ဇန်န၀ါရီ ၁၃၊ ၂၀၁၆
M-Media
Dakar Rally ကားပြိုင်ပွဲတွင် Selfie ရိုက်ကူးနေပုံ
– မွမ်ဘိုင်းမြို့ရှိ နေရာ ၁၆ နေရာကို Selfie ရိုက်ရန် အန္တရာယ်ရှိသောနေရာများအဖြစ် ရဲတပ်ဖွဲ့က သတ်မှတ်ခဲ့ပြီး “Selfie မရိုက်ရဇုန်” အဖြစ် သတ်မှတ်ရန်သွားရန် ရှိနေသည်ဟု သိရသည်။
ထိုဆောင်ရွက်မှုမှာ Selfie ရိုက်ရင်း အမျိုးသမီးငယ်တစ်ဦး ပင်လယ်ထဲပြုတ်ကျမှုကို ကယ်တင်ရန် ကြိုးစားစဉ် အမျိုးသားတစ်ဦး စနေနေ့က ရေနစ်သေဆုံးခဲ့ပြီးနောက် ပေါ်ထွက်လာခြင်းလည်းဖြစ်သည်။ မွမ်ဘိုင်း ဘန်ဒရာ ဘန်စတန်ဒေသရှိ အာရေဗျပင်လယ်ကမ်းစပ် ကျောက်ဆောင်များတွင် အမျိုးသမီးငယ်နှင့် သူငယ်ချင်းနှစ်ဦးတို့မှာ Selfie ရိုက်ကူးနေစဉ် ပယ်လဲထဲသို့ ပြုတ်ကျခဲ့ခြင်းဖြစ်သည်။
အနားတွင်ဖြတ်သွားသည့် အသက် ၃၇ နှစ်အရွယ် ရာမက်ရှ် ၀ါလန်ဂျူက မိန်းကလေးငယ်၏ သူငယ်ချင်းနှစ်ဦးကို ကယ်ဆယ်ခဲ့ပြီးနောက် ထိုအမျိုးသမီးငယ်အား ထပ်မံကယ်ဆယ်ရန် ကြိုးစားရာတွင် လှိုင်းဖြင့်ပါသွားကာ ၎င်း၏ ရုပ်အလောင်းကို တနင်္လာနေ့တွင် အနီးအနားရှိ ချောင်း၌ တွေ့ရှိခဲ့သည်။ အသက် ၁၈ နှစ်အရွယ် မိန်းကလေးငယ်မှာမူ ပျောက်ဆုံးနေဆဲဖြစ်သည်။
ရဲတပ်ဖွဲ့က selfie ရိုက်ကူးရန် အန္တရာယ်ရှိသောနေရာများကို သတ်မှတ်ရာတွင် ကမ္ဘာလှည့်ခရီးသွားများ စိတ်ဝင်စားရာ ဂီရန်ဂေါမ် ချိုပတ္တီကမ်းခြေ၊ Marinde Drive ပင်လယ်ကမ်းစပ် လျှောက်လမ်းနှင့် အာရေဗျပင်လယ်တွင် အမျိုးသမီးငယ် ပြုတ်ကျခဲ့သော နေရာတို့ ပါဝင်သည်။
“ကံဆိုးလှတဲ့ ဒီအဖြစ်အပျက်ပြီးတဲ့နောက်ပိုင်းမှာ နေရာ ၁၆ နေရာကို selfie ရိုက်ကူးဖို့အတွက် အန္တရာယ်ရှိတဲ့ နေရာတွေအဖြစ် သတ်မှတ်ဖို့ ကျွန်တော်တို့ ဆုံးဖြတ်ခဲ့ပါတယ်။ ဒါပေမယ့် ထပ်ပြီး ပေါင်းထည့်သွားအုံးမှပါ။ အဲဒီနေရာတွေမှာ သတိပေးဆိုင်းဘုတ်တွေ ချိတ်ဆွဲထားဖို့အတွက် မြူနီစီပယ်ကိုလည်း စာရေးအကြောင်းကြားထားပြီးပါပြီ။ ပြီးတော့ အဲဒီမှာ သူတို့တွေအနေနဲ့ အသက်ကယ် လုံခြုံရေးသမားတွေ ထားရှိစေချင်ပါတယ်” ဟု မွမ်ဘိုင်းရဲတပ်ဖွဲ့၏ လက်ထောက်ကော်မရှင်နာမင်းကြီး ဒါနာဂျေ ကူလ်ကာရ်နီက ပြောကြားခဲ့သည်။
ထိုဒေသများတွင် ပတ္တယောက်လှည့်သည့် ရဲတပ်ဖွဲ့ဝင်များကလည်း Selfie ရိုက်ကူးမှု မပြုလုပ်ရေးတွက် ပြည်သူများကို သတိပေးသွားမည်ဖြစ်သည်။ သို့သော်လည်း ထိုကဲ့သို့ ကနဦး သတိပေးချက်များ အလုပ်မဖြစ်ပါက “Selfie မရိုက်ရ” နေရာများဖြစ် သတ်မှတ်သွားမည်ဟု ကူလ်ကာနီက ထည့်သွင်းပြေကြားခဲ့သည်။
Selfie အန္တရာယ်
Selfie ရိုက်ရင်း သေဆုံးမှု တစ်ဒါဇင်ကျော်၊ ဒဏ်ရာရရှိသူ ၁၀၀ ခန့် ရှိလာခဲ့ပြီးနောက် ရုရှားရဲတပ်ဖွဲ့က အန္တရာယ်ကင်းစွာ Selfie ရိုက်နိုင်ရေး ပြည်သူများအတွက် လမ်းညွှန်ချက်များကို ယမန်နှစ်က ထုတ်ဝေခဲ့သည်။
ပြီးခဲ့သည့်နှစ်အတွင်း Selfie နှင့်ပတ်သက်သည့် ဖြစ်ရပ်များကြောင့် သေဆုံးသူ ၁၂ ဦးရှိခဲ့ပြီး ငါးမန်ကိုက်၍ သေဆုံးမှုထက်ပင် ပိုမိုများပြားခဲ့သည်။ အိန္ဒိယရှိ တဂ်ျမဟာလ်၏ လှေကားတွင် Selfie ရိုက်ရန် ကြိုးစားစဉ် ပြီးခဲ့သည့်နှစ်က အသက် ၆၆ နှစ်အရွယ် ဂျပန်ခရီးသွား အမျိုးသမီးတစ်ဦးမှာ ပြုတ်ကျသေဆုံးခဲ့ပြီး သူမနှင့် ခရီးသွားဖော်မှာ ဒဏ်ရာ ရရှိခဲ့သည်။
ဒီဇင်ဘာလအတွင်းက ပါကစ္စတန်အမျိုးသားတစ်ဦးမှာ ရထားလမ်းပေါ်တွင် Selfie ရိုက်ရန် ကြိုးစားနေစဉ် ရထားတိုက်မှုကြောင့် သေဆုံးခဲ့သည်။ မေလကလည်း ရုရှားအမျိုးသမီး တစ်ဦးမှာ ပစ္စတိုဖြင့် ဦးခေါင်းအား ချိန်သည်ပုံကို Selfie ရိုက်စဉ် မတော်တစ်ဆ ပစ်ခတ်မိသောကြောင့် သေဆုံးခဲ့သည်။
Ref: Aljazeera
