေးခဲ့ကြောင်း ဆိုသည်။

ပြီးခဲ့သည့်သီတင်းပတ် ဆွစ်ဇာလန်နိုင်ငံ ဒါဗော့စ်မြို့တွင် ကျင်းပသော ကမ္ဘာ့စီးပွားရေးဖိုရမ် နှစ်ပတ်လည်ဆွေးနွေးပွဲ၌ Figueres မှ The Huffington Post အား ဤသို့ ပြောကြားခဲ့သည်။

“ခြောက်နှစ်လုံးလုံး အနားယူမှုမရှိဘဲ မရပ်မနားလှုပ်ရှားနေရတဲ့အတွက် ကျွန်မမှာ တစ်စုံတစ်ရာသော ကျားကန်ပေးမှု လိုအပ်နေခဲ့ပါတယ်။ တကယ်လို့များ ဘုန်းတော်ကြီး Thich Nhat Hanh ရဲ့ သြ၀ါဒသွန်သင်မှုတွေကို နှလုံးမသွင်းခဲ့ဘူးဆိုရင် ကျွန်မဆီမှာ အဇ္ဈတ္တအင်အား၊ အကောင်းမြင်သဘောထား၊ လုံ့လ၀ီရိယ၊ မျှော်မှန်းချက်တွေ ရရှိအားကောင်းလာမှာမဟုတ်ဘူးလို့ ကျွန်မ ထင်မြင်ပါတယ်။ ကျွန်မ ဒီကိုရောက်ရှိလာတာ ဒီအချက်ကြောင့်ပါပဲ။ ဒီိလိုမှမဟုတ်ခဲ့ရင် ဒီကိုရောက်လာဆောင်ရွက်ဖို့၊ ကျွန်မရဲ့လုပ်ငန်းတွေ ဆက်လက်ဆောင်ရွက် တစ်နေ့တာအတွက်တောင် ရပ်တည်ဖို့ မလွယ်ပါဘူး”။

သို့ဆိုလျှင် ဘုန်းတော်ကြီးက သူမအား မည်သည်ကို သင်ကြားပေးခဲ့ပါသနည်း ?

Figueres က ဤအကြောင်းကို ဂျာမနီနိုင်ငံ Waldbrol ရှိ ၎င်းဘုန်းတော်ကြီး သီတင်းသုံးရာ ကျောင်းတိုက်သို့ ရောက်ရှိမှုနှင့်အတူ ရှင်းလင်းတင်ပြပါသည်။ ယင်းနေရာမှာ ဟစ်တလာလူငယ်များ မသိမ်းယူမီ၊ စိတ်ဝေဒနာရှင်တို့ကို လက်စတုန်းရှင်းလင်းခြင်းမပြုမီက ရောဂါသည် ၇၀၀ အား ကုသမှုပေးနေခဲ့သည့် နေရာဋ္ဌာနတစ်ခုဖြစ်သည်။

ဘုန်းတော်ကြီး Thich Nhat Hanh က သီတင်းသုံးရန် ၎င်းနေရာကို ရွေးချယ်ခဲ့သည်။ နာကျင်ခြင်းကို မေတ္တာတရားသို့လည်းကောင်း၊ ဓားစာခံအဖြစ်မှ အောင်မြင်သူအဖြစ်သို့လည်းကောင်း၊ အမုန်းတရားမှ မေတ္တာနှင့်ခွင့်လွှတ်ခြင်းထံသို့လည်းကောင်း အကြွင်းမဲ့လှည့်ပြောင်းနိုင်ကြောင်းကို သူမှ သက်သေပြလို၍ဖြစ်သည်။ ၎င်းအပြင် ဤနေရာ၌ လူမဆန်လွန်းလှစွာ ရက်စက်ယုတ်မာမှုများရှိခဲ့ကြောင်း ဖော်ထုတ်လိုသည့် အာသီသလည်း ရှိခဲ့ပေသည်။

သူက ပထမဆုံးအနေဖြင့် မိမိသည် နှလုံးသားများကို အလိုရှိပါကြောင်း၊ ဤနေရာ၌ သတ်ဖြတ်ခံလိုက်ရသော လူတစ်ဦးချင်းစီ၏နှလုံးသားနှင့် နီးစပ်ဒွန်တွဲစေနိုင်သည့် နှလုံးသားများဖြစ်ကြောင်း၊ သို့မှသာ မိမိတို့သည် ဤအဆောက်အဦ၊ ဤနေရာဒေသနှင့် ဤစွမ်းအင်များကို အသွင်းပြောင်းမည့်ခြေလှမ်းကို စတင်နိုင်လိမ့်မည်ဖြစ်ကြောင်း သူ၏ ဗုဒ္ဓဘာသာဝင်လူ့အဖွဲ့အစည်းထံ စာရေးသားခဲ့သည်။

“ကျွန်မအဖို့ အလွန်အင်မတန် သြဇာကြီးမားတဲ့ ဖြစ်စဉ်လေးတစ်ရပ်ပါပဲ။ ဒါက ရာသီဥတုဆိုင်ရာစေ့စပ်ညှိနှိုင်းရေးခရီးလမ်းအပေါ် ထောင့်ပေါင်းစုံက အကျိုးသက်ရောက်နိုင်တယ်လေ။ အဲ့ဒီခရီးလမ်းမှာ တစ်ဦးကိုတစ်ဦး ပြစ်တင်နေမှုကနေ အမှန်တကယ် ပူးပေါင်းဆောင်ရွက်မှုဆီရောက်အောင် သွားရပါမယ်။ မျှော်လင့်ချက်မရှိဘဲ ဆန့်တငင်ငင်အဖြစ်ကနေ အကောင်အထည်ပေါ်အောင်၊ ကျွန်မတို့တကယ်လုပ်ဆောင်နိုင်ကြောင်း ခံစားချက်ဝင်လာအောင်အထိ သွားရမယ့် ခရီးစဉ်ပါ။ အဲ့ဒါက ကျွန်မအတွက် အဇ္ဈတ္တပြုပြင်ရေးလမ်းကြောင်းတစ်ခု အမှန်တကယ် ဖြစ်သွားစေခဲ့ပါတယ်။ ကျွန်မဟာ ကိုယ်ရေးကိုယ်တာပြဿနာတွေဖက်လည်း ပြန်လှည့်ရဦးမှာဖြစ်လို့ မတူညီတဲ့ဘ၀ပုံဟန်တွေအကြား လှုပ်ရှားရုန်းကန်သွားဖို့ ရှိနေတယ်လေ။ ဒါကြောင့် ကျွန်မ အသွင်ပြောင်းမှရတော့မယ်။ ပြီးတော့ ဒီထူးခြားတဲ့သွန်သင်ချက်ဟာ ရာသီဥတုအပြောင်းအလဲဆိုင်ရာပဋိညာဉ်ဖော်ဆောင်ရေးကိစ္စမှာ အတိအကျ လိုအပ်နေတဲ့ – နှလုံးသွင်းထားရမယ့် စွမ်းအင်ဖြစ်ကြောင်း ကျွန်မ ခံစားမိတယ်” ဟူ၍ Figueres မှ ပြောပြခဲ့သည်။

ဘုန်းတော်ကြီးသည် အခန်းပေါင်း ၄၀၀ ရှိသည့် အဆိုပါ နာဇီဋ္ဌာနချုပ်နေရာဟောင်းသို့ ပထမဆုံးအကြိမ် ရောက်ရှိလာသောအခါ သေဆုံးလူနာများအား ရည်ညွှန်း၍ စာတစ်စောင်ရေးသားသည်။ ၎င်းစာကိုလည်း ထိုနေရာတွင်နေထိုင်ကြသည့် သံဃာများ၊ သီလရှင်များအား နေ့စဉ် ဖတ်ကြားစေသည်။

ထိုစာ၌ ပါဝင်ရေးသားထားသည်မှာ “ ယခုသော် ရဟန်းသံဃာများ ရောက်ရှိလာလေပြီ။ အသင်တို့ ခံစားခဲ့ကြရသော မတရားမှုနှင့် ဒုက္ခဝေဒနာများကို ကြားသိနားလည်ပေးကြပါသည်။ အသင်တို့ကို ဒုက္ခပေးခဲ့ကြသောသူတို့မှာလည်း ကြီးမားသည့်ဒုက္ခများ တွေ့ကြုံခဲ့ကြပြီးဖြစ်သည်။ ထိုစဉ်အခါက သူတို့ပြုလုပ်နေသည့်အရာကို သူတို့ မသိခဲ့ကြ။ သို့ဖြစ်၍ အသင်တို့၏နှလုံးသား၌ မေတ္တာနှင့်ခွင့်လွှတ်ခြင်းတရားကို မွေးဖွားကိန်းအောင်းစေပါလော့။ သို့မှသာ သူတို့သည်လည်း အသွင်ပြောင်းမည့်အခွင့်အရေးနှင့် သင့်မြတ်ရေး ရရှိလာပေမည်။ ဤ Waldbrol ဒေသတင်မက ဂျာမနီတစ်နိုင်ငံလုံးနှင့် ကမ္ဘာ့တစ်ခွင်ရှိဒုက္ခဋ္ဌာနေများအား အသွင်ပြောင်းရေးနှင့်သင့်မြတ်ရေးဒေသများဖြစ်လာအောင် ပြောင်းလဲနိုင်ရန်အလို့ငှာ ကျွန်ုပ်တို့နှင့် အလားတူကျင့်ဆောင်ကြမည့်သူများကို အသင်တို့မှ ကူညီအားပေးကြပါကုန်” ဟူ၍ ဖြစ်ပါသည်။

နှစ်ပေါင်း ၂၀ ကျော် သဘာဝပတ်ဝန်းကျင်အရေး ဆောင်ရွက်နေသော ဤဆရာတော်ကြီးကို အနောက်တိုင်းသားများစွာက ၀ိပဿနာဖခင်အဖြစ် သတ်မှတ်ထားကြသည်။ သူ၏ကျောင်းတိုက်များ ကမ္ဘာအနှံ့ ရှိနေသလို ကမ္ဘာတွင် ဘုန်းတော်ကြီးကျောင်းများကို အလျင်မြန်ဆုံး တိုးပွားလာအောင် ဆောင်ရွက်နိုင်သူလည်းဖြစ်၏။

ယမန်နှစ်က ကမ္ဘာ့ဘဏ်ဥက္ကဋ္ဌ Jim Yong Kim က ဇင်ဗုဒ္ဓဘာသာဝင်ဆရာတော်အား ၀ါရှင်တန်ရှိ ကမ္ဘာ့ဘဏ်ဋ္ဌာနချုပ်သို့ ဖိတ်ကြားခဲ့ပြီး ၎င်းမေတ္တာပို့ဆောင်ရွက်ချက်များအပေါ် ချီးမွှမ်းဂုဏ်ပြုခဲ့သည်။ ဆရာတော်၏ The Miracle of Mindfulness စာအုပ်မှာ သူအနှစ်သက်ဆုံး စာအုပ်တစ်အုပ်လည်းဖြစ်သည်။

ကမ္ဘာ့သြဇာအကြီးမားဆုံး နည်းပညာကုမ္ပဏီ ၁၅ ခုအနက်အပါအ၀င်ဖြစ်သည့် Google မှလည်း ၎င်း၏စီအီးအိုများအတွက် သီးသန့်တစ်ရက် ဘာဝနာတရားပြပေးရန် ဆရာတော်အား Silicon Valley သို့ ၂၀၁၃ ခုနှစ်က ဖိတ်ကြားခဲ့သေးသည်။ Cloud computing giant Salesforce မှ CEO ဖြစ်သူ Marc Benioff ကလည်း ရောဂါဝေဒနာဖြစ်ပြီးသည့်နောက် ဆရာတော်၏ ပြန်လည်ထူထောင်မွမ်းမံရေးလုပ်ငန်းစဉ်များ၌ ရပ်တည်အားပေးခဲ့၏။

ဆရာတော်သည် ဗီယက်နမ်စစ်ပွဲအဆုံးသတ်ရေးစွမ်းဆောင်မှုကြောင့် ၁၉၆၇ ခုနှစ်တွင် နိုဗယ်ငြိမ်းချမ်းရေးဆုရှင်လျာထားစာရင်း၌ မာတင်လူသာကင်းမှ တင်သွင်းအဆိုပြုခဲ့သည်။ “ဗီယက်နမ်က ဒီလိုသိက္ခာမြင့်မြတ်တဲ့ ဘုန်းတော်ကြီးထက် နိုဗယ်လ်ဆုထိုက်တန်သူကို ကျွန်တော့်ဖက်က မသိရှိထားပါဘူး။ သူ့ရဲ့ငြိမ်းချမ်းရေးအတွေးအမြင်ကို လက်တွေ့အသုံးချနိုင်မယ်ဆိုရင် မတူကွဲပြားမှုများပေါင်းစည်းညီညွတ်ရေး၊ ကမ္ဘာ့ညီနောင်ဝါဒနဲ့ လူသားဆန်မှုကျောက်တိုင်ကြီးကို တည်ဆောက်သွားနိုင်ပါလိမ့်မယ်” ဟူ၍ မာတင်လူသာကင်းမှ ညွှန်းဆိုခဲ့ရသူပင်။

(Huffington Post ၏ ဆန်းသစ်မှုနှင့်သြဇာသက်ရောက်မှုကဏ္ဍ အမှုဆောင်အယ်ဒီတာ Jo Confino ရေးသားသော The Buddhist Monk Is An Unsung Hero in The World’s Climate Fight ဆောင်းပါးကို မင်းထွဋ်ခေါင် မှ ဆီလျော်အောင် ပြန်ဆိုသည်။)

January 28, 2016
အာကာသ စီမံကိန်းစင်တာတစ်ခုကို အင်ဒိုနီးရှား တည်ဆောက်မည်

ဇန်န၀ါရီ ၂၈၊ ၂၀၁၆
M-Media

– နိုင်ငံအတွင်းက ဘန်ဒေါင်းနည်းပညာတက္ကသိုလ်မှာ အာကာသစီမံကိန်းစင်တာတစ်ခု တည်ဆောက်ဖို့ စီစဉ်နေတယ်လို့ အင်ဒိုနီးရှား စက်မှုလက်မှုဝန်ကြီးဌာနက ယမန်နေ့မှာ ပြောကြားလိုက်ပါတယ်။

သတ္တု၊ စက်၊ လျှပ်စစ်နဲ့ သယ်ယူပို့ဆောင်ရး စက်ပစ္စည်းများဆိုင်ရာ ၀န်ကြီးဌာန ညွှန်ကြားရေးမှူးချုပ် ဂတ်စ်တီ ပူတူး ဆူရိယ အ၀ီရာဝမ်က အဲဒီစက်ရုံဟာ တိုင်းပြည်ရဲ့ အာကာသစီမံကိန်းတွေ အောင်မြင်ဖို့အတွက် အကူအညီဖြစ်စေလိမ့်မယ်လို့ ပြောကြားခဲ့ပါတယ်။

“အမျိုးသားအာကာသလုပ်ငန်းရဲ့ ဂုဏ်ကျက်သရေကို ပြန်လည်ဖော်ဆောင်ဖို့ မျှော်လင့်ချက်နဲ့ ဒီစီမံကိန်းကို ရေးဆွဲနေတာဖြစ်ပါတယ်” လို့ ဆူရိယအ၀ီရာဝမ်က အင်ဒိုနီးရှား လေယာဉ်အစိတ်အပိုင်းထုတ်လုပ်ရေးအသင်းနဲ့ တွေ့ဆုံဆွေးနွေးပွဲမှာ ပြောကြားခဲ့ပါတယ်။

အဲဒီစီမံကိန်းစင်တာဟာ အချို့သော အာကာသအစီအစဉ်တွေကို အကောင်အထည်ဖော်ရာမှာ အဓိကအခန်းကဏ္ဍကနေ ပါဝင်မှာဖြစ်ပြီး၊ အမျိုးသားလေယာဉ်အစိတ်အပိုင်းထုတ်လုပ်ရေးလုပ်ငန်းရဲ့ ကျွမ်းကျင်မှုနဲ့ အဆင့်အတန်းကို မြှင့်တင်ဖို့အတွက် နည်းပညာလမ်းညွှန်မှုတွေကိုလည်း ဒီစင်တာက ထောက်ပံ့ပေးမှာ ဖြစ်ပါတယ်။

လက်ရှိအချိန်မှာ ကြီးထွားလာတဲ့ အင်ဒိုနီးရှား အမျိုးသား အာကာသကဏ္ဍဟာ အင်ဒိုနီးရှားရဲ့ စီးပွားရေးဖွံ့ဖြိုးတိုးတက်မှုကို မြှင့်တင်ပေးဖို့အတွက် မျှော်လင့်ချက်လည်း ဖြစ်နေပါတယ်။ နောက်ပြီး အလုပ်အကိုင်အခွင့်အလမ်းတွေ၊ ရင်းနှီးမြှုပ်နှံမှုတွေကိုလည်း ဖော်ဆောင်ပေးနိုင်မှာဖြစ်ကာ နည်းပညာနယ်ပယ်မှာ နိုင်ငံရဲ့ အောင်မြင်မှုကိုလည်း အကူအညီဖြစ်စေမှာ ဖြစ်ပါတယ်။

Ref; IINA

January 28, 2016